羽銀亭

Open Now

Now Closed

甚少到訪北角搵食，原來禾稈冚珍珠，朋友力推日式小店，已經有10年歷史，門面毫不顯眼，但性價比極高，價錢係平時市區既一半，值得支持㊝ 最重要係食物質素高，老闆亦會親自推介是日新鮮時今貝類及魚。𓆝 𓆞 𓆟𖣤花笛魚鯛兩食淡身魚，肉質較實淨，估唔到可以一半刺身一半炭燒，啱曬人小小既我哋，兩種食法都好味，夠鮮甜𖣤藍鰭吞拿腦天刺身好新奇，第一次聽，原來就係魚頭頭頂嘅稀少部位，比拖羅更淋滑𖣤赤貝刺身好爽口，鮮甜，如果大隻啲更好𖣤松葉蟹3食必食，有3種食法，由淡至濃，多層次品嚐隻蟹，心機菜，啖啖肉𖣤厚燒牛舌切走旁邊多餘部分，只要牛舌芯，唔太好牛舌都覺得爽口有彈性𖣤燒雞翼𖣤燒雞皮𖣤炸河蝦仔𖣤天婦羅茄子𓆝 𓆞 𓆟個人比較喜歡海鮮類及刺身，值得encore。港島區仲有平價居酒屋，大家要多多支持小店，如果唔係就會被消失。

嚟呢度食日本野我平常都係《魚生飯》或者《壽司配烏凍》，不過今日個人狀態麻麻，就食下啲熱野啦，今日叫左個《汁燒牛仔骨》嚟試吓，原來都幾好味喎，咁第時都試下多啲佢既熟食先。呢度既牛仔骨非常入味，唔會死咸，亦沒有雪藏味，入口軟得嚟有質感，骨肉容易分離，真係幾好食。側邊仲有少少地一個沙律，好開胃。飯既分量夠哂大碗，差啲食唔哂。蛋花湯清淡但舒服，能解油膩感。送冷熱飲品或汽水最好再送一人一粒雪糕糯米糍😍😍北角呢間小店真心推薦

味道👅好，性比價高，服務態度親切有禮☺️今日try 的是388/2人餐再加一八個course 包兩杯飲品😁仲可以無限添茶🍵食到好飽飽😊整體食物都很美味🍱🍣🥢我個人認為最好食🤤係刺身，壽司sushi，靖魚，炸生蠔🦪Yummy yummy!😗主要應該做熟客生意多，我見店員好多客都可以認得到，同埋直接稱呼客人名稱👍So nice希望有日都認得我好歹我都算係新Join的街坊😆哈哈хᴅᴅᴅᴅᴅ

羽銀亭是一家位於北角的日本料理餐廳，提供各式各樣道地的日本料理，包括壽司、刺身、炸物、燒烤等等。餐廳的裝潢非常優雅，擺設有著日式風格的擺設和裝飾，讓人感受到非常舒適和放鬆。菜單上的食物很新鮮，每道菜都有著令人垂涎欲滴的外觀和味道。我特別推薦他們的壽司和刺身，魚肉新鮮，口感鮮美。他們的燒烤也非常好吃，烤得恰到好處，肉質鮮嫩多汁，入口即化。此外，他們的茶碗蒸也非常值得一試，味道清淡，口感滑嫩，讓人感到非常舒服。除了美食之外，這裡的服務也非常優秀。服務員非常熱情友好，總是能夠及時地回答客人的問題，並且提供專業的建議和推薦。羽銀亭是一家非常值得推薦的日本料理餐廳，提供了道地的美食和優質的服務。如果你想要品嚐道地的日本美食，不妨來這裡一試。

開心聚餐~與同學慶祝生日🎉🎉俾 budget個老闆，同佢講人數和喜好，老闆可以為我哋編制餐單，呢餐材料新鮮👍老闆細心窩心👍我哋有人不能食生嘢，老闆為我哋部分人煮一餸兩食(生蠔和熟蠔、生龍蝦和熟龍蝦、整熟魚等)，也安排多些熟食，滿足各人的需求，D食物好抵食又美味😋個個食到飽到嘔(好似食緊 buffet咁😋)，雖然間餐好細間，但好有人情味和細間日式風味，又可坐足一晚，唔似其他餐廳咁限時限刻趕客走，最讚是不用自己煩咁多，老闆幫你諗掂佢👍下次聚餐會再book哩度🤗仲有好多食物相(雞、牛、魷魚仔和菇菇串燒、青酒煮蜆、炸白蝦仔、龍蝦粥等) po唔到(因open rice 限制)😅

羽銀亭是一家位於北角地鐵站旁，鄰近食街的的日本料理小店，雖然座位不多，但我卻是常客之一。這家店的種類豐富，而且還會提供時令魚生，老闆也會推薦最新鮮、最好吃的款式。食物美味，特別是他們的銀雪魚，是我在香港吃過最好吃的燒銀雪魚定食。其他熟食也都有一定質素。除了美味的食物外，這家店的性價比也很高。價錢雖然不一定是最便宜的，但以一人晚餐為例，必定會有湯、沙律、茶碗蛋和甜品等配菜。而且如果你想添飯，老闆還會免費為你添飯。每次吃完有一粒雪糕糯米兹或者老闆推薦的芝麻雪糕，感受到生活中的小確幸總之，羽銀亭是一家值得推薦的日本料理小店。他們提供豐富多樣、美味可口的食物，而且價格合理。如果你想品嘗高質素的日本料理，不妨來這裡試試看！

呢間北角小店已經幫襯咗好多次，一直都覺得質素幾好😆但lunch time 要早啲去攞位，因為好快就full晒✨午餐 - 🐥燒雞扒🍜烏冬呢個午餐已經包咗前菜，分別係中華沙律同醃🥕蘿蔔～ 質素中規中矩～ 最有驚喜係🐥燒雞扒，有陣陣嘅炭燒味，另外烏冬都夠煙韌～熱辣辣🔥最後仲有一粒糯米糍做甜品😋😋為呢一餐畫上完美嘅句號！推介指數：⚡️⚡️⚡️ ⚡️餐廳環境：⚡️⚡️⚡️服務態度：⚡️⚡️ ⚡️再訪：Yes

幾年來都有光顧這日本菜小店，疫情前walk in 幾近無可能，但現在真的生意難做，人流較少，反而外賣的人多。幾年來食物的水準都維持到，雖沒驚喜，但每次都很滿意。每次來必點西京燒定食，真的太好味，且價錢又不貴。燒得香口美味，飯也軟硬適中。其實我最愛牛舌定食，牛舌軟硬適中，特別喜愛它的醬汁，濃厚的醬汁撈落飯，令個飯更好味。再來一個安格斯牛肉烏冬，也不錯。每個定食都有茶碗蒸，尤其出色。總體來講，很滿意。希望他能keep到水準吧

北角返工午餐店面細細客滿午市套餐包飲品凍飲都唔使加錢 值得一讚等齊人先入座天婦羅套餐外脆內熱揸得幾好 粉漿不會過厚 算是中規中矩 幾十蚊價錢算係性價比高 最特別係佢哋嘅凍檸茶係用玄米茶 鍾意飲港式檸檬茶嘅人可能會覺得怪怪地 但係我覺得還可以 我食咗一個雜錦野菜天婦羅份量都多 熄晒完全夠飽 天婦羅嘅件數份量同埋種類都幾多唔錯午餐仲包埋麵豉湯 本人覺得不過不失幾好會再去幫襯同事叫咗炸蝦天婦羅同事話好食過$120 午餐黎講覺得有點貴

應該係男店主或男侍應招呼熟客就熱心,新客及淨係叫定食既就無心理食物質素一般日本菜水平杯檸茶難飲到痴線牛扒定食全塊都係筋無牛味等得耐唔緊要,但食物補救唔到店內長期有蚊飛咁既價錢唔會想有下次

北角地鐵站附近的日本餐廳，鋪面面積不大，裝修有點像日本的居酒屋。午市雜雜錦魚生飯套餐$82一碗麵豉湯一杯玄米茶 + 檸檬🍋魚生不算特別新鮮，以這個大眾化的價錢算是抵食吧！

如題成間餐廳得一個女仔做野，講真真係戥佢可憐，由叫野食、整外賣、上菜，到執野都係得佢一個。由叫完嘢食，到上到個蟹子沙律，唔洗煮都竟然要半個鐘先上到枱，係唔係我要求太高🤔個老細係到行行企企，同人飲酒，完全唔幫手，飲酒班客要執枱、斟水、拎筷子，全部得個女仔做，老細幫都無幫過，個女仔幾幫得手都無用😫嗌左嘢食差唔多45分鐘先上到壽司，真係餓死人🙃講真，壽司都唔算差，但係串燒真係好鹹，仲要等咁耐，真係可一不可再成餐飯只係叫左：蟹子沙律壽司八件燒廣島蠔少量串燒

北角餐廳林立，近日附近開了三x目，試過又貴又唔好食仲要抽風系統超差，食到一肚氣要食日菜都係揀返小店老闆推介的飛機貨有魚有貝類海產，每日唔同，試過燒呑拿魚下巴，火候啱啱好，有膠質，出面少見有時會有特別嘅時令刺身例如「腦天」、喉黑、秋刀魚刺身⋯⋯燒物 牛舌、芝麻雞翼、荔枝豚肉都好ok熟食 銀雪魚西京燒、魚湯烏冬、苦瓜炒豚肉、玉子燒都非常出色店面小小，老闆會逐枱同客人把酒談歡，好有氣氛會繼續支持小店，值得推介！

星期日冇煮飯，間唔中就會嚟呢度買外賣，因為日本菜價錢來講算公道。可以唔使$60食到雜錦魚生飯，比喺附近一田買更抵，仲有一大pat wasabi，我仔好OK。價錢最平的生薑豚肉飯係新鮮製作，雖然賣相麻麻，但味道還好，可以食到好飽。我自己最鍾意食鰻魚飯，平時自己買日本燒鰻魚都要大概$70一塊，所以呢度賣$65真係唔貴。雖然呢個外賣白飯多個魚，啲飯又唔係一粒粒係一pat pat，但燒過的鰻魚真係好香口，咁嘅價錢就算啦。

一個好普通嘅生薑豬肉飯，冇錯係$44嘅平價菜式，你點會諗到咁簡單嘅豬肉都可以炒過龍，冇錯，炒完係香啲，但你咁燶，我地係食飯唔係食鐵，啲鑊屎多到冇朋友，我用啲滾水沖落去諗住睇吓沖唔沖得走，結果就好似幅相咁浮上嚟。炒咗個廚師去啦，拎啲垃圾出嚟畀人食。我淨係食啲未被污染嘅飯就算，但仲係好肚餓，攪到仲要另外買嘢食。你引到我註冊openrice去留低記錄。真心中伏。希望各位北角街坊或者返工嘅朋友認真考慮，咁簡單嘅午餐都可以整成咁，其他嘢會點。