翠苑甜品專家 (保和大廈)

Open Now

Now Closed

今日元宵節特登去點了兩碗百合紅豆沙糖水加海丸（其實只想食紅豆沙加湯丸，但無淨紅豆沙），人多，等左陣，糖水到，有一碎粒湯丸係被剪開，一匙羹糖水入口，酸到一個點，兩碗都係酸同員工講佢啲糖水係酸，佢要我叫第二樣，我有懷疑佢覺得我叫的太平（要29元的），所以……酸，我地轉了合桃糊加湯丸同芝麻糊加湯丸，又等左陣，糖水到，合桃糊糖水係燶味，湯丸未煮得多時間，有生口感而芝麻糊糖水的湯丸還可以，但，糖水有結塊，就好似煮菜，個鷹粟粉開水失敗左，一舊一舊咁最後每人只吞了兩粒“湯丸”，糖水就不想再放入口，俾了“62元”就只有4粒湯丸，一個大好元宵節就咁樣過了。我不會再去此店

食完個豐富下午茶又行左陣街，梗係要坐低抖抖食個糖水先啦叫左一碗桑寄生紅棗蓮子蛋茶及桑寄生紅棗蓮子茶落單後阿姐大叫全要同桑棗蓮（㩒緊手機冇留心聽， 初頭以為叫咩安祖蓮娜）飲完個人好舒服，入面既蓮子又軟又綿，甜度又適中，有衝動想叫多碗嘅，不過最後都係試其他。糖水ok，但服務就見人見智啦隔離枱落單後，阿姐覆單係用鋪頭簡稱，客人唔明問多句阿姐就唔係幾好老脾啦 選多碗凍香芋椰汁西米露share， 西米ok，芋頭冇咩味.....下次都係叫多碗桑寄生蓮子茶算數，或者等下次星期六日黎試下推介既腰果糊

純粹口痕，見佢大把位咪入去食碗甜水，我地3個人嗌咗兩個黑芝麻糊同一個杏仁蛋白。芝麻糊甜度啱啱好，質地也OK，只是黑芝麻還未夠香，中規中矩啦。朋友話佢個杏仁蛋白好好食，價錢亦十分之抵。如果喺附近想食中式糖水呢，呢個都係個好選擇。

薑汁燉奶， 食一啖係咸嘅試燉奶又冇事拎過去同阿姐講話個薑汁燉奶係鹹嘅佢仲好惡同我地話我哋已經食咗大佬唔食一啖點知佢鹹呀？但阿姐話唔關佢哋事喎， 因為唔係佢哋整燉奶冇鹹， 但好老腰果露講到逢星期六日先有杰到好似落左一斤米粉甘作為中式糖水舖，仲話係甜品專家仲差過一般酒樓食物水準明顯下降服務態度奇差唔知點解仲可以生存到

佢嘅傳統糖水真係唔錯呢晚去食試吓佢嘅凍腐竹薏米糖水，鍾意佢甜味自然，份量剛剛好，啲腐竹同薏米都軟硬適中，食完好refreshing環境方面雖然唔fancy，偏暗但有一種好可靠地道嘅感覺。夜晚食完飯行去食靜靜哋幾好

好味指數：👅👅👅抵食指數：⭐️⭐️⭐️⭐️⭐️回頭率指數：⭐️⭐️⭐️⭐️好耐冇見啲舊式嘅糖水舖，喺灣仔見到呢間即刻去試下，結果味道又唔錯喎！楊枝甘露$23👍🏻唔太甜👍🏻芒果、柚子、西米 料夠多，每一啖都有料😋😋👍🏻芒果唔酸🤣 味道好似鴻x堂樽裝嘅楊枝甘露，我直頭以為佢係用果支直接倒落碗木瓜杏仁燉雪耳$23 👍🏻 唔太甜，好清👍🏻好多木瓜，木瓜甜👍🏻雪耳爽口香芋椰汁西米露芋丸 $24👍🏻椰汁味好重👍🏻香芋夠煙韌😟😟環境衛生環境唔太好，但價錢好實惠，行過口痕想食甜品可以試下😆

芝麻糊燉奶，份量唔大，但價錢都唔算高，燉奶都冇乜奶香，唔覺得滑好彩都唔係老裏面有芝麻糊，芝麻糊好香芝麻味，不過略嫌太油，混合食尚算幾有特色蛋白杏仁糊就爭啲，蛋白比較少，杏仁好苦澀，質地就好似米糊，食到懷疑仁生

因為這天到了附近的地方上堂在午餐完後到處閑逛了一下 偶爾看到了這一間的舊式糖水舖因為剛才的午餐有點不夠因此進去了一進去裝潢就是那種舊式的糖水舖供應著一般的中式糖水可能是因為剛剛開店的關係店員都在忙著準備不同的糖水過了好一會兒才有人給我下單我點了一個冰花燉雞蛋($18)就是很傳統的那一種連碗也是公雞碗從蒸櫃拿出來熱辣辣的口感並沒有新派燉蛋的滑甜道正常甜品的甜度整體是能給人老派的感覺

之前去過舖頭食幾次，亦都經常用外賣平台送到屋企吃。因為覺得價錢算平，品質唔錯，亦鍾意食傳統糖水，平均一個月都會食兩三次，但係經過今次後，未必會再食了。今次食番薯糖水，竟然食到一半發現有曱甴仔。。。好彩冇食落肚，但係見到都好傷心。一直支持嘅糖水舖，以後唔會再幫襯。可想而知舖頭嘅衛生環境未必理想，之前食唔到小昆蟲可能亦只是好彩而已。講返食物質素，幫襯咁多次係因為傳統糖水舖已經唔多，而且味道尚算不錯。 燉奶好滑，亦都好香，其他甜品亦算正常。

🌹22 December 2021去灣仔staycation咀岩行經見倒呢間糖水小店打算買個外賣番酒店試下首先叫外賣時入面既姨姨都已經態度麻麻☹️番到酒店開黎睇哇 大佬 咩事？我用$26買左碗淨糖水？😹嚇死寶寶一打開 得啲西米露水😹大家憑下圖可以估下我叫左咩😹佢叫做芋頭芋圓西米露😅料極小😹佢地個gross profit margin應該都好高下比咁少料我實賺好多啦講真咁既價錢我比多$10食同區既松記好過人地係足料大大碗 （$35 人地有大大碗仙草 好多粒芋圓 鮮雜果同雪糕）拿我唔知堂食係咪咁少啦但外賣咁樣真係好唔掂定蝦我買外賣先？無下次囉唔會介紹朋友來食囉

一向光顧開既糖水真係越做越差，叫左碗桑寄生蓮子蛋茶伶走。 平時無收外賣$1，今日突然加左$1。都算，番度屋企，一開到，紅棗得2粒又細，飲落勁甜，桑寄生味勁淡，加上個啊姐態度又差，以後一定唔會再黎！

傳統中式糖水鋪越來約少食完晚飯經過忍唔住食返碗🤣糖水整體唔太甜👍🏻 薑汁燉奶夠香滑 又唔會好甜😁但薑味較淡 唔辣唔太滿足到我😶合桃糊都唔會話好甜可惜合桃味較淡

喳咋 $20 淺粉紅 好重花奶好甜海帶香草綠豆 $17 正正常常 抵食兩碗都好足料 唔會過稀或者過杰食完晚飯想係灣仔區食中式糖口可以過黎~😶P.S. 食食下冷氣機滴水 中頭無中糖水 調個位就算

同同事食完Mr. Maki, 見附近有間好熟口面嘅中式甜品舖-翠苑, 難得行到呢邊, 當然唔好錯過食埋個甜品啦大食妹同同事去嘅時間比較晏, 好多甜品都已經賣完, 大食妹唯有嗌個凍嘅冰花燉雞蛋<冰花燉雞蛋>翠苑嘅灣仔分店甜品質素相對比銅鑼灣分店冇咁好冰花燉雞蛋顏色比較淺色, 冇乜雞蛋香之餘, 質感都比較硬身, 食個飯後甜品都可以, 但未至於一定要食

成日心思思想食碗熱辣辣#中式糖水但係好多時晚飯食得太飽就放棄😩為咗食佢要晚飯留肚加上佢期間限定嘅#腰果糊 只係星期六,日先有🤩真係#可遇不可求 如果胃夠大仲可以加#湯丸🍡#平靚正 夠傳統如果撞唔啱 #合桃糊 都好正😋💰腰果糊 $19😎翠苑甜品專家：👉🏻灣仔灣仔道177-179號保和大廈地舖🚇灣仔站A3出口，慢行約6分鐘。.__________#腰果糊 #合桃糊 #桑寄生蓮子蛋茶 #冰花燉蛋 #杏仁蛋白 #腐竹雞蛋薏米 #中式糖水 #甜品 #樣樣都想食 #都唔知點揀 #開飯喇 #灣仔 #灣仔美食 #芋圓關注組 #sweetsoup #hkfoodie #hkfoodblogger #hkfoodlover #hkfoodpic #foodporn #openrice #wanchai #wanchaigoodfood #taroball_hkgrp __________