潮福蒸氣石鍋 (Closed)

大鄉里出城，第一次食蒸氣鍋，感覺俾人劏，選擇散叫，$820左右 3位，原本諗住選擇食放題，得4樣海鮮，只能叫一次，其他先任食，$388/位，連加一咪要$4xx/位，不如食自助餐好過啦，怪唔得咁多間分店，大老闆賺到笑點解會叫新鮮排骨粥，我只見豬肉，都唔知係咪瘦肉添，價錢又差一段距離，骨點都貴過肉啦，係咪咁計先？先蒸龍蝦，口感ok，係細隻d，手掌咁大食都未食晒就上元貝，時間可否預好d仲要企喺隔離等收碟，咁同催你食快d，完全有乜分別原本有得揀，但其他平d既無貨，只得$68/隻，味道又真係唔錯嘩搞錯呀，侍應生夾起聖子，3隻有2隻爛殼，係佢太大力，還是唔新鮮，從來未食過聖子有沙囉，$48/隻架，俾d咩倉底貨我呀口感及味道唔錯 $78/半斤 有22隻 $48半斤就差唔多味道可以，都係果句，細隻左d開頭太快，後來，響鐘都冇人嚟。呢d粟米真係唔係人食架喎，又乾又冇味，都唔知食緊乜離晒大譜有6碗仔，肉唔夠林，但以煮既時間計算（約一小時），都算綿埋單啦，一句基本多謝都冇，笑容更不用說了。人一世，物一世，試一次夠了

✨潮福蒸氣石鍋 半任食 (一至四$338 五六日$388)✨每台可以選五種海鮮 份量啱啱好唔會太濟龍躉肉一人兩件 聖子 蝦 元貝和鮑魚各一件最喜歡元貝！配上粉絲 蒜蓉 鮮美可口扇貝肉甜美爽口 鮑魚彈牙 龍蝦肉質比較老聖子有沙 蝦味道就比較普通 不過都幾新鮮石鍋把食物逐件逐件蒸熟 健康 是食物原本味道👉🏻送貝殼拼盤(有兩款 夠爽甜) 龍蝦(每人半隻)龍蝦雖然大隻不過肉比較老 可能蒸得太耐了任食項目有牛 雞 豬頸肉 手打丸 蔥花包 蔬菜等必定飽飽 手打丸蝦丸 墨魚丸 豬肉丸較香口墨魚丸比較淡 和牛粒好咬 其他一般穿洞的鐵板 蒸食物如海鮮 汁水向下流沒有加水 瑤柱淮山粥濃稠順口 唔會太油不過不准打包 大感浪費 實在可惜Rating💁🏻(6*/10*)

系好多時候我都會對事務進行一種橫向發展，咁樣嘅其實先系可以得出最公道嘅結果，先對得住自己。西灣河店嘅潮福好大感觸就係好多可以選擇嘅調味料，貝殼盤，價錢唔高，貝殼好入味。大連鮑魚，鮑魚嘅品質好壞我真係無法分辨，反正就系覺得好好味喇，鮑魚食得多，好壞全凭自己嘅感覺，糕嘅話我食咗小小，覺得甜味岩岩好，有一種感覺就系如果有小朋友嘅話就應該更加受歡迎吧。南非龍蝦，龍蝦肉質新鮮感不止高一個level，我中意醬汁點龍蝦，好味、元貝，粉絲、蒜蓉嘅陪襯之下居然可以讓我接受，覺得味道好正，蒜蓉好濃郁嘅，元貝完全无腥味，元貝肉俾我以前食嘅更滑漏。海中蝦，大小超級均衡，蝦肉好好彈牙，鮮蝦味好足。新鮮排骨粥我好鐘意，我睇住佢煮，自己覺得好安心，排骨粥熬得好稠，自己就飲咗兩小碗。

最近連續食左兩次潮福，都同朋友分享左，CC聽左又話要同我嚟多次，因為佢都好鐘意食海鮮，特別想穩一D有特色嘅海鮮，今日為佐就佢返屋企近，就嚟左西河灣呢間分店，邊間分店無咩所謂，海鮮都一樣靚。今日我地都係點套餐，品種多又唔洗淋點咩食，而且仲有配菜同其他菜任點任食。見到呢個蒜蓉蒸開邊南非龍蝦，見到就好有食欲喇，龍蝦都算大只，蝦肉好新鮮，而且好爽口彈牙，簡單嘅蒜蓉蒸，帶出蝦肉嘅鮮甜味。粥底好重要，因為我覺得系呢餐飯壓軸好菜色，瑤柱本嚟就好鮮，到最后再加上咁多海鮮嘅甜美，到最后就變成美味鮮甜靚靚海鮮粥喇。食完龍蝦先飲個靚燉湯，雲腿粒冬瓜燉海螺肉夠味道啊，料好足，味道好清甜，無放味精其他調味料，好似住家老火湯咁靚。食完海鮮就食D蔬菜嚟補充下，蔬菜都係免費任點任食，好新鮮。蒸蕃薯蜆真係體驗到呢度海鮮嘅正，真係好新鮮，肉好肥美，細細只，但好新鮮，好正。蒸鮑魚及龍躉片唔洗講都系咁新鮮，鮑魚肉好厚，好彈牙，龍躉片切得好厚，肉蒸好耐都無蒸爛，仲系咁實，鮮甜無比啊。

呢排食潮福嘅蒸氣海鮮，就好似上咗瘾咁，今晚已經系第三次去食喇，但今次唔系去上次嗰間分店，今日系去西灣河果邊，淋住人少D，再加上系因為朋友住嗰頭，但我地去到剛好七點半，比較人多，等左二十分鐘先有位。首先上張南非龍蝦嚟鎮下圖，系蒸籠度睇唔出有幾大只，用手掌對比下就知有幾大只喇，蒜蓉蒸開邊龍蝦，蝦肉質地好靚啊，咬落好實，仲有D彈牙，蒸又可以食得出龍蝦嘅新鮮感，好好。食完蝦就到蟹喇，生猛肉蟹，真係好生猛，系度蒸嗰時仲好似見到佢掙扎，蟹都幾大，而且好多肉，蒸嘅時間無加任何調料，所以一食就知道只蟹好新鮮，肉質又靚。蒸貝殼雖然肉唔小，但好鮮味，都好值得一食。蟲草蒸雞肉同埋釀豆卜仲有粟米，雞肉好蒸得好嫩，雞肉品質好靚，好滑，配上蟲草蒸好營養健康，釀豆卜我都好鐘意，豆卜D肉剁得好細味又調得幾好，唔錯。生猛海中蝦，上嚟仲扎扎跳，雖然只系中蝦，但口感一D都唔輸比大蝦，新鮮美味，蝦肉好鮮甜，肉質當然都系咁好喇，店家仲好好人，送左一份桂花糕比我地，雖然系送嘅，但都好好食。到左最近食到飽飽地喇，但當然唔會放過精華喇，排骨南瓜粥，今日點左甘多海鮮，呢個粥覺得特別鮮，南瓜又甜，食兩碗都覺得唔夠啊，唔知點形容佢嘅好食喇

今天給大家推薦一個健康的飲食餐館——潮福蒸氣石鍋。最原汁原味、最健康的烹飪方法是蒸，裡面的食物絕大多數是用蒸來做食物的，保證食物最原始新鮮的口感，而且少油少鹽，十分健康，適合任何人來食用。來看看它的鍋，很乾淨，一直是用一個類似竹或草編起來的鍋蓋蓋住，很有風味，像是在田園生活的感覺。這裡的蒸生猛肉蟹，真的是肉質鮮厚，肉汁特別鮮美可口，吃起來，每口每口都是滿滿的蟹肉，特別讓人滿足！！我們還吃了蒸龍躉片、蒸美國石蠔，都特別好吃，簡直可以用流連忘返來形容！龍躉片肉質鮮甜可口，有彈性美國石蠔不愧是進口貨，比一般的石蠔好吃多了最後我們點了個雲腿粒冬瓜燉海螺肉湯，超級鮮甜，喝了一口之後簡直停唔到，要一直喝，喝到見碗底才甘休。

天氣忽然轉涼，和男友兩個心思思又想去吃蒸鍋。選擇當然是我們的至愛潮福，但到那間分店好呢？記得半年前去個西灣河分店，新鮮又好味，今晚決定從遊舊地，立即換衫出發去西灣河。到達潮福己8點多，原來這分店亦改為任點任食，第二輪8:30入座，時間啱啱好。先選粥底，要了瑤柱淮山粥。每人送一盅燉湯，我倆都要雲腿粒冬瓜燉螺肉。另每位敬送貝殼盛盆各花竹蝦。海鮮類可選五款，其餘所有任點任食，啤酒，汽水知竹蔗水任飲。燉湯先到。熱辣辣，材料豐富，果真有冬瓜、螺肉、雲腿、雞腳，絕不欺場。先喝一碗滋潤滋潤。海鮮到了，先蒸貝殼類。有兩種不同貝類，我較喜歡紅色肉那種，很爽口鮮甜。輪到蒸花竹蝦，記得上次在旺角分店只提供普通遊水海蝦，但這裹供應的是價錢貴幾倍的花竹蝦；花竹蝦除大隻外，肉質較海蝦結實，啖啖肉味道鮮甜，好好味。之後到自選海鮮部分，有幾款很值得推介。首先是蟶子，看，比隻碟還要長，用葱蒜粉絲醃好，蒸數分鐘，蟶子肉鮮甜彈牙，而蒜蓉粉絲吸收了蟶子的鮮味，比蟶子肉更好吃。還有象拔蚌仔和美國石蠔。象拔蚌鮮爽口，侍應說只需蒸2分鐘，蒸太久會變韌，2分鐘果然剛剛好，象拔蚌仔只覺爽口，完全不老不韌。石蠔亦是大大隻，看，差不多等同

Honey一向最愛打邊爐，不過深知「烚吓烚吓」其實並非咁啱男朋友仔口味，噚晚就帶咗XO仔去佢家附近間「潮福蒸氣石鍋」，一試潮興o既蒸氣石鍋，搞搞新意思 。兩層高o既「潮福」地下為接待處及廚房，一入門口已見海藍色o既魚缸內有多種及多隻生猛o既海鮮。六點三左右，一樓o既二至四人卡位散座啱啱只剩下俾我地嗰張，早食真係好  ！不過真係估唔到天口咁熱，七點未到全店冇九成都絕對有八成滿。雖則餐店有小菜提供，但差不多每枱都有個籐罩喺中央，似乎全場都係黎食蒸鍋。原來honey立心要試o既海鮮餐最少要有兩個人先可以食，每位$338，另收醬油、花生、及加一。套餐每位奉送粥底、滋潤燉湯、貝殼盛盆、生猛花竹蝦及自選海鮮五款。其餘二十一款肉類蔬菜則任食任點。就連啤酒、汽水、竹蔗水都係任飲 。喺度食飯仲可享免費Wi-Fi，抵啦掛 ？！點好食物當然係要先混一混醬啦！ 滋潤燉湯之雲腿粒冬瓜燉螺肉：燉湯清甜且唔油膩，每碗除咗有冬瓜、螺肉、同雲腿粒之外，仲有軟滑o既雞腳食，真係好足料。兩口子飲湯時，叔叔先喺鍋底灑上一碗粥料，然後再續款食物幫我地蒸。由於蒸爐非常熱，蒸煮不同食材所需o既時間又有所不同，免得食客燙

潮福絕對系我食過嘅海鮮大餐入面味道最原汁原味嘎！！~因為實在太好味啦！！！ Nena好早之前就已經book好位啦，夜晚六點鐘左右，間店就已經開始好多人啦，好彩提前book好位，唔系真係有排等....入到大堂，見到每張檯上邊都放咗一頂大草帽！！！上邊蒸氣騰騰，所以對呢度海鮮餐嘅食法特別感興趣。~~ 睇完餐牌，原嚟有分唔同時間段就會有唔同價位><等我地點好曬嘢食啦，就可以坐系個位到等食啦！！！啲waiter會將我地點嘅嘢送上嚟，然後用米粥嘅蒸氣將啲海鮮食材一樣樣蒸熟。 調味料任揀，你想要乜味自己拿就得啦，好free嘅~~有XO醬、辣椒醬、蒜茸醬等等..... 食海鮮嘅時候覺得唔夠味可以加少少落去。扇貝又大隻，又肥，周圍仲有粉絲包住，肉質好爽口，加少少沙茶醬味道會更加好！！ 西洋菜湯，湯嘅火候啱啱好，西洋菜好淋好好味！！！湯嘅味道好鮮甜~~~ 龍蝦真系好抵食，龍蝦肉唔單只大隻，而且味道仲好正添，肉質肥美，仲可以食到蝦膏添 聖子同埋貝殼類，放啲蒜茸落去一齊蒸，蒸熟咗之後口感有好香嘅蒜蓉味，鮮得嚟又有味~~！正吖

今天我們四人行，去了西灣河的潮福任點任食，潮福是一間吃不厭的蒸氣火煱!首先來了四個雲腿料冬瓜燉螺肉，火喉十足也鮮甜極了!自選海鮮蟶子皇，用上粉絲清蒸，鮮味十足!美國石蠔如手掌般大隻，而且又肥又大，放入口裏，真的很creamy !大連鮑魚用上冬虫草一起蒸，很甘香，鮑魚爽口!日夲大元貝也用上粉絲清蒸，又大又鮮味!象拔蚌仔也很清甜，很有口感!還有蒸大蜆，大蜆很多，一点也不欺場!手打梅菜肉丸也很彈牙，很有水準!還有嘉士伯，竹蔗水任喝，真的值回票價!

潮福把清蒸石鍋帶進市場，我認為非常成功，首先是自己的店已經擴至九家，其次是仿效者亦眾，我喜歡吃海蒸，無油的煮法亦非常合心意，因此亦已經吃過多次，今晚，又約了一位未嚐過這吃法的朋友，來到西灣河店，因為近大家工作的地點。我從太古坊走路去，大概半小時到達，飯前先運動，待會可吃更多，因為要嚐任吃套餐。晚上每位$338，包湯丶粥底丶2款指定海鮮丶5款10選5海鮮丶然後是餐單上的蔬菜丶肉類及蒸卷任吃，更有啤酒丶汽水及竹蔗水任飲，但要加上每人$15茶錢及醬油費，亦有加一服務費，總數$388.3/位，相比散點，非常優惠！集團經營，裝潢一致，海鮮酒樓格局。我們坐在二人卡位，十分寛敞。今日的湯是雲腿粒冬瓜燉嚮螺，味道濃郁，估計材料及調味料皆足，泛著幾分油光，沒有期望，亦不失望。清蒸石鍋折解，全個鍋可以取出清洗或更玩。未放石鍋，中央散發蒸氣，桌下是一大瓶蒸餾水，見有員工更換。放下石鍋後放下粥底材料放下蒸格放進海鮮蒸今晚指定的海鮮是花竹蝦，每人有兩只，肉質十分有彈性，味道鮮甜，好好味！另一款指定的是貝殻海鮮，今晚每人有3只番薯蜆丶1只花甲公及3隻花螺。番薯蜆肉厚鮮甜，實是平丶靚丶正之選；花甲公太瘦，今日貨源不

呢次係第二次黎潮福上一次食嘅時候 唔知係因為人手不足定點我果枱冇人理 啲魚仲蒸到老哂 但因為屋企人食過旺角果間覺得唔錯於是決定俾多次機會佢一如往常入到黎見倒好多海鮮 見倒舊魚諗翻起上次不過今次經理力推呢舊魚 仲話再老哂嘅退翻錢俾我地好 就俾多次機會你 每一樣野都係自己揀嘅連蜆都可以逐粒揀 經理又唔嫌我地煩service今次啲分賺翻哂一黎到就上左海蜇同青瓜海蜇雖然唔夠爽但味道好夠 第一味就係食蜆 不過忘記左影因為有人未到所以夾起左幾隻等到左再蒸經理都好配合 幫我地 冇刻意為難或者唔肯然後就食龍蝦味道真係好鮮雖然佢冇乜點落調味但係食落都唔會覺得淡啲肉仲好爽 之後就食左鮑魚岩岩好預左一人一隻好滿足 食完鮑魚仲食左蟲草雞因為我個人唔係好'好'雞 所以對味雞冇乜評價但屋企人對呢味雞都好滿意 之後食左四寶丸最上果粒一睇以為係貢丸點知一食落口係鯪魚丸 最後就到南瓜粥喇因為我本來唔係好食南瓜所以屋企人叫南瓜粥果陣我都打左個突但食落口南瓜味唔濃反而好清甜好鮮而且入面仲有排骨啲肉好林今次嘅service真係好過上次好多，其實我仲食左魚同扇貝不過魚同扇貝冇影到相