聚小館 (Closed)

之前見過介紹呢間都算新的餐廳，聽講話係前五星酒店大廚開嘅，一直想試。呢次同個鐘意食海鮮的朋友黎一試。OpenRice 寫港鐵A2出口，但完全搵唔到A2,而A出口係去反方向的⋯行咗個大運先去到店面雖然唔大，但整潔明亮，都坐得舒服。幾位店員小哥友善親切，會黎介紹店內的菜式。因為有叫蝦蟹，中間又會自動黎幫忙換乾淨碟，服務態度👍🏻（唔知同友人不斷叫海鮮有無關😆）總結呢間小店十分適合三五知己黎晚飯，嘆下精緻高水準中菜。餐牌菜式唔多，但樣樣精緻有水準，店員話其實大廚有好多拿手菜，想食乜嘢下次可以預先打電話訂定。菜式份量不多，啱晒鐘意試菜的女士，如果有大食男士，最好叫多個炒飯食飽肚。

標榜中菜廳大廚主理，決定由燉湯試起.由於當天已晚飯，就外賣一碗決明石斛燉湯(賣剩選擇唔多）回家後打開，有中伏感覺！外賣例湯碗，只有2/3滿，幾粒瘦肉+送鮑魚殻一隻.飲落稍咸，有味精.$97蚊基本可買10碗例湯價錢！咁樣交貨，擺明俾個機會留下差評

3個女仔一齊食飯，睇果籽介紹嚟咗呢間中菜大廚係前澳門五星級酒店，由於個人比較多諗頭 鍾意試新菜，最後離開酒店呢啲SOP又冇乜自由度嘅地方機緣巧合下 同相識幾10年兄弟們一齊夾份開中餐～ 響螺頭姬茸燉湯：足料好飲，每個人燉盅內有雞腳、姫茸菇、螺頭片、豬肉等配料炸子雞： 色香味俱全，唔好睇佢有咁多辣椒以為好辣，其實純粹係令炸子雞啲辣香味出啲，食落微辣 （本身鍾意食辣嘅人會嫌佢唔夠辣，我哋都唔算話食得辣，但都覺得辣啲會更惹味）椒鹽魷魚：呢個真心好食😋 炸得好鬆脆，魷魚鬚唔韌唔乾身，味道啱啱好，越食越上癮黑松露脆皮蘑菇卷：黑松露味突出，配搭金針菇同（另一隻菇，唔知叫咩名😹），試吓無妨魔鬼炒飯：店舖出名菜式，一定要試魚湯浸白菜仔：正常發揮，不過不失，性價比低，因為$88 菜嘅份量唔多，如果多番少少會好好（純個人意見）樓面哥哥好熱情推介，服務態度好，臨尾仲送一個凍盤 冰梅車厘茄，呢個車厘茄好開胃，雖然有酸梅輔助，可惜我哋三個都覺得太甜，如果可以減低個甜度會更正

呢一間係有大排檔風味嘅酒店級企理小店。四個人總共叫咗四個餸。黃金雜菌豆腐煲真心有驚喜。豆腐外皮煎得香脆，煲仔夠熱，雜菌好入味，好正。椒鹽鮮魷賣相同做法都同其他餐廳好唔同。鮮魷實際上好細粒，但個炸漿外皮好薄好有空氣感，配埋炸蒜幾好食。招牌魔鬼炒飯真係幾有特色，應該落咗少少豆豉鯪魚去炒。米亦都唔係普通米，比較煙韌有咬口，食到停唔到。（油麥菜唔記得影相😂）豆豉鯪魚炒油麥菜幾夠鑊氣，不過因為同魔鬼炒飯都有用豆豉鯪魚，味道上有少少重複。同埋如果豆豉鯪魚粒可以大塊啲，我會開心啲。餐廳食物味道賣相俱佳，整體偏大排檔濃味feel。另外餐具有心思，公筷不同顏色，廁所乾淨，侍應有禮貌。總括來講推薦👍

🇭🇰聚小館·呢間又係我哋睇雜誌見到好似幾吸引 所以就去咗試既餐廳😈不過我哋去嗰日已經八點幾 佢地有啲菜式已經賣晒 唯有下次再試😎·招牌魔鬼炒飯$68呢一個真係招牌 我地兩個都超級鍾意😍佢係一個豆豉鯪魚炒飯 食落個味同平時既炒飯好唔同 佢個醬汁超惹味 有少少辣咁 但係唔會油膩 輕鬆可以食曬成碟 而且佢炒得好乾身 好味🤤🤤·杏汁燉白肺湯$78 l 姬松茸燉響螺湯$98佢個燉湯真係細細盅咁樣 好夠熱 佢個白肺湯杏汁味唔算話太濃 係一個飲落好舒服 好滋補嘅湯 之後佢個豬肺口感都唔錯😎個響螺湯我自己就覺得有少少太濃味 不過佢入邊都幾多響螺 同埋佢入邊嘅雞腳係燉到淋晒☺️☺️·家鄉碌鵝$238 l 魚湯浸菜心$88我哋本身其實係想試佢個炸子雞架 但係佢已經賣晒😭所以我哋就試咗呢一個碌鵝 我覺得佢個汁都幾特別嘅 不過佢入邊份量唔算話好多 因為佢有好幾舊係無咩肉嘅🤭個菜心都唔錯既 煮到岩岩好 不過佢個魚湯就唔喺俾你飲個種 因為比較鹹🤣🤣··📍大角咀大全街41號地舖

難得幾日長假期，梗係約埋班朋友聚一聚。平時比較少去大角嘴一帶，食肆林立真係勁多選擇，諗住揀中式小菜適合多人一齊食，之前有朋友食過呢間極力推介，一於試吓！一行9人訂咗6點晚飯，到門口已經見到得返我地張枱未有人坐，咁早已經咁full，相比同街好多間都仲未有客。門口貼住好多大廚嘅報導，年紀輕輕已經響文華東方酒店做行政總廚，來頭不小。我哋成班朋友叫咗好多野食：1）七味豆腐粒—外脆內軟一啖一粒 👍🏻👍🏻2）香菌腐皮卷—有少少黑松露炒過嘅什菌味道幾好，腐皮香口，略嫌過火少許👍🏻👍🏻3）香醋拍青瓜—少少辣，味道尚可👍🏻4）辣子雞—呢個極力推介，以為成碟辣椒會勁辣，點知一食超級惹味唔會辣得過份而搶走雞本身嘅鮮味，個個都不停讚👍🏻👍🏻👍🏻👍🏻5）脆皮龍崗雞—好似平時我哋食炸子雞咁，不過外皮香脆啱啱好，雞肉夠juicy又嫩滑👍🏻👍🏻6）拔絲咕嚕肉—我個人好鍾意叫嘅餸，因為屋企整唔到，肥瘦剛剛好，食落仲有少少脆，甜酸味道調較得非常夾👍🏻👍🏻👍🏻7）台式茄汁牛肋肉—餸飯一流，夠入味夠腍👍🏻👍🏻8）什菌豆腐煲—小朋友食唔停口👍🏻👍🏻👍🏻9）魚湯浸時蔬—個魚湯底真材實料，飲哂咁滯👍🏻👍🏻👍🏻10）木耳百合炒勝瓜—

見有新開小炒菜館，就約埋朋友一齊去試試~椒鹽豆腐細細粒，大大碟用嚟開場岩岩好金沙小排骨，炸到脆脆係必需，但外脆之餘內面d肉係有肉汁!正講到前菜~真的不得不講那個冰梅車厘茄，酸甜夾得岩岩好，唔會梅味搶走車厘茄嘅新鮮味，車厘茄嘅鮮甜又唔會蓋過梅味嘅酸味~一陣風就被我地殲滅😆😆先嚟一個水煮牛，平時出面嘅水煮牛都係普通嘅手切牛肉片，d辣味都會蓋過哂d牛味，但呢次真真唔同。。勁牛味有，每塊牛肉都帶少少筋，好有口感又唔會韌口難咬，睇到牛肉係岩岩熟重帶少少粉紅☺🤤再嚟每人一隻粉絲蒸聖子皇，不單止海鮮新鮮火喉亦拿捏得好準確，聖子爽口清甜豉汁唔係個d死咸味，放係下面墊底嘅粉絲都唔會係油淋淋，拆殼將聖子粉絲豉汁撈埋一齊食真係想encore多隻(點知。。已經賣哂😅) 半隻炸子雞，肉嫩皮薄真係有驚喜瑤柱蛋白炒飯，瑤柱絲好似見唔到咁，但一入口個嗰朕瑤柱味衝哂入嚟，再細睇先知原來佢地d瑤柱絲絲得好幼同埋勁多，唔怪之得個味咁香🤩服務員又好好~好有禮貌，環境唔大但坐得好舒服💖👍🏻飲飽食醉朋友已經相約下次再幫襯！(已經諗好將未試到嘅菜都要試一次)

newly open restaurant in taikoktsui. started at jan 2021 and im the first day customers to them. now it becomes my routine lunch place becoz it high qualoty of food.its a very competitive area thats mean u must hv sth talent to shine among the others. the places full of all countries restaurant. what it can stand out let me explain a little more.it choose 8-10 dishes which are very unique in the places, it not normal likes hk restaurent, it serves "fries food" for example the fries noodle and fr

讚1.環境幾企理，乾乾淨淨咁2.部份菜式無幾好味既，凍盤煎鮑魚做得入味，腍滑既；白肺湯有水準，有杏香，又唔會帶沙既口感，肺洗得乾淨，切得大小仔細，入口夠味；炸蝦仔既椒鹽味道係入味既；魔鬼炒飯係好味，辣香滲得平均，鯪魚去左骨，炒飯炒得乾身唔油，但入口又唔會好乾硬咁，有水準3.Sake都算平彈1.有啲仔細位要執一執，好似椒鹽蝦既殼就明顯太硬；咕嚕肉切得大細平均，一口一個，漿都炸得好既，問題係太鹹；如果佢平時啲茶記或者屋村酒樓就梗係唔使講究，但呢度係講緊中價小菜館，就要講究下啦