耀記美食

Open Now

Now Closed

耀記美食 🍳由赤柱卜公碼頭搭街渡出發，大約30分鐘就到達有「香港南極」之稱嘅蒲台島，係香港最南又有人住嘅島嶼🏝據講蒲台島名字由來係因為島嶼地勢平坦，在海上看似一個浮台，亦有傳係因為島上曾經盛產海苔。正因如此，所以係蒲台島每間餐廳商舖都會搵到紫菜嘅蹤影🕶 既然咁遠嚟到又點可以唔食紫菜😂紫菜餐蛋公仔麵 🍜少少驚訝竟然係出前一丁，而唔係普通公仔麵！餐肉都幾厚切，煎得焦香🔥 仲要係流心蛋黃，撈埋麵條同麻油湯底👍🏼蛋花紫菜湯 🥣好怕個湯好重味精，但出乎意料好鮮味😋 紫菜份量好多，每一羹都係滿滿嘅紫菜🍀 仲有份量唔少嘅金華火腿粒同火腿粒，吊出鮮甜味🍖 除左茶餐廳食物，仲有比較少見嘅泥鯭粥。食物雖然唔花巧，但卻非常有香港味道🇭🇰老闆非常好客，我地行過睇緊menu諗緊食咩嘅時間，老闆話唔食野都可以坐下吹下海風，好舒服架🌀之後仲同我地傾計，話平時黃昏前都會落海游下水，先練到強健嘅體魄💪🏽 見75歲嘅老闆咁chill咁享受人生，真係幾葡萄🤤

去蒲台島行山，第一件事就嚟呢一間餐廳食餐蛋麵，專登揀呢間餐廳，因為佢有個無敵大海景，環境非常舒適。同埋上網見到佢嘅餐蛋麵係有三舊午餐肉，比起其他餐廳嗰啲得兩舊（即係一整舊），呢間整得比較大方啦。伯伯同兩位婆婆年紀可能比較大，所以大家嚟呢度食嘢要比少少耐性，但係婆婆煎啲午餐肉真係好香，隻煎蛋亦都剛剛好唔會太生或者太熟！好親切嘅阿爸，加埋兩個婆婆打理呢間餐廳，加埋個無敵大海景，滿分！食完飽飽就可以出發去行山啦！

襯天氣正好，出發去蒲台島⛺️😎 做足功課一心黎食當地特產「紫菜湯」😋🍜星期六嘅船程唔密，要趕尾班船走只有匆匆兩小時活動時間🥺 一落船向右行，就係著名景點燈塔、佛手岩等，大片露營勝地；至於向左行，就有較多士多，可以開拓美食之旅😋《 紫菜餐蛋麵 🍜 》 $35 4.5 / 5用最簡單嘅材料製作成最出色嘅美食😋 傳統用炭火燒嘅餐蛋麵零舍有鑊氣🔥👍🏻 公仔麵軟硬適中無過火；煎蛋十分焦脆香口🤤 而午餐肉亦細心切厚片，兩面煎到金黃😍 養顏紫菜好清甜，同平時食嘅唔同，哩度紫菜味道天然，份量亦多可以大束大束咁食👍🏻 超抵😋蒲台島嘅原居民親切熱情，老闆伯伯仲多謝我地突登搭船入黎，值得支持💪🏻

優點-環境系正海邊-伯伯婆婆友善，自立更新，一定要指出-連廁所都好乾淨，又吾使去公測改善點-希望伯伯身體健康，越來越精靈啦！去蒲台島行完山，最後本來想去天后廟再去明記食海鮮，但無開喔！之前打電話問過話日日開。見仲有一個多小時至開船，經過一間系海邊餐廳，比之前經過和出名的開陽和大，又幾多人食緊野，就入去試下啦，其實天后廟哩邊餐廳都無乜客人咖。坐低只有一個大概70幾歲的伯伯在幫忙點餐，亦有人催餐，又有人想埋單，應該是知道伯伯比較慢，所以預先準備好，但伯好有禮貌和耐性，。慢慢做。應該來蒲台島都系想試紫菜，所以點了一個紫菜餐肉一丁，我又無乜上面伯伯的問題，好快有得食，煮麵應該是他太太，又真系煮得幾好，餐肉系剛剛煎香，味道仲幾好絕對吾系煎定，紫菜有小小淡，但都幾爽幾好味，一丁亦無淋。食完入去問老闆系乜牌子午餐肉，佢好有信心咁話梗系比D好野客食啦，然後指住幾罐系廚房檯面的午餐肉。但埋單阿伯都系問你使吾試找，的確系有D老態。其實其他檯都有差不多問題，好在所有客都好好，計清楚幾錢無呃阿伯咖。

耀記美食·泥鯭粥$40上網睇個D行山攻略其實大部分都係推介坤記士多 因為佢係行山徑上面 地理位置優越😈但係難得黎到 我就openrice睇下有無咩特別野 一次過食埋 見到呢間有我地都無食過既泥鯭粥 就決定係行山之前食佢😌佢個泥鯭粥超級大碗 而且個粥煲得超級綿 入面有5-6條泥鯭 超級鮮甜😍😍泥鯭其實就係細細條魚仔咁 有D細刺 但係真係幾好食 配埋面頭D脆片口感都幾豐富 好值得試下🤤 ·紫菜餐蛋麵$35呢個就正常發揮啦 係一碗幾好味既餐蛋麵 個麵煮到岩岩好 而且個蛋仲係流心 超正 不過個午餐肉就一般D 係比較肥 無咩口感既午餐肉🤭之後加左紫菜真係好好味 味道豐富D 而且超夾 所以我地最後走既時候都買左2包翻屋企😌😌·📍蒲苔島大灣

今日跟朋友到蒲台島遊覽，蒲台島真是好美麗的一個小島，但這個島都很大，這是一個好有人情味的小島，我有個朋友是這裏的原居民，他們知道我哋入去玩，真是好熱情地招待，我們入去玩就留定啲海鮮 畀我哋食，煲泥鯭粥，還有豉油王炒麵，清蒸海上鮮，海鮮好新鮮，好鮮味好好食， 泥鯭粥好正，豉油王炒麵炒得非常之香口，仲有炒銀針粉，蒜蓉炒菜心，銀針粉炒得好靚，不會黐埋一堆堆，然後還再整啲糕點畀我們食，他們真的好客氣，叫我怎能不可以不去探他們呢。

 We sailed to Po Toi yesterday and just wanted a casual lunch.We first went to Ming Kee, but they required  a minimum charge of $190 per head even for my 9 year old boy!! We then left and headed towards Yiu Kee, but staff at Ming Kee tried to persuade us and said  "oh that restaurant only serves instant noodle!" Anyway, we just left and went to Yiu Kee and it proves that Ming Kee provided wrong information.Yiu Kee serves cha siu fried rice, seaweed soup, fish congee and fried noodles other than

冇冷氣，好熱，但遠離都市到此一遊可一試蒲台特色……$30/碗或$80/窩……仲有炒湯粉麵飯。如果係秋高氣爽之下來，就食得更enjoy，仲可以睇吓海景，同埋睇到老細用魚絲織魚網捕魚，真係一件賞心樂事！

來蒲苔島前，有朋友一直推介要食蒲苔島的紫菜公仔麵環繞半個島後，就來到耀記美食。其實，蒲苔島有幾間賣紫菜公仔麵的店舖我們只是在Google map見到這家店就來到了由於太肚餓了，點了一豌紫菜餐旦腸公仔麵後來老闆娘跟我們說，蒲苔島的紫菜已經很罕有多數都給大陸的年青人收割了 而他們的紫菜都是購自外面的.

一班朋友, 一行十一人星期日去蒲苔島行山影相, 午餐時間, 朋友帶路本想去某間食店食個 Lunch(聽講好出名呢),一坐低想點菜, 嘩~~~~~~~~~~~~~~~!!!!!!!!每人最低消費 $100!!!!!!!!!!!我o地成班人好似外國遊客嗎~~?!?!?結果一齊起身轉身走人~~!!!!當行出鋪外時, 門口有一婆婆(唔知係 sell 客/真係咁o岩住o係附近而出o黎吹吹風)知我o地搵o野食, 佢就話移前都仲有o野食 ,於是我o地各前行, 發玩一間唔多起眼, 當時只有一"木台"客的食店, 老闆見有客即時好 nice 咁出o黎招呼我o地 , 雖然餐牌上只有少一般冬茹亭的飯麵種類及少量茶餐廳飲品選擇, 而招牌菜亦只係泥鯭粥和紫菜湯 ,不過味道遠勝任何一間冬茹亭/茶餐廳~~~!!!!!!我o地叫了餐肉旦/餐肉香腸麵, 紫菜湯 & 蒜蓉炒白菜, 老闆首先送上紫菜湯, 內有魚旦粒, 叉燒粒, 蝦米 & 紫菜, 味道好清, 飲唔出有加任何味精 , 真係一鍋好美味的湯~~~~~~~~再o黎就係餐旦麵, 麵係用出前一丁(因為咬口同其他即食麵唔同) ,餐肉係厚切 ,加隻半熟荷包旦~~~~~之後來的