熊茶 (Closed)

今日做完自己野，就去格仔舖行下，點知撞到呀囡，見到附近有間叫「熊茶」嘅台式飲品店，又見到呀囡有學生優惠，學生價是15蚊，都算幾平，就買了杯道地奶茶，問下有沒少甜，老板就話我未試過，唔知道我口味，好難幫我調較，就堅持原味賣比我，又話我己在荃灣賣茶好多年，你仲未幫襯過我？我今日唔想食太甜，再問多句老板可唔可以少甜，老板又重複以上嘅對話，甘我就算，反正未試過，就買杯飲下，還點都係15蚊。飲在一啖，甜到爆！好采兩個人share，否則飲一半就要掉，呀囡平時食得甜都話甜。學生價都算平，可惜不能少甜。

因為母校「珠海學院」的關係，我對荃灣市中心內新舊商場的認識，都比其他區來得深刻。荃灣比較簇新的商場，例如「愉景新城」、「如心廣場」跟「荃新天地」，我都曾經略有聽聞，只是少有機會入內瀏覽。另一方面，荃灣仍有一些比較懷舊，比較「Old School」，內部裝修保留八十年代風格的小商場。例如從荃灣港鐵站出口，向着「民政事務處」那邊走，就會找到有行人天橋接駁的幾所舊式商場。沿着行人天橋開端的「華都中心商場」開始向前走，再穿過兩個商場，你就會看到介乎七、八十年代的舊式商場「荃昌中心商場」，和六七十年代風格的指示牌，整個「華都中心商場」到「荃昌中心商場」風格，與荃灣新穎的商場施備相比之下，就會有着格格不入的「古早味」懷舊氣氛。在「華都中心商場」的入口位置，有一間裝修簡陋的飲品雪糕店「熊茶」。基本上「熊茶」沒有所謂的「樓面」可言，因為「樓面」都是位於「華都中心商場」的走廊範圍，跟公眾地方沒有分別。況且「熊茶」看店的人，其實只是一位老伯伯，而且是一位很有禮貌，很好招呼的老伯伯。「熊茶」的門口被自己廚櫃攔着，所以根本不存在着阻撓拍照，或者粗野行為的問題出現。我來到荃灣「熊茶」之前，本來已經做足功課，事先

荃灣食店多，飲品店都多。在不起眼角落，有間台式飲品店，由一名伯伯主理。第一次幫襯，當然試最普通的珍珠奶茶，奶茶偏甜，奶味較濃，珍珠超Q彈，贊。不過不失，16大元（學生14咋），抵飲。回到公司慢慢飲，飲到尾仍不失風味，抵贊，會再回頭。

係荃豐買完串燒四圍行去左華都，見到有益力多野飲就買左杯熱情果蘆薈益力多，$16蚊。（串燒好味既，食評係其他食評度）杯野飲好大杯，同佢真係攞支益力多黎沖，熱情果汁就沖劑黎既，整體個味都幾夾，酸酸地幾開胃。佢啲蘆薈好大粒，同大小不一，我估佢係自己整既，幾好咬！個味都好新鮮佢個度仲有雪榚買，好平同見佢都筆好大球俾人。學生買仲平兩蚊。呢排都會不斷寫食評，敬請留意！店舖個招牌好靚，老闆都好熱情好有禮貌！值得一試！

#Herfood荃灣區 🌟雙球雪糕 $10呢間熊茶，既好味， 又抵食！而有雪糕味道又多款！今次食左香芋同菠蘿味，菠蘿有菠蘿粒架！但香芋就有啲似雀巢3色雪糕果隻味😂😂 下次試下豆腐同綠茶先😋😋

逛街途經，買了一杯檸檬荔枝薄荷蜜試試。飲品即點即製，不消數分鐘，便可嚐到。飲品的各樣味道(檸檬、荔枝、薄荷、蜜糖)亦可嚐到，濃淡適中而相互配合，可喝到不同的配搭，不錯。

「🐻熊茶」係荃豐華都中心通往荃昌商場必經的手調飲品店，店鋪之前位於昌寧大廈入面，亦轉過在地下(賣電腦電子東西個層)的撈面店旁，點解我咁清楚 ? 因為我都算是這小店的忠實粉絲😎 😎😎單單是飲料已超過四十多種，有特濃朱古力/咖啡系列，仲有紅豆冰，甚至連薑茶都有😱 小店賣的東西很多元化，除了飲品，仲有雪糕，冰皮芒果糯米慈同芒果布甸🍮等今日好想飲珍珠奶茶，好想咬珍珠😝這裏的「地道珍珠奶茶」我是誠意推介茶跟奶的比例調配得很好，茶味香濃，甜度適中，最重要的是不會像連鎖飲品店沖的死甜！珍珠口感較林，有好多好多，飲完都仲有珍珠剩，對於我這樣愛咬珍珠的「珍珠怪」就最適合不過😬！👴小店是由伯伯主理，他手腳很快，定價不貴，學生仲有「學生價」，非常有良心吸引了很多學生跟附近上班族光顧💲而且他的服務態度好好，每次光顧完都「吾該」前「吾該」後，比起很多連鎖式的飲料店，我更愛這種人情味濃的小店👄取了飲品後就自助地篤飲管，單看這些飲品圖我又很想再飲，在這炎炎夏日🌞經過這裏不妨支持一下伯伯，買杯大大杯透心涼的飲品！

難得一來荃灣午飯，食完飯的第二部曲，就是回去地鐵站的一帶，行街。大概熟荃灣的朋友都知道，這一帶的商場，小店舖居多，是妹妹仔買平價衫褲鞋襪之勝地之一。在這些少女場商場，學生哥商場，好多時都會找到一些年青人才會喜歡的食品同飲品。那些什麼膠袋撈麵，試過一次就算，現在的我是敬而遠之的，但有一種年青人飲品，我不會買來飲，但我唔會講到要敬而遠之咁嚴重，而這東西就是台茶，台灣式的奶茶或果茶飲料。而是日我們在華都中心的商場，發現了這一家叫《熊茶》的小店，太太見平，又多靚妹小朋友，就決定揀杯野飲，一試。太太要的，基本上是一杯果汁混合的飲料。是芒果魔豆楊枝甘露。楊枝甘露，本身都唔會輸得去邊，味道清甜，也沒有過份的糖漿，加入了其實可以說是基本的芒果，再加有很有咀嚼感的魔芋豆，感覺很美妙。作為飲料，開稀了少少令糖水變飲品，但完全沒有影響原味，的確是不錯。值得一讚。