福滿樓 (Closed)

星期天跟家人去吃晚飯，大約是8PM，這家酒家要乜無乜，唔係無就賣晒，太好生意!大蝦伊麵，中蝦size，大約有8-9隻蝦，酒樓黎講好多隻!!個汁杰杰地，芝士味不算濃，但味道不錯。海皇豆腐羹，大約分到9碗。豆腐羹足料，杰度適中。椒鹽肉牌，份量多，而且椒鹽超多，肉牌肉多，而且入味。支竹時菜，清清淡淡。支竹牛腩，是偏硬身的支竹且入味，牛腩夠林不韌。雞煲一般，沒有令我有任何印象。牛柳，份量多，味道不太濃，一般。冰陣肋骨(唔記得有冇記錯)，真心好好味!濃味，酸酸甜甜的肋骨，而肋骨是炸過的，特別惹味。

今年，由於爸爸要到泰國旅行，恰巧！那星期週末正是母親節！媽媽認為下星期才補祝吧！ 我們問她想到哪裡食飯？她建議到屯門良景商場的 <福滿樓>！我們晚上 8:00 前到酒樓，不用等位。 大家看看餐牌，選擇各自的心水美食！ 豉椒炒聖子皇 $98/ 6 支聖子肉鮮味富嚼勁！味道香濃惹味！拌飯食一流！   蒜蓉粉絲蒸開邊生蝦 $78蝦份量剛好！部份蝦肉是帶霉！  令人失望！粉絲吸收湯汁精華，味道上的確不錯！口感軟腍腍缺乏彈性！ 涼瓜班腩煲一講到涼瓜，當然是媽媽喜歡的美食！  此外，以瓦煲上可保溫！班腩軟滑入味！涼瓜不算太苦，可以接受！鹽焗雞半隻鹽焗雞肉質嫩滑有雞味！而且，整體都入味！絲苗白飯 X 4 @$10絲苗白飯充滿飯香，略嫌細碗！簡簡單單又一餐！況且，不用我們煮飯！

9月22日來了這裏飲茶,因妹妹見到這間酒樓的點心好似都幾多選擇,所以諗住試下,坐係廳房入面,唔使等位,但冷氣好細,仕應話係咁架喎,跟住叫左一碗叉燒咸蛋飯及一碗叉燒瀨粉,真的幾好味喎,叉燒都好靚,飯有豉油香味,瀨粉都係,個湯係好有味的呀.跟住開始叫點心啦....惡夢開始....迷你點心拼盤,有蝦餃,潮州粉果,馬拉糕,燒賣,蝦餃個皮好厚,馬拉糕好實,潮州粉果叫正常的,燒賣都好硬架....之後有生菜,干蒸牛肉,煎腸粉,咸水角,灌湯餃,生菜正常,煎腸粉好似蒸咁,完全冇咩點煎過,好硬唔好味,灌湯餃係好怪的,個餃好大個,但入面既料有些白色一粒粒既嘢,我完全唔知係咩,同埋有些肉之類,但係冇咩味的,好難食呀,個皮超厚喎....唔識形容係咩味道,干蒸牛肉好大粒的,不過原來係山竹牛肉的加強版,好怪,味道係山竹牛肉,但係個名又叫干蒸牛肉,唔明白點解會咁. 潮州粉果個皮都好厚,入面既料就差唔多咁上下啦,咸水角唔係脆的,係淋的,好似豆沙角咁.好失望的一餐,完全唔知食完係食過D咩嘢呀....同埋唔係真的十分之平囉.

今日百厭仔學校放假, 我哋一家三口就去咗良景商場呢度行下, 順度去飲茶食埋早餐+午餐. 10:40去到呢間酒樓 任坐. 我哋揀近門口入幾張嘅枱, 啱啱係風口位, 女侍應即細心提醒我哋怕唔怕凍. 我哋覺得OK就坐下.喺度要讚一讚該女侍應, 雖然門口附近位置得她一人招待, 一腳踢都幾忙, 但她經常笑面近人, 手腳又快. 起碼唔會揸住點心紙舉到手軟都無人接. 茶壺無水要自己去沖嘅情況發生.叫咗:--點心孖寶(B) $22.80 X 2 鳳爪排骨飯 / 皮蛋瘦肉粥--比想像中大碗, 味道都幾好. 燒賣--夠結實唔鬆散, 有食落有好香嘅冬姑味, 正! 叉燒腸粉--饀料充足, 腸粉亦夠滑, 正! 另叫一碗鯪魚球米粉 (小點 $9.80)--無諗過小點嘅鯪魚球會咁大粒, 味道都唔錯.(幅相係比百厭仔用筷子整亂咗先影. 原本無咁肉酸.)生炒糯米飯 $7.80--上枱只係微暖, 唔夠熱. 好在味道都唔差, 腊味料亦唔少.馬拉糕 $2.80--夠鬆軟, 又唔太甜, 幾好味. 正! 茶錢$6.00一位 (百厭仔無收茶錢) , 連加一, 埋單$86.00 由於今日係平日, 11:00前有啲特價點心比

事實上已經光顧過良景的福滿樓分店好幾次的了，服務質素參差，又經常上錯食物，心想不會有下次光顧的機會。誰知昨天是住在屯門的媽媽的生日，媽媽愛到酒樓喝茶吃點心，一問到她想到那兒吃時便立刻答我「就福滿樓啦。」好吧，只要媽媽喜歡的我都願意。拿到點心紙，第一時間點了為這間食店挽回不少分數的柱侯金錢肚、灌湯餃等等。好啦，看見「西施餃」這道菜名有點一頭霧水時，我便隨便問一下服務員A：「何謂西施餃?」她看來不清楚，便問了一個穿西裝的女人，相信是這家店的主任等等的管理人員。誰不知，身為管理層的她，竟然跟我說：「下，我鬼知咩。」說罷是一陣笑聲。接著她亦隨後跟服務員A說：「(粗口)，快D問下廚房啦，我鬼知呀。」Karen心中一肚火，就假設服務員A可能是實習生，不熟悉餐牌菜式，都算了。但身為管理層，穿著一套整齊西裝，予人可信可靠的感覺我才會詢問你，希望得到一個滿意的答覆。但你回敬我的是一句「我鬼知咩」？ 還有，既然你答覆我的話即使指我是你負責handle的客人，如果你真的不知道西施餃是什麼 是不是應該由你親自問一下廚師會比較有誠意呢？好，算吧。始終媽媽生日，鬧事上來牽起不快就不好了。不久，柱候金錢肚就送來了。

今年中秋節晚飯免除操勞一於外出吃晚飯,還以為大人及細佬會選擇在良景人氣茶餐廳吃鑊氣小炒,原來移師邨內更舒服的滿福樓。晚飯時間侍應除送上芳香熱茶外,就是一碟不吃白不吃的焗花生,這種將花生烘得香脆微鹹的香口小零食,一向是等待食物時的好朋友,就算沒有啤酒只配熱茶也是可吃的;這家酒樓所用的茶葉質素不錯,泡出的茶有茶香及滑溜,可以一飲。酒樓推介的金銀菜煲豬肺及冬瓜盅皆同為$68,不少食客選了家裡不會常做的消暑冬瓜盅,而我家則選了清潤的煲豬肺湯, 只因洗豬肺極多工序和需時嘛,老火湯以一小瓦煲原煲送上,足夠我們飲用有餘。湯渣另上看來相當多料,當中有著很多合稱金銀菜的白菜及菜乾、一字排、豬肺及果皮,用料都是很家常,沒有什麼特別材料加入,但效果卻很有益。 一打開煲蓋已散發著濃濃的菜乾香味,菜乾洗得乾淨沒有什麼砂石或蟲蟲浮游,白菜連菜莖都煲至軟爛,證明煲了不少時間,不是高速煲的快速產品;一字排同是煲至骨肉分離,去除粗骨後的肉質不粗糙,幾條肥瘦相間的豬肉蠻好吃,湯中主菜的豬肺切成稍薄的豬肺片,如是大件厚切的口感會更豐厚,每件豬肺也乾淨軟滑,如海綿的組織配著微辣辣椒豉油,最後只餘吉碟一枚。菜乾味濃的老火湯底沒

長假期開始,首個活動就是跟大人吃個下午茶,享受一下很久沒試過的平日悠閒生活;大人說:"良景而家有間酒樓好大!",那我們去良景走走吧。自從良景商場大裝修後沒有逛過,跟熟地頭的大人左轉右轉後,在超市旁的福滿樓佔地的確蠻大,平日下午也有很多街坊在飲下午茶,這玩意我多久沒做過?! 附上印有"下午茶"的點心咭後,我們所點的淡普洱真的不濃,很多時候要求淡普也來個寫得出字的正常版本,這裡就做到客人要求了;現今流行配多一壺熱水的份量剛好足夠我們飲用。所用茶葉只算一般,泡出的普洱茶不太有茶香及滑溜,總算是杯熱中國茶。煎蝦米腸新鮮煎起,不是以來貨蝦米腸煎成外脆內軟的水準,蝦米香蔥份量不少,令本來軟滑的腸粉添上鮮味及蔥香,只是所配麻醬及甜醬味道不算好,未能成為美味混醬煎腸粉。在下午茶特價紙仔中發現竟有鮮蝦腸的名字,點之!腸粉中每條用上幾枚冷凍細碼蝦仁,以這特價也不會用上真正大蝦仁了!現在的冷凍蝦仁處理得宜,一般都很清潔沒污物,也做到爽口有蝦味,這裡的也不例外,只是真的有點細小!可能正價鮮蝦腸的蝦仁大小會有所不同;腸粉顏色米白外觀看似很厚,其實是蠻軟糯且不黏筷,這款不太透明的特價腸粉又真不錯! 所配豉油調得濃

呢間酒樓簡直不知所謂!新開張唔夠兩個月我地去食第一次，上錯幾個菜，尚幸係菜色可以, 而且上錯菜都只係個人錯失, 算!一個月後第二次去食, 由8點半食第一道菜之後, 幾乎每隔半小時先黎另一個菜!本來已經冇下次, 但因為過年難訂位, 加上投訴後經理親口答應過年時一定會改善, 只好再次訂位....今日大年初一, 每個菜平均一樣要等超過半個鐘, 兩個鐘黎三道菜!! 我地都忍住, 點知炸子雞凍，翅又凍又腥, 翅之後居然上點心....食完點心已經有人拿生果同水餃黎!!! 我地仲有幾個菜未黎(魚, 鵝掌, 發財好事), 居然同我地上單尾!!! 大年初一食餐飯食到菜涼人餓, 真係咁大個人第一次!! 我地見到水餃忍唔住叫埋單, 經理居然連check下我地食左咩未食咩都唔做就黎收我地錢!!! 上唔切菜可能係廚房既錯, 客人發哂脾氣仲黎亂收錢, 咩酒樓？ 咩經理？ 咩集團？ 出品幾ok都假, 以後一定冇幫襯!!

我時常話好的店在任何地方都可以有.可惜屋邨酒樓時常俾人評為無服務.食物難吃.任至環境欠佳.現在領匯主理的屋邨商場革新.有很多店都係新店.不需擔心食店的環境.在環境而言良景商場呢間福滿樓也算落本裝修.外在美是有的..可惜內在問題仍多.沛頭15分鍾我不在現場.只係我媽媽等位拿位..我一出現.我媽媽向我說.間店的店員好亂.叫拿飛問左好耐..我想話唔搭枱.又話全場搭枱.點解要搭枱?不是人客爆滿.是人客走了.沒有人清理.客人想加水也要自理..裏面的待應10個人,有10個黑面..有些做到眼淚都流出來..中途:有待應要拿走我媽媽放東西的椅.只留一句.椅不可放東西.就搬走..連撘枱叔叔.也評論.人說話要有技巧..可以同客人講.我俾張圓椅你..這樣才是雙鸁局面....服務的確一般..但食物仍可接受...凍燉奶:為何無熱?凍的燉奶吃不出香味同滑程度.我覺得夠滑.奶味適中,至少中間不會有1個1個洞..也是水準之作..身煎堆:夠熱.上手熱辣辣.咬下去,十分香口...珍珠雞:估不幾大隻.好乾身.糯米香味好重.內裏蛋黃佔大多數.我覺得好好食...另外一種點心我無食..不評論,,我不敢用金玉其外.敗絮其中來形容..

是日再行屯門菠蘿山,今日決定跨越它,目標元朗下白泥附近有食肆的地方只有良景商場,不過往年從女友人口中得知商場開始大裝修,鋪頭大執位,攪到他們無啖好食.近期看食評先知商場開始加入餐廳,其中一間為酒樓,因為地下條食街我沒興趣,又不想麥記和大記,於是去飲早茶好了酒樓位於商場新開立的四樓,亦暫時是商場唯一的酒樓,所以九點左右都已經有十數人等緊位,因為我肯搭枱,即時有得入,商場內冷氣不足,幸而酒樓內冷氣夠涼快.點知張枱仍未執,椅子又不夠數仲要叫極都無侍應理~因為坐近收銀處旁,見經理計緊帳單,我忍不住請他拿椅子和開茶,最後轉折兩回,他才叫到位侍應前來幫我...眼看場內尚算大,但侍應數埋不夠十位呢,人手絕對非常不足驚點心出爐的時間耐,友人也著我先點一些點心.星期日九點後的價錢已經是正價,特點22.8,大點$18.8,中點15.8,小點12.8,屋村區來說,實在非常進取!白灼油麥菜索價$18,因我每餐盡量要菜,無奈下都要!!菜灼耐左,梅淋淋,用甜豉油釣下味也很快清掉.羅漢齋腸的腸粉皮望落好厚,但質感竟然好嫩滑,配甜甜豉油真的很好吃.而素菜餡有菇有瓜,清爽有勁,最緊要沒有連帶我最怕的透明獻.(外面的素菜

今日係星期日 , 我地返左去同媽媽飲茶 , 近近地去左福滿樓飲茶 , 新開張都係第一次黎飲乍我地3個大人 , 1個小小朋友 , 環境上其實都無諗過有驚喜 , 所以都係平常心咁叫野食叫左部份例牌點心 ............山竹牛肉 , 肉質都ok 芝士春卷棒 , 就係因為叫佢幾靚先買 , 估唔到食落去真係色香味都齊呀 香煎南瓜餅 , 本身我唔係好食呢d野架 , 但係因為個女叫食既關係 , 所以俾左小小佢食 , 自己又食小小 , 估唔到又ok wor 蘿蔔榚 / 芋頭榚 / 馬蹄榚 , 竟然可以係張點心紙入面選擇要邊隻口味 , 咁當然係想食哂三樣啦 , 有諗頭有諗頭 , 十分buy佢 蝦餃除左個皮厚左dd之外 , 內裡味道適中燒賣肥豬肉份量極少 , 可見都著重健康而做 , good ! 呢個荷葉飯巴閉喇 , 哈 ! 因為我叫呢個飯時 , 老婆大人話你叫左我唔食架 , 到最後佢食左d魚 , 之後話又幾好食wor , 當然到最後連飯都有食 , 仲讚佢幾好味 , 的確係好味過某d名牌酒樓好多 雞頭大包聽就真係聽得多喇 , 食就真係第一次食 , 材料上我就真係唔知同原裝既一唔一樣 , 我就覺得同

樓吓商場有間 (福滿樓 )新開張 裝收都幾靚架，又有任飲.任食火煱.一於去試吓先.~~一去到更係叫啤洒先啦.開頭啲服務都OK咖...叫個沙爹湯底.好似唔洗錢咁成煲都係沙爹醬.煲一陣成煲燶哂 .原來隔籬幾張枱都係咁燶哂.仲開始有火藥味.我啲野食去左邊呀.又要追.追幾次我都唔同佢計教.仲要叫乜冇乜..我都開始火火地.點知比隔籬枱果位大陝快我一步.捉住呀經理連還開火.又話啲食物唔得新鮮.又有味.有叫乜冇乜.....比佢鬧哂我想鬧果啲.....冇計啦.湯底黎左.啲好新鮮又好好味的食物到哂.想閃都唔得.只好繼續食.......唔對路呀我同老婆一路食一路流汗好熱呀!!!!!!!!我叫呀經理先生可唔可以開大小小泠氣.點知比佢先發制人(經理先生話::我都冇計領匯係咁咖啦.係得咁小泠氣.我都好熱呀)之後我唔出聲.我心念呢間洒樓應該好快會結業...我都未見過去洒樓食野果啲人一路食一路流汗.泠氣唔夠凍以經係死罪........食火煱食到成肚火...冇下次..除非成個屯門冇晒野食啦.如果唔係你請我再去都要念得清清楚楚呀..........

媽咪得閒四圍行， 走到由領匯管轄的良景商場一逛，好幾個月來重新裝修改頭換面；她見到<福滿樓> 於 7月18日已經開張，有日她帶爸爸來飲茶後，覺得質素不裕！ 於是，她打算帶我們來食晚飯，亦是時候請細佬的初戀女友食餐飯。我們一行 5 人，晚飯時段不用等位！ 坐下一看濕紙巾背面，原來 <福滿樓> 為飲食集團經營，在香港已經有好幾間分店，全部位於公共屋邨，相信屯門分店是最新一間。 依然是一般酒樓格局，當然有水晶燈....等等。沒有什麼特別！這裡大約坐上半場食客，以新開張酒樓來說，已算是多客！附近公共屋邨為多，做街坊生意，定價合理！媽咪建議每人選擇自己喜歡的食物，各自各精選！ 果然好主意！原來大家喜歡食煎炸香口的美食！所有食物大約 10 分鐘後上枱，比預期快！ 我的選擇：鎮江焗肉排 $58起初落單時，叫了石鍋焗肉排 $65，可惜，酒樓方面暫時未有石鍋，只好要鎮江焗肉排。啡黑的鎮江肉排以炒過的洋蔥墊底上碟，份外香！ 鎮江肉排以 鎮江醋醃製，酸味攻鼻！ 灑上白芝麻，令人幾開胃！ 份量尚可，每人兩件。酸甜味道調教得恰到好處！肉質鮮嫩肥美！食鬼滋味！ 細佬女友的選擇：粟米