琥酌 (Moved) New Location

天氣凍左好多，日日都唔想郁，唯一仲有動力做嘅就係繼續食好西🤪🤪今日尼到尖沙咀，都想搵啲燒下熱啲嘅野食暖下身，尼到尼一間咁有格調嘅居酒屋，我地叫左一個安格斯牛肉壽喜燒定食，再加一個吉列安格斯牛一入到尼已經覺得佢佈局同裝修好靚！野食唔使兩三分鐘就到，佢有三個醬可以點，自己偏愛岩鹽，但其實唔使點都已經好味，靚嘅牛係唔需要額外加好多調味，每一塊牛燒大概30秒就可以，睇下你鐘意食幾熟店員都好細心，中間見我地爐熄左，都即刻主動幫我地換至於個壽喜燒，我地好鐘意呀！個汁好香，送飯一流，而且入面每樣野都非常入味，我特別鍾意個菇！暖粒粒再加埋碗白飯，十級滿足蠔都炸得非常出色呀，好鮮味，唔會overcook最後再加埋甜品，好圓滿嘅一餐！

上次食過好食嘅吉列牛之後，一直都心思思想再試下。呢晚就嚟到尖沙咀海防道嘅《琥酌》，聽聞佢哋嘅吉列牛都好出色一出電梯就係餐廳範圍。餐廳店面唔算大，空間感唔細，唔會話坐得好迫咁。牆上嘅「琥酌」牌匾頗有霸氣😆每道菜都係即叫即整嘅，所以要啲時間等候，但絕對值得等！等嘅時間可以傾吓計、飲下酒先😋特選牛ロースカツ膳 ($368)- 頂級安格斯牛吉列御膳- 配溫泉玉子、沙律、日本米飯吉列牛一上桌已經令人垂涎三尺🤤。外層預先輕輕炸至金黃色，內裡嘅肉依然呈粉紅色，紋路清晰。客人可以將牛肉放喺熱石上燒熟，生熟程度可以自己控制。牛味都幾出，又夠肉汁；口感外脆內軟，夠晒嚼勁，又唔會韌👍伴上三種調味醬：芥辣、岩鹽、鹽燒汁，三款配牛食都相當夾！美國黑牛安格斯壽喜燒配吉列盛合 ($168)- 琥酌沙律- 吉列海老、吉列廣島蠔 (各2件)呢個本身係配牛嘅，但因為我哋其中一個其實係唔食牛，結果餐廳好好咁幫我哋轉咗做豚肉壽喜燒🥺🥺大量蔬菜、菇類、蘿蔔等喺清清哋嘅湯汁入面煮製，蘸上生雞蛋食用。而家天氣開始轉涼，食呢個就啱晒！琥酌沙律生菜、蟹柳、蟹籽，配上沙律醬同柚子醋，幾開胃嘅沙律🥰吉列海老、吉列廣島蠔feel到好新鮮，蝦

好耐冇食過吉列牛，今日放工經過尖沙咀見列呢列有間樓上舖竟然可以食到，因為唔係好多地方有今日終於有機會再試啦呢到除左吉列牛之外仲有幾款定食，價錢都唔算好平架，食既都係高級牛肉。吉列牛都有分3種，今次我地就試左安格斯牛。牛份量都足夠，加埋飯食就岩岩好店員教等個爐燒熱左之後，放牛上去，每邊燒20-30秒係岩岩好。呢種方法應該係5成至6成熟，結果想再熟啲或者生啲可以自己調節下，不過我就覺得咁樣岩岩好，入口即溶，加埋外面吉列，外脆內軟正啊！另外叫左壽喜燒定食，好正宗既日式風味，裏面都有牛肉，沾埋蛋液食好味定食入面仲有吉吉列蝦，蝦都幾彈牙配埋壽喜燒湯食沙律酸酸甜甜好開胃，唔食吉列牛叫個定食都唔錯

之前一直都想食這間餐飯的吉列牛，於是和朋友去食啦😊😊餐廳裝潢設計似居酒屋，周圍擺放很日式的設計，環境較為陰暗。安格斯牛吉列廚師將外層炸到金黃色的，內裡是未熟的所以有個小爐俾客人自己煎，店員建議每邊煎20-30秒就可以食啦，係按個人既喜好去煎😋肉質都很鮮味多汁。魚生丼魚生飯跟配沙律和高麗菜豚肉湯，魚生飯有三文魚、吞拿魚、北寄貝、三文魚籽等等，各款魚生片很新鮮而且都非常厚身，配上軟糯既飯食更加滋味👍🏻最後仲有甜品Tim 🍮

前幾日喺尖沙咀行街 屋企人突然話好想食牛 但又唔想打邊爐嗰啲咁冇新意 於是我靈機一觸 諗起前幾日有同事介紹過尖沙咀有間吉列牛都幾好食 一於帶埋屋企人去試試佢😏餐廳位於尖沙咀海防道 係九龍公園隔離都幾易搵！👍🏻我哋一上到去唔駛等好耐就有得入啦！呢度餐廳用咗好多唔同酒樽嘅擺設 好有日本居酒屋嘅風格！而我哋坐低後都急不及待嗌嘢食啦！呢度除咗有主打吉列牛之外 仲有好多其他唔同嘅小食同埋燒物😏話咗嚟呢度食吉列牛 首先梗係叫一個先啦！•頂級安格斯吉列牛🥩•-我最期待嘅畫面出現啦！呢度嘅吉列牛用咗安格斯牛 而且店員為我地炸到一成熟 其餘熟度就由我掌控👍🏻👍🏻我自己就比較鍾意食生啲嘅牛 所以少左大概20秒就食得！🙈呢個吉列牛外邊脆卜卜 入邊有好香牛肉味 肉質鮮嫩！👍🏻👍🏻另外食燒肉點可以唔配返杯酒阿！呢度嘅飲品種類都幾多！•白桃酒🍑•我自己就叫咗杯白桃酒 味道清香之餘 仲好順口 其實仲幾啱女士飲👍🏻之後我地仲叫左個主食•彩虹魚生丼定食🍱•-呢個丼飯有玉子,三文魚,吞拿魚,油甘魚等而刺身都算新鮮 油甘魚就最肥美 有豐富嘅油脂👍🏻另外個套餐仲有跟埋豬肉椰菜湯同埋蟹子沙律🤤好豐富呀！最後我哋仲叫多咗個卷物！

之前係日本食過一次吉列牛就成日諗起心思思想再食,經過尖沙咀見到呢間餐廳諗住試下呢間揾唔揾得返我係日本既味道.一排炸過既吉列安格斯牛扒排得好整齊咁上枱,外層吉皮唔厚,安格斯牛肉外層輕輕炸過後帶粉紅,內裏全生,肥瘦分佈均勻.將安格斯牛放上烘熱好既火爐,根據店員既提示大概燒30秒就可以食.入口外脆內軟,油份好香唔會有筋.鰻魚定食鰻魚好大條足前臂咁長,鰻魚又厚身食落口感好滑帶魚油香味,份量又大夠2個人share.本身飯量都好多帶蛋絲同鰻魚汁所以食落無咁寡.另外配三文魚魚生沙律,醃菜同麵鼓湯.火龍卷係吉列炸蝦卷,頭尾都用左蝦尾營造到好似龍尾咁,壽司飯夾起唔會鬆散內裏有芝士,青瓜食落唔算好膩口感爽脆加上卷上鋪上三文魚更香.

同男朋友想食依間好耐，之前去過太子分店，點知咁岩無開，所以今次突登係放工之後同男朋友去尖沙咀分店，滿足番之前未食到既空虛。我同男朋感覺都係牛魔王，一見到牛類既野食，就會忍吾住叫。男朋友好鐘意食吉列牛，所以我地就叫咗安格斯牛吉列御膳。餐廳準備咗三種調味料比我地，包括粉紅色鹽、清新而酸酸地既汁同埋沙律醬。吉列牛嚟到既時候，店員仲好仔細咁話比我地知，每邊要煎25-30秒。我地都真係有計住，因為要食一舊好食既牛，除咗舊牛本身既質素之後，都要睇翻煎煮舊牛既技巧同時間。好彩男朋友都好有耐性咁計住，所以我地都好滿意牛既質感。我地叫咗個黑牛安格斯壽喜燒配吉列組合。壽喜燒有好多材料，包括溫泉蛋、娃娃菜、豆腐、蘿蔔同金茹等。啲牛嚟既時候仲係紅色，放多陣就岩岩好，好滑。吉列蠔同蝦跟餐甜品係慕絲奶凍最後，我仲叫咗個牛魔王串燒，依個真係好好食，平時食既串燒，啲牛通常都會overcook，但依串就算舊牛好大都好，個肉質都好正。

突然想食吉列牛，同事即刻介紹我去呢間琥酌～位於尖沙咀海防道中達大廈11樓，非常方便～7點幾去到，未開始多人～侍應安排咗我哋坐4人位～旁邊放着酒樽做裝飾，增添居酒屋氣氛～今次嚟嘅目的係食吉列牛～當然係揀咗安格斯牛吉列啦～侍應首先放置咗所需用具，見到呢個爐令人特別想食嘢😛等咗無耐，吉列牛首先出場～賣相吸引～好想即刻放入口😝侍應教我哋每邊煎大約25至30秒就可以～個人覺得25秒就得～一啖一塊食晒～分別可以點岩鹽、醬汁同蛋黃醬～各有特色～好好食啊😋好滿足嘅感覺～果然必食推介～朋友就揀咗安格斯牛肉壽喜燒定食～呢個定食好食之餘仲超級抵食～有一鍋牛肉仲有吉列蠔、蝦、沙律、飯同甜品～安格斯牛軟林林好好味，仲有蘿蔔、菇、菜....一個人就咁食呢個鍋應該會好飽～吉列蝦炸粉唔厚，蠔唔腥而且好好味～$168食到咁多嘢，真係抵到無朋友😂再叫咗個炫炸牛肉串～味道十分出色，朋友讚不絕口～牛肉啱啱好，連同三色椒一齊食更加好味～整體嚟講係幾好味，價錢都好抵～同事果然無介紹錯～下次會再帶朋友去食埋佢嘅其他款式😋

近排日日都唔開心，去左尖沙咀依間大受好評的日式餐廳食下好西，令自己開心d。一入到去，見到裝潢好日式居酒屋，有避下世的感覺。我叫左大家都推介的吉烈牛，三文魚大板燒同一個魚生飯。 店員首先會比個火爐我地，唔洗五分鐘，一碟岩岩炸過的吉烈牛就上枱了。 我地要每邊燒三十秒，再點芥末或者醬油。但我就乜都冇點，想食下佢真正的牛味。一擺入口，好大陣牛味完全融入口中，一d唔油膩，好正！三文魚大板燒都好足料，佢好多三文魚po係面，加埋d醬，仲正！完全同出面食的大阪燒唔同，好有日本風味！之後仲有魚生飯，每種魚生都有兩片，好夠食！三文魚同油甘魚特別新鮮！要讚下！簡直可以再encore! 其他刺身都鮮甜，配埋飯，沙律同湯，好夠食！

無見一排，已經有d掛住我既好鄰座🍗今日即興約佢食dinner🍻 我地揀咗間樓上嘅日本餐廳，佢裝修幾雅致，以深啡色為主調，好似去咗日本嘅居酒屋。食物嘅選擇唔算太多，吉列牛同鰻魚應該係幾出名嘅，所以我哋一人一個定食！⭐️頂級安格斯牛吉列御膳店員好快就幫我地set左個小鐵板👍🏻 牛扒上枱時，佢仲好溫馨咁提示我哋，牛扒每面最好煎20-30秒✌🏻我哋輪流試下燒，發現最難控制嘅竟然係個木夾🙊🙊🙊如果設計可以更user-friendly就好了哈哈講返塊吉列牛，肉質唔算好腍，但外皮香脆，好有牛肉味😛 起初我哋唔記得計時，燒得耐左d🤭 但好彩都冇影響到口感😀 之後我哋仲越燒越好食🤓🤓⭐️原條錦鰻御膳我地無諗過原來份量咁多😮 原條鰻魚長得有點誇張！佢肉質肥厚，鰻魚汁唔算好鹹，配埋飯食啱啱好！我地最欣賞係個沙律😻 差d想問下可唔可以encore🤣食完主食，店員仲送上小甜品，感覺好完滿😌 當然最開心嘅係聽到個good news🎉 期待你下次嘅分享!!✨

我同女朋友都中意食牛肉，之前睇日本電視節目介紹吉列牛流哂口水一直好想試，所以決定上網搵到呢間評價不錯食吉列牛既餐廳-琥酌！可能位於商業大廈，食客不多，但係餐廳坐位都坐得幾舒服，非常適合慢慢一路食一路傾下計！而餐牌都有好多唔同類型既食物選擇，隨左吉列牛，仲有吉列蝦同蠔，同埋仲有幾款好有特色既創意卷物。急不及待就點左主角安格斯牛吉列！調味有包括鹽共三款提供，每一塊牛吉烈切既厚度都差不多，放上店員提供既日式小火爐，而店員都比左個建議，就係每邊燒30秒就可以食！ 果然入口牛肉好腍，再帶點juice , 佢外面脆脆地而入面腍好特別！跟住我地再試下燒耐d , 牛肉味會更加濃郁，超正！跟住再點左個魚生丼定食雜錦既魚生丼，幾款既刺身都好新鮮，配上有三文魚肉既蟹籽沙律，另外成個定食會有埋個高麗菜湯，都幾好味😋差不多7成飽，意猶未盡仲想食牛，所以再點都一個炫炸牛肉串呢個牛肉串調味得好入味，甜甜地好開胃，重點係完全唔韌，肉質夠嫩！相當不錯！

朋友好想食吉列牛，我就同佢黎左呢間琥酌，有九龍塘同尖沙咀分店，尖沙咀比較就腳我地就選擇呢度。<頂級安格斯牛吉列御膳>（$368）首先侍應點起個熱石，跟住放吉列牛係上面燒大約半分鐘就食得，雖然如果想食medium rare都可以早少少攞起。一放落去就開始沙沙聲，好吸引哦。呢度用既牛比其他吉列牛店更高質，所以價錢亦比較高。食落果然好有牛味，肉汁滿滿。<原條錦鰻御膳>（$218）鰻魚勁大條，有我地兩隻手掌咁長！食落軟腍，蒲燒醬汁亦夠濃郁，配飯一流。唔怪得知下面有咁多飯哈哈，應該有兩大碗！呢個跟餐豚肉湯既豚肉超嫩滑，因為係西冷部位，脂肪比例好，配合高麗菜做湯真係正！<火龍卷> ($98)呢個賣相真係成條龍咁，打卡一流！上面係厚切三文魚刺身，中間卷左我最愛既忌廉芝士，仲有青瓜同吉列炸蝦。口感超級豐富啊，由三文魚既軟腍到吉列蝦既酥脆，再到青瓜既爽脆，仲有忌廉芝士既creamy，簡直口腔既大滿足！

同朋友講起好想去日本食吉列牛，朋友就提醒我其實留係香港都可以食到，唔洗飛到日本都可以！呢間餐廳係尖沙咀同太子都有，我地就去咗尖沙咀個間，係海防道嘅樓上舖嚟，離地鐵站都好近。首先就叫咗個前菜($10)先。食日本嘢又點可以無酒先得嫁？我地一人叫咗一小杯飲，朋友叫咗柚子酒，我就叫咗白桃酒，自己就鐘意朋友嘅柚子酒多，味道濃烈啲。主菜 - 安格斯吉列牛($368)嚟了！店員俾咗個爐同啲醬料我地先，過咗一陣就送牛上嚟，我地都好期待。店員有教我地每邊燒30秒，食落去有入口即熔嘅感覺，真係好正！跟住再叫咗個小食 - 琥酌吉列盛合 ($108)，有幾款唔同嘅吉列小食，有炸蝦、炸蠔同薯餅，對我嚟講都唔算炸得太油，幾好食最後再叫多個角切魚生飯(大盛) ($118)嚟填飽個肚，魚生都幾多，飯分量我地兩個人分啱啱好，不錯不錯！

之前喺日本食個一次吉列牛 一直心思思想食奈何香港食真係唔平呢間見到有168 美國黑牛安格斯壽喜燒配吉列盛合 仲有飯同甜品 真係好心動 終於去試下店員先俾一個鐵板我地 跟住黎到嘅吉列牛已經半熟 只需喺上面各燒15~30秒就可食用個人認為20秒最好食 既食到外層嘅吉列脆 亦食到牛肉嘅鮮嫩 餐廳提供柚子醋 pink salt 同芥辣醬 個人最愛柚子醋加少少pink salt可以發揮牛嘅鮮嫩跟住係肥牛壽喜燒 湯底不會太甜 加上旺菜嘅鮮味 好食吉列炸蝦同蠔係新鮮炸起 外脆內juicy 亦好好食沙律亦好多涵 有中華沙律加上三文魚蟹子生菜 口感豐富 餐單加上白飯 驚你唔飽咁 最後有一個細細cake黎個總結

最近同老公去搵一啲喺尖沙咀交通又要方便又唔洗同人迫嘅地方 ，特別嘅餐廳搵咗好耐都好似冇乜特別，然後有個朋友介紹有間樓上舖嘅餐廳，兩公婆沖左上去之後就發現有間日式嘅主題餐廳。 原來呢間餐廳都有好多明星 ，仲有好多係TVB嘅明星黎過呢度食飯，又有介紹想去食飯。首先我哋形容一下佢嘅裝修近窗台位置會擺放好多日式嘅酒精飲品，大家可以上去望吓值得參觀，我哋基本上兩公婆雖然唔係好肚餓但係見到佢啲嘢食都幾吸引，所以就特別order左佢嘅其中一個幾好買嘅吉列牛，呢個吉列牛，究竟有幾特別呢，首先佢係有個一日式嘅鐵板俾你慢慢燒燒，原來每邊只需要25秒左右就可以，食到跟住我哋覺得唔係好夠飽，所再嗌多個鰻魚飯，呢個鰻魚飯簡直就係超級大，成條鰻魚就咁上，再加埋有啲日式嘅沙律真係超級好味 。飲品方面香港人最鍾意飲嘅波子汽水佢都有齊晒，我哋叫咗個蜜瓜味嘅，同埋酒類方面亦都好多選擇又有白酒又有清酒，我老婆就想試吓個白桃甜酒，別有一番風味 ，另外要推介嘅就係三文魚文字燒 ，味道就好似章魚燒咁樣，真係好好食 。諗起都垂涎三尺回味無窮足夠四個人食 ，甜品方面佢有個士多啤梨再加牛奶布甸仲有藍莓添 。交通方面非常方便喺尖沙咀A出