美食園林餐廳 (Closed)

20050810 10pm到朋友介紹o既上樓酒吧飲o野, 未食飯, 有o的餓. 朋友的朋友是酒吧老闆, 介紹話呢間都唔錯, 就叫o的外賣o黎試下. (所以我比唔到環境分)叫o左個蝦醬通菜同乾炒牛河同o的朋友share, 份量極大, 就算2個人食都夠飽有突, 通菜很有鑊氣, 好食. 牛河都係鑊氣之作, 耐何料唔靚唔爭氣. o的牛肉係梳打o野.淨係外賣紙都有成5-6張唔同menu, 小炒煲仔飯潮洲打冷乜都有o的. 幾厲害.Total $56, 外賣"佬"連$4 碎紙tips 都唔肯收, 十分均真. 抵讚.

上2 星期系度買左個旦撻$3-3.5,食果陣仲系暖暖地,但就好一般!旦撻吾夠滑,皮亦吾夠鬆化.

趕去銅鑼灣開會, 趕唔切食早餐, 忙完一輪後, 個肚已經打晒鼓. 行過呢間茶餐廳, 記起以前朝早搭31號小巴落黎時, 呢度排晒隊買麵包, 咁o岩菠蘿包新鮮出爐, 就買個黎試下.買時見到有個包好cutie, 係將一個迷你墨西哥包癡住一個迷你菠蘿包, 問老闆娘呢個係咩家科, 佢話裡面包住紅豆餡, 一個包有三種口味, 只係$4個, 好鬼抵食, 仲叫我買個試試.但係一心想食出爐菠蘿包, 主意已決, 所以下次先試呢個"抵食"包.個菠蘿包新鮮熱辣, 遇著我呢個非洲飢民, 三兩下手勢就解決左!

上兩個星期一又提早一個站落車，每逢沿著駱克道西行，都會見到呢間茶餐廳不少人排隊買包食，名字聽落去就好似有點兒high class，但是剛剛相反，它可以說是好舊式冰室與冇乜裝修過的茶餐廳之間，沒有電視，水吧開大個收音機，環境不討好，還好的算是冇小動物周圍走。在餐牌上點了羅宋湯通粉加菠蘿油，湯頗濃但熱一的就更加好，料子豐富，菠蘿油即使凍左，都保持到鬆軟，兼咬落去面頭時仍然脆脆地，加埋杯凍啡，咁就奉獻左廿一蚊啦。