福彩海鮮酒家

Open Now

Now Closed

星期日同屋企人睇完表演, 就響附近飲茶, 呢間記得好耐之前飲過OK, 所以再去食. 去到門口都幾多人, 我地5個人, 所以係B號開頭既飛, 而細枱大枱既英文開頭亦都唔同. 等左一大輪, 終於下一個號碼到我, 我就企定響叫號個接待處standby, 點知佢跳左我個號碼, 叫左之後5張飛既號碼, 我一睇原來後面幾張都係3-4人, 我心諗可能坐細枱, 而我5個人要等中枱. 我索性就坐響門口D凳等佢叫, 點知又過左一輪, 佢又叫其他號碼, 但都無叫我果個, 我唔憤氣去佢個機到睇, 原來佢已經叫左3張5人既飛, 完全將我個號碼skip左, 我即刻問佢點解你唔叫我個號碼, 佢話你果個過左啦, 我話你頭先跳左我個號碼, 之後我一直坐響度聽, 你跟本無叫過, 跟住支客頂唔住我hur住佢, 佢拿拿臨寫個號碼比我入. 我同屋企人講番, 佢話可能支客比晒自己D茶友先, 而跳晒我地D生客, 如果我唔出聲, 佢真係唔理囉...好喇, 一肚氣入左去, 叫左咩茶之後, 其實想搵個侍應都難. 算啦, 點左食咩加水都自己黎比較好.蜜汁义燒腸(大點), 义燒餡唔算特別多, 無咩味, 不過腸粉皮幾滑.香煎荔芋糕(中點),

，超級爆難吃，大家自己睇相，新鮮龍蝦可以做成甘真係好浪費，仲等左70分鐘先上菜，催左3次，你們睇完相會想吃既話唔該舉舉手，冷氣仲好冷，吹左60分鐘，真係勁無隱。。。。。味道方面:汁太厚,好差個口感,龍蝦係新鮮,但無咩肉,只係吃到兩粒有肉,伊面煮得太軟身,真唔好吃

今日第一次去等位食晚飯，等極個no.都唔到，等4個no.都等好耐。又叫返轉頭，突然又插入其他人優先入座，相熟就俾人優先入座。企住向度睇佢個電腦發現明明到左自己no.佢又唔叫咪，望住佢就終於有位。一坐埋去，叫佢收起前菜，法例規管左可以拒絕唔要前菜不用收使，點知個侍應竟然答: 唔係你俾就我俾啦，語言超差話一定要食前菜，之後就行開，之後叫個高級d既黎問，d態度又係甘話一定要，都唔知咩酒樓竟然可以違法迫客人食前菜。

慶祝長輩的生日訂間房、舒舒服服一家食餐生日飯服務好好.一入門口就有人叫歡迎五點多去到已經有兩枱麻省、我做旁邊鶴、等齊人就開席打頭陣乳豬肥瘦適中脆卜卜既皮肉鬆軟又唔太鹹,感覺又唔太肥膩西蘭花炒帶子 西蘭花賣相也很翠綠，帶子鮮甜蟹肉燴生翅湯底鮮甜上湯的金華火腿味很香,翅針粗大而且份量亦多龍蝦伊面，龍蝦都幾有件頭，另外加成千元接近五斤重龍蝦肉本身十分爽口，伊面吸收了蝦的鮮味, 好食褔祿鮮鮑片豐厚蠔油芡汁鮑片，冬菇好爽, 好食!大海杉班接近兩斤半重但火喉控制也不差，肉質新鮮，極之嫰滑蟹鉗 乾身香脆勁大隻蟹肉香甜，啖啖肉爽口彈牙，都幾令我回味炸子雞雞炸得剛好，皮簿兼外脆内嫩滑炒飯，乾濕刀控制得好飯是顆粒分明，味道較淡，但總算過得去壽包, 好香好軟好味很明亮的環境 食物方面,其實都是上上之作服務員不停換碟，未埋位前不停加茶埋單價雖然貴一點$7Xxx, 但值得的

母親節怕太多人,是次早一點預早兩三天訂枱星期四6:30入座, 這裡環境也不錯, 寬敞而不侷促母親節最緊要囉心意 叫了個孝心全包宴乳豬賣相一讚皮固然是很脆的想不到肉也很嫩!碧綠帶子珊瑚蚌西蘭花普通，帶子有點焦黃鮮甜好香口,珊瑚蚌爽口黃金卷百花球黃金海鮮卷熱辣辣而百花球即蟹肉球醮上酸甜醬真是一絕, 而且蟹肉還挺多口感彈牙鬆化鮑魚炆得可算是夠火喉一人一隻超美味真鬆軟夠水準是我最愛 虎班都幾大條咬落啖啖肉魚肉嫩滑脆皮雞炸得熱辣辣,雞皮夠脆,不算太肥,肉質就幾嫩滑以上幾款感覺最好 其他冇乜特別所以吾寫 呢度環境舒適，店員友善，價錢和菜色方面係做節一個好地方

開工大吉! 今日老細請食LUNCH, 由於時間太急冇訂枱, 只好是旦搵間酒樓飲茶菜單:-叫左1個8位用商務套餐, 包括粉果- 正常, 冇咩特別叉燒酥- 好正, 好熱, D叉燒又多菜苗餃 (2份) - 都好好味, 又唔細隻小籠飽 (2份) - 呢個差D, D皮上到枱已經係爛的, 冇晒D湯咸水角- 唔錯, 上到枱重熱的, 好好味叉燒腸 - 正常, 冇咩特別菠蘿咕嚕肉 - 呢個必食, 好好味, 咕嚕肉好多, 又唔會肥金沙焗生蝦 - 呢個都唔錯, 但D蝦太少, 唔夠分, 一人兩隻都冇川式口水雞 - 味道唔錯, 美中不足係唔夠辣肥牛炒河 - 河粉味道有點怪怪的, 唔知點解時蔬要左菜心同娃娃菜, 都幾好, 唔會太細碟另加左生炒糯米飯 - $38, 但好大籠, 好足料, 好入味燒賣 - 呢個一般, 太多肥肉, 感覺有點油膩總括嚟講嘢食算係唔錯, 服務亦好好, 呢個價錢, 值得再去!

都唔知點解未夠六點半, 食壽司果度已經要等位, 仲要等成十幾張, 望落個個都好似坐低食冇耐, 所以都係唔等, 轉去另一間食, 而唯一仲有位的就係呢度............. 片皮鴨雖然得兩個人, 但見佢有得選擇半只, 於是就叫半只試下.............開頭仲估佢會淨係片皮, 會片少D肉, 因為D肉可以留番做其他餸, 但比我預期中多好多肉, 不過只鴨就肥咗少少, 我要刮走D肥膏先包層粉皮食, 咁樣就好正, 因為佢個皮都好脆, 而刮走咗層肥膏, 食落冇咁油膩, 可以食多幾塊, 不過呢度D冷氣實在太勁, D粉皮好快吹到又乾又凍, 變咗冷盤咁.......... 椒鹽南非大鮑魚呢個成七十幾蚊, 以為真係好大只, 點知..............好似只羮咁大, 不過又幾好食, 第一次食椒鹽鮑魚, 佢仲比埋刀叉你剧, 感覺好得意, 最意想不到就係佢個鮑魚殼洗得好乾淨, 用嚟裝番只鮑魚, 個底仲有D炸米粉tim~~ 我估個鮑魚係先蒸熟, 然後沾少少粉去炸, 再用椒鹽埋鑊, 但d肉一d都唔un, 仲好爽口彈牙~ 乳鴿呢個係叫鮑魚+$1配的, 乳鴿反而唔係咁肥, 瘦瘦地, 不過就

啱啱新搬入嚟時食過一次, 印象麻麻地, 所以之後一路都冇再幫襯, 佢新裝修完, 亦都隔咗好耐先去試試, 同之前完全唔同, 光猛好多, 招呼好咗, 食物質素都有改善, 雖然細好多, 不過d枱都唔算迫, 但價錢就好似貴咗少少囉~ 茶錢$10位, 芥要$13碟, 兩個人淨係茶芥連加一都去咗幾十蚊, 夠去茶餐廳食個餐咯~ 星期五晚七點幾八點係最多人食飯的時間, 偏偏今日遲咗收工, 要响呢個時間先返到嚟, 周圍都開始要等位, 咁又見呢度有位, 比個機會佢改變下我對呢度的印象啦~話哂隔咗咁耐冇幫襯, 好似當一間新舖頭, 乜都未試過咁, 所以樣樣都想試下, 雖然都係一般海鮮酒家都有的餸, 但好似好多選擇, 都諗咗一排先諗到食乜好, 就叫D自己唔會响屋企煮到的餸啦~ 花生未有餸時, 食下花生頂住先, 佢d花生好油, 又硬咗d, 唔係脆 避風塘焗肉蟹蟹size一般, 聞到好香炸蒜茸味, 開頭都以為唔係太辣, 但對我地呢d唔食得辣的人, 原來係好辣lor~ 一路食一路high, 食到feel到變孖潤腸咀, 所以要不停飲茶, 好彩一早灘凍定杯茶, 如果唔係就大大鑊咯~ 你問我味道如何, 我真係答你唔到,

太座外家約吃飯，幸好今天放假可以出席，這次約在沙田第一城，一處超過十年沒有到過的地方，商場似迷陣，若不是太座帶路，我真不知怎樣找到這酒樓。未夠七時，門外已站滿等位的人，幸好早已訂座，否則不知要等到何時？太座外家人口眾多，四代同堂，同檯吃飯要分兩席，好不熱鬧。為方便酒樓運作，點了兩席精選海鮮餐，每席另加燒鵝半隻和福建炒飯，希望各人肚滿腸肥。精選海鮮餐上湯焗波士頓龍蝦兩隻伊麵底，龍蝦已切件，份量頗足，沒有空殼，肉質新鮮、甜美、彈牙，伊麵吸收了上湯和龍蝦汁，美味非常。大龍躉兩味，雲耳蜜豆炒球，用龍躉來炒球想起也味美，火候剛好，肉質結實，魚是新鮮的，唯現今的魚都是養的，魚味欠奉，雲耳，蜜豆，西芹，紅黃椒等，顏色鮮艷，清新爽口，配襯出一大碟。清蒸金菰頭腩，加了蒜蓉和金菰，還有金蒜粒，非常惹味，吃頭腩需要耐性，同檯小孩紛紛卻步，正合我這老饕。紅燒花膠四寶羹，是加了些少花膠絲的海皇羹，茨水調得較稠，材料亦疏疏落落，一般而已。瑤柱鮮竹浸翡翠，鮮腐竹煮白菜仔，加了唐芹以增加味道層次，清腸胃之選。福彩脆皮燒雞，亦即是炸子雞，做到皮脆肉嫩，雞皮很薄，皮下帶點脂肪，很香口。翠果拼盤，以西瓜，橙和車厘茄拼成蝴蝶

本嚟想近近地同老豆慶生，係福彩食餐飯。點知我由7點等到8點幾！都唔話比人知我第一樣落單嘅片皮鴨冇。如果我地唔出聲問，實坐到人地收工啦！嬲爆！後加嘅炒飯等咗大半個鈡都冇，決定埋單走，張單都等成3個字都未到! 我怕咗佢，自己走出去cashier 比錢，佢竟然同我講張單出咗去，我即著火我一輪咀鬧爆佢，佢地可以完全冇事咁！個D黑衫經理全部都軟皮蛇咁，豪冇歉意！我地最後係餓住走人，呀媽仲要返上樓煮烏冬！老豆，我錯了！我唔應該貪方便同你係福彩慶生

同屋企人去酒樓飲茶，其實都預左星期日要等位，但等左成個半鐘，真係好誇張囉！終於等到位啦，但入面好迫，要左穿右插先至入到張枱。食物味道都OK，但係同樣係要等好耐先有得食... 不過，算啦~！酒樓侍應態度差！ order一碟炒飯，點知個侍應係張"點心蓋印紙"上面寫完嘢，張張紙掟落枱面就走左去！我都未見過，有咁樣ge服務態度！食完曬所有嘢，但都未見到碟炒飯。問返幫我地落單個0個侍應，佢check覆返話唔記得左落單，已經落返！但我地話要走，唔要碟飯啦！點知佢仲好堅持話："已經落左單啦！個炒飯好好味，等多十分鐘，好快"。跟住又走左去！我真係未見過咁樣ge服務！已經話唔要，仲強逼客人要！於是，我地同另一個著suit ge職員講話要賣單，個炒飯唔要啦！佢先幫我地取消個order！難得同屋企人去飲茶，都搞到咁！真係好掃興！以後都唔想再去呢間酒樓！

女友人VL約我尋日一齊食lunch,但我怕會落大雨就改期,而今日(26-4-2012 Thur)竟然好天,就約佢今日,佢話冇問題,咁佢就一就我,o係我放食lunch前先去其中一間食肆搵位.佢揀o左o黎呢o度,叫o左o野等我.我o黎到時,o野食已經到齊,有:1. 叉燒酥叉燒唔多,而且味道唔香甜.2. 牛肉球大小不一,呢個普通冇乜問題.3. 煎釀青燈籠椒都係大細不一,餡薄又唔惹味.4. 炸餛飩呢個普通冇問題,但個酸甜汁一啲都唔掂,完全唔夠味.5. 煲仔排骨飯應該唔係煲仔排骨飯而係瓦煲排骨飯,大大煲,有肉有菜,但飯太濕,卻又有飯焦,顯然係水多得濟.唔知呢餐幾錢,因為我要趕住返工,就放低$100.00畀VL先走.環境:好光猛闊落舒適.

噚日老公想食片皮鴨，6點鬆DD，經過第一城，就走咗入去福彩睇吓。見個餐牌有半隻片皮鴨叫，我地得2丁友，啱晒﹗入座﹗點了片皮鴨2食(第2食係生菜包鴨鬆)、生炒糯米飯一碟、半隻脆皮燒雞、瑤柱爬豆苗，一共五樣(大食積)!先來個糯米飯，好明顯係酒席擔尾炒定的，油冧冧，無味!再來瑤柱爬豆苗，呢個都OK!跟住即席片皮鴨，味道還可以。然後係脆皮燒雞，皮好脆，但雞肉係「梅」的!食晒以上四款後，已經過咗半個鐘，仲未來生菜包鴨鬆，搵個侍應追一追，佢睇都唔睇就話係要等的。我就開聲同佢講，已經等咗半個鐘，唔該再幫手睇吓。佢竟然走咗去cashier企咗係度，可能以為我睇佢唔到(我個位係對住cashier不過10步)，然後行開咗。以為企係cashier幫我扮追野我會上當...再過10分鐘，都係未到，我搵咗個經理幫我睇，佢今次真係有去追，叫我再等5分鐘。我見食完個碗油冧冧，叫呀姐幫我換一個。呀姐係後面台換咗比我，但我見個碗裡面有漬，就請佢幫我換另一個。我老公見佢背住我地企就望吓佢做乜，佢竟然背住我用手指捽甩咗d漬比番我!!!!!!老公忍唔住叫佢直頭換過另一個，佢仲態度好差咁黑晒面﹗就係咁，又過多10分鐘了，都仲未到

四人食飯, 星期三, 7點, 唔駛等, 大把位.環境光猛, 侍應企晒喺到等你.叫咗條班仔, 好味又夠滑, 新鮮ga花膠冬菇小棠菜, 花膠都算大隻ga, 係冇乜味, 但都炆得夠淋, 唔'o立'.鴕鳥肉炒芥蘭, 多咗d油, 但都ok例湯好掂, 我對味精都幾敏感, 佢既湯夠晒老火, 飲唔到有味精, 但細煲一人得一碗.最後又點會少咗我愛既甜品, 姑且一試佢既焗西米芋蓉布甸, 初初食冇乜睇頭, 個心都預咗, 喺酒樓食西式甜品係咁上下.嘩, 食到個芋蓉就唔同晒, 連埋西米一齊食, 香滑濃郁, 冇得頂.係漏咗兩款甜品冇嚟, 埋單記得要睇唔知埋單幾錢, 親戚請, 我諗三四佰蚊左右.

今日中午與父母往品茶,被安排往D3枱,即房內,與知客說要大廰,一句冷淡回應:"要搭枱",入房坐下後好快有人開茶,但飲過一壺茶後要揾人加水就難過登天,其間排骨煲仔飯及牛什到,咁就叫個阿姐攞辣椒油,等咗15分鐘唔見,咁惟有自己走出去門口,咁啱見到個高高的短髮女人,一套黑衫褲,應該稍高級,叫佢加水,其間順便問佢攞辣椒油,可能佢唔慣比人使,用眼瞄一瞄,答吓你都費事就出番去,諗住佢遲D會攞嚟,結果又等咗10多分鐘,又要走出去第三次揾人,才可成功取得呢碟珍貴既辣椒油,等咗好耐,終於嚟埋咸水角,竽角及潮州粉菓,好啦埋單啦,又發現其中一碟特點變咗貴一級既頂點,茶錢原來又貴過大廰。講真食物質素唔算突出,但由入門口一刻已開始面對不同階層員工的差劣服務態度,就確實突出啦,講真呢間酒樓環境確唔錯,無奈空有外殼,就連一個較高級員工都如廝不濟,若繼續如此運作下去,恐怕難以營運,除非老板冇諗住賺錢啦!!!