營豐海南雞專門店 (Closed)

喺西灣河近太安樓嘅街市開咗間新嘅海南雞專門店，可以買切雞或者飯盒，唔啱嘅話都有豬扒雞翼呢啲選擇，$40做到雙拼。佢哋招牌係去骨海南雞飯，另外仲有文昌雞、口水雞...... 鍾意辣嘅人可以試吓佢哋嘅口水雞飯。醬汁比較濃稠，夠鹹夠麻，應該落咗唔少花椒同麵豉，可能同我哋食開嘅紅油or麻醬type有啲唔同，但味道唔錯。雞肉已經調好味，而醬汁撈油飯一流。食埋底下嘅酸紅白蘿蔔可以解辣。飯一律跟餐送mini汽水/例湯。店入面仲有賣唔同小食，例如炸雞球、香茅豬扒、滷水牛筋、豬手...... 款式幾多元化。小食適合屋企飯加餸或者開party。仲見到有撈檬、咖喱飯呢啲比較少喺呢類店見到嘅菜式，想有新意啲都可以try try。

西灣河本身已經好多嘢食，而家又多一個選擇。今次見到呢一間營豐海南雞係間外賣店，除咗多款切雞之外，仲有賣唔同嘅飯盒，例如豬扒同雞扒。第一次幫襯，所以點咗佢哋嘅招牌菜 -- 脫骨海南雞飯。飯方面可以揀油飯或者白飯。油飯好香，份量亦都足夠。脫骨海南雞啖啖肉 食落更加方便。呢度似乎係走泰式海南雞風格，醬汁同我食開嘅唔同，感覺冇咁傳統，但比較清新。海南雞唔係配黑鼓油而係配泰式甜酸醋，雞肉亦好入味。仲有唔少酸蘿蔔，食落開胃解膩。呢度仲有唔少小食可以買，例如金沙骨、滷水牛筋、泰式豬手...... 今次加咗一塊15蚊嘅香茅豬扒，香茅味唔係好濃郁，但整體上都夠味。配埋例湯或者汽水，$30-40呢個價錢都算合理。

今日放學返屋企，途經呢間比較新開嘅海南雞專門店。望真小小原來呢間只提供外賣服務，並冇堂食。難得今日星期五（TGIF)，我心情大好，再考慮到媽媽煮飯一定冇啖好食，所以我決定斬料加餸。望一望餐牌，發覺半隻海南雞$100以下。我諗都唔諗，就叫咗半隻海南雞。海南雞當然係主打，不過餐廳都有買滷水嘅產品。最後我叫咗招牌脫骨海南雞。雖然係外賣，但依然有葉作點綴。味道方面，肉質幾嫩，本身雞件相當夠味，所以唔係好需要額外醬汁。另外海南雞係無骨，食嘅時候真係好方便。黃薑飯同海南雞一向係天作之合，等我下次試吓佢哋嘅無骨海南雞飯先！

早幾日放工又唔想返屋企煮飯又唔想落街食就去咗屋企附近買外賣行行吓見到有間買海南雞飯咁我就去試吓啦我就叫咗個無骨海南雞飯初時諗外賣都唔會俾多飯點知呢盒飯勁大盒而且海南雞都幾多我即刻試咗第一啖海南雞雞肉比我想像中好嫩滑 擺入口好似入口即溶因為出邊好出名嘅海南雞啲肉都係好硬好似雪櫃雪完即攞去煮咁佢嘅配料都唔少架雞肉下邊放左啲白蘿蔔等啲雞肉唔會長期浸住汁 啲雞肉唔會過鹹而且白蘿蔔浸住雞汁同雞肉 仲有海南雞嘅鮮味其實盒飯真係好大盒我一個人都分開咗兩次黎食真係食唔晒🤣我初時以為盒飯好細盒所以我另外帶多咗個黑椒雞扒又係心諗應該都係好硬啦啲雞肉 出面炸過嘅皮都林晒點知原來出邊個皮好脆 雞肉都好棉外脆內嫩再加上有黑椒辣辣地好好味雞扒又係好大塊 真係大過我塊面呀今次買外賣都發現有意外嘅驚喜真係又飽又滿足呀食完飯就梗係要飲個湯啦 好嘢永遠都係留喺最後呢個冬瓜雞腳湯非常之清甜而且仲可以中和返頭先食海南雞嘅濃味入口好清甜再加上出左冬瓜可以消暑 真係夏日必飲湯推介

今日落街買外賣上樓食，途經呢間轉角新開既營豐海南雞專門店，望望餐牌見到午飯大多數都係$40樓下，真係要試下。午飯選擇都有9款。另外仲可以叫單隻雞。除左主打海南雞，仲有囗水雞、鹽水雞、醉雞等，今次我就試試香茅煎豬扒飯。飯加例湯只係$38，係現今物價騰貴既香港真係平。飯方面可以選擇白飯或者黃薑飯，黃薑飯香味十足，返到屋企大約10分鐘後口感仍然粒粒分明。香茅豬扒亦夠大件，唔韌之餘外皮煎得夠香，真心抵食。而家午餐郁啲就$50以上，令我呢啲打工一族更難儲錢，好彩營豐開係屋企附近，以後就係我既食堂！

昨天把老闆炒魷魚🦑了！今天特意約了朋友👬打邊爐慶祝🎉，朋友說西灣河一間海南雞外賣好吃😋於是我就冒著大雨過去買外賣🥡了！位置很好找，老遠就看見招牌了。果然是專門店，全是我愛吃的。下次要試試小食，牛肚跟豬頸肉看上去都不錯👍我在老闆的建議下，買了半隻文昌雞。天橋下面的連儂牆，貼滿了貼紙，讓我想起雅典滿街的塗鴉牆，這都是每個人表達自己心聲的方式。香港🇭🇰加油💪朋友們都說雞🐔不錯，皮薄又鮮嫩。配上自己喜歡的調味料，是很下飯的。一年前的自己，每天只知道工作，忘記了好好照顧自己。現在每天告訴自己，要對自己好一點。最直接的方式，就是吃好每一餐。換不同的美食，吸取不同的營養。雞🐔當然是首選的！比起紅肉，雞肉更健康。

今晚吃外賣，這家餐廳主要做外賣，櫥窗掛了各款雞。這裏售賣不同類型的雞飯和鴨飯，例如海南雞飯、文昌雞、口水雞、花雕雞、藥膳雞等，還有小食等等。⭐️招牌脫骨海南雞飯$45我點了一盒海南油雞飯，奉送一碗例湯。黃色的米飯粒粒分明，入口有咬口，不過稍嫌不夠香。雞肉份量不算多，雞皮上有一層油光閃閃的雞油，入口濕潤，雞肉去骨，吃得很輕鬆，不過又少了啃骨的樂趣，配上兩口飯，的確很飽腹。⭐️香茅煎豬扒$15豬扒已經預先切好，入口鬆化。

這間新開張的營豐海南雞專門店開張後一直想光顧，但近日上班都要加班，所以試唔到，難得今日有空，就買了半隻走地文昌雞和家加跟屋企人吃，除了文昌雞，還有招牌無骨海南雞、海南鹽水加積雞、口水雞、還有小食之類，總之係雞！全部都係雞！回到家一打開，有三款醬汁，有薑蒜、醬油和醋，半隻雞份量不少，文昌雞是廣東八大優良雞種之一，肉質鮮嫩，雞味濃郁，口感肉質絕非一般燒味店的味道，這是我在香港吃過最鮮嫩的雞，下次會再試埋其它招牌雞。

西灣河食海南雞嘅餐廳越來越多，今日用openrice search到呢間營豐海南雞，見佢係新開，於是就試下！今日係平日7點鐘晚飯時間過嚟，有5個人排緊隊，店員滿臉笑容，等候期間仲聽到店員同顧客閒談，十分親切！可惜門面只得一個店員，收錢同埋包裝飯盒都係一個人包辦，不過兩個廚房師傅得閒都會幫手問顧客要啲咩，所以最後都係等咗大約10分鐘除咗雞之外，營豐都有好多其他小食，例如豬扒，豬手，雞腎等等，賣相都唔錯，而且係每磅秤，想食幾多就買幾多，唔會浪費！今次就嗌咗鎮店之寶招牌海南雞(無去骨)，$85半隻，2個人食，附上三份醬料，薑蓉，甜酸汁同黑醬油。薑蓉非常多，將三個醬撈埋一齊，甜甜酸酸，好開胃！雞就非常滑，就算係雞胸都唔會太老，鍾意啖啖肉嘅人不仿試下無骨海南雞！

新開既呢間海南雞，幾抵食飯類一般都係四十蚊左右，可揀白飯或油飯我叫左個冇骨海南雞油飯雖然盒飯睇落好似好少份量，不過一般女仔應該會食唔晒，男仔加埋碗湯就啱晒啦冇骨食起上黎啖啖肉之餘又方便，d雞幾嫩又唔乾身，飯唔會一舊舊，顆粒分明另外可以揀湯或者汽水我見佢好似日日都會有唔同既湯今次既係花生木瓜雞腳湯，都幾足料海南雞另外有一包醬汁， 不過本身既汁酸酸地，個底仲有d蘿蔔條，酸酸甜甜好醒胃，可能係幫你解膩下次可以試下係外賣平台落單啦

曾試過於晚上7:30到達，油飯已賣清，看來大家都深明海南雞必須配油飯的道理。這次7:15到達，成功點了招牌脫骨海南雞飯($45)配油飯，店員非常親切有禮，會主動推介其他食物。外賣回家後，食物仍能保持溫度。湯非常鮮美；油飯粒粒分明，但能再香口一點；雞肉質尚算嫩滑，略嫌瘦削；醬汁酸甜適中，頗為開胃；整體感覺不俗。

사이완호 지날 때마다 먹는데, 닭이 신선하고 맛있습니다ㅎㅎ 테이크아웃이라 비싸지도 않아서 좋네요 ㅋㅋㅋ 해남까이의 맛을 알게 해준 가게입니다 ㅎㅎ 앞으로도 자주 먹으려고 합니다 한번 드셔보시길ㅋ