潮味苑

Open Now

Now Closed

在西九龍廣場一帶逛完街得知深水埗很多廣東打冷的食館 這間潮味苑雖同樣是中式，但屬於潮州的潮菜館 中菜的風格自然有所不同，別具一格 值得試一試它的小菜火喉 ，外賣一小菜回家加餸 潮陽蝦棗 - $88蝦棗是潮汕傳統美食，在潮湯一帶更是非常盛行製作工序頗繁複，要先拆大量蝦肉，再加入不同配料等等少許的肥豬肉增添油潤感打至起膠，肉質鬆軟嫩滑即叫即炸，並炸至金黃色， 入口脆卜卜，入面肉質頗腍除了蝦鮮味，還帶豬肉香，還夾雜了小量馬蹄，鮮味無窮

-潮味苑🍽-深水埗馳名潮洲打冷店😍小編好似有成年無去大排檔打冷因為始終比較污糟因為要坐出街食🤣有日行過深水埗見呢間幾乾淨又有鋪位就決定買外賣🥡反去食😌-蠔仔粥 $52講到去打冷就一定要食必食既蠔仔粥😂蠔仔粒粒脹卜卜而且仲要成碗都勁多蠔仔😋粥底好入味再加埋蔥莞茜方魚肉碎每啖都好豐富👍仲要佢勁熱就算外賣都唔會好快凍左😌-煎蠔餅 $78煎蠔餅其實好多地方都有泰式港式但最正宗都係要食潮式呢款😍蠔餅入面有莞茜碎可以去除蠔仔既腥味同油味👍仲要$78勁大碟起碼有5-6塊仲要每塊都好多蠔仔啖啖肉呀😋記得落埋個油鹽水會更好味但唔好落太多會好咸🤣-🌟評分:🏅🏅🏅🏅

今晚我地去咗深水埗食潮州餐廳 - 潮味苑，未到7點已經好多人排隊，估唔到幾出名，性價比又高！😍我地叫左鎮店蠔仔粥、滷水鵝片、招牌炸蠔餅同埋滷水碟頭元蹄飯。初頭我地以為份量唔多，所以叫左4樣，點知黎到嚇親我地，每個餸都份量好大碟，好抵食！😋鎮店蠔仔粥，蠔仔非常多，面且又大隻又新鮮，好有鮮甜味👍🏼👍🏼加咗魷魚乾，重有肉餅碎，令到碗粥非常惹味😋😋滷水鵝片都好大份！滷水味香濃，食落完全唔覺得油膩，肉質軟滑。招牌炸蠔餅一樣好大份！落左好多蠔仔黎炸，絕對唔係濫竽充數，而且炸粉調節得啱啱好，令到炸蠔餅好鬆脆可口！絕對要推介比大家食😍😍碟頭元蹄飯，啖啖都係肉，而且肉身厚實，都煮得非常入味，食得好滋味👍🏼👍🏼

深水埗一日遊呢間潮州菜館好出名 $52 蠔仔粥超級好食 又足料 又平加多個古法芋泥 $58熱辣辣 質地豐富 香芋頭味 油有點多怕肥就要小心跟住去西九龍中心行街再去嘉頓山睇日落。

早前曾經幫襯過，覺得啲嘢食超正，已經決定一定會再去食。今次分別叫咗炸蠔餅、芙蓉鴨、蠔仔粥、潮州炒麵線同滷水大鵝肝。先係炸蠔餅，同煎蠔餅完全唔同(煎蠔餅都好食，但炸嘅仲正)，咬落口勁鬆脆(仲脆過粟米片)，同埋超多蠔，再配埋魚露食超正。芙蓉鴨一上枱時已經聞到陣味，啲芋蓉超香，夾埋鴨肉食落口一軟一硬嘅感覺幾特別，不過最正係伴碟喺啲鴨下面嘅「炸菜」(唔知啲菜叫咩名)，啲菜又香又脆，完全覺得係呢碟芙蓉鴨嘅重點。蠔仔粥之前已經食過一次，值得推薦，每次去幫襯都係必食之選。潮州炒麵線勁大碟，感覺有啲似米粉，但俾米粉硬少少，有幾多餸，唔錯。至於滷水大鵝肝，一上枱時見到啲鵝肝大大塊，食落口同西式嘅唔同，有啲似玉子豆腐，不過啲味勁濃，而且唔酥，第一次咁樣食，好食。唯一嘅係同上次一樣想食韮菜鵝紅，但都係賣晒，唔知有無得預訂，好期待。

今日在深水埔長沙灣搵食之際，途經了潮味苑！原來是一間潮式茶餐廳 😱 環境尚算整淨，基本防疫工作做足，那就試試吧！ 門外貼出多款潮式食物，有滷水打冷、碟頭飯、粥、炒麵、棵、小菜 包羅萬有～選擇困難症又跳出來了🤭這裡看見很多都是街坊而且點了牛坑腩河 HKD 38 好像已成了「例牌」😂 肉質合格，湯底有腩汁更增添美味感！ 地址就在深水埗長沙灣道254-258號亞洲大廈地下A舖即深水埔站D2再步行2分鍾 方便又易找！ ！

今日小妹同朋友去左深水埗睇電子野, 睇完之後就係附近搵野食, 見到E間潮味苑出面好多人等緊, 心諗應該有好野食🤔, 於是我地就決定跟隊一齊排! 好好彩大約排左幾個字左右就有位啦😆, 餐廳環境唔算大, 不過幾光猛而且乾淨企理, 店員服務態度亦唔錯! 小妹同朋友都有少少肚餓, 於是就叫左兩個餸一碟飯同一個甜品! 上菜速度十分快, 落單過一陣就已經有得食!蘿蔔湯🥣湯汁味道清甜, 帶有好濃郁嘅白蘿蔔味, 白蘿蔔口感軟腍鮮甜無渣!潮式墨魚（例）潮式墨魚即使叫例牌份量都幾多, 口感爽脆鮮味, 醬汁味道剛好, 唔會過咸!招牌炸蠔餅蠔餅酥脆可口, 炸得幾乾身唔太油, 蠔仔大粒蠔味濃!鵝片飯鵝味濃而不腥, 口感柔嫩, 肉汁多, 餸飯一流!同潮式墨魚一樣底下有一層油豆腐同芽菜鋪住, 吸哂d汁, 十分惹味!古法芋泥芋泥並唔係間間潮州打冷都會有嘅甜品, 因為工序麻煩, 所以好少地方有得食, E到58蚊就食到了! 上枱果陣熱到辣手, 而食飽飽正餐再食果陣由於入面有層油, 所以食落仍然好夠熱, 入口味道唔算太甜岩岩好👍🏻, 芋頭味幾濃, 口感軟綿, 加埋煙煙韌韌嘅白果, 口感相當豐富, 一碗兩個人share剛剛好

深水埗出名食肆林立，有多種不同類型的菜式。放工後約埋三五知己去深水埗黃金商埸sopping 後，大家都讃成去附近的亞洲大廈地下一間潮味苑食潮州菜。門口廚窗掛的食物見到已流口水。蠔仔粥大大碗，粥料主角蠔仔漲卜卜，加埋配角方塊魚碎、尤魚絲、廋肉碎，芫茜葱等等，令粥底鮮甜美味。蠔餅有炸和煎兩種食法，我們選了煎的，與別不同的是不覺油膩，餡料有多隻蠔和芫茜䓤，一上枱巳香氣四溢，脆卜卜的邊和中間輭棉綿，入口有另一番滋味！滷水拼盤有爽口的鵝腸、滷得入味的豬腸、墨魚、豬頭肉、豆腐、蛋、豬脛肉和大粒花生，也是店舖名菜之一。鵝肉飯，米靚飯香，鵝肉入口嫩滑加埋秘製豉油汁，食到大家嘴舐舐。

成日晚市經過都好多人係門口，想必一定有過人之處。餐廳雖小但食物種類都幾多貼齊全。主打潮洲菜，亦都有牛腩粉麵。細滷水拼盤 $128鵝腸大大條爽口唔肥膩，正！墨魚有咬口，正。大腸夠腍無異味又入味，正！仲有紅腸、蛋、豬頸肉片、生腸、鴨腎、鴨肝。大堆頭，好豐富。韭菜鵝紅 $58不得了，好新鮮。第一次喺潮州舖頭，叫鵝紅，平時只係食台式火鍋會食。🤩原來都好好食，鵝紅口感嫩滑。底下鋪滿韭菜，清清地幾好食。牛四寶 $128有牛腩牛肚金錢肚牛筋，大大碟，全部都炆得好腍好入味。特別係牛筋腍得黎膠質充滿係個口度。好香。就咁食會鹹咗少少🤏配返飯或者粉面會啱啱好。蘿蔔都好清甜。就算辣椒醬都會有三款係枱面，任君選擇。麻辣，香辣，蒜辣。麻辣最辣， 蒜辣最惹味。

茶餐廳裝修大酒樓師傅嘅出品真的相當唔錯，有好多依家好少食得到嘅正宗潮州菜，鮮蝦水瓜烙就是其中一款打開menu見到即是先order，因為真係好耐無食過，餐廳門口日日企滿人等位總有原因嘅，門口有好多醬料可以買㗎鮮蝦水瓜烙~水瓜烙質感有點像潮州蠔仔餅或韓式煎餅，以半煎炸的方式餅邊脆身，面灑上花生碎吃起來軟腍煙韌又帶點花生香👍👍😋😋鵝片~雖然有花生大豈芽同豆腐墊底不過鵝片份量一啲都唔少，鵝片帶少許脂肪~鮮燉入味👍😋蠔仔粥~大大隻嘅蠔仔,吊片絲,肉碎,方魚粒,芹菜……味鮮甜及惹味😋牛腩麵先$30真係超平又好食湯底還有蘿蔔👍😋真實有好多嘢都想試不過太飽留待下次再去😍

每隔一段時間就會好想去打冷，經濟又好味好嘅真系吾容易搵到，細妹話呢間潮菜館每次經過都見人龍，應該吾會差，今日醒起即刻過黎試下。門面好寛濶，離遠都見到，門口掛滿鹵水鵝，打冷食物，一路排隊，一路流緊口水🤤，飾櫃放滿好多潮州醬料可以買。鹵水鵝片＄128，配菜有大豆芽菜，豆腐，花生，鵝片，豆腐都好嫰滑蠔仔粥＄52，簡直系超值～粥底口感超豐富，有芹菜，葱，吊片絲，粥底嘅靈魂～大地魚碎，蠔仔又大粒又吾腥，簡直百吃不厭炸蠔餅＄78，條邊超脆，加埋魚露一齊食，好正韮菜豬紅＄52，大大碗好抵食埋單吾使加一，樣樣食物都好有水準，吾怪得牆上面見到甘多名人合照

難得收工過黎深水埗買東西，買完朋友就提出去食打冷，座車成日見到呢間餐廳，食也是第一次晚飯時間過黎，都要等一陣位，期間見到不少街坊過黎買外賣街坊生意，價錢相當親民食潮州菜點少得蠔仔粥可揀一碗同一鍋，最後叫左一碗試下，份量足夠兩個人食不得不說蠔仔粥超足料，蠔仔夠肥美，更有不少肉碎、柴魚乾、魷魚絲鮮甜十足蠔仔餅炸得鬆脆又乾身，吃起來唔會太油膩，非常推薦滷水鵝片拼鵝腸鵝片啖啖肉，肥瘦適中，肉質夠嫩，鵝腸依然爽口更有有不少芽菜同豆腐係底

今晚經過深水埗，諗唔到食咩好，於是周圍行吓睇吓有咩食，見到有間潮州菜館，睇到佢舖外的菜單，於是入去試吓。入到去坐低，打開餐牌睇，分別點了一個韭菜豬紅、煎蠔餅、糖醋都同反沙芋。最先上枱的係韭菜豬紅，勁大碗同超多豬紅，不過我第一啖並唔係食豬紅，而係飲咗一啖佢個汁，超濃味👍😋。跟住食佢嚿豬紅，有彈性同超入味，唔同出面食嗰啲淋晒，一夾就散；佢嚿豬紅咬落口就係彈牙，同埋食碗我諗起碼有廿嚿以上，啲韭菜亦都好香，成碗抵讚。跟住到個煎蠔餅上枱，唔同出面嗰啲勁多粉，成份蠔餅超多蠔喺入面，而且熱辣辣同脆口，唔係一早整定翻熱，配埋佢個魚露食超正。之後到個糖醋麵上枱，面脆底軟，點啲醋然後再點糖，食落口好正好香。最後到個反沙芋上枱，聞都聞到好香，咬落口又係熱辣辣，而且外脆內軟，嚿芋頭面層啲糖脆卜卜，入面嚿芋頭又香同埋夠軟，呢個配合超正。而且呢個反沙芋上枱時連個侍應都話識食、識叫呢個(梗係叫啦，出面好多地方而家都無得食呢個反沙芋，因為製作麻煩嘛🤩)整體嚟講今晚叫咗咁多碟都好好食，同埋見到餐牌有好多都想食，絕對值得再來幫襯👍

滷水鵝下莊 $178 鵝肉唔多😕以哩個份量黎睇，價錢有啲貴💸鵝肉肉質唔鞋帶少韌 脾位既肉就夠嫩，一咬就開👍🏻可惜既係皮下脂肪較多 可以食到既肉相對較少🙈味道唔太鹹、滷水味唔重 未夠入味中意食啖啖肉既話，建議order💁🏻‍♀️鵝片 煎蠔餅 $78 全餐飯最好食既一道菜🏆蠔仔份量多🤩新鮮飽滿、無腥臭味💯蠔餅口感煙煙韌韌，好似台灣蚵仔煎 邊位煎得夠焦香， 脆脆既蛋邊加上蠔餅中心既軟糯🤤口感層次豐富必試❗️ 鵝腸 $88 鵝腸份量唔多 口感唔行爽脆路線 嫩嫩地👌🏻味道唔太入味 好彩處理得無異味 中規中矩，唔算好特別🧐 睇落好似好大碟咁 係因為底墊左大量芽菜、滷豆腐同花生 芽菜爽脆🥙滷豆腐🧈唔入味、勝在無酸味 花生🥜淋，幾好食 清湯牛腩河 $30 份量十足🍜牛腩起碼有八塊 蘿蔔兩大舊 超級抵食🤪味道方面， 牛腩瘦多肥少🥩肉質唔算好嫩， 不過未至於鞋口 正常水平 蘿蔔雖然切得好大塊 但淋甜無渣👏🏻哩個價錢收貨啦✅ 整體黎講，食物質素中偏上 滷水鵝令我有少少失望💔煎蠔餅下次一定會再叫🥳麵食、小菜性價比較高 滷水部份價錢相對較低 環境比較窄，坐得唔太舒服加上位置較少，六點幾門口已經有人排隊 食完野就即刻

呢間卤水鋪系老字號。之前已经去过好多次。每次都会叫佢嘅卤水鹅片，鵝片肉質好夠嫩，食落口肥瘦适宜。椒鹽蠔仔，蠔仔好大粒，好多肉，比蚝餅好味。凍檸茶就一般，麻麻地，唔够冰唔够冻，茶味唔夠濃，奶味好淡了。