琥酌 (Moved) New Location

今日同朋友去尖沙咀行街，未行街之前先去食好野，我地揀左一間食鐵板燒既餐廳，呢間餐廳位置方便，一出地鐵站街行幾步路就到，而且佢位於樓上，風景幾好。中午有唔同既定食同丼飯，價錢由幾士蚊到幾百蚊都有，豐儉由人，而且午市仲唔使加一，幾抵食。我同朋友都揀左吉列頂級安格斯牛御膳定食。呢個餐好豐富，除左吉列牛之外，仲有溫泉玉子、和風沙律、味增湯同埋日本米飯！吉列牛輕輕炸過，但仲未熟，我地就可以將牛放上燒緊既鐵板上面按自己鐘意既程度煎熟。煎完之後就可以點醬料黎配飯食，呢度有三款配料可以選擇。呢個溫泉蛋煮到岩岩好，介乎流心同實體中間，係我最鐘意既質感。仲有新鮮既沙律！仲有味噌湯！我地夾埋食左$296，價錢中等，但食得好滿足啊！

筆者以往在不同餐廳吃過數次吉列牛，無奈次次都是太過油膩，只吃到滿嘴油，卻嘗不到外脆內軟的特有口感。這次來到琥酌，想來它既稱得上是吉列牛專門店，總有其可取之處吧，結果只能說：一分錢一分貨😂餐廳座位算寬敞，有不少日式居酒屋擺設，兩側的牆身和窗台都放滿清酒，和風感十足。吉列牛的價錢由$368起跳，比起筆者之前試過約$200的套餐來個大躍進，但一場來到就試試吧～除了吉列牛餐廳還有其他日式套餐，亦有散叫的刺身、串燒等食物，豐儉由人。頂級安格斯吉列牛 (8/10): 麵包糠不會過厚，亦沒有過油，咬下去口感酥脆，另外牛放在小陶爐上加熱20秒，熱度適中，肉質嫰滑，算是對得起它的價錢。清甜風味料理 (8/10): 這個套餐很抵食，翠肉瓜串灑上大量芝士粉，一咬下去立即爆汁，加上融掉的芝士超好吃；蕃茄西冷烏冬份量十足，烏冬煙韌，湯底也十分濃郁；日式餃子餃皮綿軟，內餡不會過鹹，也是不錯的。最意想不到的是這麼豐富的套餐還有甜品，是解膩的檸檬慕思杯，上面的水果十分新鮮，比連鎖餅店的出品更有誠意。軟殼蟹卷 (8/10): 軟殻蟹炸得香脆，內餡還有忌廉芝士，令口感更豐富，完勝坊間只有青瓜絲作配料的版本。吉列忌廉薯餅

食親吉列牛都起碼要二百幾蚊，發現呢度有間價錢親民嘅食店。只需百零蚊就有吉列安格斯牛食! 好抵。價錢咁親民，難怪食飯時間全店滿座。我叫左吉列豚($58)同埋彩虹丼($78)，兩個套餐都有溫泉蛋、麵豉湯同埋和風沙律。 講講前菜先，溫泉蛋嘅蛋黃仲係鮮橙色，但係又唔係液體，已經凝固咗嘅狀態。我最鍾意呢種狀態嘅雞蛋。另外，和風沙律嘅蔬菜好爽脆。主菜令我好驚喜。 吉列豚嘅炸粉好脆同好薄。就算擺咗好耐都依然keep到脆唔會冧。 豬排切開有六塊，好大塊，好見食! 跟餐嘅飯亦都好大碗，食得出係日本嘅珍珠米。更加令我驚喜嘅係價值78蚊嘅彩虹丼。佢竟然有三大片嘅海膽再加咗三種魚子。將所有餸加埋啲飯一齊食真係好正好滿足。海膽好creamy，唔會腥，78蚊嚟講，性價比好高!

近年，愈來愈多餐廳推出吉列牛，朋友介紹這間「琥酌」好食，今晚出尖沙咀行街便去試了。餐廳位於海防道中間，十分方便；餐廳裝潢走日本古典風，店內的牌扁非常搶眼，很有氣派！食品種類多都，有刺身、壽司、一品小食、熱食、丼飯等，最出名的當然是吉烈牛了，差不多每枱都是必點item！餐廳嚴選鹿兒島或宮崎的A5和牛，及美國頂級安格斯牛肉作為吉烈牛。我們今天試美國安格斯那款，一份牛大約有8件，每件的油花都均勻分佈，都算厚切，約有1cm左右，牛肉外表被一層炸得金黃的香脆炸皮包著，內裡仍呈半生熟狀態，非常吸引！店員詳細介紹食法，放於小鐵板上每面燒大約15-20秒即可，肉質軟稔無筋，油脂香完成溶在口腔，配上海鹽，柚子胡椒及芥末醬汁更加提升牛肉鮮甜味。另外再點了一份火龍卷，反卷形式包著忌廉芝士、三文文魚、炸蝦和青瓜。口感豐富，青瓜中和了膩感，cream chesse和炸蝦味道濃郁。另外再點了一份蒲燒鰻定食，份量驚人，是原條鰻魚上菜的，長度到完蓋過圓碟的直俓。鰻魚啖啖肉，肉質爽彈，肥美鮮甜。加上鰻魚汁燒得香噴噴，下飯一流。定食類會跟一份工文魚蟹柳沙律和野菜豚肉湯，更有甜品附送，超豐富！

晚餐.1-2) 牛吉列最近好像開始流行吃這種 自己煎的牛吉列?!之前也吃過一次 可惜牛肉煎起來有點乾和韌 感覺一般這次卻讓我很滿意雖然只有7小片肉 但其實也很足夠肉帶有點脂肪 煎起來更香 而且肉汁也很豐富有幾片因為顧著吃其他東西而有點煎太久了但幸好沒有很乾硬 味道還是不錯的.3) 西京盛那兩件帆立貝好大粒 好甜 好好吃!我本來不喜歡銀鱈角的因為常常吃一兩口便會覺得很膩但這個魚的面層有點甜甜的醬汁吃起來反而挺開胃的 沒有油膩感一向喜歡吃鱈魚的友人也大讚這個好吃呢至於旁邊那個豚肉湯 用來伴飯不錯.4) 火龍卷看名字以為有火龍果 但其實沒有😂上層有一片三文魚中間有炸蝦和其他配料是豪華版的加州卷.5) 明太子玉子燒明太子有少許辣面層鋪滿了木魚 好有趣呢熱騰騰的時候最好吃.6) 甜品下層是芒果味的慕絲上間是微甜的啫喱整體味道很清新用來為這豐富的一餐作結尾最適合不過了

第一次試吉列牛仲可以自己燒揀自己想要生熟程度 裝修似日本居酒屋, menu有日式、丼飯、同吉列牛明太子手羽燒外皮薄脆, 鮮嫩多汁juicy。雞翼炸至金黃色 安格斯盛合有3款醬汁包括鹽燒汁,岩鹽,芥末沙律醬。點岩鹽最正。吉列皮好薄身, 炸粉唔會同牛肉分開, 牛肉嫩滑, 色澤紅嫩, 試下煎熟少少, 每邊大概20秒岩岩好! 入口鬆軟重牛味和牛hotpot, 湯底唔算太濃，和牛好滑口。上枱涮涮鍋已經煮好, 可以即食吉烈盛合分別有蝦，蠔，薯餅。蠔最出色，creamy，重蠔味, 好肥味

星期五的晚上，終於有時間相約好友一起來聚聚。尖沙咀街頭食肆也推滿了人，今日想到一間較有私人空間的樓上舖進食，方便傾下心事😛同事介紹，尖沙咀有一間樓上舖吃吉列牛超好食，本人係牛 ge fans😂當然要book黎試試！這間店叫”琥酌”一出電梯就是店。這裏的裝修非常日式，櫃上也推滿了日本酒😍前菜有中菜沙律，沙律菜，食落很開胃。首先來的主菜是吉列安格斯牛😍，出面是炸過的，裏面是生牛肉，很神奇😋還配有一個夾子，可以夾肉在鍋上燒，只需微微一燒便可以😚另外叫了一個角切魚生飯，色彩繽紛🤩刺身份量也很多。小食叫了一個吉列盛合，有蝦，薯餅，蠔😛 炸得剛剛好，炸粉不會太厚。

今日嚟到位於尖沙咀嘅呢間餐廳食吉列牛地方好闊落坐得幾舒服睇返佢Menu推介嘅肉類有分唔同嘅grading 今次入門就叫左佢個頂級安格斯牛吉列御膳叫咗之後店員就會上個爐同個調味碟個調味碟分別係芥末，海鹽同埋蒜蓉啲牛好重肉味，而店員都有提返我哋要將每邊牛就放20至30秒，如果鍾意熟啲可以再放耐少少但我個人覺得放30秒就最為適合而有燒嘅呢個體驗就覺得幾好因為可以比客人去參與更多烹飪食物的機會呢個環節令到客人覺得用餐感覺較為新穎另外仲要咗個魚生丼套餐呢個套餐除咗個飯之外仲會包一個琥酌沙律同埋一個高麗菜西冷豚肉湯首先佢嘅海鮮有成七款咁多而且亦都非常之新鮮同埋鮮甜而且份量都係偏多都足夠撈晒成碗返嚟食白飯嘅質地適中而我個人就相對鍾意個沙律除咗有生菜之外仲有三文魚，中華沙律，蟹柳同埋蟹子，加埋個燒汁同沙律醬食落好開胃最後仲叫左個火龍卷入面有三文魚，炸蝦，忌廉芝士同埋青瓜成個配搭好夾基本上都唔使再點豉油就已經夠味忌廉芝士入口感覺好濃郁鍾意食芝士嘅朋友一定要點呢個臨走嘅時候發現原來佢有另外一間分店地址都幾近得閒都可以去試吓

收工同男朋友喺尖沙咀，佢話好掛住之前食過嘅吉列牛扒，但之前食嘅係喺港島區，今日喺尖沙咀，於是上網搵下有冇啦，俾我搵到呢間叫琥酌嘅咁多讚，緊係試下佢啦！上到嚟環境靜靜地，燒光暗暗地，幾岩情侶朋友上嚟談心。講返正題先，佢呢度出名食吉列牛扒，用料都比較高檔次啲，所以我地揀左個特選牛就好了。佢俾你爐你自己決定要幾多成熟，最緊要係佢煎完唔會好油，而且牛肉好軟腍，就算你煎都全熟，都唔會變橡筋，真係好好食。之後我地就嗌左個「清甜味料理」。主食係鮮茄豚肉槄庭烏冬，咁佢個湯其實真係超杰，滿滿酸酸甜甜嘅茄膏，加埋超彈牙烏冬，簡直係蕃茄愛好者嘅天堂。個餐仲有煎餃子，佢個餃子好飽滿，肉多皮薄。然後就係我最喜歡嘅脆肉瓜串，脆肉瓜面加左滿滿芝士粉，估唔到係咁夾。另外我地嗌左個火龍卷，佢個賣相真係無得頂。上面嘅係三文魚腩，中間嘅係炸蝦天婦羅，真係十分豐富，加埋佢個新鮮磨嘅wasabi，正。小食我地仲嗌左個燒多春魚，多春魚唔太腥，幾大條，食左唔知人地幾多代魚。最好食嘅係呢個燒茄子，佢同中式舖滿蒜蓉嘅唔一樣，佢乜都唔落，只在面頭舖上木魚，完全只食茄 子本身清甜嘅味道，呢個係你睇外表唔會估到咁好食。

💁🏻‍♀️ 琥酌 (尖沙咀) 🍴-食膩左牛扒燒肉？可以試吓吉列牛，又好味又睇得！今次揀左呢間餐廳🍴，都唔錯der~~安格斯牛吉列御膳（$368）一份兩個人食剛剛好，一來到侍應會好細心咁點火，然後客人就可以自己燒啦～ 牛肉紋理分佈有少少雪花，而且睇得出勁新鮮😍老闆教我地每面要燒30秒就拎起，咁就食到最嫩juciy嘅吉列牛啦～果然外脆內軟，超高質啊😆琥酌吉列盛合（$108）另一必叫！盛合有吉列蝦、蠔同薯餅～全部都係即叫即炸，但又唔會好油，個人最中意吉列蠔，夠厚肉，炸粉又唔厚，加埋檸檬汁食好refreshing 角切魚生飯（大）（$118）有三文魚🍣、吞拿魚腩、同埋其他新鮮魚生,食落啖啖肉，啲飯唔會太硬，剛剛好！-📍 琥酌 (尖沙咀)#尖沙咀 海防道38-40號中達大廈11樓#小丸子搵食記 #小丸子尖沙咀-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #泰菜

今晚想食日本野！唔要勁食放題，想食居酒屋日式料理😋😋可以慢慢享受美食！最後揀咗呢間...一出lift就見到長長梳化位，周邊擺左好多好多日本酒！打開menu真係好多選擇，不過一定要試佢地最出名嘅和牛啦！和式牛吉列御膳：嚴選鹿兒島/宮崎A5和牛🤤🤤油花分佈不得了！採用和牛肉部位主要係肩胛肉/肋脊及下肩胛翼板肉，肉質嫩滑，吉列又脆，每邊燒一燒香到升上天😬真係一分錢一分貨😆好好味！琥酌吉列盛合：廣島蠔非一般咁鮮甜！大蝦超新鮮！最正都係和牛薯餅😋炸完都唔失鮮美，食完炸物已經好滿足！和牛涮涮鍋：最後都係心思思叫埋呢個，一般食嘅都係用肥牛片，呢個係用和牛！係厚切和牛，火喉啱啱好...唔會太滾整到和牛同窩蛋overcook👍🏽👍🏽👍🏽環境舒服好坐有音樂又唔嘈，下次三五知己飲野傾計一定會再黎！到時可以食住串燒對吓酒🍻🍶🍹🥃😄😄

🍚一品琥酌炒飯 $148不得不讚 粒帶子煎得好靚好食飯粒夠乾身 每粒都俾醬汁包實哂 入面仲有鰻魚粒 撈埋上面既魚子醬食每一啖都好豐富 味道好夠呀🤤水準同心機 絕對值呢個價👍🏻.🍲燒舞茸茶壺海鮮湯 $58圖一炒飯後面不是普通茶壺呀入面主要係有蝦 螺肉 蜆 帆立貝既海鮮湯茶壺唔大 裡面裝滿料 湯水相對上較少.🥚博多明太子玉子燒 $48明太子既味道剛好 冇掩蓋咗玉子燒蛋香加埋旁邊既木魚絲食更好味😋.🐮鐵板蒜香牛仔骨 $98非常夠味 好香好惹味但牛肉煮得耐咗少少 有點難咬可能係鐵板既關係 放耐咗🙈

這一間日式居酒屋位於海防道的一棟商業大廈上，人流不多，不是朋友推薦也不知道這裡可以吃到那麼令人喜出望外的隱世美食!!😍😍餐廳地方闊落寧靜，日本式的設計，以日本瓶作裝飾，很適合與朋友飲酒聊天🍶👬👭晚餐先有沙律作開胃前菜😃✨琥酌吉列盛合這個盛合內容有吉列廣島蠔、吉列和牛薯餅和吉列大蝦🍤各款炸物香脆，炸粉不厚，作為頭盤十分推薦👍✨角切魚生飯新鮮足料，角切魚生和其他配料舖滿整個飯的表面😍😍so yum!! ✨鹽燒牛舌丼 (大盛)牛舌有嚼勁，充滿肉汁，高質！✨頂級安格斯牛吉列御膳待燒爐變熱後，牛肉每面只要燒大概五至十秒便可享用🙂附有海鹽、柚子鹽和芥末醬，牛肉肉嫩有牛味，炸粉不會太厚，質素和日本可比😍😍😍要不是太飽真想再多叫一份!!大滿足的一頓晚餐💕💕

去左幾次東京都無試吉列牛，今晚去尖沙咀見附近有間吉列牛元祖店 琥酌 就決定一試啦～～去到時間還早唔洗等位，四周環境比較暗應該係特色，都係一班朋友食飯傾偈晝既好地方，另外留意到一邊一個大櫃滿晒日本酒，鐘意飲日本酒既朋友留意喇～～望一望餐牌，首選當然要試吉列牛啦！另外有晚餐定食，同有佐酒小食，卷物，燒物。我同老公叫左三樣野～頂級安格斯牛吉列御膳待應會放定一個燒熱既鐵板爐，等主角上枱就可以自己一塊一塊放落去燒，生熟度隨你控制。個人覺得兩邊微微燒幾秒最好食！另有三款調味選擇。軟殼蟹卷有cream cheese, 蟹棒，蟹籽，不過不失啦。西京盛西京銀雪魚不錯，燒得幾香，肉厚～～高麗菜豚肉湯足料，都幾好飲甜品：花花芒果mousse布甸總括，呢度都係尖沙咀一間適合一班朋友傾計食好西既好地方～～

約左舊朋友係尖沙咀食飯，當然要搵間chill啲舒服既地方啦，尖沙咀呢間居酒屋好近地鐵站，係3樓，遠離人群，可以同朋友慢慢坐。頂級安格斯吉列牛超級好味！！份量足夠，牛肉味好濃，油脂同肉相融埋既口感真係超正，有3種醬汁同配料揀，個人最推介海鹽。軟殼蟹卷總共有6件，大大件，配忌廉芝士入口即溶，餡料同飯比例剛好。我地仲叫左西京盛晚市定食，銀雪魚用甜燒既方法配檸檬汁同白飯好好味，帆立貝好大粒且鮮甜，豚肉湯值得一讚，甜而不咸，甜品精緻，芒果慕絲醒胃啱做飯後甜品，出色！