翠苑甜品專家 (保和大廈)

Open Now

Now Closed

新派的甜品店越來越多！相反中式甜品店越來越少！所以經常都會嚟幫襯這間！我覺得佢保存到傳統嘅味道！佢既燉奶真係好好味同埋好滑！好有奶味！雖然鋪頭係細！亦都坐得唔係咁舒服！長期都仲有好多人！但係佢依然有我地值得幫襯嘅原因！因為我覺得佢係用心做糖水！

#翠苑甜品專家 (灣仔)灣仔灣仔道177-179號保和大廈地舖-----介紹左咁多美食之後 今日想介紹一間伏野😂 伏ge唔係食物 係態度～話說b仔同朋友仔食完飯之後黎左呢間野食糖水 其實呢間野好多地方都有分店 😦佢ge中式糖水質素係還不錯價錢又幾抵 😦本來係一間幾親民幾討人喜歡ge老牌糖水鋪 🙈但係呢間分店簡直係想毀左呢間老鋪ge招牌 話說b仔同朋友仔一人叫左一碗糖水 分別係腐竹糖水 同合桃糊 咁我地就一路食一路傾計啦 😦大概食左3分之一ge時候 鋪頭入面一個負責裝糖水ge阿姐就望住我地大叫：「啊個兩位靚女啊 ，唔好掛住傾計，快d食完快d走啦好嘛，我地夜晚好多客人ga!」~哇～真係當堂嚇一嚇～糖水鋪竟然唔比人傾計～而且最搞笑ge係 間鋪仲有好幾張吉檯 出面亦都無人等緊.....生平第一次食糖水比人咁樣趕～幾出名 幾多人ge糖水鋪或者食店我都未遇過咁ge事～其實b仔都算唔容易燥ge人～但係個下都忍唔住燥左😂～anyway 個阿姐好明顯係有少少問題 b仔同朋友仔雖然燥左 但係都無同佢爭論 當聽唔到就算🤷🏻‍♀️不過下次就真係無可能再黎🤷🏻‍♀️🤷🏻‍♀️返屋企之後 上網搵一搵 原來唔少人都比個個

因有我所喜歡，看不見佢所有嘅缺點~ 環境唔靚， 碗碟尚可，豪爽靚姐， 但我要食桑寄生蓮子蛋茶的團火，保持很久，深深掛念， 聰嫂無，小方糖無，松記無，發記糖水唔知(記得上次在銅鑼灣個間，未試過咁嘅質素)。今次特登找輕食午餐,單個mos burger外賣，在佢舖内食，蓮子鬆化但唔係圓粒，接受，甜度適中，雞蛋欠濃香，可接受，滿足。

由喺舊舗嗰陣已經幫襯，大大話話都有8、9年，今晚喺附近做完冬就行去食，我哋一家十人有老有BB，11點去到，一坐低長髮阿婆已經唔願落單，叫咗幾次都唔嚟，跟住落咗3碗又走咗去，返嚟話自己唔記得所以要去拎咗先（唔明點解唔寫低佢，同埋其實我哋嗌一碗佢嗌一碗入去個open kitchen）但係之後佢冇再過嚟，所以我哋索性自己嗌入去，食咗兩啖佢已經過嚟叫我哋快d食 ，佢要落閘，嗰陣只係11.10pm，過5分鐘又走咗嚟兩次，其實我哋已經冇乜講嘢，但係碗嘢好熱，所以真係要d時間，點之佢又再走嚟EE吟吟老公：你咁趕收就唔好比我入嚟啦阿婆：咁你又入到嚟跟著食完d人出去先，媽咪比500蚊佢埋單，佢又話冇錢找，張張枱埋單都係咁講，比完又再吹，其實得返我細妹食緊少少蓮子，咁我哋就話得啦，點知佢繼續吹，實在太煩，所以細妹就忍唔住話佢細妹：得啦，我食埋就走，你唔好再吹啦阿婆：我打工要受你氣呀細妹：咁我嚟食嘢俾錢又要受你氣呀阿婆：鬼食泥EE吟吟南嘸咁聲到我都終於忍唔住叫阿婆收聲唔好再煩啦，我哋食埋就會走，連廚房入邊個嬸嬸都話唔緊要啦你哋慢慢食啦，點知個阿婆都係繼續冇停口喺度又話要收工又話你咪繼續坐囉我會落閘⋯⋯⋯當然

我一個人，個服務態度惡劣阿姐對我講「先生你唔好邊睇書邊食糖水！」我坐低食咗三分鐘左右。我睇書關你鬼事！甘大個人未聽過一個人食左幾分鐘糖水叫你5好睇書！！！呢D食店，不去也罷

食飽飯之後去左灣仔附近行下，行行下同朋友想食糖水，之後就搵到間糖水店，我本來叫西米露，可惜賣哂，叫左個龜零膏，下一下火，佢個龜零膏會俾蜜糖漿你自由配。味道都算過得去，下次有機會可以再試其他！

呢排成日捱夜OT, 食完晚餐，要食返d滋潤糖水，補一補。 而家周圍都係新式甜品店，秋冬無理由仲食冰，見附近有間中式糖水鋪，就買幾碗返公司慰勞下班同事啦！呢間店舖既價錢中等啦，約二十蚊左右，個別一兩款貴d咁。 尋晚就嗌左芝麻糊、喳咋、香芋西米露同埋芝麻燉鮮奶 (下圖）。芝麻燉鮮奶，好滑溜，唔算好甜，但就略嫌唔夠芝麻白，如果中間芝麻糊既比例再多少少就好喇。 香芋西米露就只有凍，冇熱既，聽同事講，耶汁味濃，唔錯!

我食完碗好難食嘅燉蛋，諗住叫多碗糖水時，叫阿姐收左隻食完嘅碗。點知店員話唔可以未俾錢就收起隻碗，因為佢地無用手寫和電腦單，驚收左後，食客會借d意唔俾錢喎⋯⋯🤦🏻‍♀️，然後我米先俾錢囉⋯⋯點知，佢又話呢度俾左錢就要即刻走，係規矩喎，叫我個朋友到左先再入去坐囉！

又停了一段時間沒有寫食評了, 現在又要再繼續我的旅程。本人對中式的甜品, 一向都沒有很大的興趣。如果不是我們家肥膏拉我進去, 我想我也不會自己走進去。但是我又沒有好抗拒, 哈哈, 只是有選擇底下, 我會選擇食新式的甜品。這一天, 來到「翠苑」, 我們家肥膏就說想要進去, 吃一個飯後甜品。當天的晚上, 也並沒有太多人光顧, 只是感覺中式的甜品店有點式微。肥膏想要吃大良燉鮮奶又想吃芝麻糊, 沒有太大興趣的我, 無所謂, 所以就點了這兩個了。大良燉鮮奶 HKD 20.00以前有去吃過「義順」的燉牛奶, 就會覺得這家的燉奶一般般。(題外話: 「義順」最近這幾年, 也沒有很好吃。)說回這一個燉奶, 牛奶味是有的, 不過不夠, 只是很淡很淡的那種。但是滑溜的程度是值得一讚的, 很滑, 入口即化的感覺。翠苑芝麻糊 HKD 16.00想到芝麻糊, 就會想到我過世兩年的嫲嫲, 她老人家最喜歡吃的就是芝麻糊了。像這種很香的芝麻味, 她最是喜歡。這家的芝麻糊真的不錯, 味道夠甜, 也夠香。但是就是稠了點, 不然就更好吃了。雖然對中式甜品沒有多大的興趣, 但是心裡總是不希望中式甜品會有式微的一天。還是希望,

中式糖水，反而而家大部份新派糖水店，好多都整得好麻麻地。翠苑佢老字號，專注於只買中式糖水，來來去去幾十款，咁專注，應該可以保持水準佢嘅，選擇就係餐牌咁多。呢，款腰果露，只有星期六日先有，所以每次黎對面個人必叫。而我獎樣嘢都想食，最後。。。選左間鋪出名D嘅雙皮奶，仲要加芝麻糊個隻。佢係原個整掛，我估，因為芝麻糊係雙皮奶裡面，個感覺好正芝麻糊唔太甜，其實係佢呢到嘅甜品都唔太甜，雙皮奶可以蕩蕩下，好有質感。仲有其他都好正嫁，經過點都要買食返碗，外賣都好。

天氣凍就想食下啲甜野又想補下身，放飯時間走到翠苑嗌咗碗芝麻糊溝合桃露補下肝腎健下腦咁啦，佢地係一間舊式甜品舖，佢哋嘅糖水真材實料而且價錢相而，芝麻糊同埋合桃露煮得好香滑，唔似有啲糖品店加左好多生粉，（講真食一碗係唔夠嫁！），仲有佢地嘅桑寄生蓮子蛋茶都好好味嫁，而且仲係女仕嘅保養品。

天氣轉涼及乾，食完個下茶後未夠喉, 很想念一碗熱甜品，就去翠苑食了合核糊這個合核糊濃調度比較杰身，合桃糊很香，很幼滑, 係我不二之選, 尤其天氣凍時食, 特別滋味, 又夠熱, 夠暖胃, 正呀!

這間甜品有幾間分店，店子幾新，選擇幾多的，一款桑寄生也可以分有蛋，蓮子，紅棗，又可以加湯丸加蛋！！咋喳，好足料，好多豆呀，紅豆，芋頭，西米，腰豆等等，唔甜的，好香椰好味。薑汁蕃薯湯水加湯丸，好多舊蕃薯，薑湯好夠辣，好正，湯丸是黑芝麻的，好滑好香。選擇好多，圖片清楚。十分足料的桑寄生蓮子紅棗茶。桑寄生蓮子紅棗茶，好足料，勁多蓮子，好味唔苦，粉身的呀，紅棗好幾粒，好夠熱，唔太甜，少少甘的。食完好舒服。

因為大暑，中醫叫我食多啲綠豆沙降火，所以晚餐之後要去灣仔做少少嘢，於是黎咗呢到食糖水之前都有行過呢邊但今次係第一次食可能時間比較早，所以無咩人黎食糖水~一人一碗綠豆沙，雖然唔算太沙，但比起出面其他糖水甜品店黎講都算大碗，非常足料，好多海帶同綠豆，而且食得出有好香嘅果皮同臭草香，(而另一碗直程有塊果皮~)而且甜度又剛剛好，食完好潤好飽肚~價錢唔貴，只係$15碗~足料又抵食，有機會再黎食過 

去親灣仔，而又想食中式甜品，呢間一定係不2 之選。尤其我男人最鍾意呢到嘅腰果露，佢有時會買外賣比我添。不過佢鍾意啫，我有大把嘢想食。原先想食芝麻糊加湯圓，但食飽，呢個選擇真係梗飽，所以最終選左腐竹意米加蓮子。而家無乜地方可以食到蓮子，呢到嘅蓮子仲要鬆化，總之如糖水款式合適嘅，必加配料之選。其實呢到嘅芝麻糊生磨又係正。上次食左桑寄生蓮子茶又係正，我試過食一間都算老字號，個桑寄生食完，個口直頭“鞋”到一個點，想食過第二樣甜品。不過要牡特別一提，佢嘅腰果露只係假期有售，夾好日子先黎食。十幾廿蚊食到咁嘅水準，我一定keep住黎。