甜夢小屋 (Closed)

1點左右, 剛剛走過呢間小屋, 睇鋪外張貼d介紹, 以為好有heart, 諗住嘆返個豆腐花, 兩位疑似老板既店員剛剛落閘, 我只好奇講句, 咁早關門啦? 女店員除即不帶禮貌語氣回應: 我地開3點!3點左右再次走進小屋, 滿心期待, 叫一碗豆腐花, 女店員: 我地只有一桶, 無一碗! 呢個時候已則想走人, 但老公覺得人家咁寸, 一定有d道理, 即管試下係乜味, 叫左個什果涼粉椰果拼 (點菜時又有d倔累鎚的語氣已不想詳述!!!! 食甜品啫, 唔係黎受氣瓜!) 什果涼粉: d生果係"梅"既, 涼粉同椰果呢d普通嘢唔洗評, 但靈魂都唔新鮮, 乜都唔洗講, 再加上呢種服務態度!研究過呢個小屋係07年開業, 奉勸老板 ivan 及 erica (店內的文章介紹), 想繼續做落去, 唔該搞好最基本d材料+服務水準先啦, 簡真係standard以下既樓下啊! 我地做客既只係損失幾十蚊, 你地就... ....

某天和太太前往吃糖水。我吃雪花冰，太太吃蕃薯糖水，雪花冰超削，得一粒生果，算吧。蕃薯糖水仲攪笑，得五粒，每粒有幾大？直徑大約1.5CM, 長1.5CM。好像粒家貓屎咁上下。我太太問佢點解得咁少，佢話佢地係用日本蕃薯，話可以加多粒俾我地，點知返轉頭，問:加多左粒了，O唔OK？，我老婆一睇，又係得五粒，大話精到不得了，以為我無數過。算吧，食完快快返屋企算了。還有，話日本貨，我老婆係吃蕃薯專家，因為對腸胃好，佢係經常去沙田X田及CITY SUXXX買，話話呢間舖D唔係佢吃開的日本蕃薯LOR。似係街市D大陸生產的日本種。另一日，我老婆夜返未食飯，佢諗住間舖係附近，求其食D野算，又係買了蕃著糖水外買，點知返到屋企，嬲爆，打開個碗，得三粒超細的蕃薯及一D食唔倒的碎。呢間舖頭以後都唔去。

其實是食完之後唔順氣, 上OPEN RICE睇下, 真是有一半真一半假的食評, 好心D人唔好咁缺德, 寫咁多流嘢呃人!言歸正傳, 想試這間甜品店很久, 今日買了一個外賣核桃糊給囝囝吃, 見$23元一個都頗貴, 但都姑且一試, 在等外賣期間, 見到那張大大張貼在枱面的告示, 真是過份, 居然以環保為借口, 堂食攞多份餐具要收十元清潔費! 真是聞所未聞. 我買外賣又唔見他用環保盒!拿到核桃糊之後, 覺得很輕, 出到門口望吓, 得半碗, 唔係話$23蚊得半碗咁少, 於是回頭問點解得咁少, 點知店主大大聲咁話, 外賣是同堂食一樣咁多, 得半碗是因為隻碗大!吓隻碗比平時的外賣碗還要細,咁都可以話大, 心想唔駛有下次.(睇完其人食評之後才明白, 真是份量少成咁!)返到屋企打開, 真是得半飯碗咁少, 最離譜是明明是買核桃糊, 但顏色很白, 食完都唔知是核桃還是腰果糊, 仲係唔多熱, 味道唔可以話差, 但$23蚊半碗核桃糊是否太貴, 同埋今時今日的做生意做到咁, 都唔明點可以生存. 要選全港最小家的店舖, 非這家莫屬!

到馬鞍山又唔熟路..見到附近有宣傳牌所以就去1試..入到去先心知不妙,,真係覺得怪怪地..裝修得好似好狹窄咁..枱上見到話拎過D碗,食具要收錢..好無奈-_-加上店主邊整野食邊傾電話好似好趕時間咁..綠茶味雪花冰見到佢都有雪花冰..而且價錢較出面平少少{但每款冰唔同價}上碟後就覺得好怪,,點解D冰會好似絲咁薄既?食落淡而無味..唔怪得顏色都較淺..伴碟有3舊綠茶布甸+少量紅豆..綠茶布甸可能係好少少..起碼有少少綠茶味..但紅豆真係唔知點解D味怪怪地..即使有加上奶都遮唔到陣怪味..番到黎睇食評真係好無奈..真係好假..

其實係四月已經來過這間食雪花冰，但係冇時間上來食個食評俾佢地，昨晚又去了食，雪花冰多了好多隻味，有芒果、豆腐、綠茶、榴槤、蕃石榴、朱古力、西瓜、水蜜桃等等，仲有隻雙色冰係芒果士多啤梨雪花冰、上次試了個芒果星鑽雪花冰，好夠凍、又香芒果味，佢有d星星形椰果同埋芒果伴碟，幾好味。今次來就試了個豆腐雪花冰同埋個芒果士多啤梨雪花冰，個豆腐雪花冰竟然用d花生椰絲糖來伴碟，好得意，又食到d豆腐的豆味，咁花生椰絲糖令到唔會咁單調有少少o野咬下，而個芒果士多啤梨就只係伴芒果肉，這個可以一次過食兩隻味，最適合我地多心的人，咁我地兩個今次就一次過可以食了三款雪花冰呀!我地都有問點解伴碟那些無得選擇，個老細話因為佢地試過係係咁伴碟先令到雪花冰好食，唔會伴碟的食物搶了主角雪花花的味道，所以佢地係set 好，但係我地試了三款雪花冰都覺得佢配得幾得意呀!下次去試埋其他先。個份量夠就唔會好大，佢d 雪花冰價錢都係由24元至32元不等，咁我地都覺得幾好，咁可以試多幾隻，好過要成三十幾以上，只係大少少，咁又未必會叫多碟試。

看食評後和太太專誠前往一試. 發現該店什為細小狹窄, 只得數張小圓檯.入門坐下後見每桌皆有告示指明客人如需要取空碗, 需支付十元一隻及得店主同意方可. 當時不明店主為何有此明令.我太太先叫了一碗杏仁霜, 我則仍在看店內食譜未下決定. 一會後我叫了另一款糖水. 這時我太太的杏仁霜來了, 但在小小的碗內, 杏仁霜還不到一半滿. 我試了一小點, 感覺味道一般. 我太太找店主查詢為何份量這麼小得可憐. 店主卻以日本餐館的價錢作比較, 且硬說因為我吃了一口所以碗內份量不足. 付款時不但不即時找贖,且繼續數說我們的不是.出了店後, 回想店內的告示, 我即時明白是因為最初我太太只叫了一碗杏仁霜, 店主以為我們要共吃一碗, 所以只給我們不足半碗的份量, 讓我們不可再分. 這全因店主的舖太小了, 若顧客不一人起碼叫一碗, 他便要虧本, 所以不給足份量作保本.如若大家有時間, 各位可到該舖見識老闆的告示大作, 并慷慨解囊,幫助他擴寬氣量.

呢間糖水店....係我同我既好朋友聚會既好地方...我地已經去左2年喇..風雨不改,差唔多一星期都有3-4晚係呢度食糖水..老闆同埋老闆娘都好nice...每次我地去都會食個"炸雪糕球", 其他既地方食呢舊野都唔及呢度食得開心..因為我覺得老闆好利害...我成日都問佢地點解可以炸呢舊野炸到外面咁香咁爽脆(仲要唔係用炸粉),而入面舊雪糕仲可以好"硬淨"....一d都唔會溶(即係唔會淋bei bei)...老闆都唔介意我地用佢地好多好多焦糖醬~~呵呵~冬天食仲好有feel tim....另外...食雪糕都要配返d 清淡既糖水...勁鐘意o個個"鮮雜果+泰國黑珍珠"..都係$18...你諗下....佢地就用fresh既生果...涼陣陣...有口感...d泰國黑珍珠咬落去仲要係chop chop聲~其他shop用罐頭架..仲要係過期囉...食完再飲多杯"鮮榨蜜瓜汁"...一邊飲..一邊同朋友傾計...一d都唔覺得口乾.....我仲問老闆有冇加糖水...佢地話一定唔會加...因為d生果榨完汁其實已經夠清甜...而我個朋友就熱愛o個個"榴槤飄香"...本來我好討厭食榴槤..佢就晚晚叫呢個黎食...

前幾日同d friends 食完飯, 諗住食糖水, 見去開果間好多人, 於是就試o下呢間啦~~我地點咗炸雪糕, 木桶豆腐花同埋榴槤飄香, 好似話係招牌野, 嘩.........但係食完後超失望!!!!個炸雪糕又無咩特色,又油膩.....仲好似有d油"益"味............ai.........木桶豆腐花又唔滑又無味, 都唔知想點, 仲有少少反胃tim!!!!!ai..............諗住以為榴槤飄香會好d啦............點知都係唔掂!!!!! d榴槤有d苦,又有渣......都唔知有冇攪錯!!!!榴槤明明係當"造"架嗎!!!!都可以咁難食!!!! 真係激鬼死!!!!!

昨日見到有人係度話信錯食評，所以我今日又去多次，其實這間o野都間唔中都去下，亦都試過佢所講的炸雪糕，其實個炸雪糕係要有技巧食，我都見有人打過出來話要有方法食，咁我都試過一兩次都係切得唔靚，但係之後聽返店員教切的方法就可以切到雪糕連皮食，而這度我見個個都係讚個豆腐花係又熱又滑，即是只係讚緊個熱豆腐花好食，而唔係話個凍豆花好滑。所以今日我地去都係叫了個原木桶豆花、一個芒果糯米軟滋卷同埋一個炸雪糕，咁首先來了個芒果糯米卷，真係好似紙紙話個芒果好甜，又大o舊，個皮又薄。跟住就來個豆腐花，都幾大桶，咁個店員話係1-2個人份量，所以我地就order，個豆腐花因為係即叫即造，所以要等15-20分鐘，個豆花真係好滑又好熱，我地第一啖係什麼都唔落，食到好香豆味，這度仲要好好，黃糖同糖水都係自己落，即是鍾意落幾多就落幾多。食到底仲係熱，真係要小心整親條脷。而個炸雪糕可以切到皮連埋雪糕一齊食仲要係我的至愛朱古力醬，好好味呀!平時我都唔慣食o野影相，因為次次話影都唔記得影，但係今次我都覺得要影底俾大家睇下這樣的炸雪糕唔係皮還皮雪糕還雪糕的樣子，唔係俾佢咁講，搞到我地個個講o野好似呃緊大家，咁我不時都周圍去食o

係openrice 睇到呢間野d 食評幾好, 諗住同男朋友去試一試啦~點知食完之後, 完全覺得係比人搵笨 我叫左凍豆腐花& 炸雪糕.. 完全唔明點解會有人推介豆腐花, 佢d 豆腐花真係唔知仲算唔算係豆腐花, 硬度直情同豆腐差唔多, 更唔好話滑!個炸雪糕真係唔知點形容, 感覺上就係雪糕還雪糕, 層皮還層皮,非常唔好食, 仲要收$30蚊, 除左呃錢真係唔識點形容!

尋日行新港城先知開咗間甜品屋,同細佬同佢女朋友一齊食,豆腐花好好食好滑同夠晒熱,炸雪糕好特別,亦好好味,仲送咗個綠茶布甸,賣相就麻麻,不過好勁綠茶味!好好招呼,仲教我地點食個炸雪糕,仲好細心提醒我地小心熱會整親條脷,因為我地食d嘢一冷一熱!總括黎講好掂

呢間糖水舖其實已經去過好多次..次次去最少都叫兩樣,,,- 芒果卷- 炸雪糕次次去都係食呢d,,當然仲有其他啦 =]但由於次次去都係叫呢兩款...老闆同老闆娘已經認得我 次次一入去已經問係咪照舊,,哈哈不過炸雪糕真係超推介!!我最鍾意加焦糖醬...=]芒果卷次次食都好甜,,=]係芒果既甜,,十個推介 =]

糖水甜度適中, 滑滑地流蓮飄香最好味炸雪球勁大, 外脆, 內雪糕又沒有溶, 食時要有技巧,就是首先要切外四面先,不可切中間先,因為外面脆皮會散雷沙湯丸細細粒容易食芒果卷好大舊肉豆腐花好大桶腸粉好滑........總之樣樣都好食!!!!

食完海皇漁港食到一肚氣!之後順路試下呢間食評幾好既糖水店.試過楊枝甘露同芝麻糊,不過我地兩個都冇食晒.本來想外賣一碗芝麻糊比呀媽.....呢度一入黎就覺得怪怪的,唔知點形容!可能係個裝修怪!今人食得唔自在.我地兩個眼見入黎食嘢既人少之有少!得小貓三幾隻,食完晚飯10點幾應該係糖水黃金時間...老闆兩公婆做!但感覺佢地好生手!再看多次這店的食評才知道全部係抬高自己,攻擊同行的商業食評!好長篇好Hard sell!好假!以後都係信自己口味!今次都係比個中立啦!

今晚仔仔又扭計話要去食楊枝甘露，唔係唔肯訓，我睇了有人話芝麻糊唔好食，而腰果露有人話好正又有人講話唔香，咁就試下這兩個，今次女女就要試個炸雪糕，個楊枝甘露一定冇判官講得咁超甜同埋溝水，這度又唔係話超好食，但係冇話咁難食，起碼我個仔仔要扭計去食，都幾香芒果味，幾多芒果，我地食了兩次都一d 都唔稀呀。而老婆就食腰果露，碗糖水一放低就聞到好香腰果味，亦好滑，份量都幾ok，大碗過出面。而我就食了個芝麻糊，其實叫之前都心大心細，因為係網上面有人話唔香，個價錢又真係幾貴，但係見到隔離枱8個人叫了四碗芝麻糊，就諗應該唔差，唔係人地都唔會同一家人叫咁多碗，所以胆粗粗叫(唔好食最多咪下次唔幫襯)，等緊那時聽到職員同這枱人傾計，原來這枱客已經成日來食，食到熟晒。所以心諗應該唔係咁差je，唔係都唔會咁快有熟客。碗芝麻糊來到，都已經聞到少少芝麻味，到食落去真係好香芝麻味仲好滑o架，唔怪得人地真係一齊來食咁多碗芝麻糊，同埋份量都幾OK，食完一碗飽晒。由這度令我更加明白食o野唔可以只係睇價錢，仲要食下好唔好同埋睇下個份量，咁真係食得出係磨出來，而唔係開粉呀!又唔甜，雖然係貴d，但係都值得呀!因為我老婆試過係屋企整