福彩海鮮酒家

Open Now

Now Closed

兩個人飲早茶，福彩是一個好選擇，易揾位，價錢尚算便宜。濃湯鮮竹卷是這最美味的點心，皮薄料多，很入味，比其他高級酒家做得較出色。盅頭飯很抵吃，不用$20已吃到，比街市的便宜。排骨鳳爪飯好味些，鱆魚雞粒飯比較差，因為鱆魚不夠香！蒸粉果是晶瑩通透的，味道ok, 皮薄，也是健康之選。牛肉腸粉，拉得也算不錯，有牛肉味、滑的！炸荔芋可以不試啦！不夠熱、不夠脆、芋頭不夠香，可能不是時令。服務質素較不理想！自行找位，但坐下了，侍應卻多次要求客人移動位置，因為有些位是留給熟客的。為甚麼枱上卻沒有擺放"已訂位"標誌"？作為大型屋邨的酒家，以老人家為主要客人來源，如果我們不持高要求的話，在這裡飲茶是可接受的。吃五、六碟點心，每次也是少於$120, 可有甚麼期望呢？

假日一行五人到福彩飲茶，11:00不用等位直接可以進去。很多食客，因此枱與枱之間空間不多，主要做街坊生意。碗碟衛生程度還可以，但侍應人手不足，茶壺要加水需要耐心等候。今次點了8款食物，2款值得推薦，1款有伏，其餘5款中規中矩。值得推薦系列：1）五香芋絲糕少有酒樓有芋「絲」糕！細絲芋頭增加了表面表積，讓油煎後，更香脆，芋味香濃，十分推介！2）桂花紅豆糕本來覺得這個配搭很奇怪，但是當這桂花紅豆糕融化在口腔時，便覺得桂花的清香和紅豆的豆味原來一拍即合。這款甜品不太甜，又有椰汁味，非常有驚喜！中規中矩系列：3） 鴻圖窩伊面抵食夾大件，有很多配料：蝦仁、魷魚、叉燒、肉片、雞片、冬菇…面的份量也很足，粗麵沒有鹼水味。只是味道普通，正正常常。4）圓盆馬拉糕馬拉糕很大個，每個人都分到很多。夠鬆軟，也有蛋味。5-7）蝦餃、叉燒包、油菜味道和口感都跟一般酒樓差不多，普普通通。中伏系列：8）藥膳雞腳別看這雞腳的皮已炆到溶化了，實際上他的筋腱位置還是很硬，老人家咬不動。他勝在花生夠多，也很大粒。但是雞腳就不值一試了。整體而言，酒樓主要做街坊生意，平時與家人朋友吃飯飲茶還可以

第一次黎試下福彩晚市，星期日晚周圍d酒樓通常都滿，所以提早兩三日訂位。到左訂位時間黎到，都要係門口一段時間等佢安排入座。星期日晚真係好旺場，枱同枱之間拍得都近，難免嘈雜抵讚既係野食選擇多，價錢亦大眾化，做街坊生意。味道方面感覺可以，不能期望太高，特別係幾乎枱枱都叫既片皮鴨，皮同鴨完全無預過分量，食完d鴨仲淨返勁多塊皮，d皮亦全部痴埋晒一齊，完全無顧食客感受，因為好難拎到一塊完整既皮出黎D鴨肉主要係脂肪，同好少肉樓面經理態度可以，但傳菜姐姐好惡結論係：唔帶任何期望純粹同家人食一餐飯，不過不失

星期日早茶帶位混亂。未坐低已經有不快。在酒樓門口寫咗紙仔，叫我入座，檯號係301, 入到去知客又話唔係，在紙仔上加上唔知咩符號，然後用手指，指著遠方說那張檯，我唔知佢指邊張，問係唔係那張方檯，佢唔答，只話嗰張，我問佢即係幾號檯，佢無答，過了一秒鐘，佢有 d 誨氣咁話 : 我帶你。一路行，一路話 : 真係麻鬼煩。然後帶到入一個房，去到房門口就交俾另一個樓面，佢叫我坐一張方檯，檯面個牌寫41號。我坐低咗，然後用電話通知友人檯號。無幾耐，樓面又話呢張唔係41號，轉咗個牌做31號。

表弟的大囍日子，婚宴當夜！當然要來賀他一下。設宴沙田福彩。來到果然真的是挻有氣派...環境算是裝修得美輪美奐..這裡相信都會吸引不少在此區生活的準新人⋯⋯有幸坐在主家席其中一圍.第一道菜例牌是乳豬來的.這隻大紅乳豬全體，乳豬的大小適中皮吃起來非常之脆，而且肉也很甘香.在最底的豬仔肉也很嫩.蘸點甜甜的乳豬醬來吃，真的不錯。稍嫌的是皮下的脂肪偶爾多了一點點。接下來的是碧綠花姿大帶子.大大粒的帶子與青紅椒同炒。帶子鮮味十足且彈牙有咬勁。帶子數量非常多.加上西蘭花軟硬度剛剛好。真的合格有餘。發財肉環瑤柱甫。用上原粒的瑤柱甫確實用料足。原粒瑤柱煮得軟淋。能吃得一口濃郁的乾瑤柱味。玉環的節瓜也煮得軟淋。色水夠濃，相對蠔油茨汁也夠濃味黃金炸釀蟹柑基本上即是炸蝦球隔離親友説食落蝦味不重...本人認為蝦球外層炸得脆脆的。而且真的是非常之熱.蝦肉挻彈且結實這已經是很不錯了！還要談什麼蝦味重不重...紅燒海皇生翅。看上去至少不會是槳糊翅已經是很開心的了...再吃下一口，湯頭帶點雞湯鮮味。而又不過鹹！花膠切得很細，比起針翅還細！真的不知要讃酒樓的魚翅夠足料...還是花膠下得太吝嗇，但真心果句！應該是屬於前者吧

近期和家人喜歡到福彩飲茶，點心質素不俗，星期六早茶抵食。想起沒有到來晚餐很久，終於多年後再重臨食晚飯。七時三十落單，冬瓜盅已售韾 。 片皮鴨 一隻  $118，二食薑蔥炒鴨肉 $58。 一魚兩食 $268，炒蝦球 $68。 五人食份量都夠，免開瓶費是大優點。片皮鴨 刀工不俗，一魚兩食亦頗佳，炒蝦球亦收貨。 只是 炒鴨肉 可以叫第二味餸。 服務無特別，睇評語好差，但親身又唔覺。 埋單 $660, 家常便飯，坐位舒服，可以再來當飯堂。

上星期阿媽做壽在福彩叫了個$4588全包餐！食物質素不錯 , 有水準 ！最開心安排給我一間房 還有一個阿姐全程招呼 , 全家人都好享受這餐晚宴 大部分人六點多已經在茶樓由於等至人齊才開始。甫坐下，送來蝦子花生作小吃，香脆可口人齊一於開席打頭陣的就是乳豬全體侍者在給我們大家拍照後。幾下手勢就給每位食客分來乳豬件。乳豬看上去不太大，但皮脆肉嫩之餘。夾層一小片薄薄的油脂正好增添香味。是日這碟芝士焗龍蝦執得很靚仔吓芝士夠多，濃濃杰杰的，泡過油的龍蝦球加汁去燴也爽口鮮甜，加上墊底的伊麵，這個芝士汁焗龍蝦伊麵的確份量十足，水準也有相當！碧綠花支珊瑚蚌 造型仲好靚呀！白色的花枝,橙色的珊瑚蚌紅蘿蔔片,綠色的翠肉瓜。色彩繽紛...炒得都幾香口...海皇翅，很濃郁。羹底綿稠又不過杰百花釀蟹鉗其實是一顆大大的炸蝦丸！插了半枝蟹鉗尖上去制成的！吃起來很熱，肉很結實！點酸汁食也不錯。鮑汁花菇扣海參拌生菜好啱老人家食！海參炆得超腍，近乎入口即溶！而花菇就爽滑有咬口，配埋個鮑汁！令到味道再升高一個層次清蒸老虎班是日吃的最少都有兩斤多火候不錯魚肉剛離骨，鮮美軟滑。實在好吃最後押尾的脆皮炸子雞很多親友也反映此雞只有

垃圾酒樓經常漏單朝早飲茶永遠有大量枱留晒位，生人霸死地，部份侍應長期當人透明，請番黎行行企企乜都吾做。午膳仲衰10餐有9餐漏單，經常做野咁唔小心好心炒左d廢人，叫米線又比錯河粉，吾好意思都吾識講，點做飲食業，前後要個客落單落兩次，等足一個鐘加15分鐘，仲要上到枱係凍嘅，叉焼又硬又吾新鮮，簡直垃圾，d野吾好食又吾咪平仲要受氣，慘過乜。夜市仲衰，d野一係太油，一係冇味，加碟死人花生比多30蚊，以後吾會再去，間野等摺啦！

問佢哋侍應拿辣椒油想用嚟點蝦餃，問左幾次，幾個侍應都話會拿來，最後無左件事，等佢哋拿辣椒油等左 20分鐘先問到個侍應拿來，D 蝦餃已經凍晒，同侍應講請佢哋幫忙翻熱，點知個侍應用勁差態度語氣講話凍晒唔關佢事，因為之前唔係叫佢唔記得拿辣椒油，講左一輪先肯死死地氣拿蝦餃翻熱。最後食完諗住付款離開，點知佢哋又收錯茶位，3個人收了4個人茶錢，問收銀佢話又唔關佢哋收銀事唔理我哋。後尾嘈佢哋收銀先肯搵主任處理。主任話應該係侍應開卡時寫錯，在點心卡扣反一人茶位，但因為信用卡已付款，要經理嚟先可以取消交易。最離譜係呢個經理 ，收銀叫幾次咪個經理都無出現（佢哋話得一個經理），問收銀可唔可以打電話搵佢，搵都無搵就話收銀無佢號碼，要退款只有等。企左係到等了半個小時多 D，期間收銀或其他員工完全無想幫手的意思，好似等你等到唔耐煩自動走人咁。最後等無可等，叫幾咪又無反應，唯有報警請警察協助。神奇的事件發生了，收銀之前明明一路都只係我哋問就求其叫下咪叫經理去收銀敷衍我哋，然後繼續數錢，我同報案中心的電話一收線，收銀又突然話有經理電話，仲一打就通。經理幾分鐘後係唔知邊到出左黎，話自己無聽到咪，唔知道收銀有事，話我哋等

福彩酒樓以前食物質素唔錯，所以經常幫襯，但近年食物質素每況愈下，點心又唔夠熱，價錢又不斷上升，真係好小幫襯。今日終於同家人來開餐，點了一個伊麵同幾款點心，伊麵味道一般問題係唔夠熱，其中兩款點心~潮州粉果、蝦餃嘅皮係(糊)晒爆開晒，賣相實在接受唔到，叫經理過來，經理一睇我都未講要換，佢已經馬上話係喎同你再蒸過兩籠，之後再出籠蝦餃又變左第二樣點心，唯有耐心等待，結果都食到正常嘅潮州粉果、蝦餃，第三次出來嘅蝦餃係正常仲要係熱辣辣，都算佢啦。綜合今次經驗感覺酒樓廚房有好大好大進步空間，如果唔係好難留得住食客。

其實依家閒閒地食個下午茶都要三四十蚊。 所以下午茶時段寧願飲下茶，可以hea下無人趕你交枱下午茶必叫燒味米線。今次就叫燒腩仔。皮燒到好脆唔錯。開頭以為腩仔粉紅色果個位唔熟，原來係醃製過，好似金華火腿甘，味道有點咸。叉燒包入面醬多過叉燒，但勝在熱辣辣，而且醬汁唔太咸，都算合格。沙律什果脆盆生果係罐頭生果，配埋沙律醬酸酸甜甜都可以。以為上面d生果會整林個脆盆，點知又無喎，仲keep住好脆。但係個盆真係好油。鳳爪夠林，入味。淮山鋪底都索晒啲味，唔錯。仲有呢度啲呀姐出奇地好禮貌，仲成日走黎r水吹，都幾好人。埋單110，3個人，每人都係30幾蚊。坐足2個幾鐘吹水，茶水又任飲，正!

星期六黎左依度同朋友慶祝生日叫左冬瓜盅、片皮鴨、兩樣小炒、荷葉飯五個人食，四個人比錢，每人都係$180因為品質都唔錯，所以依個價錢算好抵生日飯又點少得壽包依度壽包小妹最欣賞因為size大個之餘入面仲有咸蛋黃出面唔係度度有依樣要特別讚

大前日(4-5-2016 Wed) 朝,大哥同大嫂陪我去見醫生,到晏晝,大哥有事行開一陣,我就同大嫂食個晏先開始接受治療.我o地o係第一城食乜好?飲茶,啊,咁o黎呢間啦.我o地攞飛等位,要唔搭枱o既,知客就梗係夾埋,有枱都先俾3個人o個啲,唔會咁快俾唔2個人,等成20分鐘,終於有.我o地剔o左:1 雜菌菜心菜心甜,雜菌份量唔多,OK.2. 鮮竹卷三條唔係大大條,內裡o既全部都係肉,唔算好惹味,亦唔鹹,舒服o既.3. 潮洲粉粿粉粿細件,皮唔挺身o黎,餡亦唔惹味,一般.4. 茄子大大件o既,面上放o左木魚添味,OK啦.5. 芋角都係細細件,芋蓉滑,但唔多夠香.6. 叉燒腸OK啦,腸粉幾薄,問題唔大啦.味道係3.33分

想食炸乳鴿，光顧福彩是首選，愛其炸鴿體型大，半邊身可斬出三大件，件件有肉，沒有因為大隻而需另外加錢，加上皮脆肉滑兼夠入味，深得親友歡心。今回再臨福彩，炸鴿依舊岀色，攞上手熱辣辣，聞落香噴噴，入口啖啖肉，仲食到肉汁，炸油時間剛好。最岀色是鴿身醃得非常入味，加埋脆口外皮同吃，幸福度遠遠超越食乳豬。食過多次未曾失望而回，廚師好嘢！掃光乳鴿後，紅油抄手、牛栢葉、鴛鴦炒飯，與芒果布典陸續上枱。貌似份量十足的牛栢葉，碟底實舖有白蘿蔔同蒸，味道跟紅油抄手同樣不過不失。起初以為鴛鴦炒飯是半白汁半茄汁炒飯，想不到實是紅米混白米同炒之意。此炒飯量足料多，含松子、提子乾、翠玉肉碎、帶子碎及蛋，配搭清新健康，食落有嚼口但不過硬，入口未覺油膩，長者豆丁均可吃，好食。

姨媽生日，地方她選一早訂位我早到者當然麻將一番八點人齊例牌一輪啤酒果汁都係一般大路菜式乳豬全體，乳豬皮相當卜卜脆唔覺肥膩，肉質嫩口焗澳洲龍蝦伊麵上抬份量十足龍蝦夠大隻，蝦肉新鮮實淨彈牙芝士汁香濃，伊麵吸收了龍蝦鮮味每撮麵都黐滿了芝士莰汁由於份量不少，而在座年紀大居多又怕三高雖然好味竟然吃剩一大半碧綠炒雙蚌，一般喜宴菜式，雙蚌份量多材料亦炒得爽口，絲毫不帶油膩炸釀蟹箝，蟹肉彈牙，一般菜式北菇鮮鮑片，冬菇好大隻，菇味夠濃鮑片鬆軟配合鮑汁熱洪洪唔錯喎海皇大生翅用料足，蟹肉針翅夠味道也清甜，非一般豆漿粉翅可比清蒸老虎班，條魚好大條，啱啱熟夠滑脆皮雞皮脆肉嫩，不需沾醬吃也很鮮味一圍酒席，出席人數雖然足十二人老人家居多，所以感覺份量頗多之前龍蝦伊麵，仲有一上枱的炒飯及伊麵全部打包留給阿姨回家服務都好貼身，食物水準不俗