潮味苑

Open Now

Now Closed

潮味苑深水埗長沙灣道254-258號亞洲大廈地下A舖今日收工又去搵好嘢食 突然之間好想食打冷 但出名嘅打冷舖喺天后同北角 喺九龍返工嘅我費事過海 所以就去咗深水埗試呢一間打冷舖 喺門口已經見到有各式樣嘅滷水放喺櫥窗旁邊 未食就已經覺得好吸引 舖頭內嘅位唔算好多 的確有少少迫 但係我覺得咁樣先地道 店員非常之殷勤 友善 而且有禮貌 好快就已經帶咗我入座 今餐一共嗌左四樣嘢第一樣係蠔仔粥 因為得兩個人食 所以只係嗌一碗 佢另外仲有一鍋揀 本身以為一碗好少 只係夠一個人食 點知原來係用出面食湯河嗰種大碗店員一拎到上枱就見到碗粥好足料 入邊仲有好多隻蠔仔 而且非常之新鮮同飽滿 一啲腥味都冇 碗粥既香料又多 又鮮味 真係好正 個粥底食得出加咗好多料去煲 鍾意食蠔仔粥嘅一定要試吓第二樣係諗都冇諗到咁好食嘅欖菜肉鬆四季豆，個味道啱啱好 唔會好鹹又唔會好油 估唔到打冷舖嘅上海菜式都可以整到咁出色第三樣係打冷舖嘅主打滷水拼盤 因為得兩個人食 所以就帶咗個小拼 但係唔好以為份量好少 一拎到上枱我同朋友都嚇親 因為真係好大碟 而且種類非常之豐富 每一樣款式都唔係得一兩舊 小拼盤入邊有鵝腸 紅腸 豆腐 花生

收工經過深水埗嘅時候，見到呢間潮味苑有唔少人買外賣加餸，店外已經見到唔少潮式鹵味，睇落都幾吸引，而且門口更有陣陣嘅香味傳出，反正到晚飯時間，就同埋朋友一齊入去打個靚冷。店內地方唔算好大，只係街坊小店，不過都有唔少捧場客。 見到唔少人都有叫墨魚、鹵水鵝、鵝腸之類既鹵味，一於都叫個鹵水細併，墨魚同鵝腸爽口彈牙，豬頸肉質結實香口，鹵水汁都幾入味，食得出用左唔少香料，都幾香。打冷又點可以唔食蠔餅？呢個蠔餅一上檯已經忍唔到口，係咁食食食！大大塊嘅好餅十足Pizza咁，足足有四大層，大份過坊間唔少店舖，蠔仔大隻又鮮甜，炸得脆卜卜，好鬼香口，雖然熱氣，不過真係必食！唔係間間打冷都有得食嘅潮州炒麵線，足料得嚟，好有屋企嘅味道，食落香口，朋友食左好幾碗！金不換炒薄殼米，聽講唔係成日有，係當造先有，咁啱今日有貨，咁好彩先食到，我就未食過薄殼，所以對於我嚟講都幾新奇，味道介乎於蜆仔同迷你青口之間，鮮甜惹味，同金不換好夾，非常特別。兩個人食咗三百零蚊，但食物嘅份量起碼有三四人份，味道又唔錯，性價比好高，下次嗌多啲朋友一齊share先得，真係飽到捧住個肚走。

今日有朋友約收工食晚飯，話我百足咁多爪，食乜好，我話不如食吓潮洲菜，因為都好耐無食過潮洲菜，呢間潮洲菜，我去西九龍中心或者去運輸暑既時候，係交通燈等過馬路時成日見到好多人，所以今日想食鹵水鵝又唸起呢間食......😋—————————————-🔹鹵水鵝件——食打冷，點可能無鹵水鵝😛抵食大碟價錢平，鹵水味道夠香夠味，鵝同嫩滑，配料有花生、大豆芽、鹵水豆腐，大豆芽菜又夠爽甜，鹵水豆腐夠滑溜😋——————————————🔺炸蠔🦪餅——酥炸又鬆脆的蠔餅，熱辣辣脆卜卜，蠔🦪肉夠爽又夠甜，蛋和脆皮混合適中份量配合，吃得零舍滋味😋—————————————-🔹韮菜豬🐷紅———打冷之寶，韮菜新鮮脆綠，不會像其他打冷檔過腍又柴皮有渣鞋口，食出真正豬紅的爽滑👍😋—————————————🔺潮洲三寶——-足料三寶、生咸菜、花生、菜莆川椒肉，我好鐘意食生咸菜，呢到奄得非常之好味道，咸甜道適中，越食越開胃，川椒肉有豆乾粒、蝦🦐乾、青紅椒配料..........等等—————————————🔹咸肉糭———呢個主角係呢到出曬名，街坊眾所皆知，一年365日街坊的詢眾要求，全年都有糭買，我隨咗係到食完之後，我仲再買多半

家人超喜歡吃潮州菜，但很難遇到美味又正宗的味道，這次在深水埗經過見到這間餐廳好吸引，櫥窗掛滿好多滷水同好多打冷小食，一於就試ヽ(*´∀｀)ノ餐牌真的很多潮州美食選擇，每樣也心思思想點來吃呀，家人每次在潮州餐廳必點的蠔仔粥，點了一碗的份量，超大的一碗，蠔仔和肉碎超足料呀，蠔仔鮮甜好味，而且有魚干一起，正宗美味。在潮州餐廳必點之一的滷水鵝件，想不到份量超多，每件也大大件呀，很入味，肉質嫩滑。糖醋煎麵，煎麵兩邊都好金黃香脆，味道鹹香，超喜歡沾上糖來吃的口感，很正宗又香脆，一吃便愛上(〃▽〃)凰城水餃，紫菜湯底，水餃大大隻，餡料豐富，爽滑美味。臨近端午節，這間店還會有糭吃(*ﾟ▽ﾟ)ﾉ點了一隻鹹肉粽試試，傳統的味道喔～有花生、蝦米、肥豬肉、瑤柱還有大大粒美味鹹蛋黃，材料十足，才15蚊，性價比高。(〃▽〃)家人也表示這間店，是近幾年吃過最正宗美味的潮州菜，一定會再吃，店員老闆親切友善，充滿人情味的小店。

陪男友行完黃金商場就四圍行吓，呢期愛上打冷食物，見到呢間潮味苑掛起哂D滷水食物口水分泌即刻上升，所以諗都唔諗就入去左底😆都算幾多選擇，比起一般打冷店，竟然有滷水碟頭飯😳即刻order😆😆鵝片飯$68跟例湯呢個價錢黎講真心大碟👍🏻👍🏻👍🏻鵝片有6大片啖啖肉+小小碎肉下面仲有豆腐、芽菜，花生墊底樣樣都滷得好入味👍🏻👍🏻👍🏻👍🏻招牌炸蠔餅$78就咁睇都知大碟多到嚇死我囉竟然有三大塊四個人都未必食得哂，仲要係我得兩個人😅打包返到屋企又唔好食，唯有比心機慢慢食啦味道唔錯，係D炸粉多左少少，但咁的價錢絕對超值牛三寶 $118牛肚、牛腩，牛筋下面有少少蘿蔔墊底味道出色夠’林‘鹹肉糭$18見到佢哋包好哂D糭放哂係枱上面，所以撩起咗食糭的隱😆😆折開先知係紅豆糭，真係第一次食，入嚟仲有蝦米、花生、瑤柱碎、肥豬肉，鹹蛋黃等十分足料原來紅豆同綠豆整出黎係有咁大分別，兩種唔同的味道，好特別

好耐冇食潮州野🤣今日朋友約我去呢間潮味苑試下。8點幾到都滿哂座，等左10幾分鐘就有位啦👏🏻一黎就緊係叫番碗蠔仔粥🤩入面有肉碎，粒粒蠔仔，柴魚干同埋蔥🤣d蠔仔都幾大粒下，雖然我地得2個人叫左一碗，叫唔到一窩，但份量都好夠，勁飽肚😀別有一番風味朋友就叫左個大併盤：大腸，紅腸，鵝肉，鴨腎，滷水蛋，蘿蔔仲有我最中意食既墨魚片😀首先個滷水汁好好味🤣點下唔洗再點其他汁已經好好食，不過佢跟埋個甜酸汁都好惹味，點鵝肉食最夾🤣

一次誤打誤撞情況下來這裏食潮州菜，當時一試難忘，一直念念不忘，今日終於有機會再來吃記得之前店員話鵝紅好味，於是點了一碟鵝紅蘿蔔，鵝紅切一片片，食落一點腥味也没有，口感煙韌，點埋這裏的自家製辣椒油，真是惹味得食不停口，果然冇介紹錯，鵝紅比豬紅鴨紅更好味，蘿蔔清甜美味這裏的鵝腸做得非常出色，處理得很乾淨，食落一點腥味也沒有，反而爽口又彈牙，長長的鵝腸點上潮州醋又有另一番風味，鵝腸下是豆腐和花生，豆腐香又滑，花生和豆腐粘上滷水汁，美味非常，真的不能不讚，連配菜也做得這麼出色朋友想食魚，店員說難得還剩下最後一條大眼雞魚，介紹我們試一試，大眼雞份量也不少，啖啖肉，點上普寧醬，更能吊出魚的鮮甜美味打冷又怎會少得啤酒，與好友一邊暢談一邊喝啤酒加上如此美味的食物，真是要高呼我愛打冷

老公放工有點遲，搭完巴士落車就到餐廳，太餓了，決定食潮州菜。我叫左幾款食物，好快就上枱，岩曬我哋呢兩隻餓鬼。先黎隻咸肉粽，姐姐幫我們拆粽，用筷子夾開見到咸蛋黃好吸引，仲有小瑤柱，粽加入紅豆很香，仲有五花腩，好認真呀，而且加少少醬油就好美味。蠔仔粥好出名，叫一碗兩個人都食到飽，大大碗，蠔仔粒粒飽滿又好多粒，仲有肉碎，非常鮮甜。煎蠔餅很香的蛋味，雖然無炸甘香口，但都好美味，蠔仔好肥美，又大大碟，好正滷水細拼好豐富，滷汁咸香，大墨魚片爽滑，豬頸肉嫩滑，豬大腸肥得甘香，豆腐片吸汁一絕，鵝腸又長又爽，送粥唔錯福果綠豆爽是潮式甜湯，有別於起沙的中式糖水，福果指白果，如果去芯就正，但清心火，所以睇你需要，湯水熱上，仲有粒粒清心丸，下火良物。

每次系深水埗行完街經過呢間舖頭都好多人系門口排隊，今日都吾例外，經驗話比我知，有人排隊嘅舖頭衰極有限，今日見有時間一於試試佢。門面好特別，一邊放在好多不同種類嘅調味料可以買，另一邊系鹵水檔，見到已經流晒口水，好彩排左15分鐘左右就有位。我地叫左鹵水鵝片併墨魚，蠔仔粥，韮菜豬紅，紅豆糉鵝片併墨魚，睇樣已經好吸引，鵝片味道剛剛好，吾咸又吾會好鞋，吾怪得系門口見到luke sir都推介，墨魚好新鮮，加埋啲潮州辣椒油食，好正👍蠔仔粥材料好豐富，蠔仔新鮮吾腥，有新味韮菜豬紅好入味。店員推介嘅紅豆糉，果然無介紹錯，細細隻，有原隻蛋黃，好味，臨走重買左1打請屋企人食

媽咪係潮州人，當然喜歡潮州菜啦，唔多唔少我都有受佢影響，鍾意打冷食潮州菜。黎到深水埗，見到呢間潮州菜咁多人喺門口排隊，就試下啦。店舖簡單乾淨，除咗有潮州菜仲有粉麵。仲有好多明星藝人係捧場客就快端午節，仲有佢哋自家製嘅糭添，呀姐極力推薦，就叫隻試下原來係紅豆糭嚟㗎，仲要有全隻蛋黃好足料啊👍🏻媽媽好歡喜，好味道到打包左幾隻返屋企。韭菜豬紅滷水鵝片墨魚🦑好入味呀蠔仔粥好夠味啲蠔又唔腥仲有佢啲辣椒油好正，勁惹味啲服務員態度好好，啲姐姐好親切仲有好多嘢都想試下次要多啲人一齊嚟食先得

今日收工陪男朋友去深水埗選購電腦零件🖥️，行到夜夜地，見依間潮州菜館都有唔少人幫趁，價錢又唔貴，決定入去試下🤗。 睇翻餐牌，食物以滷水菜式同打冷為主，亦有精美小炒同粥粉面類，同埋仲有D 傳統潮州甜品😘。 滷水細拼大墨魚鮮甜彈牙，鵝腸爽滑，腎片豬大腸同豬耳幾咬口，豬頸肉肉質嫩滑，連係碟底嘅豆腐，花生同芽菜等都好入味，連埋滷水汁一齊食好正👍!!! 滷水鵝片飯依個都好高質，鵝片啖啖肉好味😋😋，肥瘦適中，有少少芽菜係底。仲有碗湯飲下，清清地幾好。 鎮店蠔仔粥非常足料，蠔仔都份量好多，食落好鮮甜，佢仲加左D 豬肉碎同魚仔乾，口感都幾豐富☺️。 炸蠔餅好大碟，都食到粒粒蠔肉，肉質都幾鮮，同埋都蠔餅都炸得好鬆脆，幾好😁。 我地見潮州糉幾好食咁，我地叫左隻黎食，係瑤柱蛋黃糉，食落好香唔油膩😌。 值得一提嘅係店員上菜好快，食物份量都多，下次可以再食。

好耐冇出街食飯了, 但係最近好似情況好返D,又好掛住潮味苑既鵝片, 又見潮味苑既防疫做得唔錯, 今次終於出返黎食飯啦!少左好多枱, 所以好多人等位, 我地都等左2個字先入到去因為好多枱都隔開左, 枱同枱之間距離夠, 夠晒安全自動自覺咁比熱水你消毒, 令人好安心鵝片-$118鵝片好好咬口, 汁好入鵝片度, 睇色都知, 皮肥而不膩, 真係好好味, 仲要係份量唔少牛腩米-$30牛腩係唔痴牙, 又唔似湯渣既牛腩, 重點係$30蚊就有咁正既牛腩, 果然係潮味苑名物魚旦河-$30魚旦同魚片都係自家制既, 同出面買既現成完全唔同, 有彈口得黎又有魚味, 有越食越想食既感覺椒鹽鮮魷-$98好脆口, 好香口, 鮮魷唔會靭, 送酒係一流, 但第二日要返工, 都係飲可樂先總結所有食物都好好味, 又唔會為左追生意而放棄抗疫, 令人食得安心, 一定一定會再黎食過

經過，又經過。美食係要分享嘅。多謝老闆的好介紹，平平凡凡的店，不平凡嘅味道。。推薦的有蠔仔🦪粥，凍魚，鹵水鵝，豆醬通菜，豬紅，墨魚，胡糊豬肚湯，⋯。未能盡録，

#cassiegosheungshuipo-瘦編今日要去一去深水埗黃金廣場整電腦，一去到真係嚇死，爆多人！啲人又唔肯留係家中抗疫，跑哂出黎，瘦編整完快快手醫個肚就閃人！💪🏿-速食除左快餐之外，充滿香港風味嘅魚蛋河當然都係選擇之一！係長沙灣道隨便揀左一間茶餐廳食，但無諗過都好有驚喜。依間潮味苑職員好有禮貌，普通一碗魚蛋河只需要$30。🤩-而我就揀左至愛嘅墨魚丸河($38)加杯熱菜蜜($6)，一上菜好驚喜，除左墨魚丸同河粉，仲有大量紫菜、蘿白、葱，廚師放左好多料，好豐富，味道都唔錯，正常發揮，墨魚丸夠彈牙，唔會太粉。👍🏿-味道評分▶️🌕🌕🌕🌕🌑 (4) 抵食評分▶️🌕🌕🌕🌕🌑 (4) 回購評分▶️🌕🌕🌕🌕🌑 (4) -➡️ 潮味苑 (深水埗)📍 深水埗長沙灣道254-258號亞洲大廈地下A舖-IG: @cassiecwy/ cassiegetfatFB: @cassiegotravel

行開深水埗，想清清地食下粥，聽過人講話呢間潮味苑嘅蠔仔粥好出名好好食，所以就去試吓啦。中午去果時唔係好多人，店舖入面有卡位或者圓枱，我就揀左卡位，都坐得舒服。因為得我同個朋友兩個人食，覺得一鍋蠔仔粥實食唔晒，所以我地叫咗一碗，但原來一碗都好大碗架，兩個人食啱啱好食得哂。如果一鍋呢，我諗就一定食唔哂啦！鎮店蠔仔粥 $52粥入面有好多蠔，真係啖啖粥都係蠔啊！心心眼😍朋友就好鍾意食蔥既，咁我地就問下店員可唔可以加多啲蔥俾我地啦，佢好爽快地話無問題，就加左俾我地，咁又幾好喎！腩汁生菜 $18想食得健康啲啲，叫碟油菜，特登唔揀蠔油，揀腩汁，一黎蠔油肥啦，二黎想試下佢既腩汁。一試果然係唔錯喎！清清地，我同朋友都覺得幾好味！