生記山西刀削麵 (Closed)

同事建議今日試一試，本來亦無不可！入場找餐牌，正常價格。落單後，旁邊另入一枱內地同胞，操半淡廣東話，但跟店員非常熟落，瞬間即完成落箪，以為一切正常。等呀，等呀，隔離所點的全部都齊（五人份，五飲品），反觀我們（三人），竟只到了一份小食。經多次催促才到齊，鄰座亦剛食完。

今早去叫外賣，睇住餐牌叫水果茶女服務員：「我地呢度無水果茶」（態度串）我 ：「餐牌寫住先點」女服務員：「而家無就無」呢刻其實我都無咩野住，再繼續落單，要買單我 ：「請問可以用信用卡嗎？」女服務員 ：「只有Apple pay，無信用卡」我心諗Apple pay 裡面都係用緊信用卡🤔️🤔️我 ：「咁我用apple pay 吧」俾埋手機諗住俾錢時，女服務員叫男服務員黎叫佢幫我收錢男服務員：「我地無apple pay,只有支付寶」我無奈左一下，好，咁用支付寶啦，諗住算啦，接住左拎住張單我 ：「想問大概要等幾耐左右」男服務員掉頭走左，佢好似自言自語講左啲野但我完全聽唔到，再問佢問題，佢都當聽唔到呢一切都令我好無言！好啦，拎外賣啦！見到外賣我 ：「咦，好似無分湯哦， 你地外賣無湯嫁？」女服務員：「有嫁，你都無問， 同埋分湯要加2蚊㗎喎」真心串我 ：「你都無問我，咁加2蚊可以幫我

今日到元朗整車，放低咗部車去整，就喺附近食午餐。中午時間人流都幾旺，好想食酸菜魚，就同朋友一人一碗酸菜魚麵，之前已經食過呢間嘅刀削麵，刀削麵就比較有咬口。幼麵就滑溜一啲。酸菜魚麵$65 ，嚟到覺得好大碗，好多魚片，仲要全部魚都冇骨嘅，啖啖肉。個湯底好好飲少少辣。個面就吸收晒酸菜魚湯汁，個人最喜歡就係旁邊嘅酸菜，酸菜切得好有細，我估計應該係炒過嘅，因為酸菜係少少甜，同埋好爽口。再飲番一杯冰涼嘅凍檸茶，食完一點之後就開始多人。

店員服務態度好差，蒜泥白肉肥膏占9成叫人點食,問佢點解佢話本店蒜泥白肉是這樣，你想點。D咁樣服務態度叫人點再幫襯又唔夠人手，全店都冇服務可言，卡位D櫈D皮又爛哂，絕對唔會有下次

星期六熱辣辣☀️☀️☀️下午2點幾行到呢間餐廳嘅門口俾佢嘅冷氣吸引咗，冷氣夠晒凍好舒服😄😄咁就入去坐低試吓啦麻辣魚片拉麵BB辣$54，唔辣，啲魚片就麻麻哋，雖然夠多，但係太多骨，如果係鱸魚片會開心好多，個拉麵有幾好味，粗粗地硬硬地，手打係唔同啲，咬口唔錯👍🏻不過個湯真係越食越鹹🙇🏼‍♂️🙇🏼‍♂️蘭州牛肉米線$52，牛肉正常份量，平均每舊都切得細舊，牛肉會連少少筋，都算好味，米線淥得太淋麻麻地🙇🏼‍♂️🙇🏼‍♂️唔算太大碗總結：嘢食一般，手打刀削麵或者拉麵應該唔太差，冷氣夠凍好舒服

本來一心一意來吃炒刀削，點知無得賣，很失望，想即時起身走人，但又對住水吧，職員看著都好意思不幫襯，那就吃個下午茶啦。點了牛丸刀削麵，可能因為點牛丸，有點耐。因為對住水吧，麵檔就在水吧裡，所以可以看到噪國語的師父表現即場削刀削麵，有時覺得那些手工意粉都是綽頭大約實際，當然手工意粉同普通的會有分別啦。但這裡的刀削麵是即削入滾滾的水淥熟，真正的手工。刀削麵有它特的形狀，長條狀，2邊是波浪形，中間粗實，所以可以掛湯得來又有Q彈口感。牛丸就正常味道，下午茶$44，收貨了。

每逢星期六日放假就要諗晏晝食乜好 係元朗周圍行都諗唔到 就話入呢間食 🤷🏼‍♀️🤷🏼‍♀️蘭州牛肉湯手拉麵牛肉份量不多 得三四舊 不過個拉麵好多 麵質煙靭同個湯都好夾 👍🏻👍🏻因為叫左大辣 越食越辣 🥵🥵下次食中辣好了手撕雞湯刀削麵✨手撕雞同平時出面食既差唔多 刀削麵可以自己選擇淋/硬 薄/厚 好適合鍾意唔同口味既人食 叫左多芫荽同大辣 刀削麵同拉麵既口感完全唔同 但係都好吸湯 所以都好夠味 👍🏻蒜泥白肉 💯💯大辣，推介！❗️❗️賣相望落同平時食既都有啲唔同 份量都幾多 大大塊 有少少厚度 有差不多8片✨味道好好食 好香 又夠辣 肉質亦都好淋好滑 🤤🤤除左出餐速度有啲慢 整體都幾好 下次再黎食試下第啲食物👍🏻👍🏻

生記山西刀削麵 一間係元朗廣場斜對面唔起眼既小店：店面唔算大 冷氣勁🥶 枱與枱嘅距離都好近 有少少逼夾 我地係夜晚九點幾幫襯 得兩三台客 唔駛坐到櫈貼櫈😗 樓面以一班愛閒聊既姐姐們打理 落單呢啲重要野 係要客人重覆三四次既 專業！🙃我嗌左蘭州牛肉麵 (中辣 x 走蔥)🍜🌶係山西刀削麵館嗌蘭州牛肉麵 認真咩？😆正宗既蘭州牛肉麵講求嘅《一清二白三紅四綠五黃》 呢到無一樣中🤣🤣 好出其咩？不過撇除蘭州這回事的話 佢個麵唔差喎！湯濃 雖然唔係啲咩靚湯底 至少唔係淡茂茂 好啱配掛湯能力較差直身麵👌🏻麵一絕 師傅即叫即拉即煮 分量足 Q度爆分 有幾爆分？話說 個麵上台唔夠一分鐘 ...就“走鬼“了🤯 真係X左出聲 我二話不說起身破門而出 飛奔去元朗廣場救車 整個救參行動歷時七分鐘左右 除左成功達陣慳番$320之外🥳 個麵既Q度仲係到 有料到👍🏻成碗麵最似蘭州牛肉麵既就係佢既牛肉🥩 蘭州牛肉面追求既係個湯頭同麵質既極致 而非牛肉既嫩香 呢一點 佢做到了🤣 牛肉既調味料味重 有咬口 對於有牙線係身既我 輕鬆！🙃整體黎講 以麵論事 以$50食到呢個質素既麵 有誠意 我願意😗非專業評分 (滿分4👅)賣相

叫咗個雞絲刀削麵（小辣），真係大開眼界…雞絲唔係真係雞絲，佢完全係類似一舊食剩少少肉嘅雞髀，再係咁易打碎，就擺入碗麵度，成隻雞髀骨完整係度，小弟見識少，呢啲叫做雞絲嗎😂個雞得果少少肉痴住都算，賣相又差，仲要係冇味，完全唔想食😰湯底係正常，無話差。個麵就真係刀削麵，幾好嘅都！但衛生情況真係唔得，枱櫈都好油，呢個原諒佢，佢夜晚做火鍋係咁上下，但由出菜個窗口仔，見到廚房佬係冇戴口罩，而家咩時期…食都食得唔安落😓真係無下次…

點左一個麻辣蕃茄紅燒豬骨面 雙拼燕子餃先講湯底，麻辣帶唔出麻既感覺，大概係花椒份量不足夠，或炒得唔夠出味。蕃茄味亦不算主體，只有咸香濃味味感，辣味只靠辣油辣椒子帶出，最後面頭放上芫茜葱。餃子就正正路路，口感同個味道都okay，唔會話好厚皮，口感比較平均。豬骨方面，食落係用係熬湯後既豬排骨，組織上比較鬆散，冇糖炒上既焦糖醬油味肉味亦流失。面底方面，點左幼身刀削麵，一碗面入面 厚度各有偏差，比較厚既面條顯得煮得唔夠淋身。連凍檸茶，價錢為$58，份量滿足到飽肚感。

正呀！放工去食宵夜，同事提議食刀削麵，咁我就冇咩所謂啦，咪試下食。落完單，等左30分鐘終於上菜，望住四圍既空檯，佢都用左半個鐘整，一定加左好多心血同時間，好感動。哇係，個麵一來到，我當堂嚇咗跳。在地美食新鮮幼兒小強，驚我哋唔夠營養加多啲蛋白質。為咗多謝師父嘅一番心意我決定擺上嚟分享下。大家記得多多支持！完

用手機點完餐、等了半小時都未有、叫佢吹下、只話落左單啦、就走開、態度差到、等多十分鐘野食到啦、個侍應大大力張碟麵抌落張枱度、本身明明叫咗走青椒、芫荽、蔥！但最後都有囉野食又唔係好食、都唔知點解可以態度咁鬼死差、試過依一次、認真唔會再有下一次囉

行過元朗，見到門口寫住山西刀削麵就入咗嚟。本身諗住叫麵點知打開餐牌見到有好多川菜選擇，烤魚、火鍋、酸菜魚乜都有。我哋最後決定叫一碗刀削面同一份酸菜魚。手撕雞刀削麵（小辣🌶）凍飲+$2刀削麵超粗，好大條！食落好有口感，好煙韌，但份量太少。湯底係牛腩湯底，幾好飲。辣椒醬好香，吾算辣。整體來講$50一碗麵有點貴，因為份量好少，無論係刀削麵定手撕雞，份量都太小。酸菜魚（小）$298一上菜見到成大盤好驚喜，估唔到細份都咁大兜，撈一撈成兜魚，魚嘅份量比一般餐廳的份量多好多！最難得嘅係魚塊夠新鮮，大塊，入口嫩滑，冇腥味！我哋點左小辣多酸，辣度似微辣。如果鍾意食辣嘅朋友，要點中辣/大辣。由於魚嘅份量好多，第一次白飯都吾洗叫就飽左！總括而言，刀削麵CP值低，酸菜魚質素好，不過上菜要等15分鐘以上。另外，見到周圍枱好多人都點咗烤魚，下次會過嚟試埋烤魚。*ps*今次我哋係7:00pm walk in,好彩地等咗幾分鐘就入得，俾咗張六人枱我哋兩個坐。7:30pm打後好多人等位，建議大家去之前可以先book位！*不設加一服務費*

夜晚路過千色果間生記山西刀削麵，突然挑起條筋想食，基本上大部份都分左做湯麵、炒麵同撈麵。咁本身我想試下叫雞排撈刀削麵，不過點知落單果陣佢話無，所以最後就變左做炒麵。以前試過食佢地既刀削麵，但覺得好硬好厚，食得耐就會咬到好攰繼而唔想食，所以之後一直都冇再叫過刀削麵黎食。不過今次再食，意外地覺得好食左，刀削麵既軟硬適中，加上本身個炒麵又辣辣地，非常開胃。不過杯凍檸檬茶就唔係咁得，飲落去相當苦澀，就算我本身鐘意澀澀地既檸檬茶都唔係好接受得到。

喺六點後禁堂食既時期無辦法之下唯有叫下外賣返屋企食本身想叫撈麵，不過話無做，唯有叫返湯麵小辣我覺得完全唔辣可能無分湯既原因，麵比較軟，麻麻地不過都對得住依個價錢既手撕雞不過不失