美食園林餐廳 (Closed)

這個食評的相片是專登用手機影的，因為總覺得一張清晰的照片，跟這裡不太配合，矇矇地就最好。已好少打通宵牌，就算偶一為之，人也倦得近虛脫。在嘉雀行出來，雀友就不如去吃點東西才打道回府，當然讚成。小甜甜已不開通宵，如果想吃粥，可以去新發，但是日想喝杯咖啡，就來這裡。當然這裡還有一大賣點，就是六時已有出爐麵包及蛋撻，怎可錯過？眼見這裡座無虛席，還是三山五嶽的，當然少不了的是，人手一支煙。所以就算這裡在早前重新裝修，但感覺是相當的烏煙瘴氣。見有出爐菠蘿包，就要了個菠蘿油加煎蛋，另外一杯熱咖啡。菠蘿包熱辣辣，椰蓉皮脆得過份，一咬已散落一檯。牛油是亂塗一通的，要自己再「後期加工」。將煎蛋夾在中間吃，美味；見蛋撻也出爐，就要了一個，但水準一般，蛋餡與牛油皮是分離的，似乎蛋撻師傅都未訓醒。朋友吃的即食麵，也很不修邊幅，看來也是吃麵包會好一點。埋單22蚊，見一班剛坐下的年青人在猛放煙炮，快走為上算。食肆不准吸煙嗎？不要忘記這裡是駱克道同堅拿道東交界，加上天還未全亮呢！

唔好食!樣樣杰tart tart2008年7月15日下午12:25 平時夜晚行過見佢都無咩人幫襯, 不過食到無咩好食, 所以試下佢. 我要咗菜遠牛腩飯, 老細要咗蘿蔔牛腩飯, 同事要咗乾炒牛河.我個菜腩飯, d牛腩好硬好硬, 個汁好好好杰, 超難食. 老細同我意見一樣. 同事個果重死, 乾牛落錯變菜遠牛肉炒河, 果個汁好似食物模型噤, 超杰, 杰到”力架”噤! 好驚! 奶茶算ok!一定無下次!

一直由灣仔慢步行去銅鑼灣，見到近月新裝修的美食園林餐廳有新解熱辣蛋撻出爐，忍不住買下一件，$3.5這餐廳以前的裝修相當陳舊，感覺很雜，故住了灣仔多年都從未幫襯今日一試，蛋撻不比金鳳遜色，餅皮相當鬆化 (我嫌太鬆化，很易散)，蛋味夠，淡淡的甜味令人回味又不會有太溜的感覺具質素，價錢比名牌蛋撻便宜，值得推介

好耐未試過蒲到三四點, 係半醉下友人提議去醫肚, 無得SAY NO下就跟住去. 點選了蠔仔粥和淨墨魚丸, 蠔仔粥底帶綠色有點怪, 而墨丸就好大粒好大粒...係半夜尤其飲酒過後, 食物既味道已經唔係好識分好與不好.

今日係隔離睇跌打所以入去試試.叫左兩份早餐: 1)沙爹牛肉通+餐腸蛋牛油餐飽+奶茶$212)火腿通+ 蛋治+凍奶茶$23通粉得半碗,沙爹牛肉通&煎蛋勁多油,蛋治也細細件, 不過如唔嫌油的話,細細碗食落都好鬼飽,佢地早餐算多選擇, 好似菠蘿油+雙併麵/通+熱飲,呢個餐聽落都好鬼飽, 我諗此店最正係菠蘿飽, 未夠10:30已賣哂.

每天早上返site 都見此店外排著人龍等外賣，就連流動包櫃都被客人圍著。沒空輪候外賣，便跑去買個有餡麵包，見「腿蛋包」（$5）的柯打聲比較多，便跟！五蚊一個「腿蛋包」係港式茶記比較貴的貨色，但值得的。因為係即烤的新鮮貨色，運氣好的話，會買到皮脆的貨色。那片洋火腿和雞蛋係厚切貨色，絕對係貨真價實！

而家所有食野嘅地方都禁煙'本來我地良好市民都應該跟大隊要食米出門口食囉''但而家份工喺開夜架'收工后想整杯凍奶茶但又想一路嘆支煙.大約一年前左右啦'同事带左去呢個所謂茶餐廳'講真呢道d出品食左成年啦''佢地出品種類好多'由腊味煲仔飯到蒸魚''炒蟹'都有得賣''我都差吾多全部試過'三個字講完晒<吾多掂>不過而家我仲幫襯僅原因有三個.一)喺凌晨五點收''無咩地方可以擇選.二)可以邊嘆杯凍奶茶''雖然茶味一般''勝在可以食煙'果個時間間野人頭吾多'裡面大部份人都食''吾争在我啦'''呵呵.三)五點半左右佢地會有出爐面包''心個句面包都喺一般般啦''勝在熱辣辣'唉!鬼叫咩''呢區有出爐面包賣嘅地方都差吾多執晒lu.

是大雨滂沱的另一天。下午茶時間，肚子空空的，記得這裡下午也有幾款麵包出爐，又一起來喝杯咖啡也好。跟出面的阿姐打個招呼，幾款麵包又真的熱辣辣，就隨手要了雞尾、菠蘿及蛋撻各一。雞尾包做得軟熟，椰蓉餡不多不少，不太甜又不太膩，熱辣辣的，吃完一件，忍不住口，又再追加一件，再喝一口濃咖啡，非常滿足；菠蘿包也熱熱的，不過吃起上來就不夠雞尾包般軟熟，麻麻地。始終最「菠蘿」的菠蘿包，還是蛇竇；蛋撻蛋味香濃，不過酥皮不夠鬆，可以更好。28蚊，經濟抵食，下午茶時間，可以喝一杯吃熱咖啡，吃一件出爐麵包，不錯。雖然這裡環境一般，品流有點複雜，服務更是不敢恭維。但要找有水準的茶餐廳落腳，幾時都要有自家麵包出爐的為優先。

穿過排隊買麵包的人龍，逕自找個位子坐。「提子條」仍帶微溫：嫌提子條不夠「酥」…雖然丹麥酥會比較好吃，口感也會比較豐富（有脆有唔脆），但奶香籠罩下的提子條，包身十分鬆軟，而且糖漿落得輕巧，不太甜。乍看menu，這麼一個提子條加熱檸茶已$16，但一個新鮮菠蘿油、一碗紅湯螺絲粉加一杯茶啡才不過是$19…還是要早餐B 好了。

年三十晚去慣的茶記收爐，誤打誤撞來了這裡。蛋撻不是新鮮出爐，但還是暖暖的，蛋味不夠，酥皮亦不夠鬆化，買4蚊個真係唔值。除了蛋撻，還叫了麵餐。我要炒蛋叉燒米線，老公就要餐肉煙肉公仔麵，兩碗麵都淡而無味，勝在"食送"夠多，我有五、六件味道似隔夜的叉燒、老公的餐肉有三大塊而又厚厚的。而奶茶好唔得，地坊亦好唔得。

今次公司的下午茶由小弟做東，貧窮的我只買了麵包和蛋撻，咖啡同奶茶。其實麵包和蛋撻好多地方都有得賣，而我揀呢度既原因係因為每朝返工經過都見佢排晒長龍，而自己又一次都未試過。下午茶時間，蛋撻應是新鮮出爐，好熱好香，返到公司仍有陣陣既香味。一口熱騰騰的，又有好重的蛋味，不亦樂乎。酥皮未算最出色，但也可以接受。這裡的麵包據聞係好正，所以吃完蛋撻也不忘試番個雞尾包。味道確實唔錯，香口鬆軟，即使熱度未到滿分仍值得一讚。難怪日日都有咁多人排隊買早餐。飲品方面，奶茶未算出色，還有改善的空間。

未上堂在街上走來走去....見到此店有新鮮蛋撻出爐心思思忍不住走去買一個. 嘩...原來一個蛋撻要成$3.5仲貴過佢賣既雞尾包及菠蘿包...心想一定好正好好味.一食已經十分"辣"口; d蛋係好滑又唔會過甜不過d酥皮就認真麻麻地唔算好香口啦...都唔值$3.5一個啦...不如過對面街市既麵包店買仲好啦.

我食過一次乾炒牛河油多到真係炒多碟菜都仲得

光顧了這間茶餐廳已有5、6年了，以前差不多晚晚都去，因為晚上的小菜又平又好食，熱辣辣，重抵過自己煮，後來越來越差，材料不新鮮，很多油，又要等好耐。午餐都勉強可以，又平又大碟，吃得過，但人多得不得了，重要有很多勞動工作者，好嘈，又多粗口，煙霧迷漫，如果你一個人同他們搭檯就慘，白領人仕最好叫外賣。講到早餐，它們自製的麵飽是一流的，每天早上都要排隊，風味是舊式麵飽店那種，又香又軟，酥皮蛋撻非常好味，朋友說找遍全灣仔也吃不到這麼好味的麵飽，而我自己已吃足幾年，朝朝如是，可惜連以前很香濃的咖啡奶茶，現在已不像樣。環境不值一提，好似二十年無裝修過咁，而且不大乾淨，更不要提招呼好不好。總之，我現在只會在門外買麵飽，不會有其他光顧。

飲完茶漫步到公司,路經此店買左個雞尾包$3,包身相當軟熟,椰茸餡頗多但吾夠牛油香,而且密度頗低,食左好多空氣落肚.$ 3 可以接受.