稚內日式創作料理居酒屋 (Closed)

好耐之前同姐妹行完街，當然要搵返個好地方食飽飽稚內日式料理，見個名幾特別，就揀左佢 壽司盛壽司盛都算多款壽司，包括蟹子、鰻魚、劍魚、魚立魚、三文魚、帶子和長腳蟹捧刺身味道感覺唔太新鮮，味道平實較淡，飯量適中，但係米粒較硬，不夠軟熟法國春雞係日式餐廳睇到法國春雞，畢竟佢打主日式FUSION，覺得幾得意，所以就叫左黎試試原隻春雞SIZE中等，大約只適合一至兩人食切開春雞、可以見到原粒生蒜同其他調味配料，雞外皮已經林左，唔脆，而且燒得唔均勻，雖然有好多蒜但其實冇乜蒜味雞肉雖身應該煮得太耐啦，雞肉冇咩味道，但若果想有味D，都可以配上醬汁，不過原先雞肉都冇咩味，呢到已經失敗了

週一晩約了友人用膳，因友人夜收工，選址隨她提議到其公司附近的「稚內日式創作料理居酒屋」用餐。筆者之前從未到訪過此餐廳，亦未有上網考究其食評。從店名估計，餐廳應以新派日菜為本，並有一系列創意美食供應。直至親臨現場翻過餐牌，才得知餐廳的菜款選擇比預期更廣更濶，除日菜外，更有西式、意式甚至港式美食提供。在未嚐他國菜式之前，先來一客刺身盛試試其日菜的手藝。刺身盛一客十二件，內含三文魚、希靈魚、吞拿魚、鰹魚、八爪魚及魷魚蟹籽六款刺身。三文魚選材肥味味道不俗。希靈魚恰如其分地交出爽脆口感。吞拿魚略帶少許根，普通。鰹魚是眾多刺身中最濃一款，口感綿軟，不太合個人喜好。八爪魚泛着自然的鹹香味道，軟硬度適中。魷魚蟹籽入口黏滑，繼而彈牙帶點爽，是以口感取勝的刺身款式。除刺身外，另點選了兩客軍艦壽司，分別是廣島蠔軍艦及蟹羔軍艦。就賣相而言，兩款軍艦的色調比較沉實，不算特別吸引。廣島蠔的大小剛好能覆蓋一件標準大小的軍艦，入口 creamy 泛甜，食味不俗。奇怪的是好友覺得其海水鹹味過濃，當中因由無從考究。至於蟹羔軍艦，以松葉蟹蟹羔製作，味道相當甘香濃郁。因兩款軍艦都略帶濕身，必須盡早品嚐才可保持外層紫菜的脆口感

外出尋食經常會經過稚內門口，但就一直沒有光顧，看到別樹一格的裝修，感覺價值不菲呢。原先約好了朋友到附近的酒吧小聚，怎料部分朋友爽約，就轉到旁邊的居酒屋吃點東西算了門前有一黑板寫上了當晚的廚師推介，有日式的刺身、壽司、炸物，又有較為西式的三文魚他他及釀大蘑菇，大部分價錢由$26-$78不等，價格相宜，只有刺身稍貴店內環境較為狹小，座位亦相對擠迫，不過暗淡的燈光加上半日半西的裝修下，還是蠻有情調的，而店內的左上方竟然設有一台電視，不知是否用作播放球賽呢刺身盛$138前菜方面，還是慣常的先點１客刺身，刺身盛共有６款刺身，八爪魚,希靈魚,吞拿魚,三文魚,鰹魚及魷魚蟹籽。最好吃的還是三文魚，其次是魷魚蟹籽，味道鮮甜。而深啡色的就是鰹魚，由於已預先經過醃製，口感軟腍之餘還帶微腥．．．所以不太喜歡這款海鮮米通 $48另一前菜就是海鮮米通，一客有４件，薄脆米通上放上了三文魚,三文魚籽,八爪魚及青瓜小粒，碎粒當中混入了少量辣味醬汁，感覺開胃。綿軟的刺身配上爽脆的青瓜及脆卜卜的米通，集多重口感於一身，感覺特別蟹膏軍艦 $28然後再來兩款軍艦壽司～先試試蟹膏軍艦，蟹膏的色澤不太討口，份量亦不算太多，旁邊則伴

三文魚他他 -賣相好吸引呀。三文魚好新鮮，色澤鮮明，配上香草汁同鮮甜既三文魚籽，入口好嫩滑加上多士好脆，配搭好好味赤蝦三文魚籽軍艦三文魚籽配壽司同樣滋味，赤蝦亦新鮮彈牙，鮮甜配爽口天婦羅軟殼蟹卷脆炸軟殼蟹，好香好脆好味蟹膏軍艦蟹膏又香又濃，一d都唔猩架魷魚真係好抵食，整條魷魚上碟，香味撲鼻，食落魷魚完全唔會痴牙，加上醬汁一流，一件一件 好快就清晒喇

人們都說，媽媽都是非常麻煩的人，因為她們就是可以煩到你傻，每樣野Loop Loop Loop，而且媽媽通都吹毛求疵，奄尖腥悶，重申我好怕帶佢食飯，吃得不好，銀包受罪之餘耳朵也會受罪。每當佢放假叫我約地方食飯的時候，往往仲頭痛過約女仔去食飯，又要好食，又要好坐，又要平，又要啱好味，又要搭車方便，基本上能人所不能，如果你要聽媽媽的話，你應該會學到好多野，至少耐性，一定是你意想不到的收穫。當佢話食日本野的時候，上網做下功課，唔去放題又唔貴又好坐，地方唔多，當見到上網有人食蠔軍艦，我想起一間我吃過一次的餐廳，然後我想似乎我找到了。上次吃過的雷霆救兵式日本菜經驗，稚內這間日本料理大部分都對辦的食物，我就試試聽媽媽的話，會不會可以吃到餐安樂茶飯。六點就去到等開門，全因星期日晚上，早食完可以早番屋企，特別係今朝五十九年前所未有得三度咁凍的日子的時候，我想早食完早回家，於是我們六點就到了。極上刺身盛有七種，剛剛夠我們三母子食，三文魚，甜蝦，帶子，油甘魚，𩶘魚，鱆紅魚，北寄貝，每樣都非常新鮮，最重要係佢個價錢咁平，當中帶子和油甘魚特別新鮮，而我成日叫媽媽要吃多一點的北寄貝，有助骨質疏鬆，要孝順媽媽，記得

Happy Friday 當然出街食啦, 太子區附近都有好多選擇, 雞煲, 打冷, 西餐, 點心。今次就試下平時會經過但就未食過既稚內。時間尚早,唔洗等位, 入到去我地隨便揀位座。餐牌上有好多選擇, 壽司, 燒物, 小食…我地最後點左三文魚他他 ($78)同 極上雜錦魚生飯($82)三文魚他他 - 值得一試!三文魚好多又新鮮, 加上汁配上脆卜卜既多士, 好好味呀!極上雜錦魚生飯 – 有三文魚, 鰹魚, 吞拿魚等等..全部都好新鮮肥美!稚內環境不錯, 地方又方便,下次要試下其他壽司同燒物!

久未復出 皆因本人有私人事未解決突然想起月前到稚內用膳 感覺良好 在此與各網民分享 稚內為日式餐廳 首輪先試刺身及壽司隨機叫劍魚腩 八爪魚 及鰹魚 八爪魚連吸盤為新鮮又爽甜 劍魚腩佈滿油香 可是並未完全溶雪 此舉不但影響其味道 更影其口感 鰹魚賣相不錯 表面佈滿油脂 而且條紋不錯 可是略帶腥味 建議如鯖魚一樣 可於表面放少量薑蔥 去除腥味壽司有芥辣八爪魚 蟹膏及火炙左口魚黑松露芥辣八爪魚 芥辣同八爪魚分量調配唔錯 有d可惜八爪魚本身冇咩咬口 順帶一提紫菜好新鮮 仍然保持乾爽 咬落索索聲蟹膏黎自松葉蟹 上台仍為膏狀 頗為新鮮 味道濃郁 令人想再order左口魚頗具驚喜 皆因入口即溶 肉質鮮甜可是火炙後 黑松露嘅香味被蓋黑松露頓時失色 鰻魚炒飯用料細緻 珍珠米同鰻魚粒炒得均勻 加上鰻魚汁調味 每粒飯面都柒上香口味道 切粒鰻魚大細適中總結值得一試

阿豬唔識飲酒就係人都知架啦！朋友相約酒巴街，話食餐飯都嚇左我一跳。估唔到係一間隱藏係酒巴街既日式居酒屋。入到去餐廳唔大，但菜式唔少，我地幾個又唔知食咩好。店員服務態度好好，會問一問我地，又提供意思推介菜式。最後阿豬一行三人另外叫左d壽司、燒赤蝦、燒豬仔脾、炒什菜、炒飯。蟹膏軍艦，推介！松葉蟹蟹膏十分Creamy，唔同一般蟹膏佢一d都唔腥，入口蟹膏香濃好突出。下次一定要再食芥辣八爪魚軍艦，調味唔錯。火炙左口魚邊黑松露壽司，口感好好，阿豬俾佢surprise到，推介！左口魚魚肉較結實，魚油足，師父將佢薄切做壽司，入口濃郁甘香好鮮味。香燒豬仔脾，醃得好入味，咸香為主，燒得有點乾，阿豬覺得淨係點少少醬可以令佢更加惹野，ok。燒赤蝦好大隻，用海鹽燒，蝦肉較實乾身，咬落有口感，唔錯。鰻魚炒飯賣相好靚，入面既鰻魚塊、珍珠米、日式醬油炒得好均勻，鰻魚粒都多，好香口，推介！蟹粉炒什菜 阿豬覺得叫什菜好特別，因為佢係指瓜類，翠玉瓜同茄子，蟹粉味濃，加上高湯勾茨，入口綿滑清甜，唔錯！阿豬覺得個配搭翠玉瓜爽口，茄子淋身，可以考慮用其他配搭，如加添幾種菇類。呢餐誠意服務，高質食品，值得再回味！

天氣凍緊係想食個熱辣辣既拉麵暖暖胃但唔熟哩頭有d咩餐廳，於是上openrice睇下，見到哩間d食評ok，咁就入去試下lunch time人未坐滿，有2,3張吉枱，但都係要搭枱。一個餐由$3x-7x，有個餐湯或沙律+加洲卷+主菜+飲品咁當日我叫左個餐湯，係蕃茄湯，而哩個蕃茄湯比我既感覺係茄醬溝水。之後黎個加洲卷，冇乜特別既，係同平時元x食果d完全唔同樣姐。飲品我叫左個熱好立克，佢d色好似充滿好立克味咁，但哩杯好立克係完全冇好立克味。平時茶餐廳d好立克都好夠味，完全唔洗加糖，哩道哩杯，我真係想加哂2包糖落去。終於到我期待已久既拉麵！仲要係麵豉湯底(當日其實得地獄同麵豉湯底)。睇個樣都幾好，好似充滿拉麵味，d雞皮亦煮到好脆咁。第一啖試下個湯，只係微暖，可能天氣凍啦。但係個味道，同好立克一樣，麵豉湯冇麵豉味，我第一次食d禁難食既拉麵。仲要碗邊同成隻匙羹都油冧冧，我真係唔知清潔果個係咪就咁用清水洗。埋單時佢有d儲滿幾多個印仔就減$既卡，我拎完之後行出門口，擺返喺佢本menu上面，因為實在太難食，我知我唔會再黎！ 賣相係同平時既拉麵、好立克一樣，只不過佢係冇味姐

由有記憶開始，每星期總有一天在太子吃飯。見證著名寶石的屹立不倒，街角的鐵板超不復存在，花園街一段開滿食肆，一向酒吧林立的的西洋菜街也毫不輸蝕。對近街尾的稚內很有興趣，除了因為這是以前常光顧吃排骨飯的舖位，也因為這是第一次有日本菜進駐。菜牌包羅萬有，壽司刺身、拉麵串燒，理所當然，咸豬手、鴨脾，肉眼扒、意粉都有。可以說它不正宗，我卻欣賞它的多元化。不過，貴精不貴多，還是先試質素再下定論。八爪魚壽司/油甘魚壽司／鱆紅壽司刺身新鮮。魚雖然薄切，但富魚香。八爪魚彈牙多汁。壽司飯的醋味適中，只可惜太實。三文魚他他八塊小多士伴在他他的兩旁，賣相精緻。份量都幾大，足以在每片多士堆上滿滿的三文魚。嫩滑的刺身，再咀嚼幾下覺得有筋，希望爽的或會喜歡，個人獨愛入口軟嫩的三文魚。有魚香卻欠油香，不夠香口。三文魚籽大粒多汁，爆出鮮甜的汁，美味又增加濕度。香草柚子汁跟三文魚幾夾，添上沙律醬汁，而且清新。多士不錯，夠脆又不太硬，默默地做它的配角。黑毛豬超厚身的黑毛豬煎得漂亮，邊切邊感受到肉質的嫩。見到肉熟成米白色，中心尚帶淺粉紅，七八成熟，拿捏得準。吃下去證實肉質軟嫩，不嚡不韌，肉汁豐盈。偏淡，卻突顯了黑毛豬的肉香。

太子區最近有一家大獲好評的餐廳，朋友說一定要來試試，結果真的來了，希望不會失望吧鮮菜他他，類似西班牙的菜式，鮮菜沙律十分新鮮，麵包十分香脆鴨比喬麥麵，鴨比十分香脆，非常多肉，喬麥麵清清的，味道不錯壽司拼盤整體相當新鮮好味，特別是吞拿魚，新鮮之餘，味道出眾，鮮蝦也是不錯的選擇絕對值得一來

位於太子通菜街差館附近有間名叫「稚內」的日式料理餐廳, 店鋪細細, 但星期六日晚膳時間卻座無虛席, 認真需要試試究竟! 但座位相當逼擠, 坐得不太舒適, 一不小心基本會碰到隔離客人的膊頭, 有啲唔太好意思! 有條走廊可以直望廚房, 相比之下廚房比店面更大, 這是重視食物製作品質的表現嗎? 如是, 那就很不錯哦!餐牌種類選擇其實不多, 揀得亦比較絞腦…店員好似太盡責了吧？好似被監視落單一樣，完全沒有私人空間給予客人，好大壓力！結果揀左以下幾款菜式~海膽軍艦, 呢個真係超正! 其實睇相已經好吸引, 味道更加吸引, 好鮮甜, 好肥美! 請嚟多一客啦!!齒甲留香呀!!赤貝壽司一樣出色, 真係好新鮮, 唔會有腥味, 口感仲好爽!壽司拼盤都唔錯, 樣樣佳精, 選材亦都好新鮮, 唔會馬虎製作!和牛…呢個一上碟仲以為係叉燒…好地地一碟和牛真係俾啲薑蓉污染左…乜野新意? 真係唔覺得有咩特別, 冇晒牛肉味之餘, 真係以為食緊中式燒味, 瞬間降grade…sorry,唔識欣賞!最後一碟係牆上嘅廚師推介「黑松露赤蝦」, 其實我真係好唔中意黑松露嘅石油氣味, 真係好臭!雖然佢俾人捧到好矜貴, 事實食落口又唔覺難

上次與女友在通菜街找吃，無意中發現了這一家以創作料理為主題的日式餐廳，甚感興趣，便決定這天下班後到這裡相聚片刻。 餐廳以日本北海道的稚內市為名－稚內市除了是日本最北面的城市，其海鮮也十分有名，未知這裡的食材是否像日本直送一樣新鮮呢？ 餐廳是一間傳統的小店，內在環境比較狹小，而枱與枱之間的距離也不多，略欠空間感。裝潢和桌椅方面都用上了木質的家具，而且燈光柔和，所以整體感覺尚算舒適。值得一提的是餐廳用上了一整套的餐具，而杯碟上寫畫有秀麗的字句和花枝，很具欣賞性。 除了一般的日式料理外，餐廳也為食客提供各種各樣的西式菜和特色創作料理，而我們則選擇了當中的海鮮漢堡和米紙三文魚野菜卷。海鮮漢堡的饅頭炸至金黃色，外脆內軟，而夾著的泰式魚餅煎香了，配搭爽口的生菜，口感不錯。魚餅有很強的香茅味，味道稍濃，而饅頭和魚餅也稍為油膩了一點，幸好有生菜和千島醬可中和一下。薯角是即叫即炸的，熱辣辣，但同樣有點太油。 米紙三文魚野菜卷是仿傚越南菜的一道菜式，以米紙卷包裹著三文魚、生菜及千島醬。米紙野菜卷的口感頗豐富，而整體味道很清新，感覺像是在吃沙律一樣。 來到日式料理店，當然要點壽司來一試，就選擇了最

路過太子,偶然找到這間稚內創意居酒屋,餐廳雖然不太,但人流滿滿.食物種類以傳統日式較多,我點了這個壽司盛,以多種壽司混合為主,質素當然不可能跟高級餐廳相較高下,但質素以這價錢來說還是不錯,三文魚新鮮但不夠肥美,帶子則十分豐滿,而蝦刺身相當新鮮軍艦壽司的紫菜也是不錯這兒最值得一讚的是服務,侍應相當有禮,不錯的選擇

香港食日本野嘅餐廳多到數都數唔晒，日式西餐都有好多選擇～但係西式日式Fusion菜又好似比較少有．嗰晚同 Farewell 舊同事，揀左呢間稚內日式創作料理居酒屋，位置唔算僻，但因為同酒吧做鄰居，有幾個朋友都行過左都唔知，但估唔到食落有啲驚喜，已決定擇日Encore。嗰日雖然係星期一，但小店都係訂位安全啲，所以去到唔洗等就入得，間鋪座位唔算多，開始仲覺得幾迫，但由七點半坐到Last order十點半，又覺得OK喎～而且我地因為等埋朋友所以都坐左一陣先落單，佢地都催我地要叫野食，反而仲幾熱心介紹有咩推介。【極上刺身盛】就係店員推介，的確唔錯，上嘅時候仲有乾冰嘅煙，好鬼有氣勢。我地傾得興起，食得有啲慢，但店員都會提醒我地要趁早食，而無比我地感覺係催我地～【鴨肶蒿麥麵】係最後我地忍唔住加單叫的，係11月限定嘅menu，鴨肶炆得相當稔，唔怕難分。加上蕎麥面係我至愛，所以特別喜歡呢一道菜。加單其實仲加左隻燒春雞，不過無影到相，佢釀左啲薯仔入去，好入味！我地走左之後醒起無影到大合照，走番入去問店員，店員都好好咁幫我地影相～！味道OK服務又OK，埋單又唔算貴，絕對值得Encore。