營豐海南雞專門店 (Closed)

有野做經西灣河，難得去到咁遠就順便睇下有咩食，經過見到呢間賣海南雞就去買個招牌無骨海南雞飯～成日覺得如果佢夠膽話自己係專賣海南雞，將海南雞放上店名，咁佢自己應該都非常之專業同有信心🤣 所以雖然佢有好多款嘅嘢食，例如豬頸肉或者係其他燒味飯，我都選左海南雞飯（$45）懶人就當然無骨啦！但因為驚唔夠飽，所以另外加多左塊豬扒（$15）個人覺得佢有玻璃擋住，唔會話污糟吸曬出面塵，望落雞都幾靚，所以都幾放心。佢送埋例湯，唔味精，普通幾家常口味，濕濕地個口送飯幾好。海南雞飯佢可以選擇白飯或者油飯，我個人比較鍾意油飯，工序多點又香口，油飯平時又難得有得食！呢間飯煮得幾好，唔會過分諗身或者太油，口感幾好！海南雞份量都唔少！雞肉嫩滑，海南雞飯就算佢肥，但一定唔可以去皮食！皮唔厚唔肥膩，下面果層啫喱入口即溶，充滿雞油香，非常好食，一定唔可以去皮食啊！配的醬料都幾出色，令個層次更加豐富，呢個都係海南雞比起普通燒味雞優勝的地方🤣豬排都幾好，不過不失，唔會乾柴，醃出的味道幾正唔死咸，但當然就無雞咁滑身啦！個人推薦海南雞飯多點！☺️❤️☺️🙌🏻

今日去西灣河搵朋友打牌，佢建議我哋喺度買外賣上去食，因為佢話性價比極高！基本上都50蚊有找！叫咗泰式豬頸肉飯，跟例湯，再加5隻雞翼！真心覺得豬頸肉份量唔少！食落爽口，好好食湯都幾大碗，飲得出係老火湯唔係味精湯飯都好多，男仔一定夠食！雞翼都好好食啊 又大隻又多肉，仲好鮮嫩！咁大個外賣仲咁豐富，食完有力打牌啦！ 下次會試埋佢個海南雞，其實門面睇落唔錯，係咁啱今日想食豬頸肉。唯一無奈係無堂食，但如果拎返屋企/公司食就好抵食，大件夾抵食！

✿╮❤╭✿ ✿雜感女生   好味日記✿ ˚*•✰。營豐海南雞專門店．嫩滑抵食。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 本小姐真的很中意食雞 今次去西灣河見客竟然畀我發現一間好味的外賣海南雞飯店見好多人都買海南雞飯 有去骨與帶骨的選擇 其他小食都有好多選擇，包括：豬扒、雞扒、雞腳 睇到流口水於是買了一份回公司嘩，一吃就不得了 無骨雞肉香鮮嫩滑 上面淋了秘製海南雞醬汁真係香甜 油飯香噴噴，冬瓜湯夠清45蚊夠晒抵！同場加映： 香茅豬扒大大件 非常入味，邊位帶脆水準不錯

一班frd最好係咩？就係您call佢食飯，隨傳隨到，住係左近，要見即刻有得見！今日我又call d西灣河之友食e家營豐海南雞，勝在夠平夠抵食丫嘛！咁e度叫海南雞就緊啦，但其實除此之外仲有好多好可取嘅小食，雞翼，豬扒，雞扒，雞腎，仲有泰式鳳爪呀！真係唔洗膽心餐飯會唔夠餸海南雞有辣有唔辣，個辣汁好好味，淨係汁都送到飯，真係超好味呀！食得辣嘅要叫口水雞，咁唔食得辣都唔怕嘅，因為就咁海南雞都好味！另外個鳳爪，都唔錯，甜甜地咁，可以頂下癮，我地e度係半磅，因為佢係一磅磅咁買嘅，我地怕食唔曬，就買半磅。仲有個豬扒其實都真係抵食，又有湯，以後多個選擇喇！

去開西灣河做野，經過見到好多人等緊，決定買返去屋企加下餸😗-都好多款式揀，有淨雞，又有飯盒，如果返工附近有哩間，就啱晒外賣返公司食🤭-招牌脫骨海南雞(半隻) $85肉質一啲都唔鞋，出奇地好嫩滑，但滑得來又唔會太油，真係好少有🥰同出邊嗰啲唔同，唔會有任何碎骨，拆肉真係拆得好好👍🏻成盒都有三層雞肉，價錢係貴左少少，多多幾舊肉就更加抵啦🤣要特別講下啲醬汁，佢嗰包秘製海南雞醬汁真係一絕，雖然未係好食得出係咩味，但係幾濃味，鹹得黎又甜甜地🤤另外佢仲有比常用嘅薑蔥同埋甜酸醋-平時唔鍾意食雞鴨鵝嘅媽媽，都讚哩隻雞好正，睇嚟真係唔錯，下次再買下唔同嘅雞試吓先🤩

平時都好少係西灣河搵好野食，今日啲朋友話想係柴灣食下野，所以就諗起食海南雞飯。依間海南雞飯都成日見到好多人去買外賣，就決定去試下。佢除咗海南雞飯都有好多選擇，有口水雞、咖哩，仲有啲小食，豬扒、雞扒、雞腳都幾吸引。海南雞飯配油飯，佢個油飯係加咗黃薑粉，所以個賣相都幾靚，個飯都吾算太油。而海南雞就比較滑，加上我地叫咗去骨海南雞飯，所以食落都特別方便。口水雞配油飯，口水雞個醬都幾惹味，吾算好辣，但又好開胃，不過個底就有少少油。海南雞同口水雞都係套餐，所以包咗個餐湯，係東瓜煲雞，都幾清甜，仲有幾舊東瓜係入面。香茅煎豬扒，店舖好貼心，幫我地剪到一條條，方便我地share。泰式雞腳，依個係甜酸汁既雞腳，最重點係佢去埋骨，真係好方便。

海南雞可謂一道馳名中外嘅菜式，新加坡有，泰國又有，而佢地都各有自己嘅特色，最名顯分有兩類，分別係有骨同無骨，相信大家平時食都會留意到，尤其係懶食骨又唔識食骨嘅我😝 所以有骨無骨對我而言真係好重要，而今次e間海南雞專門店就夠曬彈性，有骨又得，無骨亦得，隨你鐘意💛咁今日就比兩老拋低咗，要獨食，當然就唔想一個人孤令令去餐廳坐啦，e個時候外賣會拯救咗我e個小毒毒，咁啱樓下有我最鐘意嘅海南雞，好，決定一試！首先要講，佢個飯係有得揀油飯同白飯，我就揀咗油飯，而驚喜地，仲係黃薑飯嚟！雞去骨去得好好，套餐仲有湯，覺得$45嚟講，都幾抵食！

朋友住東區，咁岩大家約左夜晚食飯又唔想周圍去，就打算買外賣去朋友屋企。經過見到呢間海南雞幾正，就大家一齊試下餐廳主要做外賣生意，多數主推無骨海南雞飯。我同朋友當然叫黎試下佢啦！我地每人叫左個飯，餐廳都好貼心會送一碗冬瓜雞湯。相信係用左好多雞肉去煲，所以湯底濃，又唔會太油。每碗重會有雞肉，有得飲又有得食！如果大家唔想要湯都可以要汽水，餐廳係可以比你2選1架！主食朋友叫左個口水雞飯，一盒大大盒，有唔小雞件同油飯。自己一個食絕對足夠！雞肉唔會太老，同埋口水雞嘅汁一齊食夠曬好食！我就叫左個強推嘅無骨海南雞，話明無骨就岩曬我呢啲懶人！啖啖肉，又唔老，配上油飯就最正！我地另外再叫左2個小食，有半磅泰式無骨鳳爪同豬扒。鳳爪辣辣甜甜好開胃，半磅都有大大碗。豬扒好貼心另外有袋裝起，令到翻屋企食嘅時候都唔會油淋淋，好好食！

趕住上堂所以買咗個外賣食，估唔到係西灣河嘅呢間海南雞飯價錢又幾平，作為食肉獸嘅我忍唔住買咗盒招牌脫骨海南雞飯，加多塊黑椒雞扒刷餐勁🤤招牌脫骨海南雞飯~薑黃飯勁香，不似普通油飯，唔會有好大油膩感，配合去骨雞件味道好夾，雞肉嫩滑富油香，肉質鮮嫩有肉汁🤤因為太肚餓所以加多塊黑椒雞扒，黑椒雞扒味道啱啱好，唔會太濃味，而且雞肉都夠鮮嫩，而且大大塊食落勁滿足~例湯都夠足料，有勁大隻雞腳，吸收晒湯汁脹卜卜，味道唔錯，湯嘅味道都濃郁~

今日去左營豐海南雞專門店，做外賣的！每晚收工經過都會見到不少人排隊幫襯緊，有時仲會排長龍添。今日又行過，就決定斬隻雞返屋企加餸。海南雞飯據說源於海南島，因當地多用文昌雞入饌鴨、豬排、豬頸肉、雞腎、雞翼、炸雞，連豬手都有雞既質地肉質嫩且肥瘦均勻　煮出來自然肉嫩多汁不會太鞋　超滑身.雞肉啱啱離骨個隻熟，皮與肉之間夾着薄薄的透明啫喱，係正嘅☺️😂😂😂超滿足的一晚整體來講都好滿意 食品選擇夠晒多元化 下次試埋其他 雞肉醬汁好乾淨 唔會怕怕～～～～～～～下次再食。

今日去完西灣河睇醫生覆診，時間都差不多六點鐘，見到有間營豐海南雞專門店門外排了幾個人，心想應該都不差，就決定買半隻招牌海南雞返屋企煮飯吃。餐牌除了招牌海南雞，還有文昌雞、鹽水加積鴨、雞同鴨講應該是兩溝吧，餐有各色式樣的飯類，鹽香雞翼飯、香矛煎豬扒飯等等，小食多以1磅磅計，見到前面有個大叔買了一磅泰式雞腳，份量都很多，而且價錢不算太貴。店員都很細心地提示海南雞剛剛煮好，回家打開蓋會好一點，海南雞雞皮油潤肥美，雞油香氣撲鼻，雞肉亦有濃郁雞味，口感嫩滑不韌，味道不錯！醬汁似是自家調製而成的醬汁，口感豐富味道濃郁。

今日LUNCH無時間坐定定食飯啊，係附近揀左宜間海南雞ＴＲＹＴＲＹ！！去到都有條人龍仔嫁，４－５個左右。因為宜間店淨係做外賣自取嫁咋。雖然人手唔多，但都好快手喎我等左５分鐘左右都已經落唒單拎埋野食了！講真，見到＄４５有個海南雞飯，真係覺得ＷＯＷ平時係街個Ｄ閒閒地都＄６－７０啦？！所以真係要食下個ＱＵＡＬＩＴＹ如何！！落單個陣，唔係淨係嗌海南雞先有得跟＂黃飯＂，其他都可以播我今次叫左個海南雞黃飯，加多＄１５要塊香芧豬扒～仲跟埋個例湯ＴＩＭ～好喇！食喇！真心覺得正＂黃飯＂唔係淨係油飯咁簡單，而係真係有椰香！！真係有幾耐無食過咁香既海南雞＊飯＊！仲要都好大盒飯（我食唔唒，但排隊時都聽到男士們叫多飯嫁＞＜）跟住Ｄ海南雞又滑不過就唔係點平時酸酸地辣辣地個隻汁，而係薑蓉～～食野偏大送既，我都會強烈建議大家加＄１５有塊大大既雞／豬扒最後個例湯飲得出係無味精清清地，讚！回頭度很高的外賣店啊！！

夜晚要OT，所以就去咗公司附近嘅營豐海南雞專門店買個外賣食。咁其實去到門口已經發現人頭湧湧，呢間海南雞專賣店就唔做堂食，全部人都係排隊等緊外賣，有啲人就加送，亦都有啲人好似我咁就買盒飯返去食。咁其實就睇到呢間食店其實有好多選擇，又有海南雞，亦都有啲泰式嘅豬頸肉，仲有好多唔同嘅食材，例如滷水蛋煎豬扒煎雞翼等等。咁我就有啲肚餓，所以就叫左一個無骨海南雞飯再加多一塊煎豬扒，個份量其實就好夠。咁佢亦都有附送一個老火湯或者汽水，咁都幾足料幾好飲。咁佢個無骨海南雞真係幾好食，佢啲醬汁都好惹味，雞都好滑。配上油飯真係好邪惡啊。煎豬扒嘅味道就不過不失，冇乜特別。$60又有豬扒又有雞仲送埋例湯，而且個海南雞真係唔錯，可以一試。

西灣河好多好野食，見到呢到有間海南雞專門店，作為海南雞控緊係唔可以錯過😋今日星期六，十二點幾到未算多人，落左單，好快就整好，唔駛等好耐。呢到既雞有好多款唔同煮法，我買左招牌脫骨海南雞飯同鹽水煎雞翼。海南雞飯有另外配湯，今日係佛手瓜湯，清甜，飲落無味精。招牌無骨海南雞飯有淋醬汁，甜甜地，最底有d酸甜瓜同蘿蔔，好惹味！我要左黃飯，無白飯咁單調，味道都唔錯。以前食過唔同食店整既海南雞，對比下，呢間算好食，雞夠嫩滑，感覺係新鮮雞，真係雞有雞味🤣鹽水煎雞翼，廿蚊有五隻，唔會好油，淡淡既鹽香味，煮得岩岩好，上面既雞軟骨都可以食埋😋😋除左招牌海南雞，睇到餐單仲有醉雞、藥膳雞...有機會要再買黎試下🤤

今日放工去到西灣河 諗住試下 營豐嘅海南雞飯 。平時lunch既時候 ，已經見到好多人排隊買 午飯。 今日決定嚟試下 ，大概六點 幾 ，都有好多人買雞或者買一些小食。驟眼喺櫥窗望入去 ，見到好多唔同小食例如有黑椒雞扒，雞翼 ，泰式鳳爪雞鴨腎等等 …小食大概15蚊至到30蚊不等。 海南雞飯或者雞扒飯大概40至50蚊。喺櫥窗上亦都見到有掛住文昌雞，海南雞，大概半隻就90蚊，一隻就180蚊， 不算太貴。最後我選擇咗無骨海南雞飯 加大概半磅的泰式鳳爪total 65蚊。海南雞飯 45蚊 送飲品 或者湯 。海南雞飯係油飯， 非常香， 雞大概有八至十件 ，雞嘅肉質非常 嫩滑 配埋酸辣醬 ，簡直係一流。半磅鳳爪大概有六至七件 不會太辣 非常好食 而且 小店 外觀非常潔淨而且 謝謝亦非常耐心介紹食物 十分有禮值得一讚。下次應該會去再試下佢嘅文昌雞 ，適合 買嚟做餸一流。