老三陽 (Moved) New Location

之前去尼間鋪買土產土貨嘅經歷真值得多寫幾句。一開始入去都唔理人，睇到想買多野先至態度微微改善。計數時好快加埋所有貨，完全未話清楚尼個菜几多錢，果個几多錢。好多野都唔算明碼實價⋯⋯計完數感覺好有問題，想叫佢慢慢再多計一次，塊面完全恐怖⋯⋯最后都证實左係計錯條數，差額都幾大。以前完全未試過買甘多嘢連張單都冇，加之后續回憶返佢嘅待客同埋計數過程，攪到心情極之差。我只知如果日後要去買土產，我寧可行多步過海去買。

訂左既蟹唔見左影!又話下晝到, 六點打電話去問, 鋪頭話唔係佢負責, 叫我打去運輸部運輸部話有單已經出左, 但講唔到比我聽幾時, 淨係比左個司機電話我, 打比個司機, 直接飛落留言, 再打比運輸部,佢話司機電話飛落留言, 佢都唔到架,0甘我話, 響到白等, 登到佢10點0甘點算?佢話, 10點佢都唔敢送黎啦.係咪比佢吹脹!7:30 pm 都未到, 想點?唔係話遲左唔得, 不過可唔可以有少少責任幫我跟下呢?好啦, 卒之7:35到左, 明明係訂太湖蟹點解變做陽澄湖?唔通雜誌報導完陽澄湖今年冇0甘好食滯銷佢詐詐帝送錯?算啦,唯有照食, 結果中蟹呢個價錢 ($48 / 隻),比起我一個星期前晌另一間買細蟹 ($35/隻) 差唔多大細, D 膏仲要冇0甘香.

一向愛吃甜點和QQ食物的我早就聽過寧波湯丸的大名, 一試之下簡直是驚為天人, 所以每次放假回香港都一定要特地到老三陽買湯圓回味回味~~雖然應該很多人都吃過, 但還是介紹一下吧包裝一點都不花俏, 也很有懷舊的感覺盒子側面也簡單的寫了是寧波名點裡面是封好的賿盤子, 共有九顆湯圓 (對我來說是太少啦)看的出來很新鮮, 麵糰水份很充足的感覺直接跳到完成品~剛熟的樣子, 湯圓呈橢圓形, 皮有些地方較薄, 透出裡面芝麻蓉的顏色 (湯頭是自家的薑湯)湯圓皮厚度剛好, 有嚼勁, 芝麻蓉超多, 又香又甜, 更有點沙沙的口感咬開後芝麻蓉會慢慢的溢出來, 而不是像水一般的流出來再一張側拍, 可以看的更清楚, 芝麻蓉很多很實在, 是’半固體’寧波湯圓料又足又便宜, 質素和味道比很多坊間糖水店要好多了, 即使加價到二十元仍然超值!

今日係重陽節但係家人下個星期先拜山, 所以今日係自由活動日見天色大好, 風和日麗, 老公一早問我想去邊, 係我無意見情況下去左梅窩登高整個旅程好好玩, 我2010年夏天後, 秋天初第一天郊遊, 十分開懷完程時決定到近timesquare的老三陽會一會大閘蟹時令即時令, 聽聞9月食乸, 10月食公, 但大閘蟹點都係乸多膏0的同老公一人二隻, 最後買了四隻二公二乸回家嘆蟹是老三陽的店員幫我地選的, 送埋紫蘇葉, 生薑, 赤砂糖我們還買了大家都讚好吃的湯圓, 大size的9粒 $20, 小size的24粒$20詢明店員哪一款比較好吃, 店員說小size的比較多人買, 而且開了出來給我看個size有幾小我覺得店員招待不錯, 快手又幫到忙回家很晚, 所以第二天下午才蒸來吃, 開始了2010年第一次大閘蟹宴本來我想洗蟹, 放在雪櫃的觸拿出來沒反應, 後來洗時, 牠們慢慢醒來了眼仔伸長了起來, 腳撐撐, 把我嚇倒了, 莫非之前是冬眠了??!還是請老公代為洗蟹, 我去煮湯圓好了, 湯圓用上薑同赤砂糖, 超口味是次十分滿意

大多數吃大閘蟹都在秋天吃，未必試過春天吃。想食就要試吓喇買咗三只$380一斤嘅6両半，共$458，平均$152一只，唔算貴。不知好唔好，所以不敢買多。哈！好得喎 勁甜、爆膏。兩個人食唔夠喉哩！另買了一包醬鴨舌$80，內有獨立錫紙包裝，好味有口感。比得上台灣至出名嘅"老天祿"，

由細到大最憎食湯丸, 尤其片糖湯丸, 糯米皮厚厚又少涵. 今年媽咪行過老三陽買咗盒小寧波返嚟, 令我對湯丸既印象完全改觀晒 (但只係對小寧波)1) 芝麻湯丸 - 無精美包裝, 1盒有24粒, size 比利川/灣仔碼頭細粒, 但皮薄涵多仲要唔甜, 我一個人食咗4粒, 食完仲唔夠喉… 大家激讚, 連又係唔鍾意食湯丸既家姐都讚好 !下年再 encore ;-)

今次買錯嘢。行過隨手四了盒豆沙湯圓回家做節, 老銅黃金地段索價廿元, 以為是自家出品。煮了出來, 粉圓極厚, 麵糰與豆沙餡乃九一之比, 軟糯欠奉 (可能是我放冰箱久了), 後來家母告知同樣東西在街市只賣 $15, 更加呻笨。看在 benefit of doubt 上, 今次先給 OK, 可能要到蟹季才再作定奪?

天气好潮濕，無食慾。係銅鑼灣行吓行吓，經過老三陽，便睇睇鰻魚乾，鰻魚乾係海魚，本身都幾鮮，点知又睇到新出品："太湖"出產嘅"白魚乾"。我係蘇州公幹都食過"太湖"最出名嘅"太湖三白"，即係:白魚、白虾、銀魚。食嘅時候係新鮮游水，好鮮味，香港未見過有得賣，因為養唔到，蘇州食都幾貴。一見到老三陽有白魚乾，買一條試試，有一呎長，賣88元，好抵，今時今日靚嘅咸魚秤金咁秤。返到屋企，蒸四分一條，好簡單，淨係加羗絲清蒸15分鐘，嘩！鮮到不得了，一家四口，最快食晒就係條白魚乾，不過，要小心有几多小骨，一定要慢慢食！隨時加餸，正！

屋企人一向都食開老三陽既蟹既! 大約2,3個星期前食,明明都仲好正既! 但係琴日都係去返同一間店買! 竟然失晒準! 買到返黎..煮好之後, 剪開條草之後...一隻蟹鉗甩左出黎~ 佢仲係齊口咁樣斷開既!!! 另外一隻,一隻鉗大,一隻鉗細! 好似k胎咁ga >.<" 仲有一隻有怪味!! d蟹膏全部食唔到!!! 我唸食蟹都係食頭一轉比較好la!!! 唉!! 鋪頭又太多人, 佢又唔俾我地揀!! 佢就拎左呢d俾我地! !

前boss和太太來港 4 天, 行程緊湊的他們預了一個lunch的時間給我(我們一家), 他們想在外面吃大閘蟹. 請我訂位. 不過我家的兩隻怪獸仔不可能乖乖的坐上兩小時吧. 還是在家吃好了, 況且昔日他們在港的日子, 所有大閘蟹party也是我負責蒸蟹的. 在老三陽買了12隻 “野生?湖蟹” $380/斤 (用紅白棉繩綑綁的) , 我以前沒有留意過有 “野生” 蟹, 除好奇外也以為 “野生” 會健康點. 由於很趕, 沒時間想是不是應該買一半養殖, 一半野生了. 本想依食友介紹的方法用水煮, 但老三陽的人說, 野生蟹的肉甜, 可吃性高, 不點醋吃也鮮味, 還是不要水煮, 以便吃到蟹肉的鮮味. 唯有下次買養殖蟹時水煮吧, 因為我很想試.野生蟹肉果然味鮮且有點韌, 但蟹膏很少, 黃色不鮮, 一點也不豐腴. 可知吃大閘蟹的目的是吃黃澄澄的蟹黃啊! 不知是不是還未夠涼? 聽說上海一帶今年比較暖. 但真的很失望……其實多趕也好, 我應該自己比量一下, 因為 “野生蟹” 比較輕手, 12隻才 $1450, 多膏極有限吧? 價錢不是問題, 我們只想吃好的! 可知前b

今年第一次食大閘蟹, 以往因為住九龍所以多數去九龍城肥仔記買不過今次剛巧路經銅鑼灣而上年肥仔記買既蟹都係一般於是把心一橫去左老三陽買蟹老三陽今年有幾款蟹選擇東太湖 (4-6両),陽澄湖(4-6両),東太湖野生蟹(5両半)今次先試左東太湖5両半左右既蟹所謂九月圓十月尖蟹乸時候近尾升, 公又開始岩時候不過因為貓爸愛食公, 乸實實既羔貓爸只有一般興趣所以買左4隻公1隻乸埋單402, 平均80蚊隻都ok返到屋企, 由於夜左貓爸胃口麻麻所以只係蒸左1乸2公另外2公就用濕毛巾放底放左入雪櫃先講個1乸2公乸既實實既糕有少許透明白既羔夠肥!!至於2公...羔都多, 不過未見透明白羔...仲差少少未係最好時候, 不過都算好係有少少未最靚最肥既"渴"味 (帶少許羔既苦味)(真係有少許, 未至好重既苦)至於第二日食既2公味都唔錯羔量都多!!配上貓爸既陳年花鵰絕配...滿足!!過左兩日想食湯丸又係老三陽買細粒裝芝麻湯丸(24粒, $18)另有大粒 (8粒, $18)皮唔會太薄, 又唔太厚芝麻夠香比超市抵食得多而且好味好多!!配上蕃薯彊湯, 又係一流既飯後甜品!!老三陽果然真材實料

踏入九月，囡囡已猛話要食大閘蟹，但市面未有供應，直至 21.9 在報紙上睇到老三陽的廣告話今年首批大閘蟹在 25.9 上市，於是在 25.9 中午便去買。今年的太湖蟹都好靚，6 両重的賣 $ 380 一斤，比舊年貴咗的，買咗 5 隻公蟹（鍾意食軟羔及肉多）共 $730。當然有送紫蘇葉、薑、紅糖及醋等。今次用凍水浸煮法，聽講話是上海人的存統煮法，可使蟹味更鮮、蟹肉更嫩。先將蟹洗刷乾淨，凍水放入紫蘇葉及蟹，蟹肚向上，猛火煮滾後蟹轉紅色便可。果然，蟹羔軟滑甘香，蟹肉豐盈美味， 正！

老三陽是幾特別的南貨舖，來買些上海醬料，發現當眼處放著為數唔少的綠色果品，一年當中只有清明時節前後供應的清明果，是日所見就只得芝麻同紅豆餡，再問有沒有鹹的味道，伙計話今年只得甜果，已有好些日子未嚐過，就買盒同食友分享。是糯米加上艾草（鼠尾草）汁做的皮包著紅豆餡的祭祖果品，口感軟糯又帶陣陣艾草獨得香氣，與微甜的紅豆餡幾夾的（但有微微鹼水味），聽說艾草同斑蘭葉一樣有驅蟲之效，春雨天能去濕寒，佩服古人傳下來的點滴智慧。

週日往同事家開P，答應了主人家要弄桂花酒釀丸子，就前往老三陽買酒釀($12)和桂花糖($25)這兩種主要材料。老三陽的酒釀很香，很新鮮，所以酒味不會過重，對勁了。放在糖水裏加熱，熱騰騰地喝下去很爽。這兒的桂花糖偏乾的，不像有些其他南貨店賣的，以較多的糖水浸著；沒有太甜，但桂花香味較重，一瓶可以用上幾次。店家也很細心，怕我的酒釀會漏汁，為我加了紙皮固定。價錢合理，賣的貨品真材實料，份量十足，老三陽果然是老招牌，質素有保證。

一早想試下自己蒸大閘蟹，事前上黎睇睇大家有咩推介，見老三陽評價最高又近我。好！就去買幾隻同老豆擦餐飽。揀東太湖出品$320一斤，幫我揀蟹嘅老伙記話依家嘅蟹最靚，其實唔使點揀。兩公一乸索價$300，點計都抵過出街食！最爽係提供埋紫蘇葉、薑、蟹醋同紅糖，$15買埋套蟹剪，perfect！返到屋企同蟹蟹洗白白，佢地隻隻到好乾淨，仲眼斬斬，果然生猛！老豆寒底加上年時漸高，食一隻！哈哈，我有兩隻！先開左隻大成兩個碼嘅公，唔，未至於爆羔，但都好靚好金黃，對辨！由於上週開始轉涼，透明羔開始多，十分甘香！掛住食，完全冇留意老豆嗰隻咩環境，但佢話都可以。我同老豆兩個密密手食蟹，一言不發，食素嘅媽咪對住個雜菜煲，全程俾我地悶死。公嘅KO後，轉戰待至微涼的蟹乸，細隻好多，但反而爆羔！橙紅色結實注滿蟹蓋蟹身，甘香的軟羔加上結實的硬羔，正到爆！跟手煮好驅寒暖胃的紅糖薑茶同老豆媽咪分享，完美的一餐！對於冇咩廚藝可言的我，也能輕鬆應付，我以後都會多D買返屋企同朋友家人分享！