琛榴槤(老樹) (Closed)

今天同老婆睇戲，難得屯門比較安靜，買了戲飛仲有時間，所以行了旁邊商場，ㄧ上扶手梯，睇到有一個新既美食廣場。第一眼就見到一間西式餐廳，本人有選擇困難症😂，好吧…就試下佢拉。首先講下佢既價錢，一個卡邦尼意粉賣39元，我係元朗食差不多至少50元，但考慮到依到環境，其實39元算平，學生仲有九折包特飲，我估做街坊生意多？第一眼我見到係全家總動員意粉(黑人問號)即係什麼來？？問一下店員先知，喔原來係章魚香辣意粉(有五隻所以一家五口）。我點的是右邊既香煎魚柳意粉。點餐時，店員問我要什麼汁，原來有汁簡，細問下有蕃茄汁，白汁，我想一下問下仲有沒其汁，另一個年輕人就話可以試下墨魚汁，😕隱藏菜單？好吧…試一下，另外加了十五元ㄧ杯蝶桃花特飲，加埋意粉五十二元，合共六十七元。擺盤方面，佢地用了白色四方碟，黑色意粉放了下去，顏色鮮明，加上那塊魚柳煎得好甘黃，襯托下非常漂亮，四方碟周圍也放了香草，放得出佢地幾用心，特飲方面上面係藍色中間白色下面黃色，感覺好特別(佢地有提醒要搞拌才好喝）味道方面，魚柳好入味，不會太鞋口。意粉用了扁意粉，比較有口感，加上墨汁，味道剛剛好，不太濃不太淡飲品方面，一杯談不上特別好飲東西，但

啲名好特別叫 老樹。原來係食西式意粉之類😌😌要試間店舖嘅質素，當然要試吓最Classic嘅卡幫你意粉啦醬汁ok 吾算太稠，仲有黑松露，都幾好味，不過扁意粉硬左D，令到大打折扣，另外加$15 蜜桃🍑梳打，外相靚，味道麻麻😅

呢一間老樹就於新開商場gogomall嘅正面我望到呢一間餐廳第一時間比佢嘅黑松露雜菌忌廉意粉吸引住，係佢地嘅餐牌入面。包裝得最好嘅，就比佢過左眼嗰一關先，今日26/09/2019佢賣緊$48蚊一份。係屯門區入面唔算貴，價錢一般。我亦無對佢嘅味道抱太大期望。但去到拎份意粉嗰陣。哇，個意粉用紙皮盤嚟裝嘅，啲油同啲汁出鬼哂嚟 。就由一拎到呢碟意粉嗰陣。我隻手就辣親先。去到食第一啖。支叉係完全了唔起啲意粉卷埋嚟食嘅，完全係食車仔麵咁，將啲意粉攝係支叉度。完完全全入唔到口，因為實在太油。而呢一碟黑松露雜菌忌廉意粉全部都係係橄欖油嚟嘅，每一啖都淨係得啲油味。啲汁係比啲油分開哂，油味重食唔到忌廉味 又無口感，啲雜菌最多嘅味就係佢啲迷迭香。我就好唔鍾意迷迭香。仲要搶哂啲菌嘅原味，啲香草味搶晒成個意粉嘅味道。呢盤$48意粉食到嘅味就係油加迷迭香。連啲意粉煮得事HEA過人，無下一次！

第八站：琛榴槤掃食的最終站琛榴槤可說是「滄海遺珠」，只因家中那位是討厭榴槤的，見到琛榴槤也只能默默路過了，幸而第二天再訪Go Go Mall，沒有帶上「他」才能嚐榴槤之香。老樹品牌一直都是榴槤專賣，別區也有它的專屬甜品店，但這家分店榴槤不是主角，反而力推賣意粉、特飲一類主食。說實在主食價錢賣相都吸引不了我，淪為配角的榴槤蛋撻和雪糕才是目標，只是榴槤產品的宣傳牌甚不起眼，稍不留意便會錯過這神級美味。先嚐貓山王芝士撻($25)，芝士撻是預製的，先在表面塗上蛋漿再以火輕灸，最初還覺得此舉有點畫蛇添足，嚐一口卻是完全被它征服了。薄脆香口的牛油皮下，榴槤芝士餡口感十分輕滑，火炙帶來冰火流心的效果，芝香輕盈榴槤味極為濃郁，還有一絲絲的貓山王榴槤肉，只恨這芝士撻太迷你了。蛋撻的表現讓人驚喜，便追加老樹極品貓山王雪糕($45)， 首見如此濃郁的榴槤雪糕， 基本就像在吃真榴槤一樣， 雪糕滿滿是榴槤的香氣，而且內有真正的榴槤肉， 小小的一杯但味道出色， 值得再回購。及後店員送我一張老樹優惠劵，如此一來便有「偷食」的理由了。對於愛榴槤而不能暢吃的人來說，琛榴槤實在很能緩解心癮呢！

哇，屯門gogomall過來看看吃小吃，一上樓梯就係“老树”，印象中是以榴莲出名，店面摆着大龙虾🦞元贝意粉！先68元！肯定要试下啦，里面有两隻大青口同元貝，最緊要的就係有大半隻龍蝦！意粉包裹著龍蝦汁那濃香的味道和價錢讓我覺得下次一定要帶朋友來吃！同妹妹都試了個好便的黑松露卡邦尼意粉，芝士味十足，上面仲有個溫泉蛋！老樹出名的麻糬芝士撻同榴槤芝士撻真的超好吃，榴槤肉好多，如果不是仲要吃其他野，一定買五隻送一隻，另外鋪頭小哥哥小姊姊服務態度都好好，希望下次來吃都有龍蝦意粉！商場裡還有很多好吃的！特色點的話真的要試下那個老樹的榴槤芝士撻同🦞意粉

雖然我都唔係寫咗好耐食評，但自問比食肆嘅分數都好手鬆，只要唔難食，同一般質素差不多嘅，我都唔會比差評。但今日介紹依間，就真係對唔住，我連OK都比唔到，我係絕對唔推薦比大家。佢唔止正餐都難食，調杯飲品都好難飲，大拿拿60幾蚊，我食其他好過。係門面見到話新開張，所以做緊特價，今次就係食咗元貝龍蝦汁煮意粉，就$48，仲叫咗杯蝶桃花梳打，就加$15。先講意粉，落黑椒落得太多了，係辣到都係食唔到有其他味，連個元貝、青口都係好重黑椒味，個意粉又煮到太硬，真係講唔到有咩優點⋯⋯之後就係杯飲品，我諗住辣就飲下嘢，咁就岀事。係好好好好好好甜雖然係加嗰$15我唔應該有太大期望，但都唔係做到咁嘅樣如果一樣嘢唔好食最多叫失手，但兩樣嘢都唔好食，嗰啲係叫咩就由大家判斷啦對我而言，不了！

第一次寫食評，因為實在太難食，不得不警戒下其他勇士。第一次去Go Go mall試吓新嘢，求其試一間，見到呢間有個和風胡麻柚子拌麵，諗住夏天天氣啱晒，應該會開胃啲，但係我錯晒，啲麵勁完全硬到一個點，好似係食梗一啲有少少彈性嘅紙皮咁, 胡麻醬係現成貨，唔會死得去邊，但即使撈勻個硬麵都幫唔到手， 十級頂胃；另外說好的柚子呢? 完全失蹤，0個柚子味，配料只有極少量青瓜同蟹柳，不過我對配菜冇期望， 所以算! 整體上嚟講，我自己煮個公仔麵撈麻醬一定仲好食。留意個麵原價聲稱係$6X，而家新開張特別先係$39，但sorry，$10都畀多佢。可能因為呢間嘢係主打榴槤，我唔應該對佢其他食品有期望啦 ~ 但作為一間食肆，幾貴租都唔應該賣呢啲垃圾質素食物畀客人囉! 

昔日的雅都商場，最近搖身一變Go Go Mall，盡是美食小店，方便附近居民和學生來尋吃的，我當然是其中一個。由於食店眾多，要試畢全部應該要很多天，第一天我就選擇琛榴槤(老樹)，主要因為想吃貓山王雪糕。如果只吃雪糕做午餐的話，好像又不飽，於是我多點一份元貝龍蝦汁煮意及洛桃花梳打。不過老樹的熟食有點不濟，元貝龍蝦汁煮意帶子，青口寥寥可數，非常瘦小，沒甚麼鮮味，龍蝦汁偏酸，不太吃到龍蝦味，唯一可取是意粉滿有彈性的。洛桃花梳打同樣失望，紅紅黃黃的洛桃花漿蠻繽紛的，未攪拌的時候尚有少許甜度，可是攪拌後完全沒有味道，如喝杯有顏色的水。老樹最好的始終是它的貓山王榴槤雪糕，打開杯蓋，榴槤香氣四溢，未吃已被香味擄獲脾胃。到真正品嚐的時候，貓山王榴槤雪糕好吃極了，嚐到綿密的雪糕，亦吃到絲絲的榴槤肉，真材實料。榴槤雪糕和元貝龍蝦汁煮意價錢無差多少，下次我寧願多買一杯榴槤雪糕。