相撲手日式放題 (Closed)

今晚又同班老友聚餐，今次去左相撲手食日式放題，呢度簡簡單單既裝修，座位舒適，侍應服務態度都唔差！ 呢度食物款式好多種類，好多選擇，刺身，壽司，卷物，炸物，串燒，天婦羅，燒物，沙律，前菜，真係樣樣有，甚至連湯同甜品都有，滿足晒我地班大胃王！刺身款式都算多，我地點左三文魚都幾厚肉&新鮮肥美，油甘魚都鮮味，馬刀貝口感爽甜唔錯，帶子鮮甜好味，玉子旦&劍魚腩同吞拿魚不過不失，值得一提連生蠔都有，大大隻好肥美好鮮唔腥都幾好食！燒物中，燒蠔都好好味，面頭放左d芝士，燒都岩岩好唔會過燶，美味可口，食多幾隻都唔覺得漏！ 鹽燒多春魚，燒既時間都控制得好好，燒到岩岩好熟，唔會太乾身，亦唔會過鹹！炸物，大八爪燒，外脆裡面好彈牙，芝士春卷脆卜卜，香濃芝士配春卷一齊食好夾，炸海老炸得金黃香脆，亦非常唔錯！最後甜品焦糖燉蛋，熱熱地甜度岩岩好，我個人就非常鍾意食，另外個個就不過不失！

尖沙咀好多放題揀，而今次係第一次黎呢間！餐廳佔全層，好多座位提供！未介紹食物之前真心要讚讚餐廳既安排，平常食放題，有食同難食都好，都有一個弊病，就係食到一半就成枱係碟。之後loop既就係兩碟食到一半既放埋一碟>空碟無人收>層層疊咁成枱係碟....呢個情況都幾煩惱，亦幾影響食野氣氛而呢度有個兜兜，專俾你放垃圾。再有個專人清理呢個兜兜同枱面既空碟，速度亦好快！基本上成個過程張枱都未試過全滿！勁爽！介紹返推介既野食先:羊架，燒得好香，唔肥膩得黎又夠腍，呢個我encore再食多兩件！壽司：依家放題既壽司都係玩花款野，依度mix and match得幾好！反而較“傳統”既花之戀有驚喜，蟹子夠多，三文魚新鮮肥美！正！哈！估唔到有白雲凰爪，平時係茶樓都唔捨得叫，幾十蚊得果幾隻！依家可以任叫！味道都唔錯！係蟹腳呀係蟹腳呀！估唔到自助餐既野都可以係放題食到！質素都幾好，蟹肉鮮味唔會霉價錢都好合理，優惠左就等於唔洗加一

完全失望！！！食物種類已經好小 味道同賣相零水準 刺身又唔新鮮 啲侍應態度又差 明明一開始講左10點半先係last order 但係10點已經走埋黎催我地話截單 唔會再有第二次！

人逢週末精神爽，天氣大好的星期日零舍醒神。而假期食好西也是指定動作，今天目標是飲飽食醉！尖沙咀除了逼還是逼，所以逛街真的很累人，但優勢是在這區很容易找到有興趣的餐廳。逛完街不能待薄自己，選擇了這間想試很久的放題來到門口店員就在不遠的過來收費及安排入座。場內有分幾個部份，坐的位置算是偏廳，但要出去拿飲品還是非常的近。花多眼亂的「點心紙」，光是剔剔已經非常期待了！好喇 開波！食物方面，先推介一個驚喜之作，創作壽司裡的 泡菜蔥蒜和牛。不管你喜不喜歡韓食，我還是覺得可以試試。平常怕吃生牛的我也竟被驚艷到了，泡菜與和牛的配搭實在很妙！和味鍋仔爽牛筋，名字有點大排擋風味小食的Feel ,事實上也很夠火喉。份糧也比想像中大，雖然蘿蔔比較多，但牛筋數量也很充足。牛筋爽而不un 讓我們非常欣賞，而且索了湯汁的味道後非常惹味。放題主角無疑是刺身了這裡還有長腳蟹！三文魚也是很厚切，絕不欺場。翡翠螺、馬刀貝是我近期大愛，非常爽口彈牙，最重要是 新鮮！帶子也是非常爽滑，好好滿足了我對刺身的期望。生蠔一開始並不在點菜紙上，是準備好了店員才會逐枱派發點菜紙。因為我倆其實本身腸胃都不算十分好，平常盡量避免吃生的海產類

刺身冇樣新鮮，啲赤蝦同生蠔吃1隻以經唔想再吃，其他野都平平冇其，冇樣凸別好吃，真係吃過放題以黎最差既一間............................

同事和女朋友慶祝周年紀念到訪過這間放題回來後像是誓要推到見報的架勢來推薦這間餐廳後來眼看這個週末約了朋友來到逛1881內的聖誕市集剛好相撲手又位於尖沙咀 便前往一試吧我們book 了6:15pm 的時段 已有許多座上客 場地頗大 分為兩個區域一般放題都會是刺身首輪上場但我們的第一道菜竟是焗蠔雖然不是即點即焗 但蠔肉比一般放題店大上幾個身位 不是蚵仔的size刺身中最吸睛的非長腳蟹莫屬罕有的食材 有淡淡海水鹽味 只是較懶剥殼三文魚油甘魚均為厚切 口感豐盈翡翠螺和鮑片爽口彈牙 成為我encore 的目標份量很多很大一鍋 牛筋非常軟腍 吃了很多骨膠原的感覺原來有點忌吃生牛肉生怕一個不小心吃進細菌 所以跟朋友只點一人一個淺嚐 後來卻打臉追加了不少次待廣播後才可以點單的生蠔肉身頗肥美 唯不夠鮮甜 亦沒有提供辣醬店家奉送的湯品點餐紙是沒有的 一盅兩人share 有點飽呢牛柳粒與菠蘿是需要無限loop的牛味濃郁又沒有筋 菠蘿並不是太甜反而是我的菜 因為酸酸甜甜才開胃嘛最後吃了兩個芝麻冰淇淋才記得有甜點奉送每人一杯 木匙好可愛 吃完我還洗乾淨帶回家 燉蛋有點烤老了 口感不夠滑吃到中場的時候全店會為壽星

放題一向都陪我走過好多人生既ups and downs, 食野真係完全可以令人覺得開心！見早排有朋友Facebook打卡話呢到好似唔錯，我就同朋友黎試。每去一間放題我都會留意佢地個menu design, 最喜歡既就係圖文並茂版。呢個仲咁colorful, 真係未點菜，先興奮呀！叫左個蟹粥同朋友share, 其實唔係好有蟹味，不過都幾足料，有粟米同菇既香甜，仲有好幾舊蟹可以食。叫左串燒牛同牛舌。我係唔食牛舌既。牛肉就好好食！勁軟嫩，唔會燒過龍。外面個層仲好香，火候掌握得好好！好少去放題有呢d食，通常都係去中式茶樓先有呢d, 不過都幾好。除左天婦羅有d中式炸野食下都幾香口呀！每次我都要食既蟹籽沙律個蝦好大隻！不過條腸有d沙，原條燒又真係好難避免既。羊架好香！又好厚，但唔會唔熟。呢個係我既放題至愛！每次都至少自己啪4粒！真係好甜！呢到服務都幾好，keep住有人同你清骨。不過座位就逼左少少。整體都有3/5分既！

雖然天氣涼涼地，都唔會減低我地對日式放題既興趣，最鍾意就係唔洗就住就住，不停食刺身！ 尖咀相撲手日式放題都唔錯，款式多，食物質素亦唔錯！刺身三文魚厚切，新鮮啖啖肉又肥美！ 象拔蚌夠新鮮既鮮味爽口，一d都唔腥！ 牡丹蝦大隻好鮮甜肉質口感新鮮！ 北寄貝大大隻，蠔肉唔腥又爽口！ 厚燒玉子蛋，外面燒得岩岩好，凍食口感非常好！ 火灸壽司，岩鹽燒三文魚，外層輕輕燒過加上少少鹽上面，係食三文魚既另一個唔差選擇，法國鵝肝，份量都ok，鵝肝甘香得黎，外層少少煎過效果，內裡淋淋口感唔錯！ 火灸鰻魚，鰻魚燒得岩岩好，味道唔錯！ 牛油果卷物，牛油果新鮮淋身，非常好味！呢到特別之處，連中式湯水都有，原盅燉湯，都足料味道都好清甜唔錯！ 就算食多左炸物都唔怕熱氣！ 飲品以罐裝為主，選擇都好多！

生日就是食好野既藉口：P原來都有成兩三年冇食過放題，就同好友去食：）餐廳環境走日本風，坐位好寬闊，值得一讚！就算一大伙人都唔會好迫，所以都見到幾多人係度ReU。欣賞刺身係厚切，唔係孤寒一粒粒咁。刺身好大件，最高質是三文魚、油甘魚、帶子馬刀貝。三文魚厚切肥美；油甘魚部位、色澤都好靚，肉質厚實；馬刀貝爽口鮮甜；帶子唔算好大粒，但都好鮮甜。吞拿魚、蝦同蟹腳則中規中矩，味道不算太突出，蟹腳味道微鹹。好少放題有得食生蠔，我地一人叫一件試下，是令人出乎預料的新鮮、肥美！海水味相對淡，但味道鮮甜。見到其他客人都有叫，而質素都係好好。👍🏻👍🏻👍🏻特別一讚係店鋪d串燒，絕對唔會因爲專注刺身而hea，豚肉、牛肉（安格斯一口牛柳粒）都好香口juicy !（唔記得影）牛柳粒是5成熟👍🏻👍🏻店鋪的食物款式好多，而且幾獨有。炸orea(名叫酥炸蛀牙餅）真係第一次係放題有得食，熱熱脆脆的，配上微溶的忌廉，好味過普通一塊oreo好多！XD海鮮忌廉湯好足料，有蝦、蜆、青口等，稀稠度剛好，味道鮮甜有奶香。燉湯係食到一半時送既，每枱一盅。好有氣，感覺好滋補😀材料有粟米、紅蘿蔔、眉豆等等，幾足料！食生冷野，飲一盅熱湯，感覺特

又係食放題嘅時間啦！岩晒我同一班大胃朋友，今次去嘅係尖沙咀呢間相樸手！呢間係朋友介紹嘅我就第一次食呢間，好彩book左位，人客都好多，心諗應該質素有返咁上下，果然冇失望！先講生蠔，吾係好多放題都有得食生蠔，而且呢間好新鮮，食落仲好重蠔味，正丫！呢一回本就係食刺身，款式好多，而且都幾新鮮，三文魚係厚切，口感好正，另外帶子都係我至愛，係大大粒，冇雪味，encore左幾次！壽司平時食放題我吾會多食，但呢度有好多特色壽司，仲要有海膽，正丫！有款下面係吞拿魚碎上面加海膽嘅都幾甲，大家可以一試！熱食方面，天夫羅不過不失，即嗌即整，上碟時熱辣辣，要親熱個時食好味d，另外蟹粥都好多料，粥有蟹味，都吾錯！仲有金菇肥牛卷同燒八爪魚丸，吾係好多放題有得食，好好味丫！金菇肥牛卷加左蒜更香口，好味道！整體都好滿意，服務都幾好，上碟速度都可以接受，而且又有生蠔刺身又靚，絕對可以再嚟過！！

今日一到放工時間就即刻拎袋走人，事關約咗朋友食放題。今日嘅餐廳叫"相撲手"，第一次嚟唔知質素如何呢？一去到店員就安排咗我哋坐窗口位，位置好闊落，唔會叫多少少就擺唔落。食物選擇有好多。打頭陣當然係點刺身先啦。第一回點咗馬刀貝、帶子、榮螺、呑拿魚、三文魚等等，嚟到嘅時候嘅數目有俾足㗎，而且魚類嘅係厚切。我個人好喜歡食馬刀貝，依度嘅切得幾大塊，好爽口而且鮮甜。帶子亦都唔錯。每次放題我都會叫枝豆食，不過有啲餐廳會烚到淋哂，又或者俾得太多鹽去整，依度嘅枝豆烚到啱啱好，最後我差唔多成碗食哂。牛油清酒煮蜆係我叫嘅，原先諗住只係俾一碗仔幾粒，點先上菜時見到係一鍋好多粒。味道上算ok啦，如果少啲牛油味，多啲清酒味會更好。串燒類我好推介俾大家，尤其係菠蘿同豬肉。菠蘿好甜好多汁，要讚佢唔係罐頭菠蘿，有菠蘿皮一齊燒㗎。串燒豬肉燒完都仲有唔少肉汁。臨尾我地兩個都戰鬥力下降，叫親都係一件起兩件止。我最後叫多舊芒果軟殼蟹卷，啲芒果好甜，同軟殼蟹非常夾。點解隔離枱都係兩個女仔，可以食足兩個鐘，而每次都叫勁多又食得哂？店家好有心有燉湯同燉蛋送，兩個都好好味呀！

中意食蠔既我，係門口行過見到有蠔任食，即刻走過去望下，268呢個價錢中規中矩啦二話不說，一坐低即刻叫蠔蠔肉食落滑口，唔腥，夠爽口日本蠔嚟講，都幾大隻架刺身款式都幾多，三文魚同帶子都好鮮甜長腳蟹又預先剪開左，啖啖肉壽司飯團偏細，食多幾粒都仲得左邊既象拔蚌咬落爽脆，鵝肝係細份啲，不過都夠肝油香味天婦羅有炸oreo同炸香蕉，好少地方有外脆內軟！中意甜食唔好錯過！！呢度既燒物係最正咬落去係會咇汁架，一定要食牛脷，唔太醎又唔韌😋燒菠蘿用左偏熟菠蘿，係勁甜，又少喳每張枱送一小煲湯，另外見到同場生日有侍應送特別甜品，熄哂燈播歌有氣氛Overall 都算抵食

間唔中係尖沙咀返工，都有聽過相撲手放題食物質素唔錯，終於今晚有機會來試下！首先立即來一盤魚生，種類款式都好多，每片魚生厚度都好平均，三文魚好新鮮，帶子非常鮮甜，不知不覺食左好多，最令我驚喜係居然有生蠔，好少放題係有生蠔，仲要沒有限多少，食多幾隻可以回本！接著就來幾款賣相幾靚的壽司，一來就食左件生牛肉壽司，估唔到牛肉中間有泡菜，所以味道變得酸酸辣辣，好有趣的味道。跟住食左有個用酥皮做既壽司，酥皮中間一樣有少少飯，上面就有少少三文魚，酥皮比較硬，麻麻地好食。來到熱食先來一個燉蛋，熱辣辣又有蛋香，食到底仲有隻蝦，接著燒物就到，串燒及羊架，還有焗蠔，焗蠔好好味，蠔上面有個芝士汁，令到焗完隻蠔唔會乾身，仍然食到蠔的鮮甜味，值得推介。食食下有店員拎左碗湯過黎話係送的，湯都足料，蘿蔔、粟米，足料夠晒甜，仲有啲咸，不過熱辣辣的湯幾正，食左咁多壽司，可以中和下！最後叫左天婦羅，最特別的一種天婦羅就是天婦羅Oreo！即是炸Oreo，真的沒有食過，幾有趣，Oreo外層像是多了酥皮！

朋友介紹黎食相撲手放題，話有宮城蠔任食，價錢268，入座前付款9折，可選6點或8點45分時段，我地8點45分個輪唔算太逼人，好快可以入座，第1輪野食當然是宮城生蠔啦，生蠔新鮮，好creamy，惜鮮甜度唔高，質數是中等，任食質數黎講收貨。再到刺身環節，呢度選擇很多，有三文魚，油甘魚，帶子，北寄貝，長腳蟹，螺，牡丹蝦，燒玉子，等。最正係帶子同牡丹蝦，好鮮甜呀！放題有長腳蟹都係第1次見，肉質都唔錯。侍應送上原盅燉湯青紅蘿蔔煲瘦肉，係啱啱食完大量生冷野飲就啱哂個胃暖番再繼續戰鬥，炸物好鬆脆，有好多炸甜品，炸oreo 我都係第1次食，原來都幾好食架喎，熱辣辣又香濃朱古力味，叫做蛀牙餅，仲有炸香蕉，炸日本紫薯。串燒水準亦出色，燒牛舌最正，夠爽滑。燒羊架水準有驚喜，肉嫩唔油，好少可咁成舊食哂，推介!有生日驚喜環節，忌廉汁吞拿魚薯蓉他他，放煙花播生日歌夠哂氣氛埋尾時段食燒菠蘿，燒熱左更香甜呀！忍唔住安哥多次，一樣咁甜，正。坐到11點幾，可以慢慢食慢慢飲，可惜食唔落雪糕雪條啦！下次再去!

上網見到相撲手有生蠔放題，所以今年生日都決定食相撲手！生蠔好新鮮而且都好肥美！我地瘋狂地食左三次！好多有特色既壽司，特別難忘左上角既壽司，因為佢用左水果啫喱，口感超級清新！另外鵝肝帶子壽司都好好食！鵝肝既香濃加上多汁鮮甜既帶子！好正！炸物既炸蟹蓋好正！配料豐富，味道好！芝士年糕都好正！外層炸得好香，但年糕就好軟糯，有濃濃的芝士味！炸Oreo 好驚喜！炸左之後更邪惡！不過更好食！日式海鮮蒸蛋，蛋好嫩滑！味道不錯，食得出有加入高湯！幾好食！吞拿魚他他蛋糕用酥皮盒取代疏打餅，好特別！除左寫紙仔點既生蠔外，仲有現場即開既生蠔！最後食番個甜甜既雞蛋布丁做甜品