潮興牛腩

Open Now

Now Closed

牛腩的做法有好多種，不過這間餐廳的秘製爽腩比較罕見。爽腩取名於牛腩的口感，牛腩好爽口，而且非常入味。外賣好多時都遇到食物焗得太耐會淋曬，不過爽腩完全不受影響。另外點了一份時蔬，不過飯量偏少。

晏晝叫外賣，諗住簡簡單單食碗麵，叫左雲吞牛筋河+菜心，同埋熱檸水。一開始食第一啖，已經感覺到唔對路，心諗點解咁咸，再食第二、第三啖⋯⋯咸到xx …所有野都好咸，咸到食左少半，已經到人體極限，唔能夠再食落去。雲吞係偏咸，食開濃味野既人可能接受到，但牛筋真係咸到痴線⋯⋯湯底都好咸，愈食愈咸，然後連菜心都好好好咸，啲豉油浸滿哂，唔咸都好難！唔閒白點解所有野都可以咁咸⋯⋯總之，我覺得我今餐係食鹽。必定無下次，完。

晚上到店內買牛腩麵給爸爸，本想買隻好食嘅牛腩，我就跟收銀員說，我想要切腩麵，收銀員話都正常禮貌地回覆：我哋冇切腩，都未聽過切腩，好嘅牛腩我地得爽腩。因為我未聽過爽腩，只買過崩沙腩或者切腩，我一時未反應得切，隨即在廚房戴眼鏡短髮女士 （語氣似老闆的）就好不耐煩問收銀員咩事，跟住非常不客氣話我哋淨係得爽腩。因為我係買俾爸爸食，我又未試過爽腩，店員亦沒什麼有再解釋或者指比我睇乜嘢叫爽腩，我費事買錯，所以我最後決定話：我都係要普通牛腩就得。跟着那位女士就好晦氣講 ：吓，原來要普通牛腩咋？。雖然我只係買一碗$44的牛腩麵，個位女士嘅態度都不用那麼差劣吧。 其實如果有她友善d告訴我，我哋爽腩好好食，叫我試吓，我諗我都毫不猶豫試下。 做服務業，尤其是做飲食，基本態度都沒有，客人點會再回頭。 我記得之前那位老闆娘是很好的，相信已經是轉了手。 之後也不會去了。 免得受氣。

又黎食左元朗，近期愛上左食潮式粉麵，今日放飯下下行見到呢間潮興門口幾靚仔又入去試下啦。店內環境好細 得6-7枱左右，睇下餐牌除左粉麵仲有d午市飯餐都幾平，但睇過d食評話飯一般所以穩陣食返粉麵好d，本身落單叫牛沙瓜試但師父話今日無，因唔係好多地方有想試下，可惜。五香牛雜河無得食沙瓜就求其食返牛雜河啦，份量都幾足，有牛膀1塊，草肚4塊，牛腸3件，牛肺2塊，牛膀食落無過特別鞋口，我平時唔太鍾意食都覺得ok，草肚腍得黎有d咬口，牛腸都夠腍無怪味，牛肺好厚切，不過食落好似咸左d，河粉質地幾好唔會易斷易碎，腩汁湯底值得讚，濃味得黎唔會飲到好口渴，睇黎無點落味精喎。原汁牛腩河同事揀呢份，牛腩睇落都好靚帶少少肥，同事就話咸左少少喎。豆漿原價10蚊，跟餐就5蚊，算幾抵飲幾大杯，個人覺得偏甜少少但都可接受。整體黎講今日食既野質素都不錯，可惜無得試牛沙瓜，下次有機會再黎睇下有無先。

作為一個元朗人，經常都會同男朋友喺元朗試啲無食過既餐廳～今日就黎左呢間，點知就中晒伏⋯⋯永不錄用！😑叫左個牛肚牛柏葉河，但俾錯左牛筋牛柏葉….算啦！廢事叫佢換…另外叫左個蟲草花鴨腿湯飯牛筋有啲淋有啲彈牙牛柏葉味道正常個醬有啲辣，整體普通蟲草花鴨腿湯飯先經典🙄睇住佢係一個即食包倒出黎….成碗湯既蟲草花得兩條，紅蘿蔔勁淋勁難食，鴨腿甩晒皮賣相勁唔吸引…食落超鞋口….真心垃圾食左一啖就成碗無郁過，女店員問我做咩唔食我形容俾佢聽有幾唔好食老細係隔離，店員有同佢講，但佢完全無動於衷，亦冇問下使唔使換其他嘢食俾我…與其咁求其提供呢啲劣質客飯真係好心你做返你地既招牌野算了…元朗大把好野食，呢間以後都唔會黎😑

🥹附近整完甲 就食個速食 坐低叫個五香牛腩+豆漿 等一陣好快有得食 但見到D牛腩肥成咁 「唔係我碗嘢」🥹湯底偏偏鹹 麵質適中 唔會太淋都OK嘅 鹼水味唔重但牛腩冇牛味 係有一浸怪味 講唔出嘅異味 怪怪地 最後啲麵食晒 牛腩剩返少少 啲肥肉實在無法入口好彩姐姐聽漏咗我杯豆漿 真係連豆漿都唔想飲🥹🥲

中午個陣去左元朗公園跑左個步同埋workout，做完運動又唔想食咁heavy 既野。 去食碗港式粉麵就岩哂。潮興牛腩未食過，今日就去試下。我地叫左個柱侯牛筋麵，同埋五香牛肚麵，一碟油菜少油, 凍奶茶同埋凍豆漿。麵既質地好彈牙，湯底都係正常既牛肉味，唔濃唔淡。 柱侯牛筋都好入味同埋夠淋，五香牛肚唔算好爽口個種，不個味道唔錯，相比下牛筋個味重啲。凍奶茶茶底夠香濃, 豆漿就偏甜同埋冇乜豆漿味。下次要試埋個牛腩同雲吞先~

魚蛋粉麵鋪基本上每一個地區都有，亦總會有一兩間係當區係出名，今日呢間我食過都覺得性價比都相當高👍🏻👍🏻爽腩雲吞麵$48雖然一眼望落去食碗雲吞麵要成$48，但真心講 無論個湯底、麵底、餸菜都相當高分👍🏻👍🏻👍🏻湯底飲得出係用豬骨淆出嚟，飲完唔會覺得好重味精。麵底去鹼水過程做得好，唔使刻意落醋嚟遮蓋啲鹼水味，食返食材嘅原味，只有新鮮材料又或者工序做得好，先至做得到。雲吞裏面除咗一般蝦肉同埋豬肉外，仲食到有大地魚粉喺裏面，成粒雲吞即刻層次又高咗🤣；爽腩方面牛肉比得豪爽，兼且滷好好，肥瘦適中。

自從搬離元朗後，很久也沒機會途經回來。今天因工作關係途經元朗教育路，竟然發現一間開業不久的牛雜粉麵店！看到店名，更令我聯想到港島區的老字號「潮興魚蛋粉」由於中午時間太匆忙吃不多，就想進去想試一下。看到其招牌菜式「爽腩」，便點了爽腩雲吞雙拼麵一試。「爽腩」肉質煙韌，鹵汁香濃，值得推薦！雲吞的餡料很足本錢，蝦粒很大，大地魚味很重，十分惹味！另外一提，店內辣椒油十分香辣，十分過癮！要試的朋友最好先試一點，避免太辣太刺激！元朗有很多粉麵店，但比較有質素的不多，如果吃膩了其他老店，不妨來這一試。