生記滷味

Open Now

Now Closed

生記滷水見門口大大隻米芝蓮、大量明星光顧的相片和報紙報道，就入咗去試下。入面有大約有十個堂食位置。但絕大部份人都買外賣加料，外賣keep住賣過不停，生意十分好。滷水獅頭鵝（例牌）$168白飯$15老細免費送湯（苦瓜黃豆湯）例牌唔細，用豆腐墊底，吸曬滷水汁🫶🏻鵝in general 唔算肥，有一部分鵝片都冇肥膏，肉嘅部分幾多👍🏻 配有一碗酸醋汁，夠酸，不用點太多已經十分夠味👌🏻滷水加鵝油撈飯一流。兩人share，分量岩岩好🙆🏻‍♀️結論小編覺得啖啖肉食得幾滿足，有湯水潤下，老細都主動建議我哋食滷水鵝例牌，亦好風趣有人情味。至於屬米芝蓮，小編則覺得有點太誇張。如果經過可以一試～PS 由細到大都聽對中醫來説是「發/毒」物，不過上網搜尋原來鵝「適宜身體虛弱．氣血不足，營養不良之人食用。補虛益氣，暖胃生津。」、「無病無痛者，吃鵝不妨，身有疾特別是有皮膚病或傷口者，不宜吃鵝」。所以適量食鵝（於肉類中含較多好的油脂-不飽和脂肪）是有益的🫰🏻

行西環，想食滷水鵝，竟然就停左係米芝連推介的生記滷水味。選擇唔多的，但咁先好，專注做一樣野做到最好！ 我地五個人點左半隻鵝，好夠食，肉汁鮮美，又嫩又夠味。而且服務態度好好！ 👍🏻

点了鹅片饭打包带走，60块，味道还行，中规中矩吧。鹅片切的挺大块的，但不是很多，有两大块带骨头的有点锋利，米饭比较标准，汁稍微少了点，送的汤也不错。服务可以的，墙上有很多照片感觉很有历史了。

鵝肝好食,分享下經驗,有次去買外賣,抨完後比錢,轉頭見佢斬緊,福至心靈見到剩左一份無斬,先問佢話應該無咁少,點知惡過你話就係咁多,跟住我指住板上同佢講呢舊未斬,收錢過即刻打㘣場話做乜咁唔小心,跟住送左兩舊豆焤.

今日在上環百無聊賴，周圍亂行之際，見到呢間貼滿晒明星相嘅滷味店，寫住李嘉誠都食，即刻提起左興趣。係店舖附近觀察左一會發現到很多人買半隻滷水我返屋企加送，咁啱今日人齊食飯等我都試吓買半隻，斷斤即稱半隻滷水鵝盛惠$274，價錢來講我覺得都合理，因為平時深井買一隻燒鵝都要五百幾。揀好鵝之後師傅就幫忙切肉起骨片鵝片。返到屋企就即刻試吓鵝片，不得不讚老師傅刀工很好，鵝片片得很薄，係比平時出邊滷水鋪片得更薄，鵝片肥瘦適中，食得出有鵝味，令人食唔停口，不過滷水味就唔係太出，點嗰啲豉油汁都比較鹹。整體嚟講佢都冇對唔住佢呢個老招牌，可以值得一試。

今日3號風球坐車去買外賣🤭之前一直都想試呢間滷味係因為睇過香港美食一條街嗰3位矮俠介紹過😎😎😎所以成日都心思思😆😆😆今次對佢哋啲滷味方面係ok同滿意😊半隻鵝$290鵝肝 $300兩個腎$80豬大腸$20鵝紅 $302盒飯 $20承惠$740

以前係紅磡生記fans, 雖然貴，但鵝肉嫩滑，滷水味香又唔覺有味精。見上環尾有，特登去買外賣。激死人啦！買咗下裝，d肉唔係太入味，肉又硬，好似用d雪藏咗唔知幾耐嘅鵝去鹵。又唔香鵝味！ 唔會有下次！

今年團年飯由大家姐發辦， 佢話要自己砌個富貴盤菜， 跟手就話想買滷水鵝來墊一下， 於是我地就來到西環， 試這間。除左主角滷水鵝之外， 我地仲買左豬大腸、鵝肝、滷豬手、豆腐。極想試鵝頭頸， 送酒一流， 但因為驚食唔哂，只好留待下次。滷水嘅味道非常好， 唔太咸有香味， 鵝亦滷得很入味， 鵝肉質感唔錯， 不過屋企人覺得隻鵝唔夠肥，偏瘦所以缺少了一浸油香。滷豬手是Q彈得嚟有點爽，唔係煮到腍軟嗰種。鵝肝有點硬。整體來說是味道很好，但質地就各有所愛。我本人覺得還好，是會回購的，是關家陣要搵夠味好味嘅滷水鵝一點都不容易。

話明掃街梗係唔少得鹵味喇，同埋我自己都好耐冇食過鵝~因為我見佢啲價錢都唔平所以淨係嗌咗份鵝中翼。返到去打開發現其實嗰份量真係好少，好彩唔係將佢放主煮食，都當係過口癮，但佢係滷得都幾入味嘅~感覺有啲唔抵食啫

是日超級想食鹵水，於是deliveroo 叫咗嗰鵝片飯+鴨舌+鵝腸鵝腸唔錯 彈牙爽口鵝片就唔得，好大舊，而且好鞋，最後都係食唔曬鴨舌厚肉，爽口，不過個人喜好淋身入味d嗰種。間嘢好似有d 名過於實wor

嗰日去西環經過呢間舖頭 有人話佢好出名所以我就喺佢哋度買咗啲手信🙈🙈🙈我就叫咗鵝腸 鵝珍 同鵝頸講真我覺得佢個鹵水完全無味 得顏色同香味雖然鵝頸價錢係超抵 但係肉質同味道完全唔掂🤯

買咗個滷水鵝飯（$50）加鵝腎（$20）回到家發現 滷水鵝大部份都是肥膏，肥膏係完全冇肉，擺唔到落口，仲要舊舊都係我想問吓呢個飯叫我點食？老字號？真心非常失望，絕對冇下次

as a "ga gi nang" our standard for chiuchow food is pretty high (especially when it comes to lo shui). have tried many places in hk and most of them is not comparable to the lo shui in chiuchow. expect for this place.. the foie gras is to die for!! literally melts in the mouth. although its slightly on the pricey side ($300 for one) nevertheless should get it when you have a group over for dinner. also tried their gizzard and goose slice is decent and fragrant.. dont feel thirsty afterwards. 

今日早上因為紅雨影響下，我返到公司已經全身濕晒，心情極度差，老公為了我走去西環買我最鍾意食嘅滷水鵝片同墨魚片🦑，佢哋嘅滷水汁真係冇可代替滷水鵝片，每塊都切到厚薄均勻，盡顯師傅手工，而且鵝片又冇乜肥膏吾太肥膩，好正，滷水汁好入味食到停吾倒口，一片接一片！滷水豆腐好Q彈，又吾鬆散睇吓鵝片真係厚薄好適中架，咬落去吾會太油膩滷水墨魚🦑煙煙韌韌，吾太硬，又爽又，塊塊都幾有咬口嘅其實D個甜酸菜先係主角，吾太鹹、甜甜地，好野味，用嚟餸潮洲粥一流

呢間滷水店係西營盤好出名，舖頭外面貼有唔少宣傳名人幫襯。一於叫啲滷水外賣，返屋企加餸。滷水鵝肝 $30- 鵝肝口感比較鞋，少咗一份油脂嘅感覺，食多幾塊都會覺得滯，加埋白醋一齊食會幫助消滯，唔錯。滷水鵝腎 $40- 滷水鵝腎口感爽脆，同鵝肝有強烈嘅對比，不過味道較鵝肝重，滷水鹹味過強，要浸一浸白醋去除過多嘅鹹味。爽口彈牙嘅口感係一大重點，如果想試呢度嘅滷水我會推薦鵝腎。