生記滷味

Open Now

Now Closed

放假同另一半去港島西半日遊，行下行下就肚餓了，碰巧行到生記滷味門口，一望入鋪面就覺得幾特別（恕我以前無聽過呢間西環有名滷水店），牆身除左餐牌外，就黏滿生記滷水新聞報導，老闆老闆娘同各路名人嘅合照，咁特別嘅鋪頭當然入去試一試。坐低先發現原來仲係米芝蓮2024 新上榜餐廳💯😍。我地叫左兩個套餐，滷鵝片飯同滷豬手飯，鵝片肥瘦適中，味道都唔錯，飯配有滷豆腐同鹹菜，唔會太鹹，送飯一流。最有誠意係每個餐送碗足料熱辣辣黃豆涼瓜湯，出街食飯都有湯水滋潤🥰，滿足。堂食客人唔算太多，但外賣客源源不絕，有機會都斬料返屋企俾屋企人又試試呢間米芝蓮滷水。