牛More石燒專門店 (Closed)

Small but great restaurant. The food and service are great, and the staff are really friendly. It can get very busy and crowded during peak hours.The selection of meat cuts is nice, although some options are often sold out. I usually go for a tenderloin, while my wife prefers the wagyu burger patty. Last time we tried the Iberico pork, which was incredibly tender and juicy.Most meat selections are offered in 3 sizes, so it's easy to control how much you eat. That's great.Soup, salad, and rice ar

今晚見早返牛more比較少人，另一半心血來潮又黎呢度食下扒，照舊一入店，親切的餐廳員工會教你點餐，介紹有咩今期推介。入得黎食飯自然離不開据扒，今次見touch screen點餐牌有牛more丼，當然要一試啦～今次呢款牛more丼好有驚喜，可能平時食開大件夾抵食扒，呢次食份量少一點嘅牛more薄扒反而岩岩好（其實我可以食 double size)。個生蛋黃撈飯雖然係配角，但差啲做埋主角，因為個蛋好滑，再配埋牛more簡直完美，呢款飯我相信會不停黎食。

這是第3次來這間店，但我相信是最後一次了。徹徹底底的失望。我們點了限時優惠牛之道。上菜後一下刀已經發現全塊牛都是筋。好吧，試試睇下可唔可以食到，如無必要都唔想麻煩店員。但咬左幾啖真係咬唔爛。啲筋係非一般硬，跟本無可能食到。無可奈何下向店員反映，店員竟然叫我地唔好燒甘耐，仲話可以叫廚房幫我地切細件啲。難道切細件啲就可以咬得爛嗎？都是筋你看不見嗎？仲話自己係牛肉專門店。好了，戲肉來了。到我們決定放棄，怪只怪自己唔好彩之際。之前那個店員再之假惺惺的走過來說唔好意思。問我地要唔要一塊仔牛柳補數。要補數點解唔早啲講呀。有心既就攞塊牛筋入廚房既時候換一塊靚少少既比客人啦。仲話咩個時唔知到甘多筋。成塊牛筋攞入廚房切都唔知多筋你點做野架。信你會介紹靚牛比客食就死得啦。講真換一塊牛比客要幾多錢呢。成舊筋都可以攞出黎比客食我就真係唔敢再幫襯了。大家如果想去試下的話記住揀一日好好運氣先好去呀。因為品質無保證，唯有靠自己運氣啦。祝各位好運！

早前聽朋友介紹元朗區的石燒店，一心歡喜以為好好味，點知失望又痛苦。是日點左肉眼扒($88)同牛more之道($75)各200g，兩份牛扒前後相隔幾秒上菜，肉眼頭頭彈油彈得十分厲害，諗住慢慢切慢慢食，但彈油實在彈到不行了加上塊肉眼扒唔知點解好多筋，好難切！切極都切唔到啲油不停地彈上黎！好彩友人建議將啲肉放返係隻細到不得了嘅碟上面先切，叫解決左問題。但友人舊石頭好似無咁熱，啲油彈得無咁勁。我對手前後被彈油彈左十次，每次都好熱好痛，最後有下彈到紅左一達，希望今晚唔會見到水泡。塊肉眼扒好多牛筋，令啲食物好難入口好難切又好難燒熟，完成食唔到！都未曾食過咁多牛筋嘅肉眼扒，心諗係咪肉眼同西冷搞錯左。另外連加罐可樂都要自己去雪櫃拎，真係無服務可言。其餘配菜非常一般，蘿白味增湯嘅蘿白係苦嘅，沙律同白飯就正常。石燒店全港都有好多間，呢間就真係不了

近排有個熱潮係食石燒牛。行開元朗發現新開左一間鋪頭即刻試一試先入到去有圍裙可以帶添店員好友善推介我哋食咩套餐佢仲同我地介紹有珍珠飯牛肉湯沙律都可以任食開胃嘅前菜呢個飯真係好好食用嚟送牛肉一齊食係非常之夾佢個牛肉湯亦都非常出色我亦都加咗鵝肝安格斯牛扒一上碟嘅時候 即刻渣渣聲響你要等佢喺熱石上面按照自己鍾意嘅生熟程度而去選擇幾時拎起見到個肉質非常好👍 鵝肝都吸晒牛肉嘅鮮味最後切成細細塊入口咬落去仲好Juice好多肉汁又唔會太乾 濃濃嘅牛味另外一塊就比較有咬口嘅亦都好重牛味 推薦

元朗越來越多食燒牛肉選擇，最近食左呢間牛more，我覺得都幾抵食，百幾蚊就有400g牛，而且沙律、湯、飯任你裝，而且牛肉款式選擇都幾多，下次如果想食牛可以試下呢一間。

第一次難食到要寫食評牛完全冇味，一行三人，分別叫咗三隻唔同嘅牛，三隻各有各難食，最難食一定係和牛漢堡，完全冇味又乾，另外兩隻牛話係招牌菜，un到咬都咬唔到而且係冇味，太難食啦大佬，300g起碼有200g淨左係到。難食到用盡枱面所有醬汁都食唔落，完全唔明點解一間唔需要煮既餐廳d野食都可以做到咁，唔知道d牛擺左幾耐先有咁既效果呢？

今日我同朋友嚟試新野我哋兩個都係第一次嚟呢間食燒牛肉食晚飯，本身諗住打邊爐，不過近排肺炎所以我哋打消左呢個念頭轉食石燒牛肉。我同朋友兩個人6:00到餐廳暫時都仲幾闊落未有客人住我哋叫咗一份普通牛肉（牛more) 同埋一份安格斯牛肉牛肉方面佢哋上枱嘅時候係一成你要食邊一個成數就要自己再燒嚟食感覺係好好玩嘅同埋由於係自己控制個成數由自己掌握所以我覺得好好味加上牛肉本身個質地都算唔錯同埋佢哋有個自助吧佢哋有牛肉湯同埋飯可以無限添加整體10分好

開左一段時間，終於有機會嚟試試牛more, 果然同其他石燒牛有少少分別，鋪頭職員得兩個，但服務好好，好細心咁解釋買票程序，安排位置服務好好，我去到係繁忙時間，full house 佢會叫我留電話俾佢，佢有位通知我先嚟，呢點值得讚，唔駛下下企係度等。到入座又解釋食法及介紹，感覺細心又有禮貌，服務一流。食物方面，牛柳好稔，夠肉味，肉質好。鵝肝略少，但只係30蚊又幾抵。另外朋友食西冷，份量感覺大啲，一樣咁有肉味，生熟成數自己控制。另外自助區有飯，湯，沙律任食，以而家嘅香港嚟講，算好抵食。

元朗大陂頭徑有不少食肆，上次到來吃了泰國菜，今次就一於食隔離的石燒店，同大家分享一下！餐廳似乎最近才開張，但人流已經不少，店鋪面積不算大，售賣的菜式可謂獨孤一味，就是石燒肉類。第一次光顧，我們按店家的提議選了兩款期間限的的牛。牛More之道 - 牛板腱扒送到時渣渣聲，也有陣香，不過送來時只有一成熟。大家可以借石頭的熱力，提升熟度。牛肉本身質素不錯，有肉味，但會不會老，考驗功力。牛More + 鵝肝  ($75+$30)BB牛更嫩！不過每份不是太多，另外還可以加購鵝肝，石燒和煎的效果相約。另外值得一題是醬料，wasabi加上牛肉汁，神奇的組合，更能提升牛肉味道的層次。除了牛外，還有放題區，日本米，沙律，牛肉湯想食幾多就幾多。牛肉湯香口，味道香甜；日本米有飯素，本身已經非常惹味，配上牛肉，好正！餐廳食物味道相當不錯，而且價錢未算太貴，值得一試，不過餐廳坐位距離較窄，而且未設有抽油煙系統，據知已經安排裝設，這樣下次到來應該就不會整身油煙味。

If you are a beef or steak lover, you must not miss this Japanese style steak house. You never expect to find this kind of steak house even in Yuen Long. The restaurant is famous for its steak to be served on a sizzling stone plate.Located in the inner street of Yuen Long, the restaurant can be easily identified with its contrasting vibes compared to that of other restaurants nearby.Once my friend and I stepped in the restaurant, a hospitable waiter introduced me how the restaurants works, for e

#🐂元朗不嬲出名多嘢食！今日初嚐最近越開越多嘅石燒牛！-呢度完全係自助形式，自己㩒機揀食咩牛，自己燒、自己食！最抵嘅係佢係半自助餐，湯、飯、沙律都係任食！🤤-而我今日揀咗牛柳同牛More之道！牛More之道係定時換唔同嘅牛，今次呢個偏有啲咬口！我自己比較鍾意食牛柳，肉質較腍，仲好juicy！👍🏼😗仲有一定要推介嘅係佢嘅鵝肝，只係加$30，但超香、超肥美同好嫩口！而且店員（似係老闆）態度勁nice，會教你點食！CP值超高！一定會再返轉頭食！-雖然湯同沙律都任食！但佢個湯絕絕唔馬虎！係牛肉湯嚟，無味精，仲好鮮甜！

一直都想試呢類餐廳，見網上好多人都有食呢類即叫即燒石板上牛扒. 前排見元朗開左呢間牛more 作為新界人當然要黎試下啦！入面有任食日本米 可加飯素， 日本米粒粒分明有咬口 果然連飯都唔會馬虎咁煮另有牛肉湯 雖然味濃但有啲似味精湯。但系入面都好足料 有牛肉粒 蘿蔔 同埋洋蔥🧅等等 飲落都唔錯仲有沙律🥗 就普普通通有耶菜 紫洋蔥 同埋車厘茄 另有3款醬可以加 沙律醬、日式芝麻醬、醋等牛肉就叫左2款 分別一份牛扒同一塊佢地其間限定既牛肉漢堡 牛扒200g 呢款牛系bb牛黎 佢既肉質系無論燒得幾熟都可保持佢既嫩口 切落都唔會好多根 食落牛味濃 肉汁多 特別鐘意點佢既芥末加岩鹽 鹽帶出佢鮮味 芥末增加另一種感覺而牛漢堡如果叫建議唔會放系石板上太內 唔系既話會好硬好乾 令肉質變到柴柴的岩岩好熟既食一流！

去咗元朗行街，見到呢間熱辣辣嘅石燒牛，好吸引咁，而我又一直想食下，就拉埋男朋友仔一齊入去食啦！👅入到去地方唔算大，但係五臟俱全仲有好多卡位，二至四個人都坐到。聞到香噴噴即刻叫嘢食先！👀店員好友善，推介左我哋食「澳洲和牛漢堡200g」同埋「美國select牛扒200g」😍 除咗煮食之外，令一樣我覺得好吸引嘅嘢，就係珍珠米、牛肉湯、同埋沙律係任添㗎😝🥳「澳洲和牛漢堡」係最近新出架，試食價只係$98，用上澳洲高級嘅和牛，拍得住日本嘅高級和牛😱 上菜後，黃牛漢堡，慢慢睇盤岩石上面燒熟、受熱平均，望住佢一邊慢慢變熟，一邊有粉嫩嘅顏色變成啡色，好吸引，真係好治癒🥰 咬落去好有口感，仲有陣陣既牛味滲出～「美國more牛$125」塊扒顏色好靚，油脂平均，呈現粉嫩色，放上去岩石盤上面，發出咋喳嘅聲響😍店員教我地將最大舊嘅，慢慢切成小塊，每舊慢慢燒，越嚟越期待啦🤪咬落去肉質爽口、帶點軟腍，肉汁爆發！如果大家想喺大西北，食吓咁吸引又hit嘅石燒牛，價錢仲要好平民化，一定要嚟呢間食啦！💓

昨晚相約閨蜜拿qposket和美戰床單，順道吃晚飯。家住元朗的閨蜜竟然不知道最近席捲元朗的石燒牛熱潮，而且她從未吃過石燒牛，那更加要帶她體驗吃石燒牛，故我帶她去了新開業的牛More石燒專門店品嚐石燒牛。從下單到自取沙律，牛肉湯，白飯，一切都是自助形式，當然石燒牛是店員奉上。寒風凜冽，喝上一碗熱牛肉湯倍感溫暖，湯頭濃縮牛肉的精華與洋蔥的清甜，身心都被這湯治癒。我們不能只吃肉，要營養到位，故也盛了一大碗沙律慢慢享用，生菜絲口感爽脆，粟米清甜，拌入柚子沙律汁及芝麻沙律汁吃，酸香開胃，格外清爽。白飯粒粒分明富咬口，配上飯素與石燒牛吃，盡是滋味。喜愛吃優質牛扒的話，美國select more牛是不錯的選擇，more牛是美國認證的BB牛小排，故肉質非常柔軟，個人喜歡五分熟度。店員建議我先將more牛切件，然後在放上300度高溫的石板熱燒，便可享用。我先嚐more牛的原味，每咬一口都流出鮮美肉汁，整塊牛小排好不涮嘴。然後可按照個人喜好，醮點調味品，如牛肉汁，酸汁，七味粉，玫瑰鹽等，些許醬料把more牛的美味發揮得淋漓盡致。閨蜜選吃澳洲M9和牛漢堡扒配匈牙利鵝肝，和牛漢堡扒有著莫大的誘惑力，令人難以抗