營豐海南雞專門店 (Closed)

放工後要去西灣河攞文件，之後經過成安街，見到好多嘢買，有生果，蔬菜，豬肉、牛肉，十足一個小型街市，應有盡有，仲好平𠻹！諗住買餸煮飯，但係望下個鐘，都已經6:45pm, 返到屋企再煮埋飯，起碼8:30先有得食，所以都糸放棄左呢個念頭，決定買外賣。突然之間，見到一間海南雞店外賣店，叫做盈豐海南雞專門店，我發覺佢哋門面好乾淨，玻璃櫃放咗好多小食，有泰式雞翼、豬扒、豬手、雞腎同煎蓮藕餅等等.... 當然唔少得我最鍾意食嘅海南雞飯，所以我決定外賣飯盒返屋企。我揀咗無骨海南雞飯要白飯，因為怕肥，連例湯都係$45，海南雞飯啲雞好新鮮，份量亦大份，仲有值得一讚係啲飯，啱啱好。再加一個椒鹽豬扒飯，份量好大，足足有兩件大豬扒，好夠味。再加多一份小食—蓮藕餅$20/4塊，全部加埋$101，我哋三個人食都食唔晒！下次試吓買成隻海南雞加餸。😋

係附近收工晏左，就諗住買飯盒翻去食，但屋企附近冇野好食，就係office附近搵下。見到呢間既飯盒唔太貴，30幾40就有，就決定係度買翻去食❤️無骨海南雞飯 $45份量算多，配既係油飯，粒粒分明，又唔會過份油。雞肉好嫩滑，真心正。底仲有d醃蘿蔔，好爽脆🤤❤️豬扒拼豬頸肉飯 $40豬扒好入味，又唔會有雪味。豬頸肉燒得勁香，又易咬，真心正！同2款餸都唔會太油膩，剛剛好。底下都有蘿蔔，中和下。飯可以簡白飯or油飯，油飯唔洗額外加錢真心正！❤️老火湯呢個飯既價錢都包湯真心抵，湯就唔算好好飲，淡淡地甘

今日返工半日，之後去左太古上堂，完左見早早地就揾下附近有咩好食，就發現左呢間隱世小店😎去到個陣見到好多街坊幫襯，同個老闆娘有講有笑，感覺人情味濃厚😊叫野食既時候，老闆娘好熱情咁推介佢地個招牌無骨海南雞飯，咁當然要試下，再加多個煎豬扒～等左一陣就有得拎，拎上手熱辣辣，好香👍🏻😋搭巴士返屋企個陣就忍唔住食左個豬扒，好香口，煎得脆脆地，而且份量多😎海南雞飯一定係食黃飯，好香好多，一塊雞配一啖飯，仲有薯仔湯，大滿足！個雞真係大推介，好嫩滑，啲肉唔hi，又多，啖啖肉，配埋佢地自家製既酸梅醬😍真係好正，停唔到口👍🏻

好少寫食評會用性價比高去形容不過今次食的海南雞飯確實是又便宜又好吃由於店家打正旗號賣海南雞所以我對他們的雞肉要求自然高一點先說款式種類,以外賣店而且不算是大集團而言他們的種類算挺多的海南雞、走地文昌雞、醉香花雕雞、霸王麻香口水雞等等...還有加積鴨.....其他小食有豬扒、豬頸肉、牛肚、雞腳等等點了海南雞配油飯雞肉已去骨,肉質香嫩軟滑,雞皮爽彈而且份量比想像中多才45元的飯,雞件份量之多,在外面賣應該至少要60-70元吧所以真的算是幾抵食而油飯不但沒有油膩,而且香氣十足實屬誠意之作他們的飯類套餐更配以例湯每天不同的湯水,今日的是蕃茄薯仔湯沒有味精,清清地潤潤喉另外還要了20元5隻的監香煎雞翼雞翼咸香夠入味可惜我帶回公司後放涼了如果是即煎即食應該會更好味

上次過嚟西灣河已經係好幾個月前嘅事！本人以前住喺西灣河地鐵站附近，呢個地方真係好正，交通又方便、周圍又有十分多美食選擇，所以我一有時間就會返嚟附近揾食，順便睇吓呢度一帶嘅變化！今日過嚟係探訪一位朋友，之後一如過往周圍行，不經不覺已經係晚上六點幾、有少少肚餓想買定嘢返屋企食行到成安街街市附近（阿信屋樓下）已經聞到一陣陣香味，原來開咗一間叫做營豐海南雞專門店😳呢個位置印象中之前係一間麵包店🍞佢唔止賣海南雞、仲有好多其他選擇、例如：有鹽水鴨飯、原隻雞或鴨、仲有小食等等.....我就揀咗招牌脫骨海南雞飯套餐同小食鹽香煎雞翼呢度嘅老闆同員工十分有禮貌咁問我要例湯定汽水，我揀咗汽水，即刻返屋企食個飯仲熱，雞肉非常嫩滑、連胸肉都咁滑個飯又唔會太油個雞翼有鹽香好入味、肉質鮮嫩下次一定會再幫襯

成日收工番屋企經過營豐海南雞都見好多人排隊，想試好耐，今日老媽子話好少餸，就去斬料加餸。去到發現有好多選擇。海南雞就唔洗講，仲有南昌雞，海南鹽水加積鴨，嫌單調仲可以雙拼。仲有啲特別口味既，好似口水雞，醉雞鴨，到冬天想補補既，又可以點藥膳雞或者鴨，選擇多多。太多選擇我揀左好耐，海南雞係招牌菜式，不過我屋企人話肥，所以最後我揀左半隻文昌雞，都係88蚊，價錢合理。另外我仲見到啲lunch既餐，勁平！！先30蚊，真係去邊到搵，我公司附近求其食都60+，如果我公司附近都有營豐就好啦番到去一打開眼前一亮，好大隻，仲排得好靚，以前起啲燒味舖買都係又瘦又是但放。佢仲有三包汁跟住，有甜酸醬，薑油，仲有一隻好特別，以為係蠔油，又唔係，酸酸甜甜好惹味隻雞好有雞味，彈牙，隻雞應該做好多運動無令我失望，下次肯定會再幫襯，試下啲特色味道雞

次次都係食太安樓個海南雞飯，今次試吓新野～見到佢餐牌寫嘅價錢都唔貴，如果去翠華食應該要一倍價錢我買咗個海南雞飯，配油飯。佢用微波爐可以叮嘅盒，又幾好，如果返到屋企真係凍左都可以即刻叮唔使轉屋企嘅兜就咁望落個樣都已經好吸引，個飯係黃油飯，我本人比較鍾意黃油飯多過有啲出面係配白色嘅油飯。個雞望落都好吸引味道方面，第一啖咬落啲雞，好嫩滑雞皮好薄，我本身好怕啲好肥嘅雞皮，我覺得佢用嘅雞肥瘦啱啱好！而且仲有雞胸都一樣係咁嫩滑真心比好高分！過油飯唔係好油，我覺得比較健康啲，我自己幾鍾意。而且成個飯個份量好大，我覺得$45真係好抵食佢仲有個湯配埋，飲落唔覺得好味精足料！另外我仲叫咗個小食，鹽香煎雞翼，$20有五隻，都幾好味

收工嚟到西灣河附近買外賣，見到呢間海南雞都幾多人排，價錢又唔貴，最平36蚊已經有個飯！仲包例湯添😁😁本來想食海南雞但遲左嚟就冇哂！真係要早d嚟先得^_^ 咁最後就叫左個黑椒雞排飯🐥🐥配左油飯ge. 雞排好大塊下，又厚身！食落幾嫩滑🥰🥰 調味唔會太重口味，都幾好送飯。油飯好香的😚另一個叫左豬頸肉飯😂好肥美又唔干身，仲有d焦香添🤗 每個飯都配上d自制酸蘿蔔，非常有心思！酸酸地又開胃，仲可以配下飯飯，非常豐富🥁🥁 今日仲有例湯送，係粉葛來的，清暑呀！正👍🏻👍🏻

今日比較忙，下晝兩點左右先食晏，街外太陽仲好猛烈，就去附近買個外賣，海南雞飯平時就食得多，今次就試吓鹽水鴨飯。$45 有白飯同薑黃飯可以揀，咁就梗係揀薑黃飯啦！仲有醃酸蘿白做伴菜，好醒胃跟埋一碗每日不同款嘅例湯，今日係去濕冬瓜湯，估唔到連湯品亦無馬虎，好足料，飲哂成碗都唔覺有味精，讚👍🏻一份大約有10片鴨肉，佢哋精選嘅鴨係少脂肪，唔會太肥膩，皮薄、骨軟、肉嫩，鴨味重，用花椒丶八角丶冰糖等香料秘製，夠晒入味！每啖都覺得好幸福！忍唔住揀咗雞腎試吓，自私食買咗$20，約11片(厚切版)，如果食得辣嘅朋友，佢哋係可提供口水雞汁作調味，可辣可唔辣，任君選擇；雖然夠腍易咬，但少少意見，如果雞腎薄切一點會更好。除咗招牌嘅海南雞丶加積鴨外，呢度仲有多款小食例如無骨豬手丶泰式豬頸肉丶泰式鳳爪丶鹽香雞翼丶香茅豬扒丶酥炸雞球等等…聽老闆講，佢哋第一間店喺柴灣丶第二間就係呢間西灣河店丶再擴充到去鰂魚涌，可見呢間海南雞飯專門店都有一定嘅捧場客。老闆熱情好客，價錢合理丶好味又飽肚，急不及待要即刻推介，街坊們必試！

鍾意食海南雞飯嘅我，今次嚟到有好多好評嘅「營豐海南雞專門店」(邢記)西灣河分店，食吓佢嘅「招牌脫骨海南雞飯」。嚟度見到原來佢12時至4時有「特價飯」，5種選擇，每種都係賣HKD30蚊！！HKD30蚊可以食到午餐，真係平到你唔信！不過我去到嘅時間，已經過左優惠時段(揼心口)！但一場黎到，都要食吓佢嘅「招牌脫骨海南雞飯」。估唔到佢大大盒飯(仲要係油飯)，都係HKD45，而且仲送靚湯(冬瓜薏米雞腳湯)。因為佢係外賣店，所以一定要拎走食。不過本身佢個飯盒夠熱，我返到屋企盒飯都仲係暖暖地。急不及待打開，發現佢真係好足料，張圖可能睇唔出，個飯盒其實係好深嫁，所以雞嘅份量係好多，最少有十幾塊雞肉！超級正！！唔知佢係用咩汁整，滑嫩嘅雞肉配上甜甜地嘅醬汁，真係好好味又好開胃！！我前前後後都試過最少十間以上唔同鋪頭食過海南雞飯，但哩間真係可以上Top Three！另外，加HK15蚊，要埋佢嘅「蓮藕餅」，入面有粒粒「蓮藕」，好有咬感。最後，碗靚湯唔係味精湯，睇得出店家係好用心經營。推薦俾大家！

有時夜晚唔想煮飯食，就會留意下多人排長龍的食肆，買下外賣返屋企歎！位於西灣河港鐵站附近的營豐海南雞專門店，自設農場供應鮮雞，以招牌脫骨海南雞飯最多人買，配埋黃油飯和餐湯，都只賣$45，難怪咁多街坊幫襯！除左海南雞外，仲有豬扒、雞腳、豬頸肉等小食，可以買翻屋企加餸，都幾方便架～啖啖肉的無骨海南雞，肉質嫩滑，雞皮沒有厚厚脂肪層，連皮食都唔會內咎呀🙈鹽香剪雞翼$20 /5隻怕一盒雞飯唔夠滿足，加點了一份雞翼，煎香的雞翼，不用多餘的醃料，已經香滑惹味！

昨晚收工的時候，同事們話今晚政府又出招，令到成個社會的民怨又升溫，要快手快腳返屋企⋯⋯結果我都在想如何搭車離開時，醒起不如去加下料，雖然政府令人失望，但都要去食好嘢！成日行過呢間店，都有好多人會買嘢，我訴是又排隊買少少嚟試下先！因為家中人唔多，如果要半隻雞又好誇張，但又想試下鴨，職員見我個樣好困惑，就話佢地有雙拼，仲今晚最後一份加積鴨，嘩！立時決定加積鴨拼海南雞⋯⋯又見到有豬頸肉，於是又買半磅試下！返到家加料，家人食過都過雞好滑，需加積鴨更是意料之外的好食，鴨肉又唔「鞋」身，相當唔錯！仲叫我下次每樣可以買半隻⋯⋯嘩！好難得佢地都咁一致話好食！豬頸肉仲好細心有醬配，燒到剛剛好，好好味！間店只有外賣，要加料的好地方！

有時放工晏左，無時間煮飯但又想減少出街食飯既次數的話，買外賣再自己煮個菜滾個湯就最方便啦！今次黎到呢間雞外賣專門店試下！..舖頭近街市，由地鐵站（大馬路）行過去大概2、3分鐘左右，都容易搵。..睇下個餐牌就最實際啦😂 總類都幾多，可以揀齋一隻雞或者套飯。我屋企唔多人，所以叫左半隻走地文昌雞就算啦！..半隻既份量多就唔多架啦，但係算係比我想像中好食😃 肉質有咬口，係新鮮雞既質感，皮薄唔肥，仲有附帶既醬汁都好唔錯！薑蔥油裡面薑比較多，味道清新，鹹度剛剛好。我啊爸平時出左名奄尖，佢都話有驚喜😆$88半隻文昌雞其實唔算平，只能夠講呢個質素對得住個價錢。如果大家都好似我咁，夜晚煮唔切飯，不妨係度砍料加餸👍🏻

個日買完餸之後，見到間專賣海南雞飯既外賣鋪鋪頭雖然細但係見到佢普遍買嘅嘢款式都算多 平時加餸係度買都得 價錢方便普遍都係40至$50有找價錢非常平民嗰日我試咗呢個海南雞飯南雞飯嗰啲油飯嘅油香味好重海南雞嘅份量適中雞肉嘅質感都幾嫩滑連埋雞皮食口感一流  得一讚嘅係$45係包埋碗例湯 飲落去好舒服 住家味 淡淡地食完個海南雞飯飲就最配啦  之後再帶多咗塊大豬扒豬扒真係大個隻手板個味道唔會太咸 好入味配埋少少嘅辣味 真係忍唔住一啖食晒店主仲好貼心咁幫我切埋

平日行過呢開小店都會有唔少人排隊，今日終於決定去試試🤘🏼呢到主打係賣唔同烹調方法嘅雞🐥有海南雞、文昌雞、口水雞同花雕雞等等😛我就揀咗招牌脫骨海南雞飯😆無骨啱哂我，可以食到啖啖肉☺️飯可以揀白飯同油飯，我揀咗油飯，可能會無咁健康，但係我始終認為海南雞需要跟油飯先會比較正宗🙈油飯食落去有驚喜，飯粒粒粒分明，而且有陣陣嘅香料味，好好味😋至於雞肉色澤光亮，肉質爽滑👍🏼呢到買飯仲會送湯或者汽水🥤我就揀咗湯~星期一至星期日嘅湯都會唔同㗎！今日嘅係蕃茄薯仔湯🥔🍅入面食到有蕃茄、薯仔之外，仲有鷄腳，感覺好似都幾足料😂同埋飲完無口乾，值得一讚😀除咗嗌咗海南鷄飯之外，我仲加配咗一塊香茅煎豬扒🐷豬扒邊煎到有啲脆口，味道都唔錯😛海南鷄飯加湯都係$45，豬扒就$15，呢個價錢有呢個質素，值得一試啊~