珍香園 (Closed)

《西灣河半天遊 美食篇1》-   珍香園港鐵半價乘搭日，特意約媽咪下午到西灣河半天遊，從網絡上搜集資料得知西灣河美食小店林立，於是我計劃先嚐地道美食，以傳統懷舊為主題精選了幾間小店，再到海邊景點愛秩序灣公園散散步。當日行程如下：第1站：珍香園 (傳統港式小食及糖水)第2站：小老板 (傳統上海點心)第3站：金樺餅店 (傳統港式麵包店)第4站：愛秩序灣公園如有興趣，歡迎到我嘅帳戶睇埋其他小食店嘅食評第1站，「珍香園」距離西灣河港鐵站只有2分鐘步程，所以我們一到埗首先到訪珍香園，嚐一嚐港式傳統小食及糖水。我們點了熱門食物——蘿蔔絲餅、豆腐花及豆漿。蘿蔔絲餅大大件，形狀似muffin；餡料充足結實，有非常多蘿蔔絲，咬落去啖啖都係香甜蘿蔔絲、還有椰菜絲，餡料混合了黑胡椒粉，多一分惹味。豆腐花豆香味濃，滑溜，食得出真材實料，簡單就是美。豆漿與豆腐花同出一轍，豆漿的黃豆味香醇，口感濃厚。因為試左豆腐花，覺得好正，所以叫多兩支豆漿外賣，再到下一站小老板，上海點心配豆漿係最佳配搭。

聽朋友講，業主唔再續租，「珍香園」將會光榮結業，做到9月24日，加上前幾日東張西望報道後，就開始好人專程走去捧場。而我和妹，兩人亦趁9月16日放假行過去幫襯下，今日去已經開始無得堂食，不過都仲有好多人排隊購買外賣。排咗個半鐘，終於到我哋落單喇，今次我哋就叫咗2個熱豆腐花、3件蔥油餅、3個蘿蔔絲餅、1個滷水豆腐，總共$116。排隊過程，發覺香港人都好有耐性排隊，原本只係想買少少，到落單就買多多，眼見老闆及員工都忙到無停手，而整個流程都好順暢，安排得唔錯，每個人負責一個no，包好親手交俾顧客，整體服務態度都好好。至於食物，我個人最鍾意都係熱豆腐花及蔥油餅，至於最多人買嘅蘿蔔絲餅，我個人就覺得比較鹹，而 滷水豆腐亦無以前咁大塊，不過都算保持到以往嘅水準及味道，

即將結業，生意肯定忙碌，忙碌就燥，燥就將怒氣發洩在客人身上，客人沒有得罪你啊！每一位入舖幫襯都是想在結業前再品嚐美食。 要知道不論是舊客抑或新客，都是客。任何形式嘅生意，得一個客難，失一個客十分容易。或者貴舖唔在乎失一百幾十個客。

舊式上海風小食店今天在香港已經好少見得到，所以入到去樣樣都想試樣樣都想食。佢D野嘅價錢比想像中貴，味道不是驚為天人但還是可以的。豬紅豬皮蘿蔔加咗鹵水汁落去，唔算好入味不過都OK嘅，唔會好淡口咁啦，豬皮最好食。傳統嘅蔥油餅就真係麻麻地，軟淋淋好似無煎過咁樣，無蔥同芝麻嘅香味，一味得個油字。反而個蘿蔔絲餅幾好，我開頭見到個樣都驚佢個皮太厚，不過咬開都OK woo，好多蘿蔔絲。最後仲飲咗杯豆漿，叫咗先睇到一杯$13一支$15，早知叫一支啦。

今日見到很久很久沒見蘿蔔絲餅，立即入去珍香園買件試試蘿白絲餅$13雖然不是即整，但都是暖暖的，咬一口，蘿蔔絲餅的皮脆內包含滿滿蘿蔔絲，一口一口濃濃蘿蔔的鮮味香滲出來，想起兒時食過的傳統味道正

公司附近的珍香園, 是屹立超過六十五年的豆品廠, 沒有公和以及人和等同類的人氣, 就是默默做, 為東區市民提供新鮮製造的石磨豆腐及豆漿. 石磨豆腐的好處, 其實就像冷壓一樣, 用上比機器低溫及慢速的磨製, 更能保留黃豆本身的豆香和營養. 正如最先的製成品即磨豆漿, 口感特別順滑, 豆香特別香濃, 基本上不加糖也可以.除了豆漿外, 這裏的豆腐花也比其他的順滑和香, 特別喜歡其鹹食的做法, 就是加上豉油, 蝦米, 蒜蓉及辣椒等簡單食材, 吃起來鹹香微辣, 又是另一番新感受, 也令我想起在台灣吃過的鹹豆漿. 煎釀豆腐做得好的, 除了是豆腐外面煎得香脆, 而內裡依然滑嘟嘟外, 鯪魚肉平均鋪在豆腐上, 不會一夾即散. 至於牛肉包就比較一般, 外面包層很厚, 內裏牛肉份量不少, 但係不夠Juicy, 作為填飽肚子的功能性十足, 味道就一般吧!Jan Heung Yuen is focused on her bran custard and bean milk for more than 65 years. Using stone mortar to prepare the bean product

好多年前食過呢度嘅豆腐花同煎釀三寶，今次再次幫襯外賣。水準大不如前，質素下降，尤其是態度奇差。入到舖頭無人理，價錢牌又唔清楚，問果時就呼呼喝喝，係咁問買幾多件不停催促，又唔俾睇同諗，未食已經一肚子氣，令人倒胃口。買炸雲吞個盒又唔篤窿，外賣返去攪到“林”晒，味道又一般，想受氣就幫襯啦！

今晚同細囡撐枱腳，帶佢食下小店。舊區才有此類舊式小店。我見到餐牌，樣樣都想食。😋先上了一個蘿蔔豬皮豬紅$19，雖然色水好深，但並不醎，蘿蔔清甜，豬紅嫩滑，豬皮彈牙有口感。手工鍋貼兩隻$13: 好好食，保留了肉汁，食完想外賣多幾隻己經賣曬。手作蔥油餅$9 ：賣相唔靚，但有內涵，濃濃的芝麻蔥油香味。熱芝麻糊$16: 阿囡食，正正常常。熱鹹豆花$15: 豆花超滑，面上有啲蝦乾仔、菜莆粒，又係好好味。生煎牛肉包$10: 呢個較為遜色，牛肉餡少及太乾。最後我還外賣了兩盒俾老婆及大囡，有煎釀三寶、炸雞髀、蘿蔔絲餅、生煎豬肉包。👍👍老店就係有啲人情味，個侍應哥哥見我食完咁多又外賣，煎釀三寶送多兩件俾我。👍👍

以前也曾經去這柴灣的珍香園，可惜疫情關係柴灣分店已關。所以這次去西灣河本店，在西灣河街市檔之間，一不小心可能已經經過😂聽說已經開了60年，目前已經到了第4代。炸油糍已經越來越少地方賣，其實就是蘿蔔絲餅。🔸炸油糍$11: 很香也脆，可惜偏鹹；蘿蔔絲非常足料，不過還是熱騰騰比較好吃，下次可以外賣一個回家翻熱😂🔸石磨豆腐花&鹹豆花$14：好吃而且很滑，很滑的同時又有蝦米和菜脯的爽脆，同時又不算很鹹🔸蔥油餅$8：堂食完再外賣翻熱！好好吃呀🫣真的好好吃 很香的蔥油，芝麻超香的個人覺得環境沒有讓人想坐很久😂而且一件件買的情況之下，很容易超過預算！我想我下次應該會外賣回家慢慢吃🤗

疫情下的煎釀三寶筲箕灣開業半世紀珍香園豆腐係主打，可惜豆腐花很失望，同澳門李康記真係燈尾都睇唔到，但係佢嘅小食可以，攻略食新鮮炸起、煎釀豆腐我覺得係名物、靚過公和堂好多、有豆味，鯪魚肉算新鮮，係好味，鍋貼、蘿蔔柿餅、蔥油餅韭菜餅都係自製值得一食

我喜歡遊走街市市場;就在人來人往的成安街有一豆腐店 - 珍香園,售賣各種豆製品, 以及伸延出來的小食,包括煎釀豆腐; 釀尖椒; 炸雲吞; 生煎鍋貼等等.檯面上有著各類令食物昇華的醬料「麻煩一碗熱豆花」轉眼間就遞到面前!我喜歡糖漿多於黃糖粉;而糖漿比較水, 很容易倒出來,不會太甜. 愛甜的可以放多一些也可以. 熱騰騰加上滑溜溜, 每一啖帶濃烈黃豆味道,非常滿足!!下次再來時, 可嚐嚐其他食物,留意到有很多人點韭菜餡餅, 還有炸雞脾,相信也是非常受歡迎!

經開西灣河，重遊珍香園呢啲食小見少嘅舊香港風情小店咁嘅價錢，冇乜特別好挑剔係街坊嘅恩物，快食快行嘅小店價錢在便宜和合理之間豆腐花都算保持到水準(如果豆味重啲更加好）一句講晒一間超值嘅小店

這天跟太太閒逛西灣河，途經這懷舊小食店，發現有蘿蔔絲餅等兒時常吃小食，馬上進店，坐下，有點奇怪，食客們都是挺有禮貌的，跟這小店帶點麻甩裝飾佈局有點反差，令人更感愜意😍。隨意點了幾款小食，果然不失所望，都是回憶中的味道。把到處可見的煎釀三寶，豆腐花，鍋貼等都比下去。今日香港，能保持這傳統功夫製作，數十年不為潮流洪澇淘汰的傳統口味，實屬難得💯。要特別推薦的，是鍋貼，水準之上上。滿足口腹後，付費出門，慢步走了差不多五分鐘，後面有一男士從後趕上，面帶微笑問我:是否遺漏了電話？我認得你著件衫! 我將電話交咗畀店員再出來試試搵你地。(我都認得他是坐我鄰枱的食客) 我跟太太 愕然地同時檢視口袋，手袋，電話就是不在，馬上跟男士掉頭返食店，年青店員亦有禮地把電話交到我手。該男士始跟我道別，看到他走的方向，是跟他找到我的方向是相反的，是專誠跑上來找我的，在此，要再次向這位男士道謝🙏。所以，一間有質素的食店，亦會招來有質素的食客。下次，我不會路經入此店，我一定專誠再次幫襯😃

乘工作之便來到久未涉足的西灣河區，前來這老店舖吃一頓懷舊的滬式早餐....很可惜地由於剛開店的關係，好像很多東西也沒有得點吃。 特別是那個炸油糍 (即炸蘿蔔絲餅)， 現在在許多地方都已沒有得吃了....剛開店唯一可以點的，除了招牌的豆漿以外， 就只有煎蘿蔔糕以及蔥油餅。 順理成章地就點了以上這三款....豆漿的豆香還可以但未算十分濃烈；蘿蔔糕形狀公公整整的食落沒有太多蘿蔔絲的存在，還是以粉漿居多；蔥油餅食落好一點，入口有蔥香但又不會太油淋淋及死硬....說實在，食物味道只是非常一般。 但這裏贏的，是它給人帶來一份的懷舊情懷， 僅此而已....

珍香園喺老字號由細到大都會幫襯佢唔算出名但野食味道係一直都冇變過今日到五六點有啲肚餓走咗入去食一碗熱豆腐花唔加黃糖都夠味仲有煎釀豆腐 茄子 鯪魚球 青椒落甜醬同豉油十分惹味仲有重點推介嘅係蔥油餅 鍋貼 牛肉包 豬肉包 煎豆腐樣樣都好好味不過唔可以食太多因為食得多澱粉質個人會易肥佢哋既餐牌字體都好有特色你會見到係好有懷舊feel珍香園都會賣豆腐可以買返屋企煮豆腐鍋！住喺西灣河都幾幸福日日都有得買新鮮豆腐唔使去超級市場啦～