築地GINDACO (Closed)

d 章魚丸絕頂好味呀ddddddd( 好味過章魚小丸子好多) 真係會食上癮咁制. 但初期開鋪果時最少有兩個日本師傅坐陣, 佢地d技巧好鬼勁, 粒粒個shape都一致同顏色好靚, 但過左兩三個禮拜, 剩返一個日本師傅坐陣幫手整( 有時仲會縮入去做幕後工作), 得返d香港學徒整章魚丸, d shape 一粒大一粒細咁, 又唔圓, 多人果陣時( 晚飯時間) 外面層皮仲要"林bad bad" 既, 我bf仲話入面d漿未熟, 唔係幾掂....... 希望以後都會繼續食到初時開鋪的水準啦, 話哂都$4個幾一粒.

睇xx 男女話有正八爪魚丸食, 同男友講到明點都要食架喇! 懶理之前食多左round手撕雞米線…隔左兩個鐘之後, 佢約左人, 得返我一個搵食。門口有一堆人食緊, 都好熱鬧。入到去都唔駛排隊, good! 見到d丸個樣, 唔…唔似旺角果d落好多油去炸丸子…good!!!佢有小船同大船, 雖然我得一個人, 但係唔知係咪鬼um眼定係點, 我竟然一個人叫左隻大船同一杯野飲! 我買上72x食, 買走呀哥哥仲問我係咪15分鐘內食, 係呀~ 咁個packing都幾靚嘅…我等左好耐72x, 上到車d丸子都冇淋, 脆卜卜, 不知幾正! 內餡又軟, 又香, 八爪魚又好味, 真係good!但係10粒對我而言真係好多! 我食到5粒都有d後勁不繼, 最後去到吐露港時就KO曬十粒! 最後一粒都仲好脆好軟! GOOD!眼闊肚窄的最後得著是我肚腩的脂肪。

跟書尼食,叫個6粒裝的連1杯可樂,$28,幾貴.味道方面,個汁幾"傑"幾鹹,八爪魚幾細粒,書話有10g重,但整粒八爪魚丸則幾大粒,漲卜卜."咸"料軟滑,好食!

和愛人旺角行走,經過時吵吵鬧鬧的被吸引了.試了個10粒裝的連兩杯飲品,一共$40.不算抵食.醬汁咸了一點,小丸子大大粒又熱乎乎的.加了分數.

中午時經過旺角見到新開的日式快餐店, 店子門面十分大但廚房佔了過一半的面積, 廚房內有十多名員工十分齊心的用日文在叫起口號來, 最好奇的是店中好像只售賣燒八爪魚丸一個菜式, 點了一個小船套餐, 廚師十分熟手燒好了六粒熱騰騰的八爪魚丸, 漲卜卜的八爪魚丸外皮香脆, 內埋的八爪魚件亦份量不小味道可口, 只是略嚴醬料味道過重影響了一點, 套餐還伴上了涷檸檬茶味道偏清淡; 店中環境裝修不錯但只有一邊企位, 相信繁忙時段亦只能夠應付十多位客人, 侍應可能過份熱情, 太突然的口號真的令人有點受不了.