無名炭爐雞蛋仔 (Closed)

打算係清折前試下呢個炭燒雞蛋仔了，不過 ，就食到一肚氣，食得好唔順。下面可能打得多小小字，請見諒。尋晚可能係放工時間，牛頭角下村已經係迫爆多人，搵到雞蛋仔的位置，但卻找不到排隊的位置，好了。有位大叔叫我買雞蛋仔就係呢到排隊，不過當時排隊的位置根本容立唔到我跟友人，我地打算企後小小，點知個大叔多大聲咁喝我地: 呢到唔排得隊架。我話: 我企都企唔到呀大叔: 你一陣再黎了。果一刻真係有小小想走，不過特別行過黎，原本就係一心想試，算了。就黎排到另一邊等雞蛋仔，佢地其中一個女士又喝我: 我都未叫你過，你又做咩咁快過黎，興到我呀 佢地咁既態度，有冇當過我地係客人呀。係，佢地係街邊檔，唔係講咩服務質素，不過都唔係咁做生意嗎???我一定唔會再有下次幫親。說回雞蛋仔的味道，的確不同街邊的貨色，裹面唔係空心，好似食緊蛋糕咁，而且好香的炭燒味，不過我略嫌不夠甜品。至於格仔餅，就好一般了。冇咩特別。

第三站，吃雞蛋仔。未行到去已見到長長的人龍。一底雞蛋仔（＄１０），唔夠脆，少少腍。不過唔似其他的空心，粒粒都充滿蛋漿，而且又像蛋糕般鬆軟，好好味。

同朋友仔行開mega box,之後行左去牛下買呢個雞蛋仔,令人懷念的炭爐雞蛋仔,叫左一底, 好香, 雞蛋味重,質地鬆軟,有炭香味,不過略嫌唔夠脆,否則可得更高評價.基於今年5月左右,牛下會清拆,大家想試的話要盡快抽時間去試了,否則唔知等到幾時先再遇到懷舊的炭爐雞蛋仔了....

因為牛下將拆，所以特意黎食左幾次(雞蛋仔x1+格仔餅x2)其實本身唔係太中意食雞蛋仔/格仔餅不過佢d格仔餅真係幾好味，雞蛋仔反而唔係咁岩我心水格仔餅有蛋香，加上用砂糖(唔用煉奶，不過客人都可以要求用返煉奶)特別d之餘，有咬口仲有砂糖到混有芝麻，真係好香，老板又有禮貌，要脆d有脆d，要"隆"d有"隆"大家要試就快手啦!

21/2(五)黃昏上年試過這裡的格仔餅，但那底是已放涼了的，所以不夠香，不過有砂糖作為餡料，口感很好。今次有機會來到九龍灣，於是試了這裡的雞蛋仔。熱哄哄、香噴噴，很濃的蛋味。吃下去，感覺很特別，質地似中式鬆糕，鬆鬆軟軟的，可以說是「另類」的雞蛋仔。雖然味道不錯，但還是較喜歡傳統那種外脆內軟的雞蛋仔。不過，炭爐製作，還有木頭車仔，很有懷舊感覺。

牛頭角下邨清拆在即很多人特地跑去懷愐一番上月巳經打算要來吃炭燒雞蛋仔一直到今天才有時間跟順路到牛頭角來從接近淘大那邊的進入下邨一路上都是拿著大型照相機的男男女女大家都在為這地方留下一點倩影殘舊，卻有著小時候的氣息記得唸中學的時候，因為家就在附近只要經過總會吃上街邊的鹵水墨魚，到天橋附近就來一底雞蛋仔加咖喱魚蛋那時候，就是吃什麼都不會胖搬家後，巳經有五年以上沒吃到這家雞蛋仔了以前他在一家小學前，天橋底擺攤的現在改在賣外帶小菜的攤子旁排隊的人，連我在內只有三四人左右想吃的人不少不過四眼哥哥手腳俐落，不消兩分鐘就做好一底才等了四分鐘左右就有好料吃囉！雞蛋仔呈咖啡色，雞蛋成份很重才會烤成這種深褐色這家的雞蛋仔，是實心的按下去軟綿綿的就像剛烤好的日式戚風蛋糕跟坊間外層香脆，空心的雞蛋仔完全不一樣雞蛋、麵粉跟糖的香，三種味道層層分明用的是上等的雞蛋，沒有加上香精或拌入麵粉，純粹的雞蛋香像海綿般的雞蛋仔，又香又軟雖然一底雞蛋仔熱量高達400大卡但這家的雞蛋仔真的讓我欲罷不能！外面買的空心雞蛋仔，放涼了皮就不脆，也就變的難吃這家實心的炭燒雞蛋仔，放涼了口感還像小蛋糕一樣，可以慢慢吃不用急哦不知道清拆後

本身諗住當晏食(3點)~但係未開~大家唔好太早去呀~未開架~要5點~5點幾再去過~要排幾個~不過好快就得了~雞蛋仔~OK GE~不過冇想像中咁好~好FEEL好似食緊蛋糕咁~冇果種炭燒GE味~格餅個樣好似唔"隆"咁~以為麻麻~但係比個樣好食好多~個餅唔太硬唔太"林"D料好多~好食!!!如果要揀其一~我會揀格餅~好似幾年前食平好多~

吃完車仔鹵味,雞蛋仔人龍只餘下幾位,大家又來排隊了! 鐵欄2邊也有人站著,究竟那一邊才是龍尾呢??幸好年輕眼力好的honhon發現一邊是排隊,另一邊是攝影區 (收到收到!!)一邊排隊一邊拍照,同時間也吸取著濃濃的炭燒味道,不一會熱到燙手的雞蛋仔首先到手!我們這底竟是鴛鴦色的,夠特別了吧?!雞蛋仔內外皆軟,感覺就像一件蛋糕仔,連橫切面也像! 吃來像蛋糕仔多於雞蛋仔,失卻外脆內軟那種雙重感覺;蛋味一般不太特出,味道也不太甜,不會太過甜膩。為食團團員也認為上次太安樓的反而好吃一點。以同樣蛋漿做成的格仔餅反而意外地好吃,可能粉漿比例問題,做雞蛋仔會軟一點,用來做格仔餅則柔軟好吃!!跟太安樓的剛好相反。阿姐不吝嗇的大手抹上花生醬+牛油+砂糖,又香又甜又軟勁飽肚但真的好味!! 個人下一目標為大澳雞蛋仔叔叔和大坑伯伯雞蛋仔

由細到大...食過無數次雞蛋仔, 對這食物已不陌生了, 第一次來牛下食炭火烤的雞蛋仔, 當然唔似得其他食家以一個期望的心態去食這家的雞蛋仔然而感覺是別有一番滋味!因為女友住在藍田, 間中亦都會去九龍灣逛街, 記得曾在OR看過有關此炭火烤雞蛋仔的小食檔, 所以便來找找看, 幸好女友在中學時間曾在牛下附近補習, 地點不難找, 但她說從來都無食過這家的雞蛋仔...找到小食檔後便立刻買一底雞蛋仔試試, 這檔有一個標記就是它的炭火味, 追尋炭火味就很容易找到呢等待即製的雞蛋仔時, 順道替這「車仔檔」拍照, 同時亦有很多人手持專業的數碼單鏡反光相機來牛下拍照, 整個時間都擠滿人很熱鬧!! 雞蛋仔弄好到手後微暖不太熱, 拎上手感覺很軟, 不像一般的脆或硬身, 跟平時的不同, 接著一口咬下去, 頓時的感覺是很軟綿綿的, 加上是實心的, 有點像即時焗好出爐的蛋糕, 相信這就是以炭火烤製的效果了! 女友亦同時說很美味, 感覺亦很幸福, 其實食雞蛋仔之前已食了一頓豐富的午餐, 但仍不消一會, 一口接一口便把雞蛋仔食下肚子去了其實回想小時候第一次食雞蛋仔, 感覺有點像此檔的味道, 也許連小時候的味道都可能不太

牛下對我來說，是一個經常經過又不太在意的地方。九龍灣是小弟的逛街熱點之一，去淘大商場總會經過牛下，偶然也會在牛下覓食。眼見經常經過的路段將會消失，大量單鏡人士對這裡大感興趣，一支支大炮在多處對準，用上黑白照來大照一番，自己也心思思一再到來感受一下這舊區。今次在邨內鑽來鑽去，發現原來很多地方在不知不覺間印在心裡，就用了相機照下多年印記，好讓多年後也拿出來懷念一下。重要的人到了，不知是否我上一次打了食評沒她的份兒，她致電說要試一試這兒的雞蛋仔。本來對無名雞蛋仔糕不太感興趣的我，說過要給它多一次機會，就在車仔前面等。可惜，還有少少期待的我對四眼哥徹底失望。近期貼上開飯的廣告，面對大量的人流，四眼哥今天的手在開"麼打"，心中真的有點擔心其水準。今次做的速度，很明顯地快了很多，相也照得不好。眼見他努力地左做右整，一邊做格仔餅一邊做我們的雞蛋仔，做完我們的雞蛋仔後風機只吹了幾秒，也沒有等一會，快速地入袋，草率得很。我明白多人想做多一點生意，快是可以的，不過誠意可在? 要一包好的雞蛋仔，我想很多人也不介意等多一點點時間。未試，就知道不對勁了，看上去軟弱無力，就好像一個年華老去的伯伯一樣，一點也不精神

我懷疑係咪大家因為呢度係炭燒, 所以就覺得好食呢?見咁多人讚, 到牛下參觀時特意找這檔 吃雞蛋仔.是外脆, 但內裏的涵太多, 而且好像不太熟的. 是太多人排隊, 犧牲了質素吧 ?但最重要的是沒有雞蛋仔應有的基本香味.. 失敗. 即使是炭燒又如何?

當大家都談論緊下牛頭角村將會清拆嘅時候, 我都唔執輸去襯下熱鬧. 當然去試下人人都贊的炭爐雞蛋仔及格仔餅啦. 去到排晒長龍, 當然拿拿臨排埋一份啦. 到最後買到了, 滿懷喜悅咁食一粒雞蛋仔.....點知.....似食蛋糕仔多啲. 因為佢係實心的, 一啲都唔脆, 又無蛋香, 旺角是旦一間都好過佢....唉. 而格仔餅就無特別, 唔見得話好好食, 都唔難食嘅... 總結 --名過其實 !! 都係懷念而前係青衣的一檔雞蛋仔, 真好整得好香, 好脆, 可惜現在只會在新年期間見到佢蹤影!

呢幾年都好少食雞蛋仔, 來來去去都係食灣仔個間 (因為番工係個度), 其實我有時唔係好明, 係唔係一大堆排隊, 唔理好唔好食, 都照樣去排。 灣仔修頓球場個間係好食o既, 因為佢係即整的, d蛋漿又香, 而且食落去又脆, 味覺真係一流的, 但唔知點解好吃還好吃, 總係欠缺了一種感覺.. 直至吃了牛下的, 就知道原來係呢種感覺。小弟係九龍人 (正確係將軍澳, 新界仔), 所以對對面海o既食物一向都唔係好熟悉, 反而九龍新界o既食物, 小弟係比較喜歡的。 其實九龍同新界o既食物, 好多時都有一種味 - 公屋味。我好難解釋咩叫公屋味, 只係住係公屋o既人先會知道個種係咩味, 無住過o既, 小弟真係要說聲抱歉。 牛下o既雞蛋仔其實之前真係無試過 (即使咁多年成日經過都無試), 所以佢臨別秋波時, 我竟然係第一次黎食, 好似有點兒那個.. 我唔知道係唔係因為呢度太多人講呢間野, 而令佢一夜成名, 又或者係累積左咁多年o既熟客令佢咁出名。 但佢真係我咁多年以來食o既雞蛋仔中, 最好食的一個。我唔知道各位第一次食雞蛋仔係咩時候, 我第一次食雞蛋仔係係睇戲前d小販到買的, 個時o既雞蛋仔係好香, 但唔

對於呢間無名炭爐雞蛋仔都有d回憶小學時搬黎九龍灣好多年前已經見到呢位哥哥擺檔,每次見佢都係唔同地方不過都總係下邨附近到而家小妹都20有多,見住呢位哥哥有由後生仔到而家成熟既男人由無乜人幫襯既雞蛋仔檔到而家大家都慕名而去由雞蛋仔檔並無1個固定位置到而家有固定地頭都真係幾欣慰放左學特登行去下邨搵格仔餅好彩無乜人排隊,好快就輪到我喇!要左多花生醬少糖既格仔餅雖然個格仔餅凍左少少,但係仍然好香好中意花生醬漿住個嘴既感覺以前係第2度食格仔餅總覺得好甜好甜,所以1路都無再食.....到而家呢間格仔餅唔會太甜,令我愛上佢喇拎住個格仔餅1路食1路慢慢行返屋企我填飽左個肚,心情都好左好多$10真係超值啦

二月二十四日﹙火﹚說到牛頭角下邨，其實對我來說蠻陌生，二十多年來也未曾正式走入其中，更不知內裏有甚麼事甚麼物。但自己也是在港島一條已經清拆中的舊屋邨成長，經歷過一個充滿回憶的地方漸漸消失於自己生活之中的感受，正因如此，吸引了我在這裏清拆前夕，趁機走入其中感受一下買少見少的舊式屋邨生活，當中其中一個目的，當然就是覓食。走入邨內，已經是一條放滿貨物攤擋的街道，在內裏鑽來鑽去，一枱炭爐車仔就出現在眼前。車仔前面排著一條長長的人龍，不少人還拿著相機拍照中，不用多找已知這肯定是十分著名的炭火雞蛋仔檔。一場來到人龍多長也要一試，排了接近五至十分鐘便到，效率蠻快。看著老闆手勢成熟般在爐上左反右反，很快一底雞蛋仔便製成出來。一個爐在做雞蛋仔，一個爐做格仔餅。兩樣也想試，但一個人實在吃不了，唯有二選一還是要了雞蛋仔。雞蛋仔燒成後先放在鐵絲網上放涼大約一分鐘才入袋，這就不會腍了。等了這麼久，終於到手了，熱辣辣的雞仔，讓人急不及待先撕幾粒下來吃過再慢慢影相。外皮微脆，顏色比一般所吃的雞蛋仔深色，其餘的沒甚麼特別之處。反而內裏密度很高，做出來像蛋糕一樣軟棉棉的口感，蠻有驚喜。不停手地一粒一粒放進口，不消多久就