竹串日本料理 (Closed)

今日兩口子黎永光中心覓食，睇中15樓呢間日式料理餐廳揀左兩個都係98蚊既午市套餐，第一個係極上魚生飯，有油甘魚、三文魚、吞拿魚、牡丹蝦帶子、海膽！魚生非常新鮮，除左蝦係1件，其他魚生都有兩件！但隻蝦係好大好大，好鮮好重蝦味！每件魚生都係厚切滿足另一個極上鰻魚飯，真係無得頂首先，一上台嗰下真係好驚喜，條鰻魚大到呢，食嗰時要小心，否則好易跌！另外，講返魚質同味道先，魚肉嫩滑但不失彈牙，鰻魚汁不會過咸蓋過鰻魚味每啖飯都大大口鰻魚，真係好滿意！每個餐都包湯甜品、沙律&前菜，以呢個價錢，有咁既份量，足以回味成日👍🏻下次試下佢D串燒先😆

喺金鐘呢個地方大大話話返咗差不多一年工，有咩好食唔好食都試過，成日都去出去遠啲既地方探吓險。最威水最遠都係去吓灣仔，咁啱有個同事話不如坐地鐵去再遠少少，咁就變咗膽粗粗一齊坐地鐵去銅鑼灣搵食啦。一坐低我哋怕食唔切就快速點餐，分別點咗極上魚生飯及極上鰻魚丼飯。侍應點完餐就馬上送上熱茶，沙律同小食。等咗唔洗十分鐘，我哋個主食就到啦，佢呢度嘢食如果只能用一個字黎形容，一定係用個［巨］字。極上魚生飯－以佢呢個價錢，佢真係CP值好高，佢既刺身全部都勁厚切，啖啖肉得黎又新鮮，朋友話好欣賞佢嗰隻勁大牡丹蝦同帶子。極上鰻魚丼－一上菜時真係嘩一聲，個賣相真係超巨大，係一整片鰻魚免切！忍唔住即刻同朋友打卡相機食先呃like。面頭既鰻魚燒汁同鰻魚都好香噴噴，未食之前仲喺度諗咁大舊一定食唔晒，最後係食得晒，因為真係好香熱辣辣，不經不覺就食晒佢啦。😅食完我哋就馬上埋單走人趕返公司，侍應勁好人拎住兩粒雪米糍追出黎比我哋話係我哋既甜品。總括黎講，佢呢度既LUNCH SET都真係幾抵食。有機會可以再坐地鐵過黎食。🤣

銅鑼灣永光中心一帶，一直是我過港島覓食時的首選，主要是因為選擇多而普遍價格不貴，今日來到銅鑼灣開完會後，心血來潮好想吃魚生🍣，跟住就搜查一下、發現呢間竹串都幾多人讚👍🏻馬上去試一試內𥚃環境舒適，燈光是我最喜愛的光度，座位也很寛敞，這種環境跟朋友一邊吃一邊談天說地理想不過了這𥚃的午市定食一d都唔貴，價錢由$68-$98之間、甚至乎可以講得上是好平呢精挑細選下，揀咗呢個極上魚生飯哇實物比圖片更豐富喎, 色彩繽紛材料豐富，海膽、帶子、三文魚腩、吞拿魚、牡丹蝦、油甘魚、我最喜歡吃的全部喺哂度啦海膽雖然有點溶化，但入口非常之香甜冇任何腥味，其他刺身也非常新鮮三文魚腩刺身和普通三文魚刺身的最大分别就在於魚肉上那層脂肪層，由於魚腩位於三文魚的腹部，那裡是整條魚脂肪最豐富的地方，特别是皮與肉之間的“白膜”，更是最高美味的所在牡丹蝦～蝦肉甜美細滑、綿軟中帶彈性, 甜美的口感在口齒間逐漸散開。 除了蝦肉本身的緊實鮮甜,頭的部分更是整隻蝦的精華所在，豐滿的蝦羔甘甜濃郁，餘味悠長識得食嘅食蝦必定會吮🦐頭呢

今日經過銅鑼灣，好想食日本嘢。經過登龍街見到有姨姨派傳單就試下竹串日本料理。上到餐廳就見到好日本feel的門口，坐下再看menu,價錢大眾化又唔貴，主要食串燒同魚生等。我叫了一客銀雪魚串燒午餐。串燒好味不太油，雪魚新鮮，肉很實，十分不錯。另外麵鼓湯很多料，很清甜。另外，秋葵串燒也很特別，不油且新鮮，內外都能保持溫度。值得一讚。但最中意是那串甜薯，很甘甜。食到最後也忍不住吃完整串甜薯。最後，還有雪糕羅米滋做總結。整體很不錯，下次會再光顧。

想係銅鑼灣搵到平民餐廳，又要唔公廁嘅真係極難，今次就黎到友人推介嘅日本餐廳食個lunch例牌有味噌湯同沙津。螺肉大粒有口感。至於主菜，自己就嗌左個極上饅魚飯，一早真係忍唔住「哇」左聲出黎，賣相完全係饅魚壽司嘅加加大版，原條饅魚比曬你，真心勁誇張。有外都有內在，味道都唔差。饅魚肉地鮮嫩，加埋啲燒汁係超正。唯一不足就係饅魚唔係完全冇骨，係有啲細軟骨係入面，但相信唔係一條骨都食唔到嘅人，係絕對可以handle到。友人就嗌左極上海鮮飯，我地坐果個位咁岩可以睇個師傅切魚生，件件魚生都好新鮮，無腥味。加上佢係厚切，每啖食落去都勁有滿足感。成個飯都係用木桶裝住，更加有日本居酒屋嘅感覺。總括黎講，雖然餐廳定位都算中高級，但佢嘅lunch set嘅定價全部都係百元樓下，加上食物都真係有番咁上下，算係極抵食。

長假降臨之際，總是不太想工作。這天接完眼睫毛以後沿路走到登龍街，友人推薦到這家竹串日本料理一試，説它們的鰻魚飯CP值超高，一定要試試看。竹串在永光中心的十五樓，我們一點四十幾分應該過了午飯的人潮，樓下沒人排隊，心想應該很快可以吃了吧！沒想到到了竹串，我們前面居然還有兩桌客人在等⋯⋯現在同午市都這麼熱鬧的嗎？我一般可都是在辦公室吃著泡麵過著日子⋯⋯還好等了大概十分鐘，大部分的客人都準備要上班了，很快就能進去，店裡面也變得安靜，適合我們慢慢聊天。店裏空間感高，桌子與桌子之間不會太擁擠，而值得一提的是，店員清潔都很快，店裏感覺簡潔舒適。餓了，趕緊看餐牌，第一眼的感覺卻是，這家餐廳靠譜嗎⋯⋯我雖然來銅鑼灣吃午飯不算多，可是一百以上是基本，吃好一點的日料就更不止了，可是這裡的午市定食卻居然$68元開始起跳，最貴的也不過$98，太合算了吧！友人二話不說點了極上鰻魚丼飯，我一般喜愛吃生魚片，便點了一份極上魚生飯。大概是方便附近的上班族僅有的上班時間，小食、沙律和味增湯很快就到了，剛好我也餓透了，正好。小食是常見的螺肉，沙律和味增湯也都不錯。極上鰻魚丼飯 $98鰻魚丼到的時候，我也忍不住哇了出來，這鰻

12 點開門營業，12點上到永光中心15樓食竹串食獨家有名的特特特特大嘅極上鰻魚丼飯和極上魚生飯。慕名而來，到達店鋪，已經坐了好幾台客人，還真夠快呢。竹串鋪面目測可容納50多位客人，有bar台、日式多人座、長台。店員熟練有效率的置上茶杯和餐牌，倒入綠茶。看過午餐餐牌，一共8款之多，每款都伴有一碗味噌湯、一客沙津、一匙海蜇，餐後甜品一份。揀選了極上魚生丼，同極上鰻魚丼飯。隨後，前菜也一一端上。驚喜的是前菜精緻的那份認真。平平無奇的，味噌湯多數只得湯，好一點的，會加昆布。但竹串的，則材料十足，基本昆布、豆腐之外，還有滿滿的菇； 濃郁味道十足。旁邊的沙律，菜和車厘茄都新鮮爽口，伴伴柚子汁，不錯。另外的冷盤海蜇，就是好食。極上魚生飯木桶盛出，賣相已經很給讚呢。丼中有6款魚生，滿滿鋪上三文魚、吞拿魚、海膽、油甘魚、帶子、牡丹蝦。每件都厚切，至愛三文魚新鮮淡淡肉、帶子口感一流。魚生下的飯也軟軟的，份量1 比 1 ，剛剛好。極上鰻魚丼飯，可能是銅鑼灣最最最最最長最厚的燒鰻魚。劃破相像空間，誰想到這兒的丼，是大大塊原條燒鰻魚閣在一拳頭的飯上。驚喜十足呀！全條厚身兼有成個手臂咁長之餘，燒得色澤均一、軟度

終於都過左個慢長一星期，又到左星期六放假，個人都特別輕鬆，相約朋友食午餐傾下計聚一聚，去左依間日式料理餐廳，雖然位於樓上鋪，剛好係美食街中，所以並唔難搵，我地一人叫左一個套餐一齊食每個餐都包沙律、味噌湯同螺肉小食，先送上填下肚仔先，話咁快先上極上鰻魚丼飯，之後再送上極上魚生飯極上鰻魚丼飯賣相已經好吸睛，好大條既鰻魚放係滿滿既飯上，鰻魚食落肉厚肥美，入口好滋味多汁，完全唔係普通食到既咁薄身，咀嚼時仲有厚肉口感，魚骨又唔會好多，好正呢極上魚生飯魚生飯中有六款刺身，有帶子、牡丹蝦、三文魚、呑拿魚、油甘魚、海膽，每款刺身都非常新鮮，重點係件件都係厚切，海膽食落亦非常鮮甜無苦味，拌飯食真係正，不得不讚油甘魚同帶子口感爽嫩無比，唔洗點醬油食都好鮮甜，滿滿邪惡感呀

長過2隻手掌既鰻魚！！極上鰻魚丼飯($98)呢條鰻魚應該大過我之前食過既所有鰻魚肉質鮮嫩，保持到鰻魚既濕度同質感，唔會太硬身或太散。加埋呢個惹味蒲燒鰻魚汁，即時戰鬥力大增，就算下面個珍珠米飯x2 都食得哂！ 性價比超高鰻魚飯極上魚生飯($98)有帶子，牡丹蝦，三文魚，呑拿魚，油甘魚，海膽。但當日冇哂海膽，換咗做魚子。魚生每一塊都好厚，又好新鮮牡丹蝦大大隻，超級鮮甜！岀面應該都好難食到咁抵食即魚生飯每個餐仲會有湯，前菜，沙律同甜品，去銅鑼灣食午餐推介呢度

今日經過銅鑼灣，好想食日本嘢。經過登龍街見到有姨姨派傳單就試下竹串日本料理。上到十五樓，就有人招待。坐下再看menu,價錢大眾化，主要食串燒同魚生。我叫了一客銀雪魚串燒午餐。串燒好味不太油，雪魚新鮮，肉很實，十分不錯。另外麵鼓湯很多料，很清甜。另外，秋葵串燒也很特別，不油且新鮮，內外都能保持溫度。值得一讚。但最中意是那串甜薯，很甘甜。食到最後已經很飽但也忍不住吃完整串甜薯。最後，還有雪糕羅米滋做總結。整體很不錯，下次會再光顧。

今日約左個舊同事係銅鑼灣食LUNCH,，佢帶左我上一間日本野度，見到MENU D LUNCH SET好似幾吸引，而且價錢仲好實惠。平時去開串燒舖多數都係淨食串燒，但呢個SET LUNCH係串燒定食，都幾得意，於是就叫左呢個 竹串頂級牛舌燒 $88 首先係沙律，味噌湯，同小食螺肉**味噌湯出色，一啲都唔hea!! 主角出場啦: 一共6款串燒，厚切牛舌、鹽燒手羽先、芥末松板豬、翠玉瓜、秋葵、一口甜薯。有齊晒雞牛豬蔬菜，賣相已經滿分。味道都不錯。厚切牛舌燒得好好味!!咬落去有小小油脂出黎，好香，仲有小小SO味!!好正呀!! 芥末松板豬個豬又係燒得好好味，個皮金香脆，但其實本人覺得佢同芥末就唔係完全好MATCH!!所以我都撥開左。鹽燒手羽先就淡左小小，唔夠入味。仲有我最中意既秋葵呀!!放左小小鹽係面已經超好食!! 推介推介!! 食完仲有一個小甜品送，就係一粒綠茶糯米糍。NICE!! 朋友既極上魚生飯都好豐富，雖然我冇食到，但朋友話好新鮮好大件，正野!!我下次又要試!!

在銅鑼灣這一帶有很多的食肆，今天小女生說想吃日本料理,聽說竹串的味道不錯，價錢也合理，那麼就去試試看。一時半來到，要等位，不過等一會就能安排入座。這間日本料理燈光昏黃，裝修很有日本居酒屋的氣氣。午市有set lunch 供應，價錢由六十多元起。很多食客都吃極上鰻魚井，如果不是昨天才吃過白鰻魚，今天一定會試一試那jumbo 蒲燒鰻魚 。我們被安排坐在吧枱，看到廚師在燒串燒及切魚生，隨即被那熱辣辣的串燒吸引著，那麼我就決定點個串燒便當。竹串銀雪魚燒$98一共有六種串燒，銀雪魚幼滑無比，有入口即溶的感覺，雞翼也燒得很香很惹味，芥末松板豬，又爽又滑，起初還擔心會有點硬，實在是驚喜之作。而那串一口甜薯，香甜美味，我相當喜歡，小女生吃了一顆也想encore .和風便當$78很豐富的便當啊！才只是$78呢！吉列豬扒大大件的，炸得金黃，香脆而有質感。燒鯖花魚又香又肥美，小女生很快便吃完。三片厚切的三文魚，色澤光潤，油脂厚厚，相當新鮮，味道又肥又甘香！最後還有雪米糍，為這頓美味的日本料理加添了色彩！後記：這裡有位待應姐姐服務態度良好，樣子可愛，值得一讚！

一步入餐廳，見到很日式的陳設，感覺很好收到餐牌後，點了一個燒牛舌定食，其實還有很多美食，下次要試埋其他店員很快就將前菜及定食送到枱面食物舖設得很美味道也好一定會再來

一直以來都好想養成食早餐既習慣 但可惜訓到黃朝8晏既我 一起身都已經夠鐘食LUNCH有陣時諗唔到食咩甚至會唔食 其實我係好怕有碟頭飯既人 食LUNCH都要講究下...好煩既一個港女今日經過永光中心樓下 見到好多姐姐派傳單 其中竹串仲有甜品送一於就上去試試 價錢食LUNCH黎講算係中上 不過試下都無妨 好食既話一定有下次12點半去到未算多人 同阿嫂坐BAR枱 可以一路食一路望住廚師做野 我地2個人都係嗌左2份極上饅魚飯 因為見到D相好吸引!!先上沙律同味豉湯 再黎就係饅魚飯 好厚好大條!終於唔怕唔夠送飯 唔洗慳住食 可以每啖飯都有埋饅魚! 而且饅魚骨唔粗唔硬 好易入口 之前食過有間既饅魚係D骨食唔到 但係呢間係絕對唔會 即刻覺得$98都係物有所值!!!最後有粒雪糕糯米滋

這家日本餐廳，在銅鑼灣燈籠街名為「竹串」。開了不太耐，性價比真的非常不錯。我早前已經寫過一篇食評推介他們，為何要再寫，並非我有股份或者同老闆係 friend。係單純覺得近年咁有良心經營餐廳已經不多。所以希望公諸同好。我過去三個月一轉眼已經光顧了十次。。。帶埋家人老友一齊捧場（圖中照片與早前的食評沒有重複）今次 post 嘅 $328 刺身 platter 係上星期五晚上吃的。已經可以完勝我吃過的任何 omakase dinner。唔該睇吓照片刺身嘅厚度。真係良心經營。希望可以 keep 到水準！唔好越旺場就越縮水啊！lunch sets 就大概二月尾吃的。平到笑 - $68-98 交到中環 $150-300 嘅貨（自己睇相）dinner 飲埋酒，食埋靚刺身，喪食串燒都係 $350-400/head 左右。同老闆傾偈發現原來佢地嘅刺身都係日本空運直送，一個星期送幾次。唔怪得咁新鮮！唯一唔好就係只係收現金。。。同埋 payme 希望可以快D裝部卡機啦PS：所有照片 and collage 都係本人自己拍照自己整，請勿偷圖。