翠苑甜品專家 (保和大廈)

Open Now

Now Closed

和朋友於灣仔附近晚膳過後，一路散步到翠苑甜品店食甜品。大部份都係中式糖水，但座落於灣仔區的甜品店價錢居然係親民價！天氣凍冰冰，點了熱的木瓜雪耳燉雪梨滋潤一下，雖然份量比較少但十分足料，雪耳爽口，糖水不會太甜、會再返嚟試試其他款式！

總於一個人嘗到這店出品，吃到有點飽，但也貪心的要了一個核桃溝杏仁糊。糊不濃，不會漿口，老實說無論是核桃還是杏仁味道都不會太突出，不會是靠近鼻孔就能聞得出味道來，就算吃進嘴裡也只是一絲絲的香味，而甜味非常適中，不會很甜，我覺得味道是不錯的，中間水平之上⋯⋯如果味道可以更濃郁一點當然更好。一碗二十元，在港島區選擇不到，就算在西環的一家甜品老店也索價到三十多，對於灣仔區來說，雖不是在什麼大街上，但這價錢已經沒什麼要求了。

吃吧一頓貴夾唔飽嘅晚餐我哋決定要去食糖水溝貨平衡一下心理！好友們選了這間翠苑 甜品專家，我還是第一次來幫襯都幾旺場喎！好好彩我哋到時還未有人等位，不消一會有客走我哋便可以入坐了！翠苑買嘅全部都係中式嘅糖水，好耐冇幫襯過這種糖水鋪了！！記得上次我們一衆辣友去佳佳掃餐牌多暢快 。貪心的我們左揀右揀終於揀到自己嘅心水{合桃糊燉鮮奶}$20，其它好友分別揀左紅豆沙，桑寄生蛋茶，合桃糊，芝麻糊燉鮮奶仲有腐竹雞蛋添！！好友KK的合桃糊(右上角)呈粉紅色很嚇人呢haha~這個合桃糊燉鮮奶好鬼過癮㗎喎！初時以為燉鮮奶上合桃糊，原來合桃糊係藏在燉鮮奶內，這個做法都挺有心思，雖然食落味道不是好吃到升天，但係亦都算夠香夠滑，而且味道唔會過甜，合桃香加燉鮮奶原來都幾夾㗎。

一直街坊幾年也常幫襯，自問不是煩客，今次我忍不了這位阿姐的態度，話說我要一碗芝麻湯圓，個阿姐比左4粒我，話餘下煲緊叫我等陣。我話好，之後食完我呆坐十分鐘，見到鄰枱個女仕有，我咪問阿姐是否我還有湯圓未上？點知另一個成日在店和熟客大大聲講屎尿屁的坐著阿姐話：你4粒咪收你4粒錢囉！我答：我以為一碗6粒，同埋係你們叫我等。阿姐：一碗5粒，何來6粒，你食幾多粒我咪收幾粒錢囉！本身廿蚊，你4粒咪$16，你唔要果粒咪得囉！我：剛才另一位職員冇同我講，只叫我等。之後另一位比了一粒我。第一由頭到尾只叫了我等第二我只客氣問是否會上回餘下的湯圓，這不禮貌對待我十分不滿，食物很好的，在廚房老闆娘也忙著，辛苦你們了！其實這3年食物水準的確下降了些，有食雙芝奶（味道不錯）之前一直食桑寄生茶，因為越來越淡就轉芝麻糊比較糊口，所以又試芝麻湯圓，（一般，不過不失）總括：我其實一家也是常客，今次我真的被氣憤了，我不在場爭論是覺得來吃甜品想抖下氣讓生活一點甜，沒想到開糖水店本出發點也做不到。你有你風格我有我選擇，只好從此和此店寫上句號。

今日同朋友食左兩碗糖水,d 糖水已經太甜又似用水開放咁款,我同我個friend 已經冇出聲.食左陣就傾下計. 當時大約9點鐘. 店內大約仲有一半坐位空左. 誰不知個60幾歲阿婆老細定侍應行過黎話"e 度唔係比你用電話同傾計, 冇野再叫就要埋單", 我跟住就話"如果係咁我就唔再黎", 跟住個阿婆老細就話"隨便你啦,唔黎就唔黎"...我想請問係咩服務態度?! 糖水店灣仔有其他選擇, 我仲咩要再光顧一間恃老賣老,服務態度惡劣, 糖水太甜不合格似撈粉開既所謂老字號糖水店? 無謂貼錢買到難受, 我地唔係難民或者監犯!!!!!!!

一家人預早在家吃過晚飯，之後送小友去上課。下課後時間已不早，天已變得黑漆漆。此時自不然不能吃得太多，否則便要飽撐得睡不著。在這一刻最妙不過的選擇，便是坐低嘆個甜品後才上路回家...."翠苑"這個老甜品品牌，老早已在其他分舖試過，但這一小所在灣仔區小巷內的分店，本人就是第一次前來。對這裡的出品小弟沒有甚麼特別的印象留下，所以說當成是新店試也並不為過....這兒主打的是一系列老式舊式的傳統甜食。說實在走這一類風格的店子已越來越少了....所以每當碰到這些店時，小弟都是非常樂意去嚐一嚐的....小友點的是燉蛋....入口滑溜滑溜的，蛋香足甜度足，好吃....我的紅豆沙味道也蠻不俗的 ---- 質地起沙之餘又有濃厚的陳皮香；紅豆粒粒全已被煑至溶爛和湯融為一體；甜度方面亦調得相當合吾之心意，不會甜至咯喉之外又不會味淡如水....於這一類走老舊風格的店子，除了有好食物之外還有濃濃的人情味....好像今天整晚負責企堂的落單阿姐都和小友逗笑，態度親切得不得了....所以我這種老頑固，一直都對這種老店情有獨鍾....

今日見工完，路過吃一碗定定驚叫左木瓜燉雪耳潤下自己，一來很足料，雪耳很多，木瓜有咬口不太林可惜是木瓜沒有了果香，甜味來自過多的冰糖。只吃到真正的糖水。整休係會有比較同失望的，見佢都算是出名的舖頭。地方很大，位與位空間吾算迫，阿姐都幾有禮貌。

After having dinner with my dad at Chirashi, my brother and I decided to bring home some Chinese desserts from Tsui Yuen Dessert, which was down the street from where we had dinner.When I don't know what dessert to choose, I would usually just order the Sang Ji Sheng Egg Tea.When I placed the order, I just said Sang Ji Sheng Egg Tea, and both of the servers didn't ask me whether I wanted it plain or with red dates or lotus seeds; they just gave me the Sang Ji Sheng Red Date Egg Tea.  (I didn't r

飯後甜品時間，今日想食傳統中式甜品，突然諗起呢間位於不起眼位置的糖水店。 店內供應的均是傳統糖水，當中腰果糊寫明史限星期六、日供應，價錢親民。看門外貼著的雜誌報導，介紹這裏的芝麻糊燉奶，好啦！就你啦！有些糖水店的xx(oreo,紅豆etc.)燉奶，與普通燉奶的分別只在於在面頭加上少量配料 當店員嬸嬸端上燉奶時，看到這芝麻糊小點的時候，心想，又中伏！豈料，原來內有乾坤！在那小點上 一筆！ 原來芝麻糊都堆在燉奶中間。芝麻糊的份量不多，香味亦不太突出，但尚算滑。燉奶香滑，配以芝麻糊，不會太單調唯一弊處就是燉奶不夠熱！

呢間見到佢係中式糖水 入面感覺好家庭式 見到係姐姐哥哥打式 都好多位 不過因為我返緊工食飯買 所以外賣 簡左好耐決定試左個合桃燉奶 佢地都超快 本身已經有整定係到 直接倒返入個碗到 因為我外賣返公司食 佢既份量較小 個兜係唔滿既 食落去燉奶較實 唔係好滑 不過味道好濃 似維記牛奶既感覺 中間你見小小啡色既合桃露 原來佢係係個燉奶入面 一路食一路慢慢流出黎 好驚喜 合桃露好結身 不過冇乜合桃味 勝在唔甜 食落去唔會好膩 整體黎講 呢碗20蚊算係咁

係灣仔返工一段時間，少有經過呢條小巷，小巷內滿滿食店，琳瑯滿目，吸引我進去看看。當中一家中式糖水店，佈置傳統，正合我心意。 店內整潔，職員都滿有傳統風味有鄰家媽媽的感覺。 返回正題，是日點了核桃糊，芝麻糊敦鮮奶還有紅棗桑杞生蓮子旦茶。核桃糊非常香滑但又不會太甜味道洽到好處，芝麻糊敦鮮奶都非常特別甜度適中絕對不會覺得漏，最後紅棗桑杞生旦茶用料十足滿滿的粒粒紅棗和蓮子味道濃郁而且蓮子亦夠鬆化。食完都非常回味一定要返兜再食了！！

中環的玫瑰花海移師到添馬艦，影完後大家例牌會吃個糖水作結，因為時值晚上九時多，也不想去太遠的地方，但由金鐘最近也要到灣仔才有糖水店，所以最後就選了這間最近的糖水店。之前已光顧過筲箕灣分店，灣仔分店也是頭一次來，款或和價位一樣，糖水選擇約有三十款，價錢由$14至$22。凍海帶香草綠豆($14)上次試了熱綠豆沙，因為太熱，結果吃得很慢，所以今次就點了凍的。綠豆沙同樣足料，甜道適中，甜而不膩。熱海帶香草綠豆($14)這是朋友點的熱綠豆沙，從外面看好像比較濃稠一點。熱紅豆蓮子百合($14)這是朋友點的熱紅豆沙，但見紅豆都已煲至起沙，從表面看也依稀見到不少蓮子或百合的物體。養顏杏仁糊加湯丸($24)加湯丸是逐粒計，每粒$4，但不知為何點餐時侍應都沒問朋友要多少粒湯丸，最後奉上時糖水內有兩粒湯丸的。杏仁糊濃稠適中，湯丸是芝麻餡，芝麻不是磨得太碎，還能吃出粒粒口感，湯丸應是自家製的。翠苑味道不錯，重點是價位親民，實在是口痕想吃碗糖水的人的不錯選擇。

係銅鑼灣做完公務，本想於義順坐低嘆番碗燉蛋。嘩！乜原來咁貴？一碗最平嘅冰花燉蛋都賣成$34元，阿P於是帶我去灣仔源苑，話又平又正喎！芝麻燉鮮奶是招牌甜品之一，白滑的燉鮮奶內是芝麻味極濃的芝麻糊。燉鮮奶亦好重奶味，一點也不甜；芝麻糊好杰身，味道亦不甜。整體上我認為此款燉奶可以調高些少甜度，芝麻糊亦可做稀些少，現在口感有點兒太漿口。我個人比較喜歡冰花燉蛋多啲，有蛋香，又不甜，又夠滑。裝修整潔，價錢真的很平，兩碗加埋才等於義順一碗的價錢，PJ要多點來撐老店啊！

今日路經灣仔，走入翠苑甜品專家。點咗一碗合桃燉鮮奶凍點。個鮮奶凍點好似凍豆花。個合桃露好似放係底。食到一半始見有合桃成份。兩者混入一起食，好新奇又棘激。價錢只係$20。好低食。

跟友人行完每年都去既動漫節之後, 就入番去灣仔內街搵食想食味皇, 但去到集成之后發現集成裝修, 吾通味皇咁就執左?之後決定去華星食啦, 差不多去到華星時, 發現味皇搬左係隔離,見到華星咁多人 (9點), 而味皇又吾多人, 咁就入去味皇食個飽飽常餐食飽之后, 友人提議去翠苑食埋糖水先返屋企, 我都飽晒, 而且門口又有人等 (吾知要等幾奈), 吾想入啦, 但友人又好想食, 結果陪佢等, 等左一陣就入得友人推介腰果糊, 我諗住淨坐陪佢食, 但睇到餐牌 (只限星期六日供應)係咪咁把炮呀?! 點解平日吾出得呢? 係咪咁難整呢?好奇心驅使之下就試一碗, 最多食吾晒好快就送到黎, 顏色係花生糊咁入口感覺幾好食, 吾會太甜, 我覺得好食過芝麻糊, 花生糊喎!!結果一啖一啖咁吾覺吾覺又食晒啦!