潮式腸粉家菜館 (Closed)

潮式腸粉($45)腸粉大大碟，賣相唔多似皺皮腸粉。粉皮比較煙韌透薄，標榜自家磨米漿，配上以豬骨濃湯加五香粉熬成的芡汁，但個人認為呢個芡汁唔太惹味而且好油。唯一值得一讚既係餡料多，包住芽菜、生菜、雞蛋、冬茹、蝦米、土魷，超足料！潮式香煎芋頭卷原片芋頭加上少少杏仁炸得香脆，配埋酸辣醬，好惹味好快清晒成碟🙊

見網上介紹佢地腸粉所以試試，點了潮州腸粉同一個炒粿條，意外發現粿條好好味，好煙un,個人覺得比腸粉更好味，腸粉皮薄好滑，入面有大量芽菜、生菜。另外叫了芋頭卷，香脆可口！大大舊芋頭，好滿足，推介

懷念家鄉的腸粉， 見到雜誌有寫就慕名來到呢間餐廳。餐廳除咗腸粉，仲有好多潮洲菜式選擇。叫咗個腸粉，比以前在鄉下食嘅大碟勁多，可借，腸粉唔夠滑，太厚身，粉漿味太重，豉油汁唔夠香同鹹，有小小失望。

經過太子呢條街，躊躇食那一間的時候，被門口一個兩個open rice得獎熱店吸引住，得獎菜色是腸粉，心想: 晚飯吃腸粉? 我估湯河都可以試出是否真功夫!肥牛湯河，料簡單，最重要是湯頭，河粉和肥牛，說真的，份量比預期中細，如果大一點就更好! 湯頭好濃，應該有用大量骨熬。之後叫了潮州家鄉小菜: 薄殼，朋友話食得好辛苦，因為就如其名，殼很薄，但每一粒肉，是何等的鮮味，記住，薄殼汁都要撈埋飯，一定令你一試難忘! 另外叫了蠔餅和蝦，中規中矩，不及河粉和薄殼出色!

潮式腸粉 $45配料好足，平時食開嘅都係落雞蛋肉碎同生菜，佢呢個腸粉落埋蝦米同土魷，食落好香！腸粉煙靭唔會太腍，加分！香港嚟講少有潮式腸粉做得咁好。汁方面略為淡咗啲，或者再杰身啲等佢掛多啲汁會好啲。價錢比較貴，但都會再試，因為香港少有整得好嘅潮式腸粉好味指數（5粒最高）：

不約而同分別聽過兩個朋友提及這家吃潮式食品好好味，正正今日山友要來太子，行完山就一起來太子試試看。店內的裝修和格局和一貫的潮式食店很不同，這兒有點茶餐廳底....以圓檯為主。之前吃過的朋友推介要吃潮式腸粉，我是潮州人但印象上從未吃過這類腸粉，著實很好奇呢！就叫了一個潮式腸粉，一窩蠔仔豆腐湯，一份芋頭卷，一個炒粿條。原來全部份量可不少　！依碟係家鄉炒麵，佢係第一碟上我地檯既食物，上檯時我已經好疑惑，為何咁似我由細食到大既潮式炒麵線？但我地無叫到喎，唔通炒粿條等同炒麵線？　　過咗一陣終於問下店員，原來係佢地攪錯了，這碟是隔離檯的潮式腸粉～　同平時既蒸腸粉好不同，特製粉皮以圓形裝包著配料：雞蛋冬菇蝦米土魷生菜和芽菜；皮看似大白菜但實際上是有點煙韌又透薄，好得意，再有杰杰地既湯汁一起。豆腐同蠔仔可以做朋友後面果碟就係潮式炸芋卷，好香口再醮汁同吃，好正！依個先係我地ＯＲＤＥＲ的炒粿條，同ＭＥＮＵ既樣其實差距都幾大；麵多過粿條好多個腸粉真係好有特色　！

原本喺元朗嘅潮式腸粉搬到旺角，鋪頭比以前大，食物嘅味道繼續保持以往水準，近期開始有薄殻當造，所以特別為薄殻去潮式腸粉食晚飯，我最愛呢度炒薄殻，蒜頭九層塔嘅醬汁有鑊氣又夠香，亦唔會過鹹蓋過薄殻鮮甜味道👍🏻👍🏻，其實依家唔係好多餐廳有得食炒薄殻啦醃螄蚶，好咸但送粥一流，外殻乾淨，粒粒肉無沙爽口，但缺少鮮甜味，另外呢度主角-潮式腸粉，好大份入面有菜、蛋、芽菜、魷魚、蠔，味道不錯排骨咸橄欖湯，幾好味又唔咸，無味精

腸粉是我其中一樣愛吃的食物，自從皺皮腸粉興起，我和老公也會周圍去試。看到這間打正旗號賣潮式腸粉，而且還是米芝蓮推介，這天特地來吃我老公的家鄉菜。店鋪是非常街坊的裝修，菜單上有許多潮州家常小菜，我們只有兩人加上要戒口，所以只點了沙茶牛肉麵、豬手和潮式腸粉。可惜，我認為最好吃的只有豬手，夠入味夠淋。沙茶牛肉湯麵很淡，少了沙茶醬的惹味。潮式腸粉是我特意去吃可是也是令我最失望的。生菜一大塊，吃起來想分開幾件有難度，也令整個醬汁水汪汪及淡味，建議用生菜絲會較好；腸粉皮也算不上薄。不過份量很多，一個人吃腸粉已夠一餐了。吃過四、五間潮式腸粉這間算最不吸引。正不正宗我不敢評論，但我老公也覺得普通。如果説它是街坊小店是合格有餘，但應該不會專誠去吃了。

收藏了一段時間的潮式腸粉店, 終於有時間來試試。原來它由元朗搬出太子, 所以暫時不太多食評, 而店子座位不太多, 以大枱為主, 因為食物都大份為主, 多人share比較適合。看一看牆上, 嘩, 利害啦, 連續多年拿到米芝蓮推介, 無斷過。潮式豬肉腸粉皮滑滑的, 有蛋香味, 內裡還有蝦米、冬菇等材料, 醬汁不會太鹹太濃味, 對我來說剛好, 幾特別的腸粉, 值得一試。潮式招牌蠔仔粥叫左細碗, 但都幾大份, 兩個人食都幾多, 湯頭特別鮮甜, 就算食唔晒米飯都要飲晒湯, 蠔仔份量多又鮮味, 仲有魷魚粒粒吊味, 真不錯。大地魚炒芥蘭大地魚炒菜很特別, 比較濃味和咸香, 菜十分夠份量, 二人以上食比較好。薏米水煲的時間好夠, 水都變成米白色, 薏米都好淋身, 甜度剛剛好。

潮州風味料理，店舖不算太大，不過比起元朗舊舖已經好好多，而且座位與座位之間空間寬敞，全店約有5張圓枱，所以能夠容納客人不會太多，今天是一早12點前到，因為不想和其他人爭位，12點後開始陸陸續續有客人入來，亦有買外賣的，今天都是叫了些家鄉菜式，潮式腸粉、炒粿條、潮式炸豆腐、綠茶餅，但最可惜店家已沒有做豬手凍這款菜式了，老闆説因新店這邊不太多人叫這款菜式，而且工序繁多所以現在沒有做了！本來還想叫蝦棗和蠔餅，但驚太多食吾哂，為免浪費食物，所以留待下一次再品嚐！

果日同同事食lunch，唔知食乜嘢好偶然底下就入咗呢間餐廳🤟🏻🤟🏻🤟🏻當日嘅午市餐牌是咁的午市嘅價格都非常合理我嗰日叫咗第一個，但由於我非常想食薯粉，就問服務員可唔可以轉啦佢哋都好樂意轉薯粉俾我☺️☺️☺️於是我就叫咗酸辣墨魚丸薯粉配豆漿個味道唔錯，亦都唔會好辣墨魚丸都係好食的唯一覺得唔太滿意嘅係，我作為一個女生食完之後都唔係太有飽足感嘅感覺😂😂😂😂😂🙊所以覺得如果佢份量多番少少嘅話就好啦🙊

平時對潮州菜無乜想法 果日路過見到有潮州腸粉 見佢個造型都特別 所以就吸引左我去食 平民的格局 可見老闆都係想著重食物去吸引客人 當日除左叫左潮州腸粉 仲叫左個醉雞 都想講下個醉雞 都幾特別 個醉雞係熱上的 可能係我大鄉里啦 認真未食過熱上的醉雞 味道都中上 係我等待潮州腸粉期間 就被我發現左一件事啦 話說搭台的姐姐 叫左個食送好耐都未到 咁個姐姐就要問問伙計進展係點 個伙計就話 其實係老闆煮完唔滿意 所以再煮過 先會咁耐 心諗 老闆是否太認真 之後我的潮洲腸粉都到左 原來入面有菜 濕濕地 都幾好味總括而言 呢餐令我對潮州菜另眼相看 I will be back

今天 刻意去吃這個潮州腸粉，人很多但服務員很少，比較混亂， 點了一個蠔仔麵，一個蠔仔腸粉，一個豬油渣抄菜心，蠔仔面的蠔仔比較腥，但份量很夠，至於蠔仔腸粉就真的很好吃，腸粉煙韌配料十足，至於菜心都很好吃但7拾多元就有點貴。

我睇到蘋果介紹哩間腸粉，話米芝連啦！我入到店當然即刻叫個潮式腸粉試下啦，食材只得 雞蛋 魷魚乾同 埋生菜，食落味道一般，又不是報導中那麼滑，中伏了😢😢😢當一間小店攞左米之蓮後，價錢係咁升，質素係咁跌👎👎👎好平民的腸粉賣$46一碟，正常一個男人食係不會夠飽的....最後茶餐廳咁嘅小店 埋單仲要加一服務費😐$50食一碟腸粉，去酒樓可食2碟鮮蝦腸粉啦以後不會再幫親🙅‍♀️🙅‍♀️🙅‍♀️🙅‍♀️

睇完網上一篇有關皺皮腸粉食評介紹呢間潮式腸粉，據聞舊店喺當區有點名氣，難得佢喺太子開咗新店，所以今日我特登來試試。成間店得幾張大圓檯，所以一定會搭檯，而每一檯都有人order呢個潮式腸粉呢。潮式腸粉主餐牌係$45，而午市就$42配埋飲品，可揀豆漿/羅漢果水/薏米水。另外我order咗午餐嘅沙茶蠔仔麵餐($39)。潮式腸粉即叫即整要等，蠔仔麵先登場。蠔仔麵嘅味道有喜出望外，蠔仔size ok份量足有鮮味，麵爽，但湯底略賺有點過鹹。後來潮式腸粉來到，我覺得腸粉變咗配角。潮式腸粉頗大碟，皺紋腸粉內係冇肉的，有好似沙嗲醬味道嘅醬汁，煙韌嘅腸粉裡面有雞蛋、芽菜、生菜、冬菇。本身我唔係好識食潮州野，所以我唔太識欣賞。我聽到對面有位女士問佢身邊嘅男士「似唔似你鄉下食嘅？」嗰個男士冇答到Btw, 羅漢果水同美味嘅蠔仔為我今日嘅午餐添分了。