珠江酒家

Open Now

Now Closed

如此美味極致，讓我們始料不及，很簡陋的一家小餐館，分上下兩層，做得也不舒服，環境可以說真心不怎麼樣，但是當你吃過蠔爽、涼拌花甲，魚尖等美食，就是站著吃，你也願意，地帶夠味，包你喜歡！

開心星期五同同事聚下舊，最鍾意麻甩飲下啤酒食小菜。同事介紹下去試呢間老字號懷舊風味既酒家。因為係星期五，所以我地預早訂定檯。一行7人叫左8個餸7點半去到已經全場爆滿。雖然已經到左三月，但我地依然叫左枝竹羊腩煲。另外仲有豬雜蝴蝶腩煲，四季豆鹹肉，蠔爽，炸鮮鱿，炸鮮淮山，炸芋頭扣肉，菇生菜，同埋大量啤酒。羊腩煲份量好足，同埋整得好入味同唔會太騷，就算唔用腐乳醬點黎食都已經夠味。最期待係炸芋頭扣肉，唔係度度地方都有既懷舊菜，半肥瘦腩再加兩片芋頭夾住炸，咬落去唔會令你成口油同肥膩既感覺。埋單只係每人2百零蚊，個人覺得份量同味道係值得既。唯獨係坐上層樓底較矮，全場既人一齊講野時，好似係酒樓咁好嘈。

前幾晚想再去食牛肩扒 ，但因該餐廳室爆滿沒有座位，所以到這街坊飯店一試。 曾經經過這飯店很多次，但因其外表一般，所以未曾考慮過光顧。今次見刚巧有两個坐位， 所以就試吓他出名的山東流亭豬手。 豬手很大了很抵食指數88元肉質很好但我覺得稍為太酸。想試吓油浸筍殼魚，但價錢三佰多元似乎在這地方貴了一点。叫了一客 欖角肉鬆炒四季豆，價錢 $88, 很大碟，味道不錯。再叫多半隻豆豉蒸雞。味道不過不失。加埋一支啤酒共三佰多元埋單。這餐晚餐一般。

今次巳經是第三次黎珠江食晚飯之前覺得味道都普普通通，都可以作為聚腳既好地方雖然姐姐態度好好，但今次食物都不大符合期望特列出以下菜式覺得大家可以落單前再三考慮椒鹽鮮魷 - 實在太咸，炸粉太多蝴蠂腩煲 - 味精太多，腩肉與梅頭差不多檻柆肉蒸斑塊 - 最過份，用雪魚當班塊

珠江酒家，唔就腳、唔靚、附近難泊車、附近乜都無，但晚晚爆，識得黎既就淨返真係識欣賞老闆獨一無二既手藝既人星期四晚9點黎到無訂位好彩有一枱啱啱走，店舖又舊又唔太乾淨，枱面都ok，上二樓會感覺好啲，紙皮石都唔會係大家既心水，都係focus係餸菜罷啦餐廳叫你讀晒出黎都難，多款到，老闆就係賣特色，佢既小菜唔係你平時食到既，可能聽都未聽過，蠔爽、鴨下巴、蝴蝶腩、魚尖、野山豬，無數咁多味道亦從無需要擔心第一個就食個必食既蠔爽，$68碟食到佢118一碟，仍然咁正蠔味濃而唔漏，爽身香口，外面鑊氣足而入面腍腍蠔肉，加埋炒都好香既葱粒魔鬼在細節，送酒一流，如果第一次黎，老闆撚手野點都要試下另一十大菜式，豉油皇鵝腸，貼切啲，係豉油皇肥腸非常creamy既口感，你會驚訝原來鵝腸可以做到依個口感、依個味道一抽放入口真係正，好漏之際，開始夾下下面既芽菜一齊食，刻意芽菜整得脆身、爽身一啲，平衡下肥腸既肥好細心去設計架涼拌花甲最後先上，唔平但個量唔會hea俾你，啲花甲疊起有高度架個涼拌汁無得輸啦蒜夠、又香，辣得惹味花甲隻隻都大既，鮮味會出啲千其唔好唔食下面既脆青瓜，都係好好味既珠江小菜，無可挑剔啦，只係依家真係貴左同

原本諗住同朋友去附近一間餐廳食，但係太多人排隊，我地又餓，咁岩見到呢間，之前聽另一個朋友提過話想試，咁我就身先士卒幫佢試左先啦😂19：15去到，收銀姐姐話要搭檯同埋20：30交檯有無問題，兩個人食時間都充裕所以無所謂啦坐低左之後上左openrice望下D食物相，見到冰梅骨賣相OK就點左，另外想食菜，朋友話最近豆苗當造所以就叫左個蒜蓉炒～裡面環境真係好舊，天花同牆身完全見證得到上菜都好快，個冰梅骨新鮮炸起，肉質ＯＫ唔ＵＮ，但咸左Ｄ，其實我覺得呢個菜式只係炸金沙骨角後面頭淋Ｄ酸梅醬咁，好似無乜特別而個蒜蓉炒豆苗就唔錯，可能真係因為當造幾靚，蒜蓉炒有Ｄ香味，亦唔會太油但係整體唔會覺得好出色，價錢都略嫌貴左Ｄ，只係一試無坊既感覺

朋友話佢經常係度食，我就完全未聽過昵間鋪名，佢地話好味，甘就一班朋友去傾下，食下，又飲下，D餸就真係碟碟都好大碟，但講到味道，廚師就碟碟都好重手，隨左重手大碟之外，仲重手咸，差不多碟碟都偏咸，真係吳知係落多左鹽定係味精，我不嬲係吳中意飲汽水，亦好小飲，但我遇到重味精同超咸既時候，個身體反應就會叫我飲汽水😫😫😫😫😫😫😫😫😫😫😫😫A炸蠔——-係炸得脆既，可惜偏咸😕B炒豆苗—-炒工係ok，呢碟可以😊C生炒骨—-醋多左/食落酸味確喉即時咳左聲———但炒工係ok既，口感亦ok，唯獨酸😫D鼓椒炒豬潤粉腸—-炒工都係ok，豬潤粉腸——————炒得爽口吳鞋身，但好咸😣E炸狗肚魚——昵個正常反啦😂——————-皮脆肉嫩鬆脆屬好味👍F炸豬大腸——昵個我咬左一啖就無再食，原——————-因係有沈豬臭壓味🤮G羊腩煲———呢個就好掂啦😳其實基本上呢到個廚炒餸係好有獲氣，咬落口既食物係好夠熱，但真係好重手咸，希望可以改善一下。我D朋友就係甘飲啤酒，吳飲啤酒既我就係甘飲水➕一罐汽水解咸😰不過呢到既服務屬於幾好，好客氣同好有禮貌😊😊

珠江酒家門口睇落好似冇咩特別，就係舊舊地，如果唔係有朋友大力推介，應該冇咩機會會經過之後入去😂😂😂珠江係食懷舊粵菜，今次就試左冰梅骨，好邪惡咸左啲，但又幾好食，好矛盾😂雪梨雞配搭幾特別有驚喜，雞肉嫩滑，雪梨清甜，估唔到幾夾，推薦唷～鴨下巴幾厚肉，食得好滿足😍黃金墨魚咀，啲粉厚左啲，香口岩送啤酒🍻食左咁多熱氣嘢，最後食碗蠔仔粥清一清啲油膩感，加埋啲蠔仔真係幾大隻，食得好爽😆珠江真係令人又愛又恨，宜家好少見呢隻舊式重口味嘅香口嘢食，大食女仔表示可以久不久食一次就好啦🙈

珠江酒家呢個名聽咗好耐，由於位置唔就腳，一直未有專誠去食。今次朋友生日話想食小菜，於是就提早卜定呢間懷舊中菜。附近嘅雷生春近年都活化咗，反而珠江酒家依然故我，保留歲月痕蹟，入面嘅裝修仿佛停留咗喺七八十年代，好有時光倒流嘅感覺。睇咗4頁餐牌，發現唔少特色菜。蝴蝶腩，鴨下巴，野山豬，豬雜煲等，都唔係出面咁易食到嘅。生炒骨酸甜味道啱啱好，好怕有時食到啲酸到乸喉嘅。每舊生炒骨都沾上足夠嘅汁，而且外皮都仲係卜卜脆。好開胃嘅前菜，青瓜墊底，配上煮得啱啱好嘅花蛤，再淋埋個酸酸辣辣嘅汁，好帶出花蛤嘅鮮甜，連青瓜都一舊唔淨全部食哂。值得一提嘅係，全晚冇人食到花蛤有沙，唔錯。好香美極味，小小咸，多多鑊氣。外脆內軟，辣辣地，好香口。蠔仔細細粒但好肥美，一層薄薄嘅脆漿，炸到粒粒分明，唔會痴埋一舊又冇穿冇爛，都幾考功夫。豬雜同蝴蝶腩都好入味。好濃嘅胡椒味，豬肚爽口入味，酸菜份量剛好，提鮮得嚟唔太酸。****全晚嘅菜都好夠鑊氣同比較重口味，上菜需時，眼見佢地人手唔多，我地都係慢慢邊食邊等。另外特別要小心階磚地滑，大家要小心啲行。

好兄弟從上海回港數天，又過來鑊氣小炒荔枝角道雷生春對面嘅「珠江酒家」食飯吹水先。「珠江」嘅幾道得意佳作包括「黃金墨魚咀」、「潮州蠔爽」、「豬頸肉炒潮州魚麵」真係令人食極唔厭。

偶然發現呢間一D都唔顯眼既珠江酒家，裝潢殘舊，但人每日都非常多，爆哂場餐廳細細，但好有大排檔感覺，你想食咩都有！而且大大碟，價錢貼地！必點呢個涼拌花甲，花甲又大粒又新鮮，淋上類似口水雞既汁，辣辣地令人食唔停口。蒜芯炒鮑片就遜色左少少，炒得唔夠乾身，但味道都係唔錯既開頭唔知豪爽係咩，原來係炸蠔仔，勁大盤，兩個人都食唔哂細細隻蠔味卻很濃！都係必試item

小妹今次試呢間珠江酒家, 聽個名仲以為係屋村既酒樓食完先知內有乾坤!朋友一早就BOOK左枱(記住如果多人, 一定要先BOOK 枱, 因為座位數目唔多)嗰日仲要3號風球, 小妹一路返工, 一路祈求唔好掛8號!十分古式既門面小妹一行7人, 被安排坐一張枱 (如果2-3人, 有機會會搭枱)餐牌-真係花多眼亂! 其中一個特色就係牆上既餐牌最後叫左9 個餸豆豉鯪魚油麥菜: 朋友叫呢個菜, 本來我都冇咩期望, 點知反而有驚喜! 菜一D都唔油膩, 好夠鑊氣 美極鴨下巴: 味道都好惹味, 有8隻, 岩岩好夠分, 我仲食多左隻 豬雜蝴蝶腩煲: 重點推介  D 蝴蝶腩 同豬雜好入味! 仲有等小妹比個貼士大家: 一定要問佢拎辣椒醬   雖然要368! 但食完都覺得值回票價! 重慶麻辣鮮生腸: 生腸好爽脆, 配合埋個麻辣汁, 好夾! 蠔爽: 呢一個係小妹另一個既推介! 蠔夠大粒, 好香口, 一定要連蔥食! 涼伴花蛤: 呢個就正正常常避風塘茄子: 呢碟配啤酒一流!炸香既蒜茸同茄子出奇地夾 寫到呢度, 大家一定覺得好奇怪, 又話9個餸 , 點解得7張相? 是咁的.... 小妹唔記得影"生炒骨" , 呢個都係小妹既

-小編上次同屋企人一齊試吓呢間歷史悠久嘅珠江酒家🙆🏻‍♀️果然名不虛傳👌🏻佢家的小菜都是即叫即整上枱還是熱辣辣的👍🏻 1️⃣涼拌花甲 $118佢哋條配嘅醬汁好有川味特色十分惹味🌶好少出面吃到以涼拌方式煮花甲食落幾特別花甲分量頗多下面仲有青瓜鋪底🥒2️⃣山葵豬手 $88都是涼拌菜式山葵和豬手這個組合 都幾新鮮☄️但味道不是太特別下次就未必會再叫3️⃣咕嚕雞球 $88上枱時熱辣辣🔥炸粉不會太厚肉質結實 這個推介推介✨4️⃣潮州蠔爽 $118🌊 這個超級超級好味小編對蠔嘅印象都是一般就是怕他的腥味但這個不會反而令人想一口接一口停不下來珠江酒家必叫菜式5️⃣金沙黃金墨魚咀 $118這個可以選擇 椒鹽/鹹蛋炒🐥我哋選擇鹹蛋非常惹味而且墨魚咀非常彈牙🦑又係令人停唔到口送酒一流🍻6️⃣油渣椒絲腐乳通菜 $68係好味嘅通菜😂 *以上幾款都是熱門菜式喔🤤🔥 📍珠江酒家太子荔枝角道138號地下

珠江酒家，其實之前都間中會經過，因為這家酒家，其實是行去金/翠金鳳必經之路，但是一直沒有內進。這次去，其實本身想行到金鳳金翠那邊，想不起原來珠江在這兒😆。門面非常簡陋，又是綠白小磚，門口亦都很狹窄，但是細細間的珠江，亦都有樓上雅座😯。看見樓下有個位置，就立即坐了在樓梯底這個地方，看看餐牌，選擇非常之多。A4紙，竟然可以寫滿四版紙🙆🏾‍♂️，你就知道有幾多選擇。另外這個勝瓜浸蝴蝶腩，就非常出色。因為很多時候，你去吃牛的專門店，吃爽腩，吃崩沙腩，好像是很盛大的一件事，像是名牌的清湯腩店才有。而吃蝴蝶腩，亦可能需要到專門吃豬肉，或是燉湯/煮腩肉的地方才有。而這間珠江酒家，竟然輕輕的就寫上蝴蝶腩，有肉又夾雜筋膜，其他勝瓜也不太少。腩肉位置夠腍夠鬆化，筋膜位置有嚼勁而爽這間珠江的其中一大特色，就是份量極多，首先端來的那一碟蝴蝶腩，已經看出，肉非常之多，奪目耀眼。另外，坐坐的時候，發現，旁邊三名男子的炒麵，份量更加驚為天人，好像平日去吃小菜那些炒麵那麼多。點了個椒鹽墨魚咀，這兒的墨魚咀就比較細顆，小小的，外邊沾上炸粉比較多，但是有點荵蒜，味道還香。但另一個炸大腸，味道就顯得更加鹹，因為越吃越鹹，感覺

朋友叫到關係，一試依間舊色酒家。環境就普通，有兩層，上層多是大枱，全都有預留。一向我少食依類酒家，一見餐牌，發覺有好多餸菜煮法配搭都好少有，而且同一食材有不同煮法，真係花多眼亂。由於只有兩個人，只選擇4款。美極鴨下巴夠大隻，多肉，但偏咸。美極味重。黃金墨魚嘴近年都多菜式加入咸蛋黃落餸菜到，依碟都唔例外。食落夠酥脆，咸蛋黃味適中。蠔爽冇咩特別，但都係偏咸。下次可以不用叫。甜品：來不及其實係酥炸香蕉，再加糖漿。香蕉偏淋身，外脆內淋。總括，環境雖然唔太舒服，但餸菜煮法特別。不過，偏咸。