爆丼丼 (Closed)

事隔八個月，又重遊舊丼！係荃灣食日本野，不外乎元氣同大鴻輝嘅放題，今次揀八個月前食過嘅爆丼丼，雖然位處隔涉，不過經歷左大半年嘅經營，依然健在，值得再光顧。因為上次經歷，今次叫左個迷你魚生飯（依舊有肥美三文魚，水準依然，同埋有帶子，今次帶子無雪味，過關！）迷你魚生飯size雖然細，不過飯量唔少架！另外叫左個四重爆丼，同上次一樣，海膽量比上次少，海膽呈鮮黃色，係新鮮嘅！雖然爆丼飯水準保持，但是今次價格明顯費左20蚊。小食方面揀左原隻汁燒魷魚，新餐牌，新鮮燒出，魷魚鬚方面燒得過了頭，太硬，不個魷魚身則剛好，又爽又彈牙！希望小店保持水準，繼續落去。

前排好hit一碗魚生飯配好多好多刺身有唔同舖頭都有做類似既嘢 而爆丼丼係其中一間 今晚一於去會一會佢晚上7點零 唔算好多枱客 未嚟之前已經諗咗一定要食魚生飯所以鎖定咗食北海丼💲138有三文魚、油魽魚、劍魚(腩)、帆立貝(帶子?)、拖羅碎(蓉)同三文魚籽而佢亦會奉送面豉湯或者汽水+💲5而友人就決定叫四重爆丼💲208裡面有爆量海膽、拖羅碎(蓉)、帆立貝(帶子?)、三文魚籽首先上咗2碗面豉湯，個人唔太中意，覺得好咸 好似倒咗好多豉油落去咁😐而裡面都係豆腐同海帶 冇乜特別是晚主角一登場💁🏻‍♀️北海丼份量係每種魚各2塊但厚切😍 一啲都唔吝嗇！仲會好貼心咁比個碗仔你裝啲魚生過去擺唔洗阻住你慢慢品嘗啲魚生好新鮮 因為厚切關係啖啖肉而劍魚其實係劍魚腩嚟 中意食既人會好中意 唔中意既人會覺得好oily anyway 呢個飯 絕對係抵食！呢個價錢食到6種魚生仲要份量唔係小 💯✔️好食度😋😋😋😋😋是晚主角二 四重爆丼而友人既四重爆丼完全係冇「揸流攤」差唔多半板海膽上碗 而海膽仲要好鮮甜一啲苦澀味都冇 真係不得了～以呢個價錢嚟講尚算抵食！好食度😋😋😋😋😋Overall嚟講 服務態度、環境、食物新鮮度都好高評價

今日去專誠去荃灣廣場見布甸狗，探完只係五點半左右，男友提議食日本野。好呀，既然咁早，應該可以試下平時勁多人排，無訂位一定有排排隊嘅爆丼丼！到達時只係五點九左右，就已經有六七個人等緊。食店仲係準備當中。再遲啲真係有排等！menu選擇眾多，樣樣都想食唯有將咁難嘅難題交俾男友。最後，我地揀左四重爆丼，同火山爆丼！個丼飯唔算大，比我想像中細。刺身都幾新鮮！火山爆丼火山🌋爆丼就係魚子好似熔岩漿咁喺口中火山爆發爆岩漿咁，幾貼切！ 魚子、三文魚、帶子、吞拿魚蓉魚子可以再多啲，見到飯嘅，未夠爆喎。。四重爆丼海膽、吞拿魚蓉、魚子、帶子海膽超正！！！望落個樣係好開心的，但實物其實同店內&餐牌嘅都有落差。個人認為刺身可略略多多少少，起碼見唔到飯面啦。本人已經算比較慳住刺身嚟食嗰種人，但啲刺身都唔夠嚟送飯食。。。剌身得一層，飯就好多！店舖不算大，枱與枱之間好近。感覺有啲逼。另外，要讚一下店嘅店員。因為其間有個老伯伯嚟食，（我surprise老人家竟然會食生野，係一個open/愛日本的伯伯😀) ，當時得番bar枱有位，但bar枱嘅凳係無凳背，無得挨。伯伯唔想坐，問有無其他位，卒之店員喺其他位嘅凳換左俾伯伯坐。👍

一行四人約咗喺荃灣食晚飯，因為我好想食海膽所以一早target左嚟呢間食，晚上六點入座不用等位，但過了差不多半小時已全場爆滿!!! 我點了四重爆丼($158)，有海膽,三文魚子,帶子,同吞拿魚蓉，海膽好似唔止得一款，雖然我唔識分佢係唔係靚海膽，但食落幾好味，滿足晒我想食海膽嘅慾望，睇相好似好大碗，但其實實物係比較細啲嘅，我覺得啱啱好夠食!!其他人就點了以下菜式，大家都表示好滿意，食得好開心。呢度嘅菜式有平有貴，有魚生飯有拉面有丼飯，款式夠多，迎合到大家不同嘅需要。

極上生魚丼飯 刺身質素都可以，份量十足，但飯實在太黏口，飯都痴得好實扣分，芥末可以味道不錯，豉油吾太咸剛好，但以$168來講，荃灣還有其他 刺身丼 選擇。魚生丼 有 麵豉湯 和加$5汽水選擇，叫咗三次先有，幸好味道吾錯而且足料。餃子 夠熱而且十分足料不錯。日本鱈魚乾 幾脆偏薄身，口感可以份量偏少。不少人來好彩有訂位，但入面真係幾迫同待應少，要叫幾次先可以拿到自己想要的東西，這裡不宜傾計，到最後我地食完即走再去其他地方傾計聚會。

約左咁耐，終於約到出黎！6個人晚飯時段去到，要先入到去都合理既本身想食mk果間，但要就返大西既人所以揀左荃灣呢度落地鐵之後，原來都要成20分鐘先行到完全睇唔到係咁遠一入門口望向牆就見到四重海膽丼要200蚊...下次先試我地點左鰻魚飯，豬骨湯豬扒烏冬迷你三文魚丼，鵝肝牛肉飯我自己點既三文魚丼好好味！帶子壽司就唔夠新鮮豬骨湯烏冬湯底值得一讚但豬扒就老左小小鰻魚飯就勁大碗，兩個人食都得仲要只賣80蚊左右，朋友話正！野食個價本身仲跟餐有埋面豉湯加5蚊可以轉飲汽水有機會會再黎食，要試lunch既三色丼飯！（夜晚無架..）

星期日下午就當然要搵節目＋覓食，聽朋友介紹過這間店，今日終於捉到老公來陪我試一試。實在是名不虛傳，真的爆丼，份量非常多，望到滿瀉既丼送到枱上時，慼覺經已好嘩然又滿足！刺身十分新鮮、肥美、肉厚，飯既質地很煙韌，有咬口，價錢相當合理，朋友絕無介紹錯，我一定會再回頭幫襯。店內除了刺身丼，還有安格斯牛肉鵝肝丼、原條鰻魚飯丼....等等!我經已選好下次要試既食物，服務員態度非常好，細心有禮，盡量滿足客人，讚呀！

今日放假出左荃灣行街聽人講呢間爆丼丼唔錯～一於打電話訂位先7點半前去到，餐廳內坐左一半人，基本上大部分既人都訂左位，有興趣黎試既朋友仔，最好訂位先！一場黎到緊係要試下個喜有名氣既四重爆丼，多角度拍攝😂份量都ok,未去到滿瀉！但都鋪晒成個碗個帆立貝好鮮甜，反而個海膽就一般，未係好鮮甜但都算合格另外叫左個鰻魚定食真係完條鰻魚飯～鰻魚燒得香濃，ok唔錯但個飯就唔夠多鰻魚汁😂如果多d汁就更好啦！呢個芥辣八爪魚係熟既～兩個人埋單$364～

平日八點左右去 唔洗排隊 直入 本身有D驚會唔會少少中伏呢食刺身呢D 最緊要新鮮 所以人流少真係有D淆淆地入到去 無事 虛驚一場 其實係好多2人坐左4人枱 ::睇下個MENU 先有刺身丼 價錢由138到208 不等 都有豚丼,拉麵既 50幾蚊都有(間野鄰近學校 咁樣睇午市應該幾旺)我地全部ALL IN 刺身丼上菜係快既 VISUAL 無得輸 (請睇圖)餐廳好貼心咁比多個碟比你因為根本滿到食唔到呀!!!!小心翼翼咁夾左一個缺口之後 終於可以開食刺身OK 新鮮既 其實刺身丼 如果飯到刺身比例唔岩 好易食到"流" 但食到中場 都覺得可以 最後清哂 BTW 本身個碗睇落有D細有D擔心男士唔飽不過其實小小既碗入面係有奇多既飯性價比黎講唔錯::包湯/+$5 飲肥仔水::坐得幾舒服 ::就咁睇 十個客十個都係刺身丼::原來有串燒 太餓無睇哂本MENU......

朋友好中意食日本野，特別係刺身類，海膽配飯更是最愛，所以特登揀左呢間係荃灣有點人氣既日本餐廳試下佢既丼飯。假日下午兩點零鐘黎到，但店內仍然有唔少客人，而且唔少人點海膽丼添! 黎呢度就梗係要試佢個招牌----四重爆丼啦，另外再點我中意既蒲燒滑蛋鰻魚丼。四重爆丼 $188老實講，起初望個餐牌，見到呢個海鮮飯索價近$200，覺得唔平，一度好奇點解D人會話呢度既丼飯抵食等等，加上上枱見到佢飯碗既SIZE時，心中更加覺得貴😣。不過，認真D睇海鮮解實有唔少，海膽應該有半板，外貎亦唔算太差，入口甘甘甜甜🤤，配埋下面微暖既醋飯，好好味😋；帆立貝有完整兩粒，雖然未到好鮮甜，但都唔差；三文魚籽正常味道；至於拖羅蓉我就唔識評價，因為一定都唔識得欣賞😅。唔好睇佢碗細細會食唔飽，但其實入面D醋飯裝到實一實，加上食凍野令個胃收縮，高蛋白質既海鮮又令人易滯，所以食哂成碗野會覺得岩岩好，再多D就會太溜。蒲燒滑蛋鰻魚丼 $68鰻魚長長一條，頭尾燒到有少少焦，正中我杯茶，而且厚度大概有3/4至1吋，入口啖啖肉；不過肉質唔鬆化，比較韌身，而且蒲燒汁鹹得制唔夠甜，但呢個價錢配埋個煎厚蛋，唔能要求太多。呢度其實仲有其他丼飯，最

坐位近走廊，坐入面的客人進進出出，不停起身讓路，一頓飯站起身大約4-5次，很騷擾。食物質素很一般，叫了一個刺身拼盤$298，不值得收這個價錢所以只有一次，不會再去了。還聽過朋友說很好吃，故意訂座，結果只有這樣的質素，三文魚很普通，海膽有點點腥，而其他都很一般，吃飯吃飽了，所以連小費都沒給，一個期待了很久的晚餐，好像就這樣摧毁了，我看到我朋友的眼神也不太好看，所以就這樣了，第一次打食評，也是第一次給劣評。不會再去了

在網上訂座七時半，早10分鐘到未有位，但之後陸續有訂座客人到達，同是預約七時半，同要4人枱，店員竟先安排後到者入座。然後入座後，想點菜時又要求我們轉位置，也算數，但轉位後幫我點菜的店員消失了，等很久才找到人下單，服務令人失望。食物尚可，魚生飯實際比相細很多，但是新鮮的。鵝肝安格斯飯太油，豬軟骨烏冬尚可。到最後想掃描賺里數，網上訂座說的優惠，但店員竟說沒這掃描機，所以沒法登記。連機也沒有，便不要以此優惠吸引人，這有欺騙之嫌。總之整體令人失望。

 由於上一次光顧時覺得此餐廳食物不錯,但剛好牛舌沒有貨了, 所以前兩天跟友人再次光顧這餐廳, 來碰碰運氣今天總點了三款食物, 包括上次已想試的牛舌, 原條蒲燒鰻魚丼及極上生魚丼原條蒲燒鰻魚丼- 份量很多, 蛋也很滑, 味道不錯汁燒牛舌- 牛舌爽口,不會太咸,不錯極上生魚丼- 厚切剌身, 包括三文魚腩,油魽魚, 帆立貝,赤蝦,海膽, 都很新鮮

今晚約齊腳落荃灣開枱，有老公充當柴可夫。既然老公咁配合，一於就下佢，食佢最喜愛嘅日式魚生飯啦！問左荃灣地胆，雀友推薦位於河背街嘅【爆丼丼】。餐廳舖面不大，但座位不會很擠。裝修簡單新淨，環境整潔。食魚生除了食材要新鮮外，環境衛生亦十分重要，否則難以食得安心。既然特意來食魚生飯，一於食佢地招牌推介：爆火山丼同四重爆丼。先來味噌餐湯暖下胃。爆火山丼 ($168)頂部蔥花拖羅碎，配帆立貝、吞拿魚、三文魚同三文魚子。賣相跟宣傳海報有7成相似。所有材料都十分新鮮，分量拆開來也不少，飯量甚多。重點拖羅碎油脂豐富，入口即溶，三文魚子咸香脆口；其他魚生也美味。四重爆丼 ($188)有拖羅蓉、帆立貝、三文魚子及海膽；基本上是貴價刺身食才大集會，單看賣相已經流口水。拖羅蓉油香鬆化、帆立貝鮮味軟滑、三文魚子咸香脆口、海膽鮮味香濃；壽司飯也做得不錯，醋的份量適中，帶出食材鮮味之餘亦不會喧賓奪主。二人埋單400有找，以份量及質素來看，確是抵食之選。

爆火山丼HKD168 爆丼丼🏠荃灣河背街74號地舖。嚟到一間專係賣丼嘅舖頭 唔通唔食丼。充滿著三文魚子嘅丼 成日都會喺tvb十點半嗰啲日本旅行節目出現。又唔少人都唔太鍾意三文魚子 覺得魚油味實在太大 不過我就對佢幾有好感嘅 就好似榴槤咁 喜好嘅程度可以好極端。除咗三文魚子之外 其實仲包含咗三文魚 吞拿魚 同埋帶子。當然魚生嘅數目就一定冇三文魚子咁多 不過個數量依然係 好難就咁bug落去食 所以侍應都會比多隻碗我將飯同魚生分開食😂😂。 除咗佢哋另外一款充滿海膽嘅四重爆丼 我諗呢碗就係佢哋另一款招牌丼 講真嗰句 魚生嘅份量就一定冇廣告相影得咁多 或者可以形容係少好多 不過都可以一啖飯一啖魚生嘅。另外一點就係 啲飯係微溫嘅狀態 第一次食唔係凍嘅魚生😂😂。 不過要讚嘅就係份量都算幾大 食丼嘅飽肚之選安格斯牛肉鵝肝丼HKD118。通常食丼都係用魚生做主角 一講起牛丼大部分人都會諗起吉野家 高級少少嘅牛丼你哋又食過未？。同圖片一樣 牛肉嘅分量非常豐富 而鵝肝就係有一件喺中間。汁燒牛肉醬汁偏甜 有少少洋蔥味？醬汁味道係唔差嘅 肉質嘅處理手法可以再做得好啲。鵝肝無騷味 表面有少少燶 用筷子分開佢嘅時候