漢興茶檔

Open Now

Now Closed

呢一間有多年歷史嘅茶餐廳主打雞翼同豬扒麵，如果有胃口可以再加埋佢哋嘅鹹牛肉蛋。佢哋嘅出前一丁冇任何一間茶餐廳可以媲美，又熱又香又彈牙。而豬扒同雞翼亦煎炸得好香。如果我住附近一定經常去食

宜家物價上漲，就算食個公仔麵都$30-$40起都係正常事，樣靚啲就去到$50-$60。 二十幾蚊一個麵嚟講，份量仲要唔少，真係算抵食。蛋鹹牛肉麵 ($24)公仔麵鐘意硬身啲定淋啲都可以有得簡(唔鐘意麵仲可以轉成士多士)；鹹牛同蛋的份量亦足夠，鹹牛量都夠多 (鹹牛控要留意)。而且面有焦香，內在亦唔會好乾。雞翼 (三隻 / $17)表面夠香，內裡夠滑，有汁唔乾身。豬扒 (一件 / $17)份量大塊，夠味道，不過略為偏硬咗少少。凍奶茶 ($16)唯一覺得唔太好就係無餐，想飲嘢只可以散叫，價錢嚟講唔算好抵，不過嘢飲都大杯同夠香滑。

早起的鳥兒有蟲吃~ 今次要介紹一間係聯和墟既早餐店 - 漢興茶檔。👦🏽係鹹牛肉控，所以去襯都一定食鹹牛肉蛋麵。有別於其他茶餐廳，佢哋既蛋牛比例係啱啱好，唔會得少少牛過多蛋。味道方面亦唔會過鹹，反而加埋蔥花就非常香口。麵底仲要係唔洗加錢就有得食出前一丁! 當然可以轉反做福麵或者米粉通粉。不過試過整蛋牛個師傅放假冇返工🥹 雞翼同豬扒都好食🤤 另外唔想食麵都可以食多士，香香脆脆 (記住係多士，唔係三文治，係有分別) 奶茶都有一定水準，唔會太甜，夠香滑。最後一定要講就係價錢! 係平民化價錢🤑 如果唔飲野，$25有找。不過星期日係休息，只開星期一至六，所以唔好摸門釘。Overall 味道: 4/5 性價比: 5/5 ———————————————————————漢興茶檔 (粉嶺)粉嶺聯和墟聯興街3號地下B舖星期一至六 05:00 - 16:00#早起美食 #聯和墟 #好食就係好食

第一次去到粉嶺咁遠，有朋友帶左我去呢間好出名既茶餐廳試下呢到既鹹牛肉蛋🤩。🐒蛋鹹牛肉加多士(例牌)💰$22呢個真係第一次見同試，果然無介紹錯👍🏼蛋牛係好似一個蛋餅咁🍳而多士分開上就唔會搞到個多士淋哂🥪。唯一唔好既野係全部野都要散嗌，所以如果想食個full set meal就可能都要六十幾蚊啦🍜

講明先呢篇係不中肯食評之一🥹因為呢間店係本人由細食到大，基本上食嘅百分百係情懷（雖然早兩轉咗手後，係真係食少咗）以前小學每每到星期六/日，家父會帶住我幾姊妹去食，明明只係福麵、一丁，但我真係覺得呢到係將福麵整得最好食嘅地方。全部唔跟飲品，分開叫，但到2022年，雞翼/豬扒麵餐只係$2x，唔綁死嘅套餐，仲划算。而家就一定會加玻璃樽維記朱奶😝雞翼、豬扒，平時唔會咁食——但嚟呢到，唔知點解就會加茄汁食，佢地炸翼乾身嫩滑，加茄汁食入口係好和諧。麵餐以外，一定會搭——咸牛肉蛋治，佢哋無夾埋一齊上碟，所以食嘅時候好似當扒咁大啖咸牛肉蛋扒入口，正到痺。（不過轉手後細份咗，仲加蔥了，唔夾嘅）因為由細食到大，感覺未能好似好客觀咁話比大家知個口味，但抵食真係無得拗！

話說粉嶺聯和墟有間幾出名既街坊茶檔，歷史悠久得黎好多街坊都好鍾意幫襯，雖然佢舖頭都幾唔起眼，即係行過都唔會望多佢一眼果種，但正值疫情期間佢都座無虛席要等位⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🥪蛋鹹牛肉加多士 ($21) | 8.5/10一上碟係四塊烘好左脆卜卜既多士圍住中間既蛋鹹牛肉，多士烘得香脆配上溶左既牛油，蛋鹹牛肉既蛋夠嫩滑，同鹹牛肉既比例調配得岩岩好所以唔會好鹹，配上熱奶茶做早餐真係幾邪惡呀🥣雞翼通粉 ($22) | 7/10粉麵係全日供應，出前一丁、福麵、米粉、通粉都係同價，雞翼煎得外脆內juicy幾好食，通粉就麻麻地，個湯底好清，建議食返出前一丁🍜豬扒出前一丁 ($22) | 7/10豬扒有d乾，出前一丁就好正常⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫呢間茶檔行既係懷舊茶餐廳風格，見到佢好多都係熟客，同舖頭既人有講有笑咁，另外就係我地呢d為左蛋鹹牛肉而黎既人啦，如果黎開呢頭要黎食下早餐咁都幾推薦呢間，朝早真係幾有feel，因為好有一種細細個去茶餐廳好熱鬧好有人情味果種懷舊感覺，同埋個蛋鹹牛肉真係幾好食，ww話佢食完心情好好有good m

每次去粉嶺聯和墟必食嘅😍😍 已經幫襯左10幾次🤣 因為好啱我呢啲窮人食😆 #窮人因物 🍜沙嗲牛肉出前一丁麵 $23之前冇呢個麵嘅，出咗半年左右，冇諗過去啲沙嗲牛可以咁龍同埋啲牛肉都幾滑🤩 呢個係第三間推薦要食嘅沙嗲牛麵！🥩豬扒出前一丁麵加蛋 $25呢個煎得好香脆，完全冇雪藏味，加埋粒蛋食就Perfect😚有時平平哋食個lunch都唔錯㗎！🧈鮮油多 $14對於大食嘅我來講一個麵當然唔夠啦，呢個奶油多外脆內冷，識食嘅一定食佢😋🥤凍奶茶 $15佢用咗幾種茶葉沖嘅茶底，係好濃嘅茶味🍵 加埋少少奶好飲到暈😝講多無謂·行動最實際👊🏻睇到呢個post即刻去試吓啦！總括而言 (5個❤️‍🩹係最高)好味指數 : ❤️‍🩹❤️‍🩹❤️‍🩹❤️‍🩹🤍服務態度 : ❤️‍🩹❤️‍🩹❤️‍🩹❤️‍🩹🤍環境打卡 : ❤️‍🩹🤍🤍🤍🤍回頭指數 : ❤️‍🩹❤️‍🩹❤️‍🩹❤️‍🩹🤍📍漢興茶檔🏢粉嶺聯和墟聯興街3號地下B舖🕗星期一至六及公眾假期 05:00 - 16:00

因為工作嘅關係每年都會去聯和墟，而每年去一次漢興茶檔已經成為我嘅傳統，每次都會猶豫叫鹹牛肉蛋治好定係蛋鹹牛肉加多士好呢？最後都係會揀蛋鹹牛肉加多士，貪可以大大啖食好厚嘅鹹牛肉蛋蛋嘅厚度差不多同多士一樣，鹹牛肉依然落得重手，煎到蔥嘅香味出曬嚟，當早餐真係好滿足多士烘到脆卜卜，牛油溶化左入麵包中間，就算唔夾蛋就咁食都好正。凍奶茶嘅茶底靚係毋庸置疑，雖然今次奶好似重手左🫰🏻經典始終係經典，依然覺得好滿足。

今日又係我Tony哥4處找美食時間⋯⋯九龍塘區己食到厭厭地了，食得魚翅多都要改下口味⋯⋯於是揸架波子入聯和墟呢間茶檔再食過 因為對上果次食係佢地啱啱啱接手 果陣一般啦⋯⋯今日中午入到去泊喺佢哋門口 入去坐 記得嘟安心出行呀‼️我叫個豬件午餐肉麵 凍奶茶⋯⋯大約10分鐘後到齊 豬扒5錯 （即叫即整 夠熱）如果整定就一定唔夠鬆化 ‼️‼️凍好茶也不錯 以上消費$40 真係超值 同三年前一樣價錢Nice 👍🏼👍🏼

常聽人提過這家餐廳在聯和墟很有名，今天終於有機會來試試！餐牌非常簡潔，食物名稱不會有過多的修飾～平常轉出前一丁要加錢的，這裡不用呢，非常適合吃茶記愛轉出前一丁的食客😆雞翼麵配了出前一丁，出前一丁煮得剛好，不會過熟而失去了口感；雞翼感覺是剛炸起的，熱辣辣的雞中翼，早上吃好像有點邪惡呢🤣餐蛋麵選擇了我最愛的福麵，同樣煮麵的時間控制得很好（我喜歡偏硬身的麵，好多茶記都煮到好淋身）煎蛋是半熟的，蛋黃流入湯麵裡，令味道更濃郁～🤤壓軸的亦是最出名的蛋鹹牛肉加多士！多士其實只是兩片方包夾了牛油，但烘過後切成四小塊好可愛呢🤩蛋鹹牛肉味道適中，外層微微焦香，裡面的蛋不會過熟或過鹹，還加入了不少蔥花，提昇了蛋餅的香氣👍🏻這個價錢非常貼地～如果到附近要吃早餐必定會encore！👌🏻

成日覺得越簡單的食物越考廚師的功夫和心機，一份才二十多元的鹹牛肉蛋多士，要將鹹牛肉混入蛋漿再慢火煎，多士二開四仲要排得靚靚仔仔，絕對係誠意之作，而且體會到呢間小店的堅持，難怪多年來一值受街坊和如我一般的外區客追捧。味道方面，本身煎咗的鹹牛肉就已經會香D，加埋蛋令成件事唔會咁鹹，多士亦夠脆，好食。少有的凍奶茶少甜真係做得到少甜，食過就會明白點解成日都要排長龍兼每日收四點三點半已經last order，而且仲可以逢星期日休息咁巴閉啦。

而家去粉嶺、個個都話去食新漢記，我就覺得未必，茶記去得多、全香港有邊一間茶記要丁麵、福麵唔使加錢？ 「漢興」也「我個人食麵要食爽，漢興唔會口行行」漢興係真真正正做到咩叫做爽，公仔麵半熟狀態，跟住加湯，快速呈現喺你面前，每一啖面充滿生氣，我住港島區，想食爽面會毫不猶豫直奔粉嶺、冇錯係誇張、但係韓森話齋 「挺值得的」，再配埋佢另一個名物 蔥花鹹牛肉蛋餅，厚身，你攞刀叉，當佢漢堡扒咁鋸，蔥嘅香味，即叫即煎，熱辣辣，唔會同你放上湯上面等佢淋晒，會另上，淡淡滋味另外佢有「如果太多牛奶味、啲朱古力味冇埞企、維記朱奶玻璃樽裝」 價錢絕對同食物掛鉤—— CP

好耐之前食過，已經忘記咗咩味，今日再食，好彩今日唔係太多人，當然要叫招牌蛋䶢牛肉加多士，牛油夾在烘熱咗嘅麵包內，半融狀態好邪惡，但咁先正，我將蛋䶢牛肉𠝹少少放在多士內食另有一番風味，蛋䶢牛肉整得唔乾身，有啲蛋汁，價錢合理收$21，份量也足，值得一試.

位於粉嶺嘅街坊茶檔，本身以為只係普通茶餐廳，野食款式唔算多，叫咗個雞翼同埋鹹咸牛肉蛋三文治，諗住簡簡單單醫下肚就算。鋪頭細細間唔算多位，但姐姐好有禮貌，仲會推介有咩好食鹹牛肉蛋三文治 - 非常有驚喜，黎到嗰陣心諗，咁攪笑個蛋同包分開，點知原來係呢度特色。鹹牛肉蛋好香滑，蛋又唔會太熟，而且非常厚身，口感一流，多士熱辣辣好香脆炸雞翼 - 同樣出色，外脆內暖，咸度適中。而且十零蚊一碟非常抵食。熱奶茶 - 不錯，茶味香濃又滑，值得一試

早前去粉嶺同班老友House Warming🤣繼食完四眼仔之後😆就去食埋另一間😌佢哋星期日唔開🤓而且好早收舖🤣好彩聖誕假放到星期一🤣有幸去到可以試吓😎兩點半去到，排咗陣隊🧐大概15分鐘就入到去😏鹹牛肉蛋加多士🥪$21幾乎個個都係必食呢個鹹牛肉蛋😁又估唔到真係幾好食😏同一塊漢堡扒咁上下厚🥳配埋牛油多士一齊食，真係好邪惡😈豬扒麵🍜$22我見比較多人推介🙂尤其個麵真係好好食😋可惜豬扒食落有啲硬😅整體味道都唔錯🙃漢興茶檔 (粉嶺)粉嶺聯和墟聯興街3號地下B舖