珠江酒家

Open Now

Now Closed

話說星期日晚家庭聚會要搵餐廳飯局，好耐之前黎過珠江酒家，對個美極鴨下巴一直念念不忘，但因得2個人試唔到太多野食，今次6個人就fit晒。珠江酒家係舊式裝潢，70年代感覺，不過地方都算乾淨企理，我地主要係享受美食咁冇問題啦。餐廳有分上下2層，今日安排左係地下一張大圓枱位置。我地點左8樣野食美極鴨下巴我自己本身鍾意食開鴨舌, 而家仲可以連埋成個下巴食, 一流!生炒牛肉飯酥炸大腸金沙黃金墨魚咀, 係堅正, 入口鬆軟肉味濃, 正!山西雪梨雞蠔爽生炒骨頭抽豉油王炒麵

約左老人家食飯，就佢地想揾啲地理位置方便，又有傳統啲嘅中菜食就比較啱佢地食啦。環境唔算新派酒樓咁大，但裝修都乾淨企理。涼拌花蛤花蛤都幾大隻，又唔會殼肉分離，味道酸酸辣辣，青瓜爽甜，特別開胃。潮洲蠔爽蠔仔幾大粒，又唔太腥，最好就係炸粉唔會太厚，好似只係食粉漿咁冰梅金沙骨金沙骨好大件，肉比較稔身，亮點就係個醬汁，酸酸甜甜，好好食Xo醬蝴蝶腩味道一般，蝴蝶腩無咩味，主要係xo醬個味，可惜太辣，欣賞唔到腩肉肉質椒鹽墨魚咀外面唔係常有嘅菜色，粉漿薄，墨魚咀爽，食落特別香脆，會令人食唔停口淮山杞子浸豬潤淮山唔會好粉，仲有咬口，豬潤大塊份量夠，但未係好滑，唔係太出色。豉椒鵝腸又油, 腸又太肥，唔得總結就係飯菜尚可，但上菜時間太慢，等到肚子都餓了

呢間酒家我去過好多次，但係第一次寫，目的係想比更多人知佢幾好食！呢度最出名既一定係涼伴花甲同蠔爽，涼伴花甲鮮味，開胃，對我黎講唔算太辣，超正！好多人唔知蠔爽係咩，其實就係炸蠔仔，香口又鮮味，一路食一路送酒，一流！另外我好中意呢度個咕嚕肉，可能好多人話咕嚕肉周圍都食到，但係好食既真係唔多，周圍都整得唔脆口，已經係失敗，呢度就永遠唔會令人失望，佢次次都整到卜卜脆！仲有蝴蝶腩煲又係不得了，蝴蝶腩其實係豬，大家唔好以為係牛，冬天食呢個一定暖lovelove～～呢間酒家仔我食左好多年，前排疫疫冇得食，我不時經過都會諗，佢會唔會頂唔住？我希望多ｄ人知佢真係好好食！佢整野係好用心！如果佢執左，我應該會喊😭

朋友一直推介呢間嘅肥鵝腸，終於緣分到啦😬豉椒鵝腸(圖三，淨係睇到少少鵝腸所以特別指明🤣)真係好肥，喺piggy食個最肥嘅鵝腸，正😋 其他菜式出面都好少見，椒鹽粉腸， 醬爆生腸，蠔爽，涼拌花甲同牙帶魚，係名副其實嘅懷舊刁鑽菜，如果唔介意地方比較地道，真係好值得一試👍👍👍

之前同莊員食飯，揀咗呢間地踎餐館，好有當年on show後去慶功的感覺。叫了七餸一湯，但掛住食，有啲食物無影到。蠔爽係必食，即係酥炸蠔仔，size唔細，絕對大粒過蠔仔粥啲蠔仔，而且洗得乾淨，一啲都唔腥，少少鹽調味，好正。每次必叫川辣蝴蝶腩魚麵，個湯既辣且香，蝴蝶腩有啲韌但可接受，魚麵係最特別的，因為佢係魚片質地，好好食㗎～黃金墨魚咀的鹹蛋味好香，脆卜卜好惹味；干鍋豬潤粉腸第一次叫嚟食，豬潤係厚切，不過呢味鹹咗啲； 魚香茄子煲比較遲嚟，上枱時仲滾緊，起哂泡泡，撈飯一流。無影相的仲有必食涼拌花甲，係前菜嚟，啲花甲好大隻，但今次鹹咗少少～呢間嘢碟頭好大，最好多人嚟食先可以試多幾樣，否則兩三個，其實叫兩三道菜都會勁飽咁離開～

攞左消肺劵順便同屋企人食返餐。假日好好生意，記得要預約！！！四個人叫左涼拌花甲，蝴蝶腩煲，黃金鮮魷，鼓椒炒大腸，(甜品)潮陽來不及。 (四人一般食量請叫三餸，因為份量好足！！！)花甲超多，同埋少少麻辣，好醒神。黃金鮮魷，面層好鬆化，火路手勢都好好。蝴蝶腩煲超多，肉質同刀功都唔錯，不過胡椒湯味太勁。鼓椒大腸都好味，不過本人唔太好呢味野，所以只能講幾香口。潮陽來不及係炸香蕉，好正，想食就記得留肚！！整體都幾重口味，可能師傅年紀老，鍾意濃味

本應約了幾個朋友happy hour, 但他卻訂了這家地道港式菜館， 而且還點了一桌令人回味但又堪稱極不健康的菜式。我因工作關係遲到了， 所以頭盤的涼拌花蛤青瓜就沒拍照， 但清爽我味道真的很適合在這麼悶熱的天氣和著啤酒吃。最先上的是紅酒燴豬肝， 豬肝煮得入味， 又厚又濃，還可以用生菜夾著吃，更加爽。豉油皇鵝腸，塾了芽菜，鵝腸肥美爽脆，夾著芽菜吃不會膩。這家的蝴蝶腩煲是必點項目。我們配了豬雜， 他只用了帶點胡椒香的湯底，滾著滾著，蝴蝶腩的鮮甜更加突出。粉腸、蘿蔔都煮得很入味，非常好吃。生炒咕嚕肉，鑊氣夠，鮮嫩香脆，酸酸甜甜超醒胃呢。相比下炸大腸就反而變得平凡了。最後一道刴椒魚頭，魚頭肉非常滑，非常鮮味。這兒份量很足，而且都是些地道小炒，很適合大伙人來， 不過就沒有講究的裝修了。

隨着自己嘅年齡選擇餐廳嘅要求都愈來愈唔同。細個時候嘅要求就係冇乜要求/平靚正；人愈大，再好食再難食嘅野都應該慢慢試過，反而會著重嗰環境/同你一齊食飯嘅人。我所講嘅環境未必要係一個好靚，服務招呼好好嘅地方。有時太靚太好嘅野只係令自己周身唔聚財。Well，同愛情💓一樣，唔係搵條件最好，喺搵嗰岩自己嘅，適當嘅時候就留番喺自己嘅comfort zone入面。愈吹愈遠，講返今日間食店 - 珠江飯店大排檔式嘅舖頭分上下兩層，鋪頭都幾老式。賣嘅嘢一啲都唔貴，普通小菜都係一百幾十蚊碟，價錢都幾貼地。今次我地三條友仔6點半就到，坐咗上層，叫咗5碟餸2支藍妹；叫完餸之後就愈來愈多人嚟，同埋愈來愈嘈，到7點左右上層就差唔多滿人。蠔爽 $118第一碟上菜嘅餸，唔知係咪因為肚餓嘅關係，覺得好好食，難得喺我哋三條友都覺得好好食。蠔唔喺好大粒，應該喺沾咗層啲炸漿後就拎去炸。外邊嘅炸漿好薄，一咬就喺蠔肉，細細粒，新鮮好食，非常推介。9/10XO醬蝴蝶腩 $108（豬）開頭我哋以為蝴蝶腩喺牛肉，問左店員先知喺豬。上菜嗰時我又覺得好奇怪，XO醬炒嘅嘢係咁嘅樣？！咁又係嘅XO醬間間都可以唔同。依碟餸酸酸辣辣，一食落去都唔喺

好耐冇同朋友聚一聚，揀左呢間傳統小菜館好似之前啲食評咁講，間野啲調味好重手，要不停飲啤黎沖一沖味蕾，我自己最鍾意就係黃金墨魚咀，用料好足蛋黃夠香，食落仲好爽口，同埋蠔爽，細細粒，每粒都包粉漿，好酥香，蠔仔唔算飽滿但都ok 應該出面唔會有得食強烈建議唔好嗌係佢個豬潤，陣味好壓同埋仲滲緊肉水，明顯係洗得唔夠人均200 蚊左右，作為幾個麻甩佬聚一聚係一個好唔錯嘅地方另外個鵝腸建議如果鍾意食好肥嘅先好嗌，佢應該冇特別刮走啲肥油，如果唔係個底有芽菜，就咁食應該會幾核突

有水準嘅舊式飯店，老香港風味，今時今日真係買少見少，十分值得推介。今次同朋友2個試得唔多野，叫左個凍蜆，蠔爽，豬油抄麵同菜乾湯，4個餸我都俾滿分，超水準。2人2餸一湯一麵已勁飽，因為每碟都好有份量，建議5人以上去食就可以試多幾味餸嘞。

呢間嘢門面完全唔起眼但就相當出名。今次同啲舊同學嚟食，一試之下果然有料到！老同學最鐘意美極汁鴨下巴，超juicy超香口，份量大又有質素！正！！但反而有D大路嘢我哋期望過高而搞到有D失望。唔係話唔好食但可能我哋有啲吹毛求疵，我會expect 多D。但無論如何，呢擋嘢係有料到嘅！絕對會再嚟食！！

懷舊小菜館真係買少見少，珠江酒家絕對係我鍾意食嘅小菜館頭幾名！同朋友食飯一大班人，唔好講笑，一坐低梗係叫一個豉油王鵝腸，鵝腸一睇就知夠晒肥美，絕對係新鮮貨色，配合埋啤酒真係好惹味！簡單炒個通菜都知道師傅有料到，通菜食得出好有鑊氣，仲有少少豬油帶出香味，吵得爽脆，唔會變黃！蠔仔粥嘅蠔仔除咗要夠大粒，鮮味都好緊要，呢度嘅蠔仔粥除咗符合以上兩個條件，份量亦都唔講得笑，不過好食得嘅我哋，一人兩碗都好快清左！欖菜肉碎炒豆角，絕對係撈飯嘅菜式，欖菜香濃，豆角入晒味！至於呢個生炒骨一樣咁正，排骨好酥脆，配合酸酸甜甜嘅醬汁，胃口大增，真係好味到食唔停口！最後呢一個炸蠔爽，配合蔥花椒鹽，又係另一個必食推介，蠔仔大大粒，肥美鮮甜，炸得好乾身，粉漿脆口，忍唔住食多幾粒！

🇭🇰#香港捐窿捐罅記 #撚手小菜麻甩排行榜Instagram: foodkiller_dk太子50年老牌酒家🤨重口味人士既天堂👅近排迷上咗食老牌餐廳，想記錄一下香港老牌食店😈 今日呢家一入到去已經感受到歲月既洗禮🤨 好有feel又幾正😂小菜全部偏向重口味，要叫多幾支啤酒先夠玩😂-🦆 #美極鴨下巴 🦆 （$88）一上枱就有陣美極味，超級香🌝食落啲片好有咬口🙂仲要超有鴨味🦆第一次食就係發現原來咁正😂係全晚最第二正既一個餸🤧.🦪 #潮州蠔爽 🦪 （$118）佢哋店既另一個招牌🌝蠔都幾新鮮😈都幾香口，但就比較偏咸🙂所以食唔到太多粒😀不過蠔都幾大粒下😂好啱我食🤨.🦑 #金沙黃金墨魚嘴 🦑 （$118）墨魚嘴比較細粒😂要食好多粒先夠味😂而且唔夠咸蛋味，可以再落多啲🤧呢個麻麻地可以唔叫🙂.🍌 #潮陽來不及 🍌 （$68）全晚最正既一個餸😂 外脆內軟🐮而且新鮮炸起，所以好正🙂配埋糖醬味道一流🤧 果晚最正既餸😂.⛰️ #涼拌花蛤 ⛰️ （$118）人地話唔食一排會唔舒服😂但我食就覺得好咸😂咸到都食唔曬🐮 大家唔好叫😂有伏🙂總結來説 想體驗下歷史同正常味道可以試😀-🎈 太子荔枝角道138號地下平均傷害：$20

晚上大概7點15分左右到達，行左陣先見到，因為舖個門口比較細同唔明顯，好易就會行過。入到去坐下層，剛剛好有位，我諗遲啲我就可能冇位，下層有5張枱，上層就唔知，冇上過去。店員都幾有禮貌。由於限聚令既關係，3個人都可能坐張大枱。先黎點左個蠔爽。朋友都話唔錯。唔太乾又唔太濕，啱啱好，正之後就叫左個黃金墨魚咀，豉油皇鵝腸，同椒絲腐乳通菜。黃金墨魚咀啲炸粉唔夠黏，一夾起就同墨魚咁分開，唔係想像中咁樣，不過味道都係可以既。豉油皇鵝腸就普普通通，不過不失啦，個色好似唔夠深色。椒絲腐乳通菜好夠鑊氣，好正，好快就食晒。大家都見唔係太飽就叫左個XO醬蝴蝶腩，呢個真係同想像中差好遠，食唔到有XO醬既味道，食到有啲辣同有啲醋味，有啲似口水雞個種味既感覺，有啲怪怪地，唔知係咪比錯左我地。我地都仲有叫左幾枝啤酒飲，不過唔見有冰桶同唔夠凍，如果有冰桶就好了。仲有好多野都想試，不過已經食唔落喇，唯有下次再黎試過啦。

睇返早前照片 久違了珠江的各款小炒 相約朋友去大吃 把酒談歡的日子 希望早日來臨墨魚嘴每次嗌 炸得好乾身 鮮味 送酒必備涼拌花甲耐無食就心卦卦 麻辣鮮香今次有啲失手 絲瓜炒豬膶 豬膶煮老了 而且臊味好勁蠔爽也做得很鮮香 粒粒充滿蠔汁辣子雞也很好吃 就像正宗的 雞切得一件件 好等調味入味 食得好過癮每一次 甜品環節都要來一個朝陽來不及香蕉炸得外脆內軟 加埋糖醬同吃 口感甜蜜延綿 我不喜歡吃甜 來到每件嗌呢碟總要食返兩件 喜歡甜的朋友一定要試下希望疫情快過 早日能再黎呢個可一班fd吹水食飯既老地方