無名炭爐雞蛋仔 (Closed)

不得了！最近食評 delay 情況愈來愈嚴重，需知道牛頭角下村快將絕跡，賞味日期有限，唯有搶先推出一連三篇『牛下搶閘系列』，希望吸引到各位食友盡快去感受一下這平民美食國度吧！跟牛頭角下村來說是相逢恨晚，到此覓食次數真的少之有少，直到近日一眾窮鬼決定到牛下金利來食飯，到達九龍灣見時間尚早，逐決定找找入圍 Openrice 最佳小食的牛下炭爐雞蛋仔。人生路不熟，牛頭角下村對我來說真的是九曲十三彎，一進去就像入了迷宮似的，幸好找了一會便見到雞蛋仔檔的四眼哥哥喇！一架雞蛋仔檔車仔，左右兩邊分別做格仔餅及雞蛋仔，效率再高也只是得一雙手，故等候時真的需要多一些耐性，幸四眼哥哥頗為健談，雖然有時因專心整餅而有點九唔搭八，笑容滿面的他還是給我一個不錯的印象，由於牛下快將清拆，乘機問他會否另尋地點做生意，但他一直支吾以對，看來還未考慮清楚未來的計劃及路向。說回十蚊一底的雞蛋仔，做到外脆內軟，內餡雖沒大坑伯伯那麼充足，炭燒味也不太突出，但其外層卻弄得剛剛好，脆口非常而沒有燶邊，火喉上的處理果真有一手，賣相味道質素均屬中上，絕對值得一試。吃過了一致好評的雞蛋仔，係時候向十二座金利來出發，幸多得四眼哥哥引路指

7點左右去到，唔係太多人可能老闆快手掛...好多人買半份格仔餅....但我覺得格仔餅比雞蛋仔仲吸引先食格仔餅，好軟熟，有炭火香同蛋香....一流~! D 花生醬落得足...成個combination好好~之後食雞蛋仔...反而有D失望，唔知係咪太趕既關係? 好多粒都係唔完整既，而且唔脆，係一點都唔脆....好似食緊蛋糕咁....不過又係好香炭火同蛋味~雖然雞蛋仔比我想像中差D...但個格仔餅真係好好食，值得俾個笑臉~

炭爐燒真係同北角既唔同~這裡的沒有那麼脆，是軟軟的，像海綿一樣，別有風味！味道也是不同的，我覺得是因為蛋漿不是用白沙糖所致。我聞到有一陣陣蜜糖香味~~!格仔餅也不錯，不是外脆內軟，但老闆在外面也會沾些沙糖，非常美味！一底格仔餅還可以分成兩個兩個袋裝，可以分兩份食，老闆真的細心，照顧客人需要。兩樣也不是太甜，有不同的香味，蜜糖味，花生味，唔錯！只是愛食脆脆的人可能不太喜歡~ 要脆就搵北角雞蛋仔~P.S. 老闆話仲未諗搬去邊，照計就可以做到3月尾，而家睇政府個勢可能可以做到四月。

在第10座的走廊內, 看見有兩部車仔在生火. 姐姐說準備開檔, 叫我地返去第9座. 不過都係去左茶記抖抖先. 回程去尋訪雞蛋仔, 在漆黑的10座走廊中, 一位老街坊聽到我們在討論雞蛋仔, 討論幾時拆, 點安置. 大叔盡地主之議, 邊帶我們去找雞蛋仔, 邊講解牛下的一切. 到埗原來那位大叔是雞蛋仔檔的一份子, 怪不得咁熱心. 應該是剛開檔不久, 人龍未算多. 令我驚訝的, 首先, 不是其雞蛋仔, 格仔餅好食, 亦不是那個可能僧失傳既炭鑪. 而是圖中那一大盒牛油/花生醬, 要弄這一大盤醬出來, 相信功夫不小. 不一會兒, 到我了, 當然一份雞蛋仔慢慢食, 一份格仔餅即刻食. 先說格仔餅, 鬆軟的Waffle, 牛油/花生醬各一半, 加上少許經過少少modify過既沙糖. 格仔餅一定要熱食, 不然, 那個牛油凝固了, 會變得不好食. 食格仔餅要食到滿手油才過癮.雞蛋仔, 這裡的雞蛋仔不是空心皮脆的, 而是實心實肉的雞蛋仔, 香味十足. 滿口是牛油香. 我們邊食, 邊乘車回西貢. 在路上慢慢一隻一隻地, 差一點吃過全空.回到村子裡, 愛犬"黑妹"每次都熱烈歡迎. 見佢咁乖就醒幾粒佢食. 平常除

去到好多人排隊, 已經好期待了...一路排一路影左好多相, 香氣撲鼻~~終於到我地了!!!雖然不是脆(我男友話北角的好食些...), 但我覺得這裡的好有味道, 唔知點形容, 總知....i like it~~~

喜聞牛頭角下邨廷遲清拆,今日再臨舊地,影影相,當然少不了探探炭爐雞蛋仔五時許,看到老闆剛剛準備開檔,我們便order了是日的第一底格仔餅在等待期間,陸陸續續已有人在排隊了不是什麼出奇的事,因為它真的很出名老闆手勢是記憶中的純熟,左撥右撥,整底格仔餅已弄好,雖然用炭爐燒,但看不見任何燒焦的痕跡與雞蛋仔一樣,因為是用炭爐燒的,所以這裡的格仔餅質地是外脆內軟,很蛋糕的感覺,口感很特別,配上一陣陣BBQ的味道,很有風味新鮮出爐,熱辣辣的格仔餅,加上花生醬,砂糖和牛油,份量多少悉隨專便,出聲便可一入口,感覺味道似曾相識,很懷念正當享受格仔餅期間,一間雜誌社的職員前來,想約個時間影影相,做個訪問,他毫不猶豫答應了,還不經意地說了一句豪語:我怕晚了人多,約早一點影相和做訪問罷!逗留了好一陣子,只見老闆左一撥右一撥,大汗滴細汗,汗水幾乎落到雞蛋仔上辛苦,隨了是賺錢外,還帶給我們美味,帶給我們回憶,帶給我們懷念仍然是米芝蓮三星的評級(即值得專程到訪),吃完或吃之前,遊遊牛頭角邨,可盡情緬懷一番乎?雖然牛頭角下邨廷遲了清拆(大概到五月罷),舊區的風光不再,還有的是各特色食肆小店,當然包括炭爐雞蛋仔,是否能

同男朋友分兩次試齊雞蛋仔同夾餅條隊一路都咁多人因為我鍾意食蛋糕..所以這裡實心的雞蛋仔很合我的口味相反男朋友喜歡比較脆身的口感所以對雞蛋仔沒興趣這兒的夾餅落料好足~~花生醬同牛油都大大舊搽落去食到個紙袋都滲油~

無名碳燒雞蛋仔，成個牛下最紅，果然名不虛傳這裡的雞蛋仔如假包換用碳燒，現時真係買少見少。不過，口味不是人人喜歡，因為似蛋糕多一點。朋友就狂讚，說比起北角雞蛋仔好食。我覺得其出品的格仔餅更好食，尤其是勁多的麻醬，又香又甜，仲有白芝麻混在其中呀！

知道牛頭角下邨清拆在即,以往也極少來這區(只有中學時在男友介紹下吃過一次車仔麵).是懷愐或是懷舊,總覺得政府又要把歷史拆毀有點可惜........不論如何,趁還有時間,趕來拍拍照,吃些小吃,也總算留了一點痕跡.第一站便是這個引人注目的炭燒雞蛋仔,人龍不絕,當然要一試. 用炭爐製的,風味應比明火的好,但可能是時間關係,一用上猛火,就如燒香腸般,皮燶而心不熟.這裏的雞蛋仔比外面吃到的顏色較深,熱辣辣的雞蛋仔缺少時間去風乾,皮不脆,而且咬落似蛋糕一般.裏面的蛋漿如能用火再燒多一段時間,會較實,也會更好吃.

其實我不特別喜歡雞蛋仔…只靠蛋味我沒興趣~所以我比較喜歡吃夾餅…不過來到牛頭角…當然要試試街頭小食店類別的人氣熱店….我不太清楚用炭爐是不是會令雞蛋仔更香…但就這次而言…我認為沒什麼特別…這裡的雞蛋仔是實心的…說是雞蛋仔不如說是雞蛋糕…外面脆嗎..?不是…裡面軟嗎…?不是雞蛋仔的軟…是雞蛋糕的鬆軟…不過有點乾…雞蛋仔好像還是北角那檔外皮脆脆…裡面半心而軟綿綿的比較好~

18:30大排長龍,而且又打算dinner,所以唔跟.Dinner後再來已20:15,無人等,即買.但有點失望,他造的雞蛋仔有點似雞蛋糕,一點也不脆. 不過一讚的是每粒雞蛋仔都很飽滿,絶無空心.食畢一底已很飽,幸好味道不甜.

2月17日今日去Megabox睇戲，順路到牛頭角食雞蛋仔!!睇完戲約5點左右去到，經已見到有好多人排緊隊，沿途仲見到好多人拎住食緊tim!!!差唔多去到個陣就嗅到好香的炭爐味!!哈~去到見到好多人等緊，我同朋友要左一底格仔餅及一底雞蛋仔!!格仔餅:勁好味ar~~佢同我地分左一人一半，落左牛油、花生醬同埋砂糖!入袋前仲沾一沾砂糖，正!!好好食ar!!同埋好白雞蛋味!!雞蛋仔:唔知點解~我覺得唔係好熱!唔知係咪食完格仔餅先食佢~所以唔熱呢!!不過我唔鍾意lor~因為佢個雞蛋仔成個雞蛋糕咁~好lum~唔脆!!好似街邊$7個d仲好食!!人地個d脆d!!所以我下次去只會食格仔餅!!

今次專登遠道而來，當然係因為呢檔雞蛋仔好出名既關係啦，雖然地點有少少遠，但都不畏長途跋涉跑來一嚐呢檔雞蛋仔。原來呢檔雞蛋仔，日日都係下午先開，但一早黎到，結果失望而回，好在無放棄食完午飯返黎之後再黎過，今次終於搵到佢喇，實在太開心，遠望過去已經好多人圍住觀看同買雞蛋仔，真係好熱鬧，排左十至十五分鐘左右已經買到一個，我地已經急不及待攞黎食，粒粒雞蛋仔都好飽滿，攞上手彈力十足，不過略嫌名面唔夠脆，雖然食落去味道唔錯，但係正宗炭爐雞蛋仔應該係外脆內軟，好可惜可能佢用既麵粉唔夠靚，所以外皮唔脆，只做到內軟。不過能夠再次食到炭爐雞蛋仔已經好開心，因為普通用電黎整既雞蛋仔，無可能做到那麼香口，內裏飽滿，就算係那間北Ｘ雞蛋仔都唔夠用炭爐雞蛋仔好味，因為炭爐既溫度成２００－３００度，雞蛋仔唔駛一分鐘已經做好；但北Ｘ雞蛋仔用既機點改裝都只會去到１５０度，所以絕對無得比，希望下次好快就有機會可以試埋佢既格仔餅。ｐｓ　其實我更加想試下大嶼山果間炭爐雞蛋仔，聽人講，果間更加好味，真正做到外脆內軟。

唔係難食,但真係搵唔到邊度似雞旦仔入口軟林林,有D似一PAT粒放入口咁似旦糕仔多過雞旦仔冇空心,太厚,我個人唔喜歡,雞蛋仔來說略貴,唯一可取既老闆服務態度,聽是推介而來便特別熱情

天氣寒冷﹐厚厚既外套﹐圍住頸巾喺紅紅火光既炭爐前望住師傅整雞蛋仔的確有令一番風味。食之前已知道呢度雞蛋仔既特式﹐所以行經呢度就當然買來試試。如以下食評所說﹐質地軟熟﹐食落似雞蛋糕。味道亦唔會太甜。因本人怕熱氣﹐所以呢度冇咁熱氣既雞蛋糕比出面買到脆脆既雞蛋仔更適合本人。如再次行經此地﹐會再幫襯。