潮味苑

Open Now

Now Closed

在到訪潮味苑前，朋友對潮州菜的認識不多，但我對潮州菜倒是十分喜愛。潮味苑是一間令人驚艷的潮州菜館，主打滷味，炸物，聽起來像是老人家喜歡的菜，但千萬別這樣想，潮味苑絕對可以征服年輕人的味蕾。來潮味苑吃晚餐，怎可缺少滷水鵝片拼紅腸? 潮味苑為了呈現最完整道地的滷水鵝風味，使用多年的滷水膽汁滷製鵝片，食客能嚐到鵝肉香味。多種藥材香料的滷汁滲入鵝肉中，入味但不過鹹，鵝片單吃不錯，肉嫩帶彈性，亦可沾著醋食用。火辣辣，剛出油鍋的普寧炸豆腐外層酥酥，內裡軟柔，油炸的香味混合著淡淡的豆香，醮上普寧炸豆腐特有的韭菜鹽水，味道簡單，清爽宜人。煎蠔餅薄薄的炸粉相當美麗，跟蠔仔結合成煎蠔餅實在太酷了。煎蠔餅吃起來非常酥脆，放進嘴裡咀嚼還會發出咔滋咔滋的聲音。蠔仔本身表現優秀，數量多，個頭又大，鮮度破表，極為出色，煎蠔餅潮州味十足。酥炸雙棗上桌立即擄獲我們芳心，潮陽蝦棗和蟹棗色澤金黃得超亮眼，雙棗外層極之香脆，並吃得到蝦肉和蟹肉的鮮甜，還有爽脆清甜的馬蹄，涮嘴的口感滋味忍不住一顆接一顆。

放工跟宅男去咗深水埗睇 printer，不知不覺深水埗已經漸漸變成豪宅區，晚飯方面亦多咗好多選擇，去完黃金商場宅男話想去潮一下，原來佢意思係食潮州嘢。一聽到潮州菜就諗起打冷，然後就會諗起滷水鵝片！呢間「潮味苑」，淨係睇牆上貼滿嘅明星相就知佢咩料！爭在未見 193，店長推介這裏的潮州粉麵、鑊氣小炒，價錢豐儉由人。鵝片飯 $70食唔晒一碟滷水鵝片，鵝片飯係我最好嘅選擇，呢度嘅滷水好香，鵝片好有驚喜，大大塊既鵝片好有光澤，厚薄均勻，入口嫩滑，雖然係碟頭飯但製作非常認真，鵝片底下有滷水豆腐同大豆芽，成碟飯感覺好豐富。啖啖肉再沾一些酸辣汁，酸酸辣辣真係好開胃。沙嗲牛肉芥蘭 $78最近出現咗沙嗲牛肉麵關注組，雖然今次小炒冇公仔麵底，但真心個沙嗲牛肉味道濃郁惹味，芥蘭爽口，沙嗲牛肉鋪滿整碟菜，香濃醬汁，牛肉柔軟，水準亦不錯。招牌炸蠔餅 $88必食菜式，招牌炸蠔餅酥脆可口，蠔仔粒粒飽滿份量多，跟魚露一起吃無油膩感，飲啤酒食蠔餅一流。清湯牛腩河 $32牛腩份量多，肥瘦均勻，入口即溶，腩汁湯底味道濃郁，欣賞有兩大件蘿蔔好清甜，鮮味唔錯，炸門鱔皮 $28薄脆美味帶一點微辣，最緊要乾淨衛生，跟清湯吃回味無窮

深水埗這一帶都很多嘢食，今晚就揀了食這間門口挂著幾隻大大隻滷水鵝的潮味苑。餐廳裝修雅繳舒適，入到裡面已見到非常多人。Menu潮州菜式及小菜非常多款式。鹵水鵝件 $118鹵水鵝裡面有芽菜、花生及豆腐，鹵水鵝驟眼看落感覺比較肥，但原來非常厚肉，鵝味濃郁又多汁，而且鹵得很入味，真的好味道！椒鹽九肚魚$108椒鹽九肚魚炸到金黃的顏色，令我見到格外垂涎，九肚魚外脆內軟滑的口感，非常喜愛食，再點上浙醋，省卻油膩感，帶點酸酸的份外滋味！鎮店蠔仔粥 $55蠔仔粥裏面有很多芫茜蔥、蠔仔，還有大地魚及梅菜……等，豪仔雖然不是很大粒，但都有蠔味，及整個粥都頗清甜。

重要嘅嘢講咗先：呢度無論老闆定係員工都好好人！！喺香港都其實唔多食潮州嘢嘅選擇，比較出名嘅都係喺西營盤，咁講真咁多年都食到悶，所以我哋都會搵一啲新嘅潮州野試😝今次就搵咗呢一間潮味苑，其實之前有經過過，但係以為係普通嘅粉面地方，Google一下，原來大有來頭！今次就一試究竟！我哋兩個人嗌左一個大拼盤，一碗蠔仔粥，同埋煎蠔餅，其實仲有好多嘢想試，例如韭菜鵝紅同埋反沙芋，不過兩個人邊食到咁多😂佢呢度價錢唔算貴，但係真係比足料㗎 ！你望吓呢一疊大拼盤，款式多份良多，食到人好滿足，真正滿足你所有願望！蠔仔粥一碗，份量同平時嘅都一樣，但係入面嘅豪仔真係比足你，交足功課，仲有豬肉碎，都幾好食😋呢一樣就係我最鍾意嘅一樣，煎蠔餅！佢會問你要炸定係煎，炸就香口啲，煎就傳統，因為我食炸嘢一定會上火，所以就簡單啲試吓煎啦，更何況出面好似都係炸蠔餅多😛未到唔使特別再形容，我一個人食咗呢度嘅一半😂😂😂可以食¾其實😂😂😂😂

今日又去了深水埗那邊工作，午飯時候想不到吃什麼，就去了之前吃過不錯的飯店吃一下，隨便解決一下了！五花腩飯（５０元）雖然這裡滷水鵝好像很出名的樣子，但因為早幾天已經吃過了，所以就先不考慮，打算試其他！而看完餐牌以後，發現這個五花腩飯也有個推介的，那就肯定要點來試試了！剛送到來的時候，我還真的被這個飯的份量嚇一跳，份量超級足，滿滿一大碟五花腩，有１０件以上，才賣這個價，性價比真的高！而且他不只有五花腩，下面還有滷豆腐和芽菜，真的很豐富！五花腩滷得挺入味，吃起來不油膩，肉都是半肥瘦的，肥的部份入口即化，油香十足，而且還有蒜辣汁可以沾，所以更加不會膩！滷豆腐吃起來挺嫩滑！

外賣到家中，靜心享用。魚蛋河普通的名字，但食落一點都不差，不論是魚蛋還是片頭，都爽口彈牙，再配有紫菜跟蔥花，湯底相對香且鮮甜，配埋河粉，連湯一齊食 - 正鵝腎元蹄飯餸既分量很多呢，每樣都有六七片/件且口感正常，唔會話好乾或者咬唔開，算是不錯。

真係超耐無打冷！特然間心癮發作，拉咗老公陪我去😂呢間「潮味苑」，食過既都知佢咩料！未食過既，咁就快d搵機會去食下😂而家快d睇下我地食咗咩啦！滷水鵝件：食潮州嘢又點少得滷水鵝！我每一次都必食！尤其係喺呢度，大大碟又大大件，啖啖肉又夠味，真係好正！招牌炸蠔餅：第二樣必食菜式！入口勁酥脆，蠔仔份量多之餘，仲粒粒都好飽滿！最正嘅係完全無油膩感🤤椒鹽鮮魷：呢個我就第一次叫，份量超多！唔好以為佢大大舊就覺得炸粉好厚，其實佢炸粉好薄，反而係鮮魷大舊😂牛腩河：牛腩又係必食！牛腩份量好多，完全唔韌，腩汁湯底味道夠晒濃郁！有時我經開都會整返碗外賣返屋企嘆下！不過最重要係CP值夠高，$32大大碗！

潮州菜除了打冷仲有好多選擇！今次食的蠔仔粥同雙棗記好啱我潮味苑門面睇落似普通粉麵鋪，係朋友帶我去先知原來有咁多街坊熟客仔幫襯的！座位唔算多，不過我地2個人所以好快有位蠔仔粥有分大、細碗，但細碗份量已經好多，夠晒2個人分享，蠔仔數量都幾多，食落好嫩，完全唔覺腥！絕對推介！！餐牌見到雙棗完全唔知係咩，上網搵下先知原來潮洲菜其中之一係蟹棗同蝦棗，大概係把蝦膠加配料再炸好咁，未試過咪又試下囉～睇落似平時的炸蝦餅，咬開都好juicy，雖然無蝦餅咁彈牙，但係有少少爽口的口感，可能係加了馬蹄粒椒鹽鮮魷勁大碟，粉槳好薄身，入面的魷魚好厚實！真材實料，叫呢個抵食！旁邊都幾多人叫個牛腩，我又跟風，估唔到牛腩炆到幾淋幾入味！偷睇到隔離位3個人叫咗6、7個餸再加3個白飯，仲誇張過我肯定食唔晒不過好食的又真係想點多幾款來試，所以下次約多2個朋友食就最完美啦！

今日晏就約左朋友係深水埗見面，近食黎食去都係日本野同西餐，今日特登搵左間質素唔錯既潮州野食，黎間潮味苑除左一般潮州菜館會食到既小菜外，中提供左潮州粉麵同鑊氣小炒，豐儉由人😏——————🐽 鵝片飯 $70食潮州野點可以唔試下滷水呢😆今次點左既鵝片好有驚喜，大大塊既鵝片切到厚薄均勻，食落口好嫩，一d都唔會鞋口，鵝片底下中有豆腐同豆芽，令成碟飯唔會甘單調🐽 乾炒牛河 $58乾炒牛河水準亦不錯，炒河部份唔會炒到一嚿嚿，牛肉亦比得多，絕對唔會輸比坊間一啲出名嘅小菜館🐽 炸蠔餅 $88最後呢度今日最大嘅驚喜，炸蠔餅😋炸粉炸得啱啱好好鬆化，蠔肉比平時食到既都大粒好多！係水準之作🤩

.琴晚同男朋友去食佢屋企附近既潮味苑聽講係區內一間好出名既潮州菜😂連唔係住區內既人都會聽聞過～夜晚成20:30先入座 都仲有好多人🥰應該真係好食 有質素 唔少仲聽得出係街坊.2個人食得唔多 點左鴨髀飯 椒鹽九肚魚同潮式墨魚鴨髀飯仲會跟例湯 鴨髀飯一上枱係巨吸引！油光十足 而且飯量一啲都唔少 如果我一個人食一定會食唔晒例湯係蘿蔔湯 跟左2件軟腍既蘿蔔👍🏻鴨髀啖啖肉 肉質嫩滑 一啲都唔嚡口 而且滷得好入味 但又唔會死咸好口渴果啲😋高質 應該真係我食過最正既鴨髀飯！.潮式墨魚底下既係芽菜 但墊左底仍然係好多😂3,4人食都得 墨魚好爽口彈牙 薄薄的 點埋醋食好正😋酸酸地好開胃.椒鹽九肚魚係即點即炸 新鮮熱辣辣 炸得金黃 外皮不會好重炸粉入面既九肚魚軟腍腍 肉質超滑男朋友話好似唔洗咬 都會自己溶左咁😂我試過點醋食原來都好正🤤仲可以解油膩.下次一定會再黎打冷。

隔咗一段時間無食過潮州菜，突然醒起上次係深水埗食過一間好好味的潮州菜館，search左一陣就搵到佢喇.....《潮味苑》睇左一輪餐牌，樣樣都好想食最後揀左4道美食韮菜豬紅 $55上菜嗰一刻已經聞到好香，每件豬紅都索滿哂D汁既精華，勁入味其他地方食呢度菜通常都勁油膩，呢度少油得嚟又夠濃味，真係超讚滷水鵝片飯+老火例湯 $70肉質嫩滑多汁，份量十足！鵝片下面有少許芽菜+花生例湯 ： 大魚大股骨湯 ～ 好鮮甜，一口氣就飲哂牛三寶$118～ 牛肚、牛筋、牛腩份量十足，極之入味，牛肚爽，牛筋‘林’，牛腩瘦得黎又唔鞋口椒鹽鮮魷 $108以呢個價錢就份量少左D，味到正常炸得都算香脆 ，不過不失啦⋯⋯三餸一湯一飯，埋單都係$351性價比極高，值得再黎試吓其他菜式

好耐無食潮州菜，我覺得打冷一定要夜晚堂食先有風味。呢間潮味苑我留意左一段時間，地址係深水埗幾方便，收工個陣去好就腳，見到堂食開返就決定試下。鎮店蠔仔粥 $55（碗）佢份量真係十足，一碗都好大，湯底充滿蠔仔既鮮味，飲落好鮮甜，而蠔仔數目好多，仲幾飽滿。雖然話係蠔仔粥，其實係蠔仔湯飯，食到飯粒都粒粒分明，加埋香蔥提升香味，我相當滿意。爽腩麵 $40相比之下，爽腩麵較細碗，但一樣好充料。佢既幼麵好彈牙，最重要係唔會太重碱水味。蘿白好清甜而且無咩渣。而爽腩亦整得唔錯，夠入味之餘亦唔會掩蓋牛肉鮮味，比一般食開既牛腩爽口，仲肥瘦適中。炸蠔餅 $88食得潮州菜就必食蠔餅，煎既食得多，今次試下炸蠔餅。一上菜都覺得好大碟，勁抵食，三人食都無問題。佢炸得超香口，但唔會好油膩。蠔仔同湯飯一樣大大隻，而且粉漿唔會過厚，炸完都食到粒粒蠔仔，如果配啤酒一流。沙嗲牛肉芥蘭 $78芥蘭配沙嗲牛肉真係好少見。芥蘭好爽口鋪底，而沙嗲牛肉鋪面，佢香濃既醬汁，滲透係芥蘭當中，變到好惹味，牛肉都大大塊總結黎講，潮州菜黎講，呢間都算物超所值，兩個人都唔洗三百蚊，食到超飽，而且仲好好食

#潮味苑 深水埗老牌潮食，過了十幾年風味仍舊。一個滷水拼盤就已滋味無窮，無等堂食只好外賣回味一番。$128 mix and match 有好多不同材料，我們走了鵝腸。有魷魚、雞蛋、豬頸肉、豬耳、雞腎，配上醋食就是正宗的潮州味道。

今天工作有點事要去到深水埗，做完以後，剛好是午餐時候，就在附近找找有什麼好吃的，看到這間比較有人氣潮州店，就來試試了干炒牛肉河　（５８元）在潮州餐廳吃河粉，很大機會吃到的是粿條，而不是香港人吃慣的傳統河粉！所以這裡也不例外，這裡的干炒牛肉河選用了粿條，粿條吃起來比較幼滑細膩，帶點米香，入口即化的樣子！這裡的粿條炒得不錯，條條分明，又不會覺得太油膩，而且能吃得出是有鑊氣，味道適中，其中身芽菜和韭黃，更為粿條增添不同的口感！而主角牛肉的份量挺多，也很大片，有牛味！招牌炸蠔餅　（７８元）潮州菜中的炸蠔餅相信是眾所周知的傳統菜式！這裡的炸蠔餅非常足料，很大的一份，店員放了大量蠔仔進去，所以每一口都能吃到完整的一隻蠔仔！蠔餅炸得十分鬆脆，配上滑嫩鮮味的蠔仔，真的令人吃不停口！難怪是這裡的推薦菜式之一！

深水埗黎間主打滷水既潮州菜館，之前一直都食開佢既滷水菜式，今次疫情既關係諗住買黎返屋企加餸，就試下佢地既小炒，估唔到連小菜都幾有水準#川椒炒牛肉 $88牛肉肉質軟滑，醬汁較濃味配飯一流，對於食得辣既我略嫌唔夠辣蔥油手撕雞 $98手撕雞嫩滑有雞味，連埋雞皮食一d都唔肥膩，蔥香味濃岩岩好，每一啖雞肉都散發出誘人的葱油香味潮州炒麵線 $58潮州式炒米粉估唔到好有鑊氣，炒得好乾身而且用料十足.整體食物質素：4 / 5