無名炭爐雞蛋仔 (Closed)

我係牛頭角住了十幾年, 經常幫趁球場旁邊D食市, 等我來給點意見......此檔雞蛋仔我都食了幾年, 佢地D雞蛋仔同出面做法不一樣,它一向不是脆身. 但中間有小小厚厚地 (因為四眼哥哥特登落多小小蛋漿,食落去有D o野咬)出面買個D則是又薄又脆, 此檔雞蛋仔味道不是極好但不是很差, 味道幾年都是這樣, 只不過放工肚餓,買來醫肚.它一定不是食家推介的又脆又薄. 不明白當初為何有食家推介是脆身, 是他們太誇張,有點失實. 如果你要食脆身,你去加連威老道個檔食吧!這幾天很多人排隊買, 質素可能差了點.

三月廿九日(星期日)距離牛頭角下村清折的日子不遠,很多人都前來同它說再見,特別是很多拿著單鏡反光機的影友!我們也不例外吧,前前後後都來了五六次了!多數都有幫襯雞蛋仔叔叔的!但是上次見到一個頗嚇人的情況,有成四五十人排隊,而且好似茶餐廳叫人"入座"....由於上次趕上機,沒有排隊,今次一定要吃個夠!我要的是雞蛋仔,所以要排隊等,太約等了20-30分鐘才到我!雞蛋仔已經失色了....不!!不是失色,而且多色!.....多了黑色,燶了點!怪不得人多了,很多食店的質素下降吧!!!!!!雞蛋仔沒有之前的香脆,換來的是燶了的味道!....我想,下次不會排隊了,唯有吃格仔餅,老公說也不錯!!

今日終於食到傳說中的無名炭爐雞蛋仔排左十分鐘終於等到 點知一食味道好普通.....係幾鬆軟但好淡 格仔餅就好難食D汁一pair pair 係塊格仔餅到.......都唔知點形容

（3月14日…還沒搬檔之時）我們又向著尋找《無名炭爐雞蛋仔》之路出發，漫無目的、亳無頭緒地走著…又回來了第八座的商店街，終於給我們找到了，原來就在《真好味》斜對面、「麵包造型匙扣」攤檔旁吧！只是因為剛剛還沒開檔才錯過了。等待購買雞蛋仔的人龍長得很，而且大家都是邊等邊拍照的，後來阿姐好言相勸地說一個人排隊便可（因怕人龍太長，阻礙了隔鄰小檔之生意），那我只好走到一旁「觀戰」吧！四眼哥哥忙碌地「一人顧四爐」，而戴著口罩的阿姐負責弄格仔餅，另一位則負責把乘涼了一會的雞蛋仔包好給客人…要了一客格仔餅（$10），因為實在太燙太熱的關係，拿上手不久內裡的牛油、糖及花生醬已融掉八成、把紙袋弄得「油淋淋」了，不過格仔餅餅身的確十分鬆軟…另多加了兩客雞蛋仔，我們走到第十一座旁的小公園坐下來慢慢品嚐…這裡的炭爐雞蛋仔跟大澳的伯伯雞蛋仔一樣都是實心的蛋糕質感，嗯，總覺得雞蛋仔本應如此，只是由於大部份的食肆小吃店均為了節省成本而偷工減料，才把雞蛋仔變成脆脆的空心狀吧…如此有heart的雞蛋仔實在難求，唯一要彈的就是如很多網友所說一樣，真的沒啥蛋香！！就在吃雞蛋仔途中，一對迷茫的小情侶走到我們面前，男的問了我們一

見呢度食評咁高分,加上頻臨搬遷, 就黎試下呢個出晒名既炭爐雞蛋仔~點知...排長龍, 都唔緊要, 用得炭爐, 都預左燒唔快, 唔怪佢! 在場見到個阿伯, 聲大夾惡係樹斥喝排隊既人, 大佬哇, 我去買個十蚊雞蛋仔再加一個十蚊格仔餅架, 真金白銀唔係食霸王餐, 使唔使受你氣乍? 我比錢買野仲要比你無啦啦喝? 攪錯! 好啦, 呢個都算, 排左半粒鐘...終於比我買到, 好啦~諗住可以好好品嚐一下...點知, 雞蛋仔仲冧過我塊面...係dd咁少脆都無....都係格仔餅好d, 但係= =因為隊長龍而犧牲品質....真係唔值得! 呢間, 可謂算係我食過最差最失望既雞蛋仔了~或者, 唔係排長龍既, 佢品質應該唔錯掛,但好遺憾, 我無機會試, 亦無打算再去碰運氣! 差既野, 食一次就夠啦= =唉~

格仔餅＄１０格仔餅好正..一拎上手..味道唔會粉..反而我自己就唔係咁鍾意個雞蛋仔喇..雞蛋仔就似蛋糕仔咁..好軟綿綿..如果係鍾意雞蛋仔脆卜卜既話可能就唔係咁岩你地食喇不過人龍無時無刻都係咁長..要等8分鐘到啦

我食左呢度雞蛋仔都起碼有廿次. 最近一次去以為執左, 原來搬左第二度. 原本個位置太細, 多人就一定唔洗行, 比人投訴. 而家好d, 多人排都ok.其實食呢間都係貪佢味道夠特色, 唔好以為你食既係平時食開o個陣味, 陣味就係似蛋卷同蛋糕. 口感幾好, 佢等登整把風扇吹先比客人, 所以經常做到外脆內軟. 但都係有時會做唔到, 如天氣濕, 人太多, 爐唔夠猛, 風吹唔夠時間, 或者你手渣紙袋唔好, 焗親d 雞蛋仔, 都會令雞蛋仔變得唔好食. 我建議大家搣開個袋, 等空氣流通, 摸到脆脆地先好食. 以前得呀哥仔時唔多鐘意出聲. 最近多左個呀姐, 新黎, 比較惡d. 大家排隊就醒水, 唔好塞著條路, 呀姐就無咁燥. 不過呢個呀姐有樣好, 就係佢搽花生醬落格仔餅比呀哥仔重手, 非常juicy, 好好食.最後總結, 佢唔係平時食既雞蛋仔, 我覺得好食. 食時記得要令雞蛋仔通爽.

為何近日食客們對四眼哥哥的出品不再滿意了? 為何有食客在排隊時被人勸止? 小弟今天放工後，去看過究竟... 當然啦，如果少人排隊，就會買一底格仔餅，再三回味。落車後步往檔位「原址」... 咦？為何沒有人？難道是沒有開？　咦？牆上有塊手寫通告喎（見圖）：『 炭燒蛋仔 前往球場』哦！明白了！往第九座方向走，在球場旁就見到「新」檔位，這裡較遠離其他熟食檔及車仔檔，避免阻礙人做生意，排隊的食客也不會再被人勸阻吧... 但見有廿多人排隊，就算每分鐘能做一個客的生意，也要等廿多分鐘呀！所以拍了幾張照後就離開了，沒有光顧。還有，覺得他們「多ｄ嚟密ｄ手」，會令出品的質素下降，這樣，還是不要破壞這小店在心中的好形象了。

黃昏六點路過,見人龍排了一個U字形,近二十人,近九點再專程遶道回來,只有三個人排隊,如此機會,當然不能錯過,即使已飽肚,仍買了一底來品嘗,果然,香味四溢,食落香脆可口,好有食蛋糕仔的感覺!至於格仔餅,因肚腹容量所限,要下次再試!

尋日見食評咁高分同女朋友去試下呢檔炭燒雞蛋仔, 一去到只見好多人排隊, 當然二話不說插埋去啦, 排個位只係啱啱去到隔離既兩餸飯檔口.突然有個呀姐好大聲叫人行埋d, 又問你幾多個人買....叫一個人排就得, 其他人去行下街先喎...又話三個字後番黎.大姐呀, 我唔通丟低女朋友排隊去行街? 定係叫佢自己去下村行街呀!!??用下腦啦唔該!跟住唯有排迫d佢先無鬧..無幾耐d人越來越多, 排埋過對面.又有一個呀叔出黎大大聲, 好粗氣咁鬧人叫人"走! 暫停! 去行街! 兩三個字番黎!"仲企定起我後面截住條龍.我如果唔係為左想試下炭爐雞蛋仔, 我一定唔會排!好啦, 幾經辛苦排到....一食.......頂丫, 所謂既實心雞蛋仔其實同蛋糕仔完全無分別!同以前小時候木屋區食既炭爐雞蛋仔完全係兩樣野.除左個樣似雞蛋仔之外, 我完全唔覺得我食緊雞蛋仔......實在係失敗, 上呢個榜實完全是虛名........我諗唔止我一個人實望, 好多專登趁清拆前去遊覽拍照既遊人食過都會失望......無下次! 實在是劣食也!p.s.: 旁邊個間兩餸好似都ok, 但態度之差我絕對不會試!!

歡天喜地諗住去牛頭角食下好野 點知就一肚氣雖然我都知呢D鋪頭冇可能會有好既service俾你但係唔使惡到要鬧晒人囉話說同5位朋友去到 搵左一陣先搵到間鋪頭之後見條龍都幾多人 咁未去排隊囉點知有位阿姐過黎話 你地咪排啦 唔好阻住我知排咁長隊會阻住隔離鋪 但係你D語氣會唔會差左D呀?OK fine等左一陣小左D人 2個人再去排過點知個阿姐望住我 勁大聲話: 你企係度做咩我話:排隊買雞蛋仔囉之後佢見到我同朋友一齊就話: 你走啦 唔好阻住晒 叫你個朋友買啦大佬 一個人要拎5底雞蛋仔 幫佢手都好應該姐根住呢度又話唔俾企 o個度又話唔俾企本身諗住D雞蛋仔好食就算數點知又唔係話真係好食 講真 我覺得唔係炭爐就好食架囉雞蛋仔本身既味道 質感都唔係咁食完好似食左好多勁dry既蛋糕咁 一D蛋味都冇10蚊一底 我情願去north point食加上D咁既態度 你估人地黎到一定要食你呢間雞蛋仔?所以話 出左名既鋪頭仔始終都試唔過我都未試過會狠狠地俾一個劣評

之前聽同事話呢間o的雞蛋仔同格餅好得可以琴晚就同女朋友去試試同搵到間野之後見到好似好嫁勢.....排左兩條隊.....都唔知o係邊度排隊....就好有禮貌咁問下間野o的亞姐啦點知佢掛住同o的客吹水我要問佢第三次佢先是但指過方向叫我去排隊ok fine....排左陣就有個亞叔話我排得太後叫我行幾個字再返黎排過同唔好排o的other鋪門口....玩咩... 我咪話果個亞姐叫我o係呢度排隊...點知亞姐大大聲聲話"我無叫你o係果度排隊喎"真係火都黎埋同佢理論啦條亞姐越講越過份最後我都忍唔到同佢嘈起黎....最後要個亞叔同老細(整餅既人)打完場..........雖然食佢地20蚊都唔expect o的咩但係無諗過會畀人大庭廣眾咁屈我食死貓except個亞姐講返o的雞蛋仔同格餅我prefer格餅多o的因為好足料.....但係要等咁耐.....應該係no more next time.....

因為出左名既關係，今日就同好友專登去九龍灣去試一試個雞蛋仔有幾好食。第一眼見到係一條隊(不知是因為星期五還是早兩日報紙有專題報導)，與前幾篇食評一樣，阿大叔又係度維持秩序，有點趕鴨仔既感覺。我同好友要左一個格仔餅同雞蛋仔，因為人多既關係，個雞蛋仔無時間吹凍就已經交俾客人，食落口真係覺得食雞蛋糕，一D脆既感覺都無，你話特別好味咩又唔覺渦。輪到格仔餅，因為佢得一個爐既關係所以要耐小小，同雞蛋仔一樣都係未吹凍，加上牛油，花生醬同砂糖，我同友人都覺得---"林"同"漏"由排隊到囉到手足足等左三十分鐘，地方窄同熱，價錢又唔係十分平，值得嗎?

今日去開.所以都試一試地方就唔難搵,但係一去到見到好多人排哂隊..我都要排下囉. 排排下比阿叔叫唔好排到去人地SHOP!仲叫我去隔離排...愈排愈多人...見到阿叔係咁鬧人""呢度唔可以再排隊. 行陣街先返黎!!"仲有嬸嬸成日叩O的人隔迫O的...唉..好似鴨仔咁.排到好密我諗排左15MIN左右...到我了.其實佢都冇乜香味..拎到手.即刻食啦...點之...冇味既. 佢好就好左佢的雞蛋仔冇空心的.-->實心但係好"燶"....佢都冇TIME MANAGEMENT 既..試過一次都夠, 唔會再試

見到無論openrice 還是報紙都熱捧的牛頭角下村 快要清拆的食店,不禁令我都想去試一試, (因本人都頗喜歡雞蛋仔這一類的小食)地方就唔難搵, 但行人通道就窄到呢...........一去到見到排哂隊都算la~無理由一場黎到都唔試下ge~~~根本就唔知邊度先至係隊尾......問左人先知......最搞笑係連排隊都有quota 限, 我明白阿叔你唔想d 人排隊排到去第二間舖頭門口, 但係都唔使咁鬧人呀ma~~~"呢度唔可以再排隊ga la, 行陣街先返黎la~~"惡到呢!!!!!(可能天氣又有小小熱, 人又多, 大家都有少少燥底)我諗排左15-30分鐘左右(請大家記住, 我只不過是平日的放工時間黎 , 如果係weekend 真係不敢想像)終於都到排我喇, 近距離聞個攤位真好香炭爐味, (本人認為有少少似廟街的煲仔飯果陣味)味道: 真係好香炭爐味, 同平時的雞蛋仔好唔同, 比較實心, 似食緊雞蛋糕~~~但我認為格仔餅較雞蛋仔好食, 可能因為個雞蛋仔甜味不足.........試過就算喇, 唔會黎多次, 因為我真係覺得食到一肚氣..........(尤其是果個鬧人既阿伯)