珠江酒家

Open Now

Now Closed

食得多連鎖店，總要搵返啲特色小店/老店去平衡吓嘅~三個女仔一人點一個餸，睇返啲菜式，都幾「佬」吓架喎！哈哈！豬腸煲~好多人為咗健康都少食內臟，但我覺得間中一餐半餐都可以接受，豬腸洗得好乾淨，但齋食會比較咸，一定要用嚟送飯呀！潮州爽蠔~佢用嘅蠔算係中size，每隻蠔都均勻上粉，炸得好香口！豬肘骨~「好有氣勢」係我對佢嘅第一印象，雖然好多人都覺我佢係一間有冷氣嘅大排檔，但其實佢真係有心機擺盤架！同潮州爽蠔一樣，炸得夠香口，肉醃得夠味，好食！平均都係70-80蚊一個餸，呢個質素，我絕對會回頭

好久沒來, 興幸還健在, 是晚食物如下:Wasabi 豬手$88 豬手凍食, 青芥辣只在豬皮面, 明顯是即叫即撈那種, 不過這天的豬手似乎前工序做得未夠身, 皮下膠質還是比較硬淨, 質素未如理想! 金沙黃金鮮魷$118 黃金鮮魷是用雪貨的大隻魷魚做, 肉厚切成方塊, 走油後肉質還可以但還是太厚身關係, 比較須要時間去咀嚼, 貨源關係鮮味渺渺, 切方塊炸後賣相比較似椒塩荳腐,質素未如理想! 椒鹽腰果田雞$88 呢個走油田雞做得到外層少少脆漿皮,內裡保持濕潤肉質, 理想的一品!鮮准山西芹炒藕片$68 唔知點解呢個菜似份量唔夠咁, 炒功無乜問題, 但為何咁細碟, 唔似喺"珠江"食!潮州蠔爽$108 一如既往, 賣相唔靚但食落又滿意!雲貴過橋鮮班球$108 呡個第一次叫, 班球只是名字而已不用斟酌事實用的是什麼魚, 但處理手法則真的是"過橋"形式, 魚肉保持剛剛焯熟, 嫩滑口感, 由於是雲貴所以少許辣是走不了, 頭抽豉油王炒麵$88 呢度用粗麵炒, 質感上跟一般的有些不一樣, 咬口是多一份爽口感覺, 味同色都較淡, 似撈麵多一點,  籃妹$36 * 2=$72

約咗幾個朋友出嚟食飯，同行友人就介紹去食"珠江酒家"，去到因為冇book位，等左半個鐘終於到我哋喇呢個"涼拌花蛤"同行友人，由行緊嚟到坐低已經提咗好多次話一定要食花蛤用涼拌方法做，其實我第一次試，估唔到就咁有驚喜花蛤本身揀得好，隻隻都肥大肉厚，加上涼拌醬汁更加提升鮮味，而青瓜非常爽甜夾埋啲醬汁酸酸辣辣咁，非常野味，友人果然冇介紹錯"金沙黃金鮮魷"魷魚肉厚彈牙，加上金沙嚟炒，夠晒鹹香，餸酒一流之後輪到"山西雪梨雞"出場，雞肉大小適中，可以一啖一舊，仲帶有小小雪梨嘅甜味但醬汁略嫌偏鹹，最好配埋雪梨嚟食，雪梨嘅清甜可以減低油膩感，整體算唔錯最後嚟到嘅係"冰梅金沙骨"賣相都算可以，但食落就較為失望首先個汁太濃，加上本身排骨已經好鹹，令到冰梅汁應有嘅酸甜味都比而上嘅死鹹遮蓋晒，棑骨由於炸得過左火，亦令到肉質變到好鞋， 同其他幾味餸比，可以話係失手之作問心講~"珠江酒家"雖然環境唔太好坐，不過食物質素整體唔係差，只係味道偏重，較為啱重口味友，但係個人認為，都值得一試呀

去到珠江酒家門口見到個格局咁舊式更加想試... 就算要等位... 不過都係等左一陣間啫～ 一見到呢碟炸大腸真係好歡喜... 仲要有埋菠蘿伴碟... 真係好難係出面既鋪頭搵得到... 大腸唔油... 飲住汽水食真係好正... 好懷舊... 今次既主角枝竹羊腩煲～ 羊好林身唔會咬唔入... 不過份量唔太多... 又有馬蹄食... 芥末豬手... 我係睇錯左芥末兩隻字... 想食豬手所以點左... 芥末味好夠... 豬手都夠林... 但唔好掂咁多最底個汁... 會好鹹...見到潮洲蠔爽個名好吸引... 見到格離台食又好吸引... 最初面個幾粒確係好好好好食好香口既... 但之後個D... 鹹到頂唔住... 可能加個白飯會好 D...

又係開心 Forum 朋友酒聚。今次想搞點新意，選了老區懷舊酒家，配合舊酒主題。非常讚賞老酒家都有得訂檯。我地準時 7 點到，無乜人。入夜之後出面就排晒隊！環境係舊式中餐廳格局，樓下就幾張圓檯。這種格局的老菜館買少見少。點了好多餸，無全部影相。椒鹽雞軟骨、黃金墨魚嘴、炸蠔爽、咕嚕肉、黑椒牛肉、炸大腸、炒豆苗、欖角炒飯、豉油皇炒麵（特色是用粗麵來炒，較有口感）。最後來一個「朝陽來不及」- 即是炸香蕉。味道全部偏鹹⋯⋯ 眼見其他客人都大喝啤酒，估計也是特色之一。另外，廚房比較細，上菜速度慢，明顯會夾單來炒，催也沒用。來這裡一定要放鬆心情慢慢吃。這裡不是高級餐廳，冰桶、酒杯一律欠奉。不過勝在比較輕鬆隨便。我們可以借用酒家的水冷雪櫃；自帶美酒、酒杯慢慢邊喝邊吃，7點吃到11點多都無趕客。今晚主題是 2000 年前老酒。有波爾多、意大利、美國的紅酒，也有白酒和甜酒，另加sake！非常豐富。埋單人均$200，牆上有寫開瓶費$30，無仔細研究事實有無收，anyway 真係抵到爛。額外一提：洗手間只有一格蹲式。環境一般。對洗手間有要求的客人尤其女士，來之前要考慮。

作為一個為食既麻甩女漢子，約埋一大班麻甩系既朋友食小菜同飲大啤，係好開心既事，雖然事後會生暗瘡同喉嚨痛，但都係好爽好暢快。不過約朋友真係一件麻煩事，呢個住大西北，嗰個住對面海，呢個住係結界，約食飯大多約啲中間位，登燈登櫈就係旺角太子區啦。珠江酒家係老牌既粵菜館，一入去完全返左七八十年代啲酒樓咁，雖然裝修唔靚但一聞便知龍與鳳。係食熱氣嘢之前，整返個靚湯打底，正氣既咸菜胡椒豬肚湯，一飲落去已經火熱火熱，勁香既胡椒味，即時暖曬，同平時既胡椒粉唔同，係食得出白胡椒粒同湯底既融合，再加埋傳統既咸菜，唔洗落鹽已經夠味，仲有唔少爽口既豬肚，又唔會太韌，非常好飲。冰梅骨，顧名思義就係冰梅醬配炸金沙骨，師父將金沙骨炸走肥油，但保留肉汁，用冰梅醬包裹肉排，酸酸甜甜脆卜卜，大人同小朋友都好啱食。之後就係椒鹽鮮魷，呢個係大啤既好朋友，非常好送酒，炸粉分明係基本料，要將鮮魷炸得啱啱好而唔乾水，油溫真係好緊要，再撈埋炸蒜，「小二，嚟多兩碗飯唔該！」跟住出場既係潮州炸蠔烙，呢個真係必食，鐘意食蠔既朋友唔可以錯過，蠔仔係手指公size，相比一般炸蠔餅既bb蠔仔，呢個可以算係大粒蠔，但又未到生蠔既size, 夾住係中間

睇返啲相已經流晒口水，好食又抵食，加埋重量級份量，七個人嗌左七個小炒，每人都係一百蚊鬆啲😜唯一缺點係上層真係嘈到完全聽唔到朋友講野，不過聽講下層樓底較高，會無咁嘈。🙆‍♀️ 涼拌花甲 $108呢個係必點，坊間比較少以涼拌方式整😆花甲都大隻多肉，拌上帶輕微麻辣既汁，惹味得黎又不失花甲既鮮味。 🙆‍♀️ 潮洲蠔爽 $108鐘意食蠔既人一定必嗌😍脆漿夠薄，每粒蠔都好飽滿，蠔味濃，而且炸得乾身，正！🙆‍♀️避風塘九肚魚 $88呢碟九肚魚製作需時，嗌左小辣，所以就算唔食得辣既朋友都接受到👌雖然好惹味，但略嫌炸過左龍，令魚有啲乾。🙆‍♀️ 金沙黃金墨魚咀 $108比較失望既一道，雖然用蛋黃黎做脆槳幾特別，而且蛋黃味濃，不過脆醬太厚，加上墨魚咀較細粒 亦食唔到墨魚咀既爽脆。🙆‍♀️ 頭抽豉油王炒麵 $88一般炒麵比較少見到粗麵，好爽口彈牙，但炒得太咸。

一年都總會去珠江幾次，大家對這裏似乎有種莫名的鍾情。聽爸媽說，小時候我家就在塘尾道，太爺時時在假日和我們一起去珠江晚餐。那時吃的都是碟頭飯，沒有現在那些懷舊菜。再次與家人一行5人到珠江進餐。這裏的碟頭偏大，所以先叫4道菜！＊豉椒鵝腸＊炒得偏濕，鵝腸有點碎，不過有肥及粉粉的。互補下還可以。＊雪梨雞＊侍應說這是雪梨炆雞。上枱後我們都覺得比較像雪梨雞煲！喜歡帶少甜的雪梨和咸的一起吃。＊臘味炒芥蘭＊多數係臘腸，有潤腸同臘肉添。臘腸好甜，不是我偏好，不過炒得Ok。＊薑蔥魚尖＊即魚鮫。走油未夠，偏濕，做不到那種香口感。＊潮陽來不及＊甜品來，其實是炸香蕉。是全晚最好的！炸粉厚薄適中，夠脆，味道好。＊總結＊比較之前幾次，今晚有點失色。以前都會炒得較乾身和香一點。期待下次。

呢間重口味食堂以前食過幾次, 試過好多招牌菜, 如涼伴花甲、避風塘相思餃、蒜芯炒豬雜、豬頸肉炒魚麵等, 全部都好好食, 食過返尋味. 自從被網上食家推介後, 食客多了要訂檯才有位, 所以都有一排冇幫襯過. 事隔四年後重臨, 價錢貴了不少, 部份小炒索價$98碟. 不過味道依舊, 仍然是重‧口‧味. 今次試左一D以前冇食過的菜式, 感覺略為失色.醬皇魽魚($78) - 魚肉連魚皮切丁, 魚油多, 所以有少許腥, 並帶有小骨. 用麵豉醬炒香, 都ok好食.XO醬蝴蝶腩($98) - 這個菜跟預期有落差, 主要是個醬完全唔係平時食的XO醬, 而是豆瓣醬溝醋, 味道像紅油抄手個汁,  鹹左D, 唔係太好食. 蝴蝶腩是豬近橫隔膜連筋帶肉的部位, 爽口有肉香, 都煮得幾腍.胡椒豬肚湯($88) - 這裡的胡椒豬肚湯以前落好多胡椒, 辣得嗆鼻; 今次卻落得勁少胡椒, 味道淡, 酸菜亦不太酸, 味道一般. 豬肚尚算新鮮, 都算腍.

第一次朋友介紹嚟食，店外店內裝修都唔吸引，坐落就好似大排檔的感覺，牆上貼滿不同顏色的紙手寫菜式及價錢，價錢不是特別便宜，不過即管一試梅醬骨-我覺得係咁餐飯最普通嘅一個小菜，味道一般鴨下巴-朋友說很好吃，每次來都會點，是下酒好選擇（由於我是不吃的，所以未能評價）蠔爽-每粒蠔都肥肥的，脹卜卜，外層應該上了粉漿稍為走油吧涼拌花甲-花甲大大隻，無沙，青瓜沾滿蒜蓉及辣椒的香豉油王炒麵-有驚喜，是用粗麵炒的，就好像食豉油王撈粗整個感覺就像在有冷氣的大排擋內開餐

今晚walk-in 去食晚飯, 去到差唔多成8點半, 全場爆滿，好彩有一枱走，等咗5分鐘就有位。本來要搭枱，結果4個人霸咗成張枱。叫咗山葵豬手、胡椒豬肚湯、椒絲腐乳通菜，另外見到侍應拎住個豬頸肉魚麵好正，所以叫埋。等咗半個鐘先來第一味餸，問侍應原來得一個廚。先來山葵豬手,少少恭鼻又唔太濃味, 豬手淋, 好味之後到胡椒豬肚湯，例牌都夠8-10人飲, 我地4個人每人飲咗3碗，可惜胡椒味唔夠，味菜同豬肚就唔錯。椒絲腐乳通菜同豬頸肉魚麵都偏咸，其實個魚麵好食，煙煙un un，但賓在太咸野食好大碟，食唔唒。其實仲有好多野想試，下次多D人可以試多D另外其實好想飲豬肺湯,但同行朋友唔食豬肺，惟有等下次

朋友在新加坡返黎 話要食地道小炒 友人推介太子珠江酒家～ 一於訂枱試下！環境比較舊和迫 坐得唔太舒服～ 菜式好多 眼花撩亂！涼拌花甲 必食！賣相幾靚架！四川風味 辣汁幾香 伴有爽口青瓜 花甲算肥美 但間中有幾隻有點腥和有沙。金沙黃金鮮魷 咸蛋黃的部分做得不錯 但魷魚唔新鮮 冇爽口彈牙 所以浪費了個'金沙黃金'做得咁好。椒鹽九肚魚 做得不錯 炸粉唔會太口 幾惹味 九肚魚幾滑幾新鮮。避風塘鮮淮山 反而呢味既淮山 炸粉太厚 淮山好硬 而且偏咸！炸大腸 好食！ 外脆內軟 洗得乾淨 沾上一點酸汁 好味！豬油渣炒通菜 太咸了 而且好油膩！豉油皇炒麵 見到枱枱都食 我們都唔執輸。炒粗麵 比較少見 豉油味幾香 麵亦炒得幾乾身 都算不錯的～朋友幾滿意 我自己就覺得口味偏濃和油膩 只可以間中食一次～

－行八人，早於三星期電話訂枱，訂咗六點半，入到店內，上了2/F, 有椅背嘅櫈。滿意，唔該！先嚟兩支大啤: 藍妺、獅威、青島，咁...... 兩支獅威。本少爺食咗💊病病哋，只能夠望到當飲咗。😟叫了金銀蛋蒸勝瓜 (皮蛋好食，但略鹹。)麵豉油渣蒸魽魚🐟 (未食過呢個菜式，好特別，魽魚好滑，正😛)椒絲腐乳通菜 (無乜特別)黄金墨魚咀🐙(好鬆化，送酒－流)蠔仔粥 (唔錯)枚然豬肘骨🐖 (肉稔，唔黏牙！)大豆芽鵝腸 (腸有膏，好食。)豉椒炒蜆 (－般，殼多過肉，肉un)香港而家越來越少呢類懷舊店鋪。保留了好多懷舊菜式，而且店店新鮮熱辣奉上，實在難得，支持。下次再食過。

同大家講段古，我阿嫲，如果無數錯今年已經98歲了。她喜歡把頭發盤起在頭上，然後用筷子插住當發計。記得有一次返鄉下。很早，天未光阿嫲就拿回一袋豬雜回來…小時候的我分不清裡面是什麼，最記得的是那種鮮味⋯⋯一世難忘，可惜，從那時到現在再食不回那種味道了，今天忽然再想起，係因為食到這個菜難得尋回那些年的味道，這是不可多得的，自不然要試下其他菜式，看能否更進一步懷念下阿嫲味道無錯，雖然那時候，阿嫲無做這菜式，但這金黃的外表，放入口翠香的味道，慢慢嚼再慢慢散發，直至香味佈滿成個口，包括牙縫，舌尖，嘴角…此時好想喝一小口啤酒。無錯，記得那時候，阿嫲每餐食飯必須有一個小酒杯，一邊喝酒一邊食飯。海鮮不用多說，水凖還是一流。不過蠔仔的鮮味在我心中無論如何也敵不過阿嫲煮的鮮。生蠔就是啖啖的肉，令我再次陶醉其中。今晚，不知為何，總是想起往事，想起已經98歲的阿嫲，其實阿嫲已經仙遊了，但今日可以食返當年阿嫲煮的味道，心滿意足也。

晚餐-太子珠江酒家。老店裝修，味道火喉十分，大部分餸菜都有一陣咸蝦味，其實是十分美味。黃金🐙咀，大大粒，送🍻一流。就咁食得多，有點膩。潮式蠔爽，很美味，又一陣咸蝦味😂不停食完一粒又一粒。西芹淮山藕片，爽，中和返🐙咀既油膩，2位友人都唔食西芹，幾乎我全包了。胡椒豬肚湯，超重胡椒，驅寒不錯，但豬肚未算爽脆，有陣so味。 煎肉餅，好滯, 已經食不下了😂試左少少，好膩😂😂 普遍這家味道是很不錯的，如果要選大中華或者珠江，我會選擇後者。食完返到屋企，超級口渴，不知是否味噌太重😂是日4餸1湯2支青島 166元/位 嘗可接受