築地GINDACO (Closed)

有三款新口味！我試的是燒汁，麻麻地~ 原味好食d！因為原味較多Mayonaise！仲有咖喱同埋意大利醬~下次試~

成日經過都想試,今次終於係食飯前食過啦.係香港冇試過食好味o既八爪魚丸,呢到都算係幾好. 表皮脆脆,心唔會好粉. 不過廿幾蚊先得六粒, 貴o左d.

十點幾O係夏銘記食完魚蛋魚餃麵後諗住行落油麻地搭巴士返屋企, 忽然突發奇想, 走左去山東街食墨魚丸當宵夜. 叫左六粒丸, 加個DIET LEMON COKE. D 丸新鮮熱辣, 咬落去脆O既炸皮之後O係半空心O既墨魚肉"蓉", 杰撻撻O甘, 有舊仔墨魚肉O趙下, 口感叫做得意, 加埋D惹味燒汁, 木魚絲同D綠色O既粉抹, 同朋友企O係度食食到雪雪聲好LEA HEAO甘其實又O係個幾特別O既經驗, 不過價錢唔O係抵. 服務態度OKAY, 但好慢, 排好好好耐隊. 環境衛生要改善.

20051123 7pm去到旺角，男友又想食墨魚丸，今次我帶佢o黎築地。之前我睇過openrice 好多食評，勁多人讚，好大期望。要o左一個小舟套餐($28)，六粒墨魚演+ 一杯lemon coke light。同男朋友share。墨魚演好大粒，醬汁亦OK 好味(我要o左原味燒汁)，但係食落一口漿~ 個感覺唔係幾好，有o的仲似未熟。我仲以為會有好多墨魚粒粒，點知都係無。女店員有禮貌。環境就唔算乾淨，抹檯抹得唔夠勤。$28 比日之船貴足足一倍，但係我又唔覺佢好食過人地一倍喎~ overall 只不過不失，唔值得特登去食囉~

謝謝你的回應. 我明白落醬portion 是貴公司Quality Control Standazation 之一.不過以個人口味以言實在唔多夠味的.所以我下次有機會再幫襯的時間一定會要求加醬的. Anyway. 努力吧. 你們的服務熱誠真的令顧客很滿意呢! By the way, 仲有樣野想提出. 貴店的通風/ 空調要注意一下是否可以協調得更好. 街外( 尤其係MK) 的溫度本身已經幾高. 而店內的爐頭亦令店內溫度上升.所以入了店內( 室內) 亦仍然覺得很熱. 請代之向管理層發表一下吧.謝謝!亞敏

剛入來就睇到這篇,所以就想回應一下.不過都要先講明我唔係代表公司身份架~只係新新店員仔一個,用番自己感覺去講乍,希望您唔介意啦...關於2/3檸樂,其實真的對不起> <因為那汽水機的檸樂唔知點解一禁佢就係咁出好多泡泡,要等泡少左再禁,再等,再禁etc....重復幾次先滿.所以一個唔留神都會斟得唔夠滿.唔係有心慳架,對不起呢!我會更加留意留意的!而醬汁呢,我地其實有個份量跟架,我諗公司係唔想d醬汁味蓋過晒d 丸味啦,所以都唔主張落好多.當然啦,如果您真係想要多d,只要開句聲話要多d,我地就會加多d比您架喇!仲有好多謝您話我地服務好ar^ ^作為個店員,顧客滿意已經係個好好既鼓勵o黎架喇~我地會繼續加油架喇!!最後好希望您可以再次光臨本店呢~

我食過日本嘅築地,當然好味過香港店不過喺香港唻講,章魚丸子,仲有飲品跟餐做得如此也算不錯而且價錢比日本已經平

食過後大致結論同大部份前文食家一樣. 八爪魚糕選料新鮮.同local 的店子比較築地係幾好的.其他方面. 魚丸醬汁只在丸面輕掃一層, 實在到喉唔到肺. Mayonaise就過份地Rich texture. 但食落口又唔覺有D咩味. 麻麻.一盒六粒連Coke Light 一杯. well. drinks得2/3 杯. 做乜咁慳皮?店員熱情有禮. 給我的印象係幾好的.

佢D 丸又大又新鮮, $28 六粒+可樂. 價格略貴但都會再食!

再正!! 我覺得佢好好食!!同埋好好食!!!d丸好圓.好有口感.彈牙!!

今日一條友無定去, 行過旺角睇到呢度, 一早想試, $28 小舟套餐, 6粒丸+可樂, 價格唔平但真的好味, 也有日本feel, 下次一定再來.

男友想試好耐，不過成日都好多人，費事排隊。但星期六晚，唔知係咪因為臨近食飯時間，竟然冇人排隊，所以男友便拿拿臨走入去買一盒。依我評價，味道一定好過街邊$10盒個，起碼料足先，大大粒墨魚，內裡粉漿處在半溶半涸狀庇之間，好好味，可惜沒有wasabi蘸，不然就更理想了！

第一次食築地的八爪魚丸係佢開店的日子, 當日見到有人拎住支大旗仔叫所以去試下:八爪魚丸大大粒, d皮幾脆又軟硬適中, 入面有好多料, 而且ｄ八爪魚真係好有八爪魚味, 加埋d燒汁及蛋黃醬真係好味, 仲有企位唔使企係條街食, 不過點解唔諗下加d座位呢?企係度食野真係幾累其實好多人將築地同日之船比較, 我認為各有優勝之處, 所以兩間我都喜歡去食

之前有人買番o黎俾我試,應該係隔左半個鐘到先拎到返o黎,仲熱喎,個皮幾脆,但係整體味道麻麻,唔及日之船好味~

皮脆，但餡料沒什麼大不了，也是一團麵粉蛋之類？(請教知道的人話我知…)吃不到蔬菜在內，沒什麼口感…不過內裏的八爪魚粒就好正，覺得是新鮮的，只有這點是勝過日之船！但畢竟價格相差一倍，這也沒什麼出奇。size也明顯較大~不過燒汁已經夠咸，再配沙律醬好像有一點點怪，但也算不錯…下次試芥末~