潮福蒸氣石鍋 (Closed)

蒸氣火鍋最近都好hit，而且全部蒸到剛剛好，鮮味又健康。今次又嚟左潮福，呢度蒸氣火鍋，除左指定海鮮，安格斯牛，手打丸，蝦丸及其他食材，全部任食，仲有啤酒蔗水任飲，三百幾的確幾抵。選了淮山瑤柱粥底，預先放米，氣鍋自然湧出蒸氣同水，慢慢煲，最後蒸晒先食粥，精華係晒度超正。任食餐包每人半隻燒乳鴿，可以頂住肚先，熱辣辣，脆皮，幾好味。蜆拼盤，都幾多，好鮮甜，自然海水味濃，完全唔駛醬料。蒸龍蝦，大隻又鮮味仲有膏。 桶蠔係我至愛，好大隻又肥又重蠔味，正丫。牛肉，可任叫，有牛味，又唔太肥。另外蔗糖馬拉糕係推介，又鬆軟，又香，好食!整體都唔錯，任飲又任食，有專人serve,係朋友gathering既好選擇。

今日同屋企人去左西灣河呢間叫潮福嘅蒸氣石鍋店食晚飯，我地叫左任食海鮮套餐，而加真係好興食蒸氣鍋呀，開左好多間蒸氣鍋食店，不過我都食第二次食蒸氣鍋咋，呢間海鮮蒸氣鍋幾好食！任食蒸氣海鮮餐可以自選粥底，我地揀左瑤柱淮山粥，燉湯就揀左姬崧茸螺肉湯，自選海鮮有四款可以揀，仲送左乳鴿、貝殼盛盆同龍蝦，其他都有得任食，啤酒汽水都係任飲，有出名嘅日本啤酒同韓國汽水，呢個套餐都幾抵食！醬汁可以自己調配，蒜蓉、辣椒、蔥、豉油、沙爹醬，好多選擇。燉湯好香，材料好多，好耐冇飲過咁足料入味嘅原盅燉湯，好好飲！乳鴿好香脆，真係皮脆肉嫩，好惹味。貝殼有花蛤、花螺、青口，全部都好鮮味，唔需要點豉油都好食。蒸鮮鮑魚真係好正，上面放左蟲草花、蔥花、薑絲去蒸，肉質好彈牙。龍蝦好新鮮，大隻又多肉，仲有龍蝦膏，味道非常好，超級鮮甜。象拔蚌好好食，放左粉絲、蔥花一齊蒸，粉絲索左象拔蚌鮮味，點豉油食，真係好正！我地仲叫左好多任食食品，有牛肉、豬肉、雞肉，仲有好多店舖自家製肉丸、釀豆卜，同埋其他蔬菜、甜點，真係好豐富！最後，不得不提精華所在嘅淮山粥，係一開鍋已經開始煮，煮到最後已經變到軟綿，用左瑤柱、淮山、豬骨去煮，非常鮮甜！

食過海鮮蒸氣鍋就會上癮咁，因為真係好正，好想再食，所以最近有親戚嚟左，諗都冇諗就book潮福，食蒸氣鍋專門店，有得任飲任食。一上到去見到勁多海鮮原來除左任飲任食套餐，亦可以散叫，雖然套餐唔包括海鮮任食，但其實包含既海鮮份量都唔少，套餐除左包貝殼類拼盤同半隻開邊龍蝦外，另外仲可以揀多四款自選海鮮，仲奉送乳鴿同燉湯。除左海鮮，仲有安格斯牛，係任食嘅，同其他食材，手打丸， 馬拉糕,鮑魚仔荷葉飯,粟米等，味道都吾錯 。總結呢個價錢有得任點任食，仲有啤酒任飲真係超值，大家都食得好開心。

家人一行六人來吃試一試，一開始落order時嗰位女侍應態度已經不太好。六碗湯黎錯曬，要求侍應轉返，但佢好似唔多願意。最後要經理搵先得。喂！唔係我地錯喎！要求佢要兩罐汽水，佢送到後我地要求加多罐，佢竟然叫我地一次過叫，唔駛佢走幾轉！嘩！你係咪有病啊？唔比後加？再落單寫任食order諗住每樣寫小份量啲，佢話我地六個人最少每件叫六份，解釋比佢聽唔想太多食唔曬，佢轉頭同佢同事講話我地講唔聽！！嘩！我頂唔順！叫經理搵人！喂！大佬！328一位唔係茶記啊！垃圾服務！食物幾好都假，全餐背脊骨落。唉！祝你好運.....

同朋友慶祝生日，佢話要食好d，就去左佢屋企附近間潮福蒸氣石鍋。去到服務都好好，去到都好多人等緊位，我見店內都好多人，唯比較多人的時候，等候時間較耐，不過為左食好野，等都值既。呢度個蒸氣海鮮石鍋係任飲任食，好多野食都好新鮮好味，等我重點介紹有咩最好。燉湯姖崧茸燉螺肉既湯勁足料, 味道又清甜，飲完感覺好舒服。D海鮮超新鮮又足料，有好多種選擇，個粥底重係新鮮排骨粥, 真係好正。今次有龍蝦食，肉質口感一流，新鮮爽口。重可以自選自選四款海鮮，我地揀左生猛大元貝，蘇格蘭聖子皇，北韓鮮鮑魚，生猛海中蝦，樣樣都好好味，朋友覺得大啖大啖食海鮮先算過個豪生日哈哈！牛肉都任叫，有手切和牛肉,手切和牛粒,牛魔王既朋友不要錯失。

今日慶祝家人生日 便去了食蒸鍋因大家都不是太餓 所以無食任食 8:30後入席海鮮有七折我地叫左扇貝 蟶子蟹蓋糯米飯 勝瓜同粥底-----瑤柱鮮淮山粥一開始食店員就加左一碗米同淮山加落去但無加水 我地已經覺得好奇怪 一開始先食左扇貝同蟶子先 粉絲吸左蒜香同貝類既鮮味 不錯佢有個Timer 會計時 夠鐘就可以叫店員幫忙不過我見有些枱的客人 都自己落手😂😂 之後便食勝瓜同糯米飯 無咩特別 正正常常甘我地食完部長先發現同事無加水 事後再加水 仲要堅持自己無錯 甘樣食都無問題難食到不得了😡😡😡 整體來說是不錯的 但如果大家去食既時候 佢無加水就記得提提店員了

今日2個人去西灣河食蒸氣石鍋, 店舖光猛座位舒適8:30PM 後入座, 每人都只係298加一, 好抵食~先有滋潤燉湯~蒸是最原汁原味的, 又健康~龍躉:新鮮魚肉質彈牙，唔係養海魚的味道，新鮮美味龍蝦肉爽, 又肥又大隻~牛:無肥脂肪連在牛肉中間，勁有牛肉味，無雪味, 有口感及煙韌蜆,:全部都打開晒, 無牙砌, 味道鮮甜帶子:香滑爽口，鮮甜, 粉絲吸收了帶子及蒜香味, 更鮮甜, 肉汁四溢東風螺:好爽脆，鮮甜美味，不用點醬油也很鮮甜其他海鮮也非常新鮮美味， 有鮑魚、北寄貝蔬菜:品種多，可任意選擇，粟米:非常觧甜其他食物也非常出色~仲有蒸之前有個粥底, 食完蒸野次後食得啦~粥底好正呀, 吸收晒食物精華~飲番竹庶水清熱先~

由於相熟同事會離職，所以平時午餐小隊的一聚人發展埋去晚飯瘋狂一下！心知平時已經幾crazy... 特別今次係farewell老死，想扮斯文fine dining 一下也應該好難！五星酒店/grand的餐廳係容納不到我們🙈我們所以揀左這間地道蒸氣鍋餐廳，可以食好野之餘，又可以放鬆下！由於包房的緣故（要meet min charge)，除了叫了基本任食餐外，豪叫埋成隻長腳蟹！D職員勁友善，主動話可以同隻蟹影相！咁影下影下，就有得食！先黎左老火湯和乳鴿😍😍😍之後就逐款海鮮蒸....D海鮮勁鮮甜！🤤🤤🤤🤤依家諗番都流口水😳除左海鮮可以蒸外，連肥牛、手打肉丸和蔬菜也蒸得！種款也好齊全！最後以吸盡之前海鮮精華的蟹粥作結尾！成晚笑聲加美食，真的好懷念！午餐小隊...我們要繼續啊！💪🏼💪🏼💪🏼

冬天除左打邊爐，仲有更好嘅選擇，就係去食蒸氣海鮮石鍋，呢間潮福係吾錯嘅！呢個蒸氣海鮮餐係任食嘅，包左四選自款海鮮，再送了龍蝦，同乳鴨，另外雞牛手打丸等都係任食嘅，飲品都係任飲嘅，八點半入坐仲可以有優惠，300都吾洗真係好平丫！自選海鮮我選了鮑魚，象拔蚌，聖子，同元貝，全部都好新鮮，元貝係好大隻嘅，蒸得岩岩好，肉質嫩滑，另外鮑魚都好好食，好新鮮，聖子係加埋粉絲咁蒸，粉絲入晒味，好味道丫！而任食個度，手切和牛都好正，就咁蒸，好香牛味，蒸嘅方法食就吾會un，仲保留到好多牛汁，熱辣辣幾好食，另外我雖然好飽，不過馬拉糕都好好食，蒸完好鬆軟，好好食丫！最後食埋個南瓜排骨粥加上海鮮嘅精華，煲左個幾兩小時，非常棉又好好味，正！

今晚同左朋友一齊試潮福蒸氣石鍋，其實好耐之前都已知有呢間店，不過都冇試過，最近朋友提返就book枱試下佢啦。環境好似酒家咁，地方好大，一入到，就好多入客，每枱都係食蒸氣鍋的，望到其他人都食得好開心。地下個層仲有海鮮係度游嚟游去，好大隻又新鮮，見有食客係度選海鮮。講返重點，呢間海鮮都真係好新鮮，其實海鮮夠新鮮，就啦蒸都真係好好食，食材都吾平，每人實包龍蝦，肉質彈牙，好鮮甜。另外我自選了鮑魚，聖子等，全部都蒸得岩岩好，吾會老，因為全部都有人教好蒸海鮮嘅特定時間，又有店員分俾我地食，服務好好。最後食左牛丫雞丫丸等，係任食嫁，瓜菜類都有好多款，都係任食正。仲有啤酒任飲，好超值丫。

以前細個常常到西灣河文娛中心陪長老們看戲，搬遷後都好一段日子無來。估唔到今日朋友訂了西灣河潮福食蒸汽鍋，之前在旺角店吃過小菜，食物算是高質抵食！今次食蒸氣鍋要選海鮮，柴娃娃到門口選，店員也不厭其煩地為我們介紹任食套餐的海鮮👍🏻👍🏻一開始的功夫是蒸鍋的重頭戲.... 好好服侍，因為基本上蒸或上碟都有人服侍，我們負責享受😝每人半隻乳鴿，六個字可簡潔描述：皮脆肉滑多汁！ 朋友不食乳鴿，我食埋佢個半隻！呢頂草帽能令海鮮精華鎖於粥底貝殼盛合，有不同類型的貝類，特別喜歡胭脂蚝，一咬入口啖海水味十分鮮甜！ 上圖是4人份量當日無晒北寄貝，店員建議不如食象拔蚝仔！又好啵！碎上，加上大量粉絲，調味不多，正好能食到原先既鮮味！鮑魚仔蒸得都幾有技巧，店員掌握得時間幾好，另一讚是上面的冬蟲草仔，味道幾配合，沒想到任食餐內的鮑魚都幾大隻啊！牛肉是任食的，店員好有心機排整齊絕對不是普通打邊爐的肥牛如果我話牛有牛味實比人打😅 不過現今既任食，有如此質素的牛肉，性價比絕對很不錯！牛肉味濃，我們encore 又encore!另外亦有和牛粒選擇，和牛粒較有咬口，比牛肉片肥美一點，個人來說我偏好和牛粒！蝦丸彈牙，內頭的蝦膠味

海鮮還是蒸的最原汁原味＠潮福 天氣突然轉涼，就是想食暖一點的東西去暖和身體，到西灣河看完表演之後就在附近搵食，潮福就在文娛中心旁邊 這裡食物可散點也可以點餐，我們人不多，就點了任點任食套餐，比較有預算一點也可以食多幾款～８：３０後入座＄２９８一位，加埋一大約＄３５０左右 天氣凍的關係，９點時客人非常之多，職員忙得來都尚萛周到，頗有禮貌，不過食物就是要等一點點時間。環境舒適，空間感十足 飲料都有十多種任飲的 朝日啤也是免費任飲，韓國芒果飲料很美味呀 之後就選粥底， 粥底我們選了瑤柱淮山粥， 等食啦～ 免費供應的燉湯，原本是有二款可供選擇的，之不過已經沽清，只有西洋菜燉陳腎，西洋菜性味甘涼，具有清肺潤燥的作用，很適合在乾燥的秋冬季節飲用！燉湯味道很濃郁，飲完全身暖粒粒的 紅燒乳鴿，每位有半隻，乳鴿是比較細的， 豐腴肉美，食起來很嫩滑多汁，燒成焦糖色澤很美 一大只龍蝦等著我們蒸來食～一人半只 新鮮食材，放入進口蒸氣鍋裡，過程中不加任何添加物，什麼調味料也不加，蒸熟即食馬上可感受鮮甜原味。只要食材新鮮，原味就很美味。 貝殼盛盆，包括了青口，番薯蜆和花甲 一下子就蒸熟了

嚟潮福蒸氣石鍋，我地嗌左個任揀任食任飲海鮮餐 ，每人都係$338， 咁聽落價錢都好合理，就去試下。啲海鮮好生猛，嚟到仲識跳，蝦又大大隻，絕對唔係平時食果d蝦仔。亦都有叫其他海鮮來到顏色都好靚，絕對係新鮮。湯都好好味，用料十足。蔬菜嘅選擇都好多，啱曬鍾意食菜嘅女仔。

今次係第二次嚟食潮福，呢度食嘢真係有品質保證，一如既往非常新鮮👍🏼連啲蜆都大大隻，鮮鮮甜甜😋鮑魚又好彈牙，仲有個燉湯好好飲、又夠熱辣辣，最後個粥先係最爽，如果可以打包就好😝，順便一提呢度服務態度一流，仲有人幫你蒸晒所有野服侍你，真係好好待遇！以後一想食海鮮都會諗起潮福。

其實今次飯局有點不如預期，原本一行幾位朋友約好一齊試這個蒸鍋，不過因為公司OT最終遲了個幾鐘才到達酒家…貼心的朋友們已經為我留起了食物，不過都已經放涼了。但蒸鍋就有個好處，可以即時加熱返！服務都頗為周到，侍應會親自過來幫手調控蒸煮時間。所以我們與侍應講明想返熱食品，他就幫我們較了時間，一席「快煮蒸鍋餐」就此出現！可能平時都不會有機會這種方式吃蒸鍋吧…翻蒸了一次，原本對於味道不太抱期望，不過卻返而帶來驚喜！幾道海鮮仍然保留鮮味，先吃花甲、馬刀貝、蠔與及龍蝦，貝類翻蒸後仍然彈牙，味道鮮甜；而龍蝦亦不見過老，如果可以即蒸即吃應該會更好味！所以食材應該非常新鮮。蠔size好大隻，啖啖肉，必嚐！而元貝亦上佳，配搭粉絲、蒜同蒸，是最傳統亦是最配合的味道！牛柳粒、蝦丸等等都是水準食物，不過印象深的要數我到達酒樓後才蒸的馬拉糕，鬆軟香口，值得一試！至於蒸鍋的精髓：集蒸華於一身的「蒸粥」，比起其他餐廳的粥來說米飯比較少，看起來稀身似白果糖水，味道是濃厚的，不過可能個人喜歡厚身弼底，好味不過未稱得上最喜歡。但同行的女友人讚不絕口，味道足又唔太飽的粥始終都受女性歡迎吧…總結，服務好、食材新鮮，值得再去！