烤吧31 (Closed)

近日成日都要開ot，想去食個飯都難！今日終於抽到時間，去食我想食好耐嘅(香辣豆香烤江團魚)，自從我上次同啲friend食完之後，我啲friend耐不耐都有去，但就係我冇份，鬼叫我要我要開ot咩😔😔所以今次終於有份, 好開心😆我一於食番夠本！冇嚟兩個月，d野食依然好好味！😋😋除咗食烤魚！例牌一定要食我嘅蒜蓉生蠔🤭🤭我今次好貪心咁食咗三隻🤣仲有毛血旺入面嘅豬大腸同鴨血真係好好食，又每樣都有啲，啱曬我樣樣都想食少少，因為今日朋友唔係好食得辣！所以每樣少少就最啱我哋啦！😚😚仲嗌咗一大堆串燒/涼拌小食！同埋一堆嘢打邊爐！嗌到成枱都係嘢！後尾見到隔離枱食牛仔骨，又好想食，但因為大家都好飽，正喺度同朋友研究緊食唔食之際！老闆就同我哋講！如果你想試，我幫你碎上啦！聽到呢句話，即係好開心！牛仔骨嚟到係冇失望嘅！仲要好好食，生熟仲要啱啱好！

琴晚同幾個同事開ot,收工又肚餓,就一齊去覓食,見今日weekend,聽日又唔使返工,就搵個可以飲酒既地方,一路食嘢,一邊啤啤佢！行咗去德興街,見到有間烤吧31！門口個mon啲嘢食，都好似好吸引！又見到有幾個明星嘅合照😂就入咗去試啦！去到我地幾個大隻佬,即時叫咗d涼拌小食,嚟送酒！另外再嗌咗個啫啫雞煲！又幾好食喎！見到佢有燒生蠔！一份有四隻！我哋啱啱好四條友,叫咗一份！食完發覺好正！又叫多兩份食😂然後嗌咗一堆串燒！飲咗一大堆啤酒！下次再嚟食過！👍🏻

當我進入🍢烤吧31這家餐廳時，我首先注意到的是它溫馨而現代的裝潢。然而，這種美好的印象並未維持太久，因為當我開始品嚐他們的菜式時，我感到非常失望。我點了幾種不同的串燒，包括🐟鮮魚串、🥩牛肉串和🌶️蔬菜串燒。但不管是哪一種，味道都很不好。鮮魚串的魚肉很老，而且味道也很奇怪，讓我不敢再吃第二口。牛肉串的肉質也很硬，而且調味不夠，讓人吃起來很無味。蔬菜串燒烤得不夠熟，口感很生硬，而且調味也不夠豐富。除了菜品不好吃之外，餐廳的服務也讓我感到非常失望。服務員的態度並不友善，而且他們也沒有提供很好的建議或推薦菜式。總的來說，我對🍢烤吧31的餐點和服務都感到非常失望。我不建議任何人去這家餐廳用餐，因為你可以在其他地方找到更好吃且服務更好的餐廳。

今日同兩個同學仔去食串燒！而家天氣咁熱,但又想bbq,梗係幫襯有冷氣嘅地方,又唔使自己熱住咁燒啦！嘆住冷氣，一邊飲啤酒，一邊食串燒！人生一大樂事！天氣太熱！一坐低就叫咗兩支冰凍啤酒，同埋涼拌芥末魚皮食！然後叫咗個小辣嘅酸菜魚，同埋一大堆串燒，（燒海蝦，燒生蠔，燒魚泡，燒雞中翼，燒紐西蘭羊架，燒雞軟骨,燒白鱔，奇味雞泡魚乾，燒雞腎，燒香腸，燒羊上肋，燒串燒五花肉）實在叫左太多嘢，好多仲要打孖上！眼闊肚窄！所以最後都冇飲啤酒！努力咁食😂

又係時候約埋三五知己,烚下烚下嘅時候喇！雖然而家天氣好熱,🙄但係都無阻我哋打邊爐嘅興趣🤣一坐低！長期好似餓鬼嘅我哋🤭已經叫了幾個小食,（芥末魚皮、無骨鳳爪、蒜蓉拍青瓜）一邊食住小食,一邊🍻🍻啤啤佢🤭🤭好正！主菜我哋今次食（酸菜魚🐟🐟）但因為太耐冇打邊爐啦！所以今次索性唔食串燒,淨係嗌打邊爐配料,叫咗（芽菜、萵筍、即炸響鈴、娃娃菜、蘿蔔、蝦🦐，鴨血、鹵水豬腸、大既特級手切肥牛、唐生菜、鮮腐竹、豆腐、豆卜）雖然冇食到串燒,但都要食我哋必食嘅蒜蓉燒生蠔😋😋😋好耐冇食,真係好好味🤤啤酒/竹蔗茅根,更加唔少得啦

品＞嚐美味食物呈＞食店呈上的良好食材又美味又新鮮涼拌夠爽不口乾熟食夠熱不煮乾（保持肉汁）烤魚雞煲又新鮮店員和老闆服務也貼心一開始眼已控制思想，思想改變行為，見到美味大家都食咗先，然後才發現無影食物相，只能趕到影後面的食物。

今日約咗朋友去食串燒,上次見到隔離枱食（秘製烤牛骨筒）已經好想食！😋😋😋我今日終於食到啦！完全同我想像一樣,好好味!👍🏻👍🏻👍🏻👍🏻👍🏻另外嗌咗個香辣毛血旺,入面咩都有啲,有金菇,鴨血,豬大腸,同芽菜然後叫咗個燒茄子,鮮燒魚卜,燒海蝦,燒雞軟骨！樣樣都燒到啱啱好！不過因為朋友今日朋友隻眼發炎,所以冇飲啤酒,簡單食下串燒,傾下計就算😚😚時間過得好快,開開心心又過咗一日☺️

烤吧31（佐敦店） 食後感：首要點評餐廳環境，半酒吧形式餐廳，格局上昏暗柔和嘅燈光加上店主配搭的背景音樂感覺舒適，寬闊餐桌，感到不會太過擠擁，但餐廳地理位置上有點二格攝，想邊飲Cocktail，邊品嚐美味的食物，可以約朋友三五知己聚餐。食物點評方面：餐廳店長親自推介照燒穀飼牛翼板肉、慢煮法國羊架，品嚐過店舖推薦的食物後，肉類口感不錯，店舖老闆親自為顧客提供合適嘅食材選擇，令客人不會因食物過敏而對餐廳反感、或無法選擇自己喜愛的食材。調味料方面：各方面調味料比較均衡，可能因西餐形式，醬汁和主食材是分開處理的。燒物方面：店主推介燒牛翼板肉，慢煮法國羊架味道不錯，感覺烹調的廚師能夠在烹調中保持牛和羊原有的味道！進口感覺不會過分油膩。-）品嚐過後，食物溫度足夠，原材料新鮮，烹調時間恰到好處，不會有過分烹調燒焦的感覺。總結評價本次最終消費為$524（未計酒水），物超所值！店舖對顧客服務周全，滿星餐貝清潔妥當，衛生。歡迎親身來臨

近呢幾個月去得最多嘅食肆，我哋呢啲，又鍾意飲酒，又鍾意食嘢嘅人！食串燒/烤魚就最啱喇！所以近排成日嚟！我諗係兩公婆撐枱腳🤭或者同老友食飯😂不過近排雖然嚟咗好多次，但係因為懶得打食評，所以近排都冇發表個食評！但今日見到老闆幾好人所以特登表揚一下佢！話說我同老公喺出面食緊煙嘅時候，見到有一個執紙皮嘅婆婆，喺度問人哋攞錢，但冇人理佢！之後我就見老闆走咗入去，攞咗罐涼茶畀佢飲！我口多咁同老闆講，你唔怕畀佢成日呢咩！點知有個客搶住咁答我，我尼幾次都見到個婆婆問人攞錢，老闆次次都畀罐嘢飲佢！之後老闆就講，冇所謂啦！佢老人家！其實我一直喺我心目中都覺得老闆cool cool地嘅,不過經過今次之後我對佢有所改觀！好心有好報呀！

今日老友生日,同咗佢地去（烤吧31-佐敦店）食野叫咗個烤酸菜江團魚,我特別鍾意食呢一個魚,因為好多朋友都唔食得辣但就算呢個,就算只係得小辣程度,但因為好入味,所以都好好味🤤🤤然後嗌咗幾個涼拌小食（無骨鳳爪/蒜香拍青瓜/芥末魚皮/泡椒藕尖）👍🏻燒烤就嗌咗（燒白鱔/燒魚卜/烤墨魚咀/燒扇貝/燒生蠔/燒香腸）燒烤樣樣都好好食,樣樣都燒到啱啱好,唔會太熟,特別係燒生蠔/燒扇貝/燒魚卜,同燒白鱔,勁正👍🏻小食叫咗黃金墨魚餅👍🏻（好鬆化）麻辣毛血旺另外嗌咗啲打邊爐配料,放落個鍋度食(萵筍/金菇菜/豆腐/豆卜/鮮腐竹）索曬魚湯啲味😋好正👍🏻今日有幾個男仔所以嗌多咗個(生炒牛肉飯)👍🏻食！估唔到又幾好食喎！仲有竹蔗茅根同啤酒就梗係唔少得啦🤭

呢間串燒店喺佐敦同深水埗都有分店，今次就去左喺佐敦嘅分店，喺巷仔入面，好近地鐵站，主打串燒，仲有烤魚同雞煲提供。佢除左有室內仲有室外用餐區，最特別係餐廳以紅磚牆作為裝修風格，而且座位闊落，坐得舒適，我地今次以串燒為主，下次有機會再試烤魚。食物種類繁多，特別推介以下幾款：🔸 烤扇貝 $56大大隻，鋪上滿滿嘅蒜蓉，香口又鮮甜🤗🔸31秘製烤牛骨筒 $78好少見好特別，入邊好多骨髓，好香濃🔸 燒白鱔 $38超肥美又彈牙，烤得好香脆，充滿魚油香味！🔸 31秘製香烤魚（黄花魚） $88烤魚最考師傅功夫，魚開左邊，烤至焦脆並灑上芝麻，配埋個秘製醬汁，好味😋🔸 烤新鮮天梯 $22係豬上顎嘅軟骨，食落爽脆，正！🔸 芥末魚皮 $38味道偏酸，加上少許芥末，作為前菜非常開胃🔸 燒田雞 $38田雞粥或煲仔飯就食得多，燒田雞第一次食，好香而且肉質仍然嫩滑🤤🔸 燒韭菜 $13必食！灑上孜然粉同辣椒粉，食落又香又惹味🔸 茄子 🍆 $35勁抵食！大大條，加上蒜蓉辣椒，一絲絲咁食，健康又鮮甜！總的來說，串燒夠惹味，有辣有唔辣，仲會逐款上 ，而且價錢相宜，叫返杯啤酒，同三五知己吹水食野，都係一個唔錯嘅選擇。#foodie

呢間餐廳開到零辰2點鐘，夜左想喺附近食宵夜就啱哂！設有室外室內坐位，除左烤串仲有烤魚、雞煲其他野食！烤串★★★★☆烤串種類、款式都多，普遍嘅款式都有，有啲仲幾特別同少見，例如新鮮烤天梯，即係豬上顎軟骨，大約係豬喉嚨，食落幾有趣，爽爽脆脆，但又唔似豬皮。整體烤串味道上都唔錯夠味，如果食得辣就自行再外加辣椒粉，咁就再惹味啲。雞全翼烤得剛剛好，唔會太乾仲JUICY。雞軟骨都好食，軟骨之外仲帶啲雞肉，燒完啲油脂感加埋脆骨；雞腎冇怪味幾爽脆，絕對係餸酒一絕。燒美國牛仔骨，入味軟稔，唔會太老咬唔郁。蔬菜類：蒜蓉牛油粉絲金針菇好大份，牛油味重加埋蒜蓉夠，啲粉絲同菇都好入味，但又唔會太濃好口乾食到。仲有食燒烤串絕對唔少得嘅茄子同韭菜，加埋啲燒烤粉調味，正！🌟總括：開到咁夜，同朋友想搵個地方食下宵夜吹下水，呢間絕對唔錯。可惜當日秘製烤黃花魚賣哂，下次有機會一定要再試，同埋食埋佢地嘅烤魚！

烤吧31佐敦佐敦道14-16B號嘉信樓地舖心血來潮勁想食燒串燒🍖你都佐敦呢間位置有少少隱蔽嘅舖頭佢除咗有串燒之外都有烤魚個啲但我實在太想食串燒🤣🤣😋 蒜蓉牛油粉絲金針菇兜 $35好香牛油味好夠熱 所以佢啲菇同埋粉絲係啲油入邊都唔會好膩😋 燒海蝦 $26個蝦煮得啱啱好 啲殼好容易搣到出嚟啲肉都好林 但係唔會梅 都唔會煮得太熟😋 燒雞軟骨 $28佢比起平時啲雞軟骨有肉少少 都唔會硬😋 寸燒五花肉 $28佢係薄片嘅五花肉 中間會有少少軟骨但係幾好食 燒得啱啱好 唔會好肥😋 招牌生蠔（蒜蓉）$98超大隻超肥美 一啲都唔腥好多蒜🧄有蒜蓉粒有干蒜片佢係炒咗啲蒜蓉先 再放生蠔上面燒咁佢啲蒜蓉就會好夠香 生蠔都會熱但中間都喺半生熟 唔會好粉咁樣keep到生蠔嗰種少少啫喱嘅口感😋 燒白鱔 $38好肥厚👍🏼👍🏼 烤得外脆內軟 無骨！😋 燒茄子 $35識串燒一定要食燒茄子 勁爆炸多蒜 唔會燒到乾曬！總結 都幾抵食～同埋食物有質素👍🏼👍🏼下次多啲朋友就可以一齊食多啲款啤啤佢

朋友話想食烤魚串燒等食物,於是就帶我黎左呢間位於佐敦道既烤吧燒魚店,餐廳環境整潔,入面有好多木檯同椅,仲有D好有趣既打卡位置,我地叫左一條江團魚$298,條魚都好大條,再加埋手剁既辣椒粒同惹味既豉椒粒,再加多$68叫多左4款配料加入烤魚內一齊煮,我地叫左秋葵,健康又美味,自家制酸菜唔會好咸又幾有咬口咁,份量都幾大碟,仲有萵荀切粒爽口,同埋叫左娃娃菜放底,煲到好入味,條魚真係好滑,D肉好嫩,無乜骨,好多肉都幾抵食。

竟然係佐敦發現寶藏小店🫣平日7點嚟到見無乜人係到仲以為伏，點知都幾好食，而且性價比不錯👍🏻人均唔使$200已經可以食得飽，平時食串燒至少300以上。✨✨烤羊上肋(2串)$36肥瘦均勻，有少少羊騷味但完全接受到✨烤新鮮天梯(2串)$22口感幾特別幾彈牙，原來係豬上顎，出面好少見到有✨✨香辣毛血旺$48有大腸金菇雲耳寛粉魷魚，估唔到都幾辣下，啱晒我鐘意食辣🌶️燒雞軟骨(2串)$28啲孜然辣粉調味啱啱好，嚟遠都聞到香味，食落好惹味😋寸燒五花肉(2串)$28燒到脆脆哋，啲油脂逼咗出嚟食落去無咁油膩燒白鱔$38呢個價錢過下口癮都唔錯✨✨蒜蓉牛油粉絲金菇兜$32好多蒜蓉好正啊🤤啲粉絲吸晒味，真係多多都食得落竹蓆茅根水(扎)$38足料啊💓甜甜哋好解膩又勁大扎，至少斟到6-7杯出嚟，平時嗰啲飲兩啖就冇烤墨魚咀(2串)$32雞腎(2串)$28燒韭菜$13