瑞士咖啡室 (Closed)

呢間仲係試营業階段，見幾多人排隊諗住應該唔錯然後就中伏鳥⋯叫了個支竹燒腩飯，燒腩好大陣雪藏味，個汁係冇味架，飯唔係熱的係暖，老公食瑞士雞脾＋湯通，個脾的味騎妮到吖，只食咗一啖就放棄，個碗湯通都係奇芭，強烈懷疑個湯底就係煮面水，唔明點會有咁多人排隊等食。對我黎講絕無下次

難得放假, 陪爸爸媽媽一齊行街食野啦! 我地就揀左樂富廣場, 自從新裝修左, 變得好舒服, 還有新街市, 仲可以買埋餸喎 !行左幾個鐘, 大家都覺得累, 我地就揀左瑞士咖啡室, 見到店名仲有紅紙遮住, 應該仲未正式開張。入到去有卡位坐, 裝修好懷舊, 而且帶點摩登。睇下茶餐先, 茶餐選擇好多。我地三個人分別點了 :1)珈央西多士配熱檸水 $302)麥皮+混醬多士配熱奶茶 $293)吞拿魚三文治配熱菜蜜 $24好快先上飲品, 我要的熱檸水有三片厚檸檬, 正呀 !吞拿魚三文治選用厚厚的白麵包, 麵包好鬆軟, 反而吞拿魚唔算好多。食一件都好飽 !珈央西多士新鮮熱辣辣奉上, 但有少少失望, 唔係好食到珈央味道。麥皮一開始以為係比較淡味, 原來食到最底先有糖係底, 個人比較喜歡淡味。混醬多士估唔到都係用上厚白麵包, 花生醬加煉奶真係絕配, 真係好想再食多件。最抵食係麥皮餐, 麥皮都大碗呀 ! 仲有成份多士連飲品。另外, 職員快手快腳, 服務不錯。加上地方都好大, 下次可以再黎行街食晚飯呢 !

中午時份，正值復活節假期間，加上新餐廳，店外已有8-10個人在排隊，但想試下所以都照排，一路排一路唸好唔好味架， 值唔值要排隊等呢？（本人都幾唔鐘意排長龍）點知入座速度都幾快，等了15分鐘已能入座（搭枱）。點了蛋撻，瑞士汁雞脾撈麵，麻辣牛肉炒飯。食物於點菜後5-10分鐘已全部送到，難怪入座出奇地快！食物都很好味！蛋撻又熱又好味，皮脆， 本人個人覺得略太甜。炒飯很香很熱及大碟！可以更辣！ 瑞士汁雞脾撈麵好味，但不夠汁。總括來說很好味，上菜又快，可以作飯堂！

呢間餐廳似乎係試業階段，所以部分招牌仲係用紅紙遮住，餐廳裝修有一半係典雅，一半就保留返傳統茶餐廳嘅風格，裝修風格見仁見智，但我覺得有啲不倫不類。嚟到想坐卡位，我見張梳化有好多食物碎👎，枱面好污糟，我又留意到周圍啲枱底有好多食物碎👎，應該係啲客留低，但侍應都無將佢清理，新餐廳嚟講，衛生唔能夠接受，侍應服務可以用"愛理不理"去形容👎，新開餐廳，點都要加多兩錢殷勤！肉絲炒麵份量唔多，賣相差👎，麵唔夠脆，肉絲同埋冬菇淡而無味👎👎，好似漿糊咁，零分。瑞士汁炒牛河雖然係呢度嘅招牌，但賣相好差，望落去乾爭爭，好處係唔會太油膩，牛肉無乜牛肉味，成個瑞士汁炒牛河只算係普通嘅乾炒牛河，因為瑞士汁炒牛河應該係比較濕潤，同埋豉油甜味較重，招牌都失敗！👎奶茶上枱前侍應已將我杯奶茶倒瀉到成個碟都係👎👎，真係太唔小心，佢放低轉頭就走，無諗住抹番好佢！！👎👎，奶茶味道方面，茶煲得過火喇，有澀味，而且奶味太重，成杯奶茶嘅平衡錯晒，同華星冰室和太興嘅奶茶相差好遠，零分。總括一句，呢度裝修個人認為不倫不類，服務十分差，衛生好差，食物賣相差，食物味道差，奶茶差，希望佢地努力改善，對不起，今次只能夠俾劣評。

今日諗住去試新嘢 突登黎呢間食下午茶 睇個環境好似幾有好咁見門口咁多人排隊 排左十幾分鐘左右到我地坐地叫左個P1牛河 和西炒飯 牛河等左好耐都唔黎 西炒飯啲飯又太生 飯都未完全熟透 同食生米差唔多對面同我地一齊入黎既情侶都叫左牛河已經食飽但我蝶牛河都仲未到！！叫侍應吹單都冇回應 等數分鐘之後先有個沒有著制服既人 唔知係老細定經理既人唔知頭唔知路咁連邊台客既牛河未黎都搞唔清楚侍應質素有待改善下 落單落到一舊舊我落碟正常既牛河竟然打單上加多左個多汁既字眼心諗我幾時有話多汁呀咁都算啦 碟牛河等左差唔多一個鐘 吹左兩次單都未黎 成肚氣索性取消碟牛河取消碟牛河佢又鬼咁快動作同我搞掂 拎埋單俾我對呢間嘢真係好失望第一次食就咁對我唔會再幫襯！

一開始就先要排隊，大約5分鐘左右就入得！入去坐低，好似一般茶記比水我，看看餐牌，都唔錯，合理價錢有幾樣選擇，本人近來唔食得蛋，餐廳都好好可以轉其他，太好了！一個雪菜米加個火腿配埋凍檸茶少甜，味道只可去到可以接受，未有太大驚喜！但服務又真一唔錯，感到佢地好有禮貌！👍🏻

之前去話5長沙灣和灣仔的分店，吃了很多次，食物唔差侍應態度好，工作效率高。今次見樂富開了就試吓，晚上6點15分不爆座，一入去應該是新裝修後有怪味，都算，坐低好快睇完餐牌叫侍應落單，第一位因送緊餐，話請等等搵人幫你，跟著冇影。第二位極冇礼貌話現在唔得閒。。。但佢兩手fing fing冇嘢做緊喎。。。所以我未吃已有不滿之食評，除了食物美與否，服務態度都好重要，我入嚟比錢幫襯㗎，唔係你免費請我吃㗎！

早幾天，在樂富廣場的超級市場購物後，來到下層食肆平店覓食。在附近一頭工作，未吃過的地方愈來愈少，看到上海姥姥旁邊築起裝修平板，寫上瑞士咖啡室即將開業的訊息，筆者還是十分期待試試新店。在連接商場的玻璃處隱伏，需要走近那邊才察覺到店面。想不到，幾天過後，便看到冰室亮燈了。透明玻璃的設計為店家帶來光鮮和衛生企理的感覺。以經典茶餐和瑞士雞翼為主打，瑞士咖啡室是一家水準較為穩定和走傳統路線的冰室。旗下店家的師傅更曾在2014年的奶茶比賽取得過軍，對於鍾情港式奶茶的筆者而言，倍覺興奮：一日美好的開始，需要一杯留甘的高質奶茶，為一天漫長的工作帶來動力!1時50分到來，不乏人流，店外也有10人 (5-6桌) 在排隊輪候入座。筆者也立刻到門外的電子取票機處取票。簡單輸入人數，便可以取票，同時等待職員叫號。以電子形式取票，是方便食客和店家的做法，減少了等待時間和人力。本準備去看看門外的餐牌 ，但突然連續叫號，筆者已經可以進店了! 店內樓底高，天花處裝了光亮典雅的大燈，加上四人卡座設計，帶來殖民時期的摩登冰室格調。加上，此店的設計是打通了兩家店鋪的；佔兩鋪的好處是地方較大，一邊主要是擺放卡座，另一邊也有卡座