澳門街雞煲火鍋 (Closed)

最近有少少秋風起又係適合食羊腩煲嘅季節啦去到荃灣區最多打冷舖嘅三坡坊一於淨番個羊腩煲試下呢間雞煲火鍋鋪都係任食嘅仲有唔同嘅火鍋底畀你揀添有一般嘅打邊爐湯底亦都有各式雞煲同埋羊腩煲話說我都係第一見羊腩煲嘅放題咁又試下啦同埋呢度有早場時段同宵夜時段每為平廿蚊老闆娘仲話如果想食海鮮蒸氣鍋可以早一日預約羊腩煲上場啦絕對唔會因為任食火鍋而變得兒嬉不輪份量同質素都係同一般大排檔食到嘅煲一樣兩個人食呢煲羊腩都可以話食飽咁濟羊腩煲炆得好冧，亦都夠入味入面仲有蘿蔔同支竹等等配料食完羊腩煲就要去拿火鍋配料一般嘅火鍋配料可以話係齊全肥牛海鮮雞件都係任你攞當然唔少得丸類同埋腸仔等等總結而家去大排檔食個羊腩煲都講緊二三百蚊呢度加多少少錢就可以食羊腩煲放題性價比都唔錯

荃灣街坊點可以唔去下最熱鬧嘅三坡坊，呢間澳門街雞煲火鍋 放題就係三坡坊嘅入面喇！價錢真係非常親民，最平任飲任食火鍋2小時$108 免加一 （包湯底：芫茜皮蛋/沙嗲/麻辣/清湯/蕃茄/粥水）7:30前離座/9:30入座減多$20 $100都唔洗打個任食邊爐，仲要荃灣旺區，真係無得輸！各款雞煲/魚煲都係百幾蚊！天氣涼涼地就叫左#秘制羊腩煲 +火鍋$198羊腩無羶味，肉質有彈性！冬菇大大件厚肉吸晒湯汁，仲有枝竹、馬蹄等配料，超足料多到食極仲有！ 羊腩煲有腐乳醬提供。火鍋料：肥牛、豬肉、雜丸、菜類全部都好正常仲有蠔仔最開心供應嘅食得出係廚師腸！ 仲有啤酒任飲

2個人食飯想打邊爐，任食火鍋就岩哂！今日同媽媽行過呢頭，佢話不如打邊爐，咁我地就睇到澳門街幾抵食，最平$108就任飲任食！我地叫左椰子雞鍋，每位$148！餐廳上菜都好快！雞件既份量都幾多，肉質都幾嫩！食完雞之後就可以開始食其他配料！配料係自助出去夾，款式都算幾多，丸類、肉類、海鮮、內臟、蔬菜乜都有d，配料既質素都Ok！價錢已經包括埋飲品任飲，除左無酒精飲品外，某幾個牌子既啤酒都係任飲既，如果至在同班朋友飲下酒吹下水都係一個幾抵既選擇

10月終於入秋了，晚上多了一份涼意就想吃返一點暖胃的食物，同老友相聚大家都想食打邊爐又想食羊腩煲既然係咁就決定去 荃灣的‘’澳門街雞煲火鍋‘’，因呢到有得先食羊腩煲再食火煲，仲要任飲。秘制羊腩煲不得了， 羊腩肥瘦適中，炆得入味可口， 羊腩點一點他們的腐乳醬汁食無得輸，煲內大量配菜，有支竹，馬蹄，大蔥，羅白，跟本上一煲滿足哂我嘅要求。食得咁上下我地就開始落打邊爐配料， 粟米， 支竹，魚雲，蜆， 蝦， 一定要落鵝腸，因佢吸哂d 羊腩汁好味。呢到仲有其他火鍋配料，什丸，菜都有幾款，驚唔夠飽仲有公仔麵添。打邊爐驚上火，我就鍾情飲涼野，即燒仙草爽果類， 若然係酒鬼呢到都有唔同牌子可以啤啤佢， 人均 200 已經咁爽，值得推介。

澳門街雞煲火鍋 (荃灣).今次我係聽男朋友帶路，話三坡坊呢頭好多野食，次次過黎都無轉過入黎，一入黎果然係好熱鬧，真係超旺，係眾多鋪中發現呢到嘅雞煲好似幾正，百幾蚊任食仲有青島啤酒任飲🍻！入到去發現原來仲有羊腩煲揀，實不相暪我個人係幾喜好食羊，出面就咁食都要$300鍋，呢到先$200幾任飲任食，真係平民價！難怪呢到老中青年齡層都覆蓋曬，實在係性價比之王ψ(｀∇´)ψ.▪️秘製羊腩煲▪️.唔係講笑，個人覺得好正，食羊腩煲必定沾腐乳食😋真係好香，肉嫩，有羊酥香，最正係啲皮連住肉嗰啲，入面仲有超索味枝竹，爽口馬蹄！ 食到咁上下可以自行出去拎配料，加湯等.配料有一般嘅菜，菇，仲有蜆仔，鵝腸，牛柏葉，午餐肉等，選擇都好多醬料自己出面調配，仲有響鈴，響鈴索曬羊腩煲啲汁好正.飲品上，汽水一定有，啤酒有獅威青島，仲有一啲馬蹄爽呀涼粉等罐裝清熱飲品！.📌 澳門街雞煲火鍋 (荃灣)荃灣三陂坊20-26號遠東第一大樓地下C號舖環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.

<雞煲與任飲任食火鍋 性價比高>常常聽說荃灣的大排檔火鍋檔抵食又氣氛好，今次與友人到三陂坊的一間性價比高的火鍋店🥘餐廳採用人頭收費任飲任食，第一輪可選擇雞煲、鯇魚煲或粥底海鮮鍋，隨後自助任食火鍋，飲品和醬油也是自助形式。 雞煲味道濃郁，醬料配菜都很足料，辣度夠，包括花椒八角辣椒紫洋蔥芫茜蔥等等，因此一上枱已經聞到雞煲香味，雞件方面很不錯，食得出雞肉鮮味，口感嫩滑，而且應該事前醃過，食落十分入味。 隔後加湯轉火鍋，食了肥牛、雞件、魚柳、水餃、魚皮餃、響鈴、午餐肉、生菜等等，整體都新鮮和味道正常發揮，令人驚喜是雞件和水餃，雞件同樣是嫩滑多肉，而水餃餡料很足很大隻。 餐廳環境比一般大排檔整潔和裝修較新，地面乾，老板和店員態度親切，而且價錢只是一百有多，任飲任食食到飽，性價比的確很高。

荃灣雞煲火鍋🍲任飲任食多數會去老生常談的大鴻輝中心，但今次比我朋友發現係荃灣三陂坊的「澳門街雞煲火鍋」用人均港幣138 就可以食雞煲+ 火鍋🍲+ 啤酒🍻汽水🥤放題，實行大快朵頤。餐廳🍴主打雞煲、火鍋、小菜。室內燈光明亮，有兩層用餐區。樓下主要食小菜，樓上供客人雞煲火鍋任飲任食🥢澳門雞煲/鯇魚煲 + 火鍋放題只是$138/位，仲免收加一，好抵。我們今次嚐雞煲小辣，雞件好大件，份量多而且雞皮肉嫩，上枱時用慢火焗多五分鐘，超多芹菜芫荽蔥、香氣撲鼻，令人垂涎欲滴，食落雞肉扎實好惹味，整體吾算辣，雞煲醬令人食吾停口。食完雞煲店員會幫你加清湯開始打邊爐🍲，火鍋配料好豐富，放左係冰凍雪櫃，放得井井有條，乾淨整潔。最回本位係海鮮，毫不吝嗇的無沙沙白、新鮮生猛海蝦、脹卜卜蠔仔🦪另外蔬菜🥬類有：鮮冬菇、金菇、南瓜片、蘿蔔片、萵筍片、紹菜、西洋菜，香甜爆汁粟米🌽。肉類有：鵝腸、雞腎、滑牛肉、魚頭、鯇魚腩、雞件。丸類同麵類有午歺肉、墨魚丸、貢丸、牛丸、魚滑、魚片頭、豬皮、豆腐卜、公仔麵、烏冬等等。絕對夠曬食，而飲品方面有各款汽水🥤清熱解毒馬啼爽，甘蔗汁，最重點有多款樽裝罐裝啤酒🍻，同朋友啤一啤下火都好👍🏽爽。

男友話想食雞煲，但又唔想下下都要打邊爐，見到呢間大排檔雖然有任食雞煲火鍋，但都有單點雞煲同小菜，感覺不錯就入去試下先😋呢度既小菜選擇都ok多，而且價錢好抵，大部分都係$78-$88咋，今晚叫左三款嘢食試下佢既水準先😛澳門雞煲$198睇到個樣都知道好惹味！雞件好滑好入味，醬香味十足，而且份量好多🥰海味雜菜煲$78令人回味無窮既菜色，超級鮮味，d菜同粉絲將海味既鮮甜完全吸收，下次黎都會嗌！蜜椒薯仔牛柳粒$78牛柳好嫩，薯仔好香口，唔錯既小菜真係好抵食！

📍 澳門街雞煲火鍋📍 荃灣 • 三陂坊20-26號遠東第一大樓地下C號舖-荃灣可謂雞煲火鍋店勝地🍲～平時出外吃雞煲火鍋大多都要二三百下樓，想不到三陂坊這裡居然有$150以下，又高質的選擇！-這家《澳門街雞煲火鍋》是三陂坊的新店，主打雞煲、火鍋、小菜。室內燈光明亮，有兩層用餐區。這次我們就嚐了他們的「鯇魚煲 + 火鍋放題」， 只是$138/位，還免加一服務費捏！🤩-鯇魚煲半條鯇魚經煎炸後放在鍋裡滾湯，配料有鹹酸菜、雞腳、冬菇、豆卜、玉米、枝竹等等，湯底微辣🌶️，酸酸辣辣的蠻開胃😋鯇魚很多肉，肉質厚實嫩滑，令我們吃不停口🤤配料盡吸湯底味道，非常惹味！•火鍋配料放了在凍櫃裡，感覺還蠻整齊衛生的。配料很多，海鮮類如蜆、蝦、蠔仔，還有自家製的鯪魚滑；牛肉、豚肉、雞肉還有蔬菜類等等都是任拿。全部都整齊的排列在玻璃門雪櫃內～•鯇魚煲令人暖在心頭💖，再加上火鍋的豐盛，十分滿足🥰性價比非常高，高度推薦！--Menu:

同屋企人去開荃灣搵食，諗起食雞煲都唔錯喎，就見宜間餐廳價錢都幾合理，有雞煲又有火鍋任食，一於係度食晚餐啦。朋友怕辣所以我地走辣。雞煲好香好足料，上枱之後焗多陣就食得。好多件雞件，雞件肉質好滑，用左好多香料黎炒，煮得好惹味。食完雞煲就可以加湯變做火鍋。火鍋既食物係自取任食既。有好多丸類，肥牛，唔同款式既菜，仲有幾款新鮮既海鮮包括蠔仔，蝦，蜆，魚頭等等。飲品都好多款式，有啤酒汽水涼茶。總括而言又抵又好食😋除左雞煲，仲有鯇魚煲選擇，好似都幾正，下次再去食先。。澳門街雞煲火鍋荃灣三陂坊20-26號遠東第一大樓地下C號舖。。

看著這家三陂坊的火鍋任食，本來只是打算$138果腹了事，沒想到食物質素意外地不俗，任飲的啤酒更是大支裝上，很驚喜環境不算很舒適，只能說是一家普通的雞煲店服務正常水準，執枱  收枱 上食物都不會拖太久，食物：$138 雞煲中辣二人雞煲有半隻左右，無論雞腿雞胸還是雞背，都是十分香彈嫩滑任食部分肥牛其貌不揚，但入口比外間的任吃肥牛好上很多，因為它真帶有牛脂香跟禾味此外魚頭鮮味 蠔仔不澀 雞腎爽脆 粟米（推介）超甜，除了菜三跟生菜，還有碗豆苗！全部都有夠新鮮蜆還有咸香味，蝦竟然彈牙非常！竟然有超少見的低糖熱情果汁，好健康！那麼大支的青島任飲，此外還有獅威 生力，亦有罐裝啤酒呢！以食物質素來說， $138真的是抵到爛

荃灣三陂坊有很多食肆，之前都試過來三陂坊食，所以今晚來到荃灣，就過來三陂坊，見這間澳門街雞煲火鍋放題 ，有$108，$138及$148 三款火鍋底， 免收加一 ，價錢平民，本來就愛食火鍋的我，今晚就揀了這間澳門街雞煲火鍋食火鍋放題。我們要了個招牌澳門雞煲+ 火鍋放題 $138坐下後，雞煲很快就上枱，雞件已經熟曬，上枱後開爐滾一滾就可以食， 然後一邊慢火滾著一邊慢慢食，熱辣辣的雞煲，揭開蓋後即時飄出一股麻辣雞香味，香香辣辣香噴噴的香味，令人垂涎，雞件切得很大件，裏面有洋蔥、青紅椒、芫茜、蔥，還有很多蓮藕及其他配料……，雞肉 非常入味，入口麻香辣，又嫩滑又多汁，夠惹味！正 ！！食完雞煲跟著加湯食火鍋，火鍋配料放雪櫃，喜歡什麼及要多少自取，非常方便又稱心。自助火鍋配料有廣島蠔、大魚頭、鵝腸、蝦、 滑牛肉、腎球、丸類、蔬菜……等等。最愛大魚頭，食完一次再取了一次，魚頭又滑又香， 超正！廣島蠔不是很大隻，脹卜卜的，很鮮味 ！滑牛肉切得夠厚，牛肉味香濃，入口真的很嫩滑，有牛味！還要了蝦、蜆、腎球、生根、粟米……等等。蝦及蜆都很新鮮 ，爽口又鮮味，食得就當真滿足又滿意！！

今日去左荃灣三坡坊的「澳門街雞煲火鍋」食飯，店長推介鯇魚煲，鯇魚煲非常足料，湯底配料有雞腳，冬菇，雲耳，酸菜，枝竹等等。鯇魚炸過，外皮香脆，而且好厚身，好大條，冇咩腥味，不過比較多骨，食的時候要小心。自助配料區有海蝦，大蜆，豚肉，各類丸類和蔬菜，最驚喜有蜆食，可以refill整卜卜蜆煲，都幾新鮮，每一隻都打得開環境方面，企理衛生，所有食物放在有蓋嘅凍櫃裏面。至於飲品方面，有多款支裝和罐裝啤酒任飲，仲有馬蹄爽和果汁等飲品。$138任食兩小時免加一真係十分抵食，除咗鯇魚煲仲可以選擇雞煲或$148醉雞鍋/川芎白芷魚頭鍋，飲番幾支啤酒到回到本，醬料配料不額收費，一個價錢全包價，做的都係街坊生意，性價比很高。

突然好想食細個時候的大排檔風味，所以今日去左荃灣大坡坊，我記得果到有大量大排檔型式嘅餐廳，相信一定可以重拾兒時大排檔回憶。餐聽是大排檔型式，但裝修比較靚，及乾淨。一坐底，店員就比餐牌我地，原來佢地可以選擇打邊爐食雞煲，亦可以選擇食小菜。我地話明想食大排檔風味，一定係食小菜啦😂我哋叫了一個澳門雞煲，辣度可以自由選擇，我唔食得太辣，所以要了小辣。火爐加熱，馬上食得，芹菜的香味漂晒出嚟，勁香。雞肉份量都算多，加上雞煲的醬汁，會令人食到停唔到口。京都豬排，呢個是兒時食大排檔必食的一個小菜，因為酸酸甜甜，容易入口。佢地啲豬排煮得好淋，一咬就爛，非常好，醬汁甜酸度調教得剛剛好，兒時回憶返晒嚟。椒鹽三寶，呢個小菜佢地將三種食物撈埋一齊，效果又非常之不錯。椒鹽鮮魷炸得非常乾身，配上椒鹽好好味。海蝦揸到外殼脆卜卜，蝦肉又鮮甜，真係勁好食。炸大腸，佢地將大腸炸到乾食，好似食薯片一樣，配上酸汁，送飯一流。今晚食呢一間飯，真係令我感受到細個時，食大排檔的感覺及風太味，下次要帶埋爸爸媽媽一齊嚟食。

疫症期間冇得離開香港, 但係又好掛住澳門嘅美食， 所以今日黎到荃灣 一間有澳門味道嘅火鍋店， 各式各樣嘅飲品應有盡有， 而且啤酒任飲， 仲有韓式燒酒 ，黑啤等， 火鍋配料亦都十分齊全， 除咗丸，腸，肉類外， 仲有蝦，硯等海鮮，物超所值。 澳門鯇魚煲大大條鯇魚尾， 香炸完放落火鍋湯料入邊， 個湯底用咗鹹酸菜同埋雞腳煲十分足料，另外配菜仲有冬菇同埋腐皮索曬啲湯真係好好味呀。 椒鹽三寶， 就係鮮魷蝦同腰果， 椒鹽鮮魷啖啖肉， 香脆可口又有趙口， 鮮蝦大大隻， 蝦頭 入邊好多蝦膏， 蝦肉新鮮彈牙， 腰果香脆可口， 同三五知己， 一路食一路飲啤酒， 好過去酒吧。 澳門小炒王大雜錦嘅小炒王， 有煎到好香嘅蝦乾， 鹹味十足嘅魷魚鬚， 入口撲撲聲嘅腰果， 火喉十足嘅韭菜花， 又係送啤酒嘅極力推介