築地GINDACO (Closed)

　　以前以為，小丸子日之船係整得唔差架啦－ｖ－！　　但係呢～原來仲有間仲好架！就係築地啦～　　　　因為佢ｏ既小丸子裡面係好多料，點講呢～我覺得佢個小丸子好肥美，ｄ皮又軟硬適中。大家最好係岩岩整好ｏ既時候買，再等佢一陣先食＠＠咁就唔會熱親咀啦－ｖ－入口唔會巧似日之船咁空空，口感好好多。而且ｄ八爪魚真係有八爪魚味架～　　最重要一題係～佢有原味同和風芥辣選。芥辣唔係日之船ｏ個種，係米黃色的。佢ｏ既味道唔係公鼻ｏ個種，又唔會係太辣，配合得都幾好架－ｖ－　　而且ｏ個度ｄ人禮貌好好架～　　我每次經過旺角必食之選　有時仲會突登去食添丫！

平時我好鬼唔鍾意食街邊d燒丸子, 連係sogo supermarket出面果間我都覺得唔好食, 但由於男友勁鍾意食, 所以次次都要陪佢食番幾粒. 食左幾間, 都係覺呢間最好味, 個皮脆脆地, 裡面又唔會好粉喎, 粒墨魚又大大粒, 六粒連汽水都係$28, 都唔算太貴.

見到好多人話好食,咪又同男朋友出動去試下,0個日仲要排晒長龍,好食就抵番晒0既,不過...點了最平那個set,不記得價錢,應是$30以內,有6粒八爪魚丸再加汽水,要了原味蛋黃醬,食落覺得除了個皮脆脆地,都唔覺得有咩咁特别,我同男朋友都覺得同百佳的沒有分別,反而百佳的更加好食,算了,不過試了就算

價錢上真係貴左小小，但係勝在夠好食，而且加上配合蛋黃醬同原汁一齊食，簡直就係一絕，的確唔錯唔錯~~~~~~ 如果可以坐底慢慢食就最好啦~~~~~~~~~~~~~~~~~~

真係聞名不如見面, 一入到去好有日本feel.買左六粒Wasabi 沙律醬味, 比平時食D較為大粒, 外面金黃色皮脆, 入面有一粒八爪魚肉, 起初唔覺有Wasabi味, 但越食越攻鼻.下次有機會試下原味先!!

價錢比較貴，$25 只有6粒。本人覺得選芥末蛋醬好食D，但服務就麻麻啦，慢動作兼黑面，所以我同意試過便算。

食過一次，都係「章魚小丸子」好味啲，而且價錢都幾貴，$25得六粒，木魚又比較少，試過就算。

價錢ok 啦~~但佢講到間野咁出名就真係唔覺lor~講真...d 丸唔係咁好食...太多油啦~好似炸丸咁~~佢唯一ok就係d sources 同足料...但你話同對比返係咪真係同日本食嗰d 一樣咁好食...我又唔覺喎...(最重要係佢話佢係源自日本mar)~~我真係覺得佢太多油啦~~仲要..佢入面好多野飛下飛下...等野停曬喺d 植物度...好嚇人...

星期日晚食完晚飯唔夠飽, 經過呢度抵受唔到誘惑, 終於試左六粒, 要左wasabi沙律醬, 八爪魚丸皮脆, 內不太粉, 不過八爪魚唔夠我係大阪食既大粒, D wasabi沙律醬幾勁, 我唔覺唔覺食到流眼淚呀! hehe

原本想幫襯去開個間食章魚燒的, 但見到呢度有好多人排隊買, 就排埋一份試下.有幾個套餐, 有小舟(6粒), 大舟(11粒). 唔鐘意飲汽水, 試過個綠茶又好普通, 所以只係要左一個小舟, $25. 排隊都排左五-七分鐘, 企係度睇師傅整. 章魚丸餡有八爪魚,卜卜米, 酸薑粒同葱. 食落去好熱, 個皮有d脆, d餡都幾好食, 個日本醬油都唔錯, 有蛋黃醬絆住吃. 門口同店內都有d枱. 我地企係度食, d射燈好強勁, 加上d章魚丸好熱, 夏天食就流曬汗~!!味道都唔錯既, 不過唔可以話係好好好好食囉, 唔係好值$25 六粒咁貴, 下次我都係幫襯番平時有隻日本船既章魚丸好d咧.

同男友行旺角，見到呢間舖頭新開，就入黎試下!八爪魚丸都好多料，八爪魚仲好大粒添!不過食左兩粒覺得有d"漏"，將剩番的叫男友食埋!好好食，會再試!!!

小舟套餐:8分,6粒八爪魚丸加杯汽水,同文迪分,熱辣辣,好味.Worth a try when walking at MK. 八爪魚丸is really really hot!!

由於本人去過日本大坂食好好味既八爪魚丸，所以一直都好想香港都可以有一間咁好食既~終於，比我係太古城uny找到，依家仲係旺角開埋，正~~~~佢d八爪魚丸好足料架~個醬又正，d沙津醬加wasabi好好味~比起同區其他既八爪魚丸好食好多~大家一定要去試下呀~

以前食過一次其他舖頭既章魚燒.....淨係feel到成口都係粉同埋d醬汁,之後冇再食過!上網知道有間日本正宗章魚燒...滿心期待咁去試,結果都冇令我失望...hehe...*0*v...外皮香脆但唔厚,內裡八爪魚大大粒好鮮味...正!睇住佢一路整一路賣...好新鮮...絕對唔係d擺左好耐先賣俾你淋晒果隻...!!!不過計埋今次總共食左三次...感覺有d退步...唔知係random定係好似其他食家所講...日本師傅退回日本既關係...

章魚燒外皮脆，內層好有鮮味，個汁好有風味，加上紫菜和木魚絲，味道一流，一定要加辣味的沙律醬，我之前一個人吃曬十粒！希望水準可以KEEP到！