自家製韓國刀削麵 (駱克道)

Open Now

Now Closed

試咗依家喺銅鑼灣嘅刀削麵，好好食呀～！見到好多人都外賣啦，包括KeeTa ，foodpanda我同朋友喺度堂食～叫咗個海鮮火鍋配刀削麵，份量超大！入面有好多海鮮，包括八爪魚，蜆，青口，蟹，蝦同埋元貝！八爪魚超級大隻，係成隻上～成個手心咁大！好抵食呀！蜆嘅數量都好多，我同朋友食咗20至30 隻都有喎～！每一隻都幾多肉😆😆😆而且青口都好多❤️而蟹就好鮮甜🤩我飲埋個湯因為吸晒啲海鮮嘅味！店員同我哋講刀削麵可以後上～我哋等海鮮食得7788😆上埋刀削麵❤️❤️刀削麵上嚟嘅時候仲冒着熱嘅煙～咬落去好彈牙！後尾先知原來呢一間都係李家集團嘅～之前食過佢嘅炸雞，好好食！呢個集團睇嚟普遍出品都高質～🤩🤩🤩

夜晚收工同同事嚟銅鑼灣搵食，見到呢間韓國餐廳好乾淨企理，走入嚟試吓，估唔到好驚喜。我地叫左一個海鮮火鍋配刀削麵，超級大份抵食。首先是火鍋本身，湯底清澈透亮，飄散著海鮮的鮮甜氣息。鍋中浮著各式新鮮的海產，從肥美的蝦到鮮甜嘅八爪魚，仲有青口、帶子、蜆，每一樣都散發著誘人的香氣。而作為配菜的手工刀削麵更是大放異彩。麵條筆直修長，質地彈牙，在火鍋湯汁的浸泡下散發出麵條特有的Q彈口感。每一口都是麵條與湯汁完美結合的完美體驗。

和朋友在銅鑼灣逛街，走著走著就想找東西吃了，剛好看到這家韓式餐廳，餐廳以刀削麵為主打，在香港真的很少見呢，進去試試吧。海鮮火鍋配刀削麵 $388海鮮火鍋的配料有原隻章魚、新鮮蝦、扇貝、蛤蠣、蟹、青口、蔥、翠玉瓜片、金針菇、芽菜、白蘿蔔等，種類豐富，配料份量十足，湯底清甜。店鋪建議海鮮要蘸上黃芥辣醬，並且要加醬油攪拌均勻，醬汁能夠突顯出海鮮的鮮味。吃完海鮮後就將刀削麵放進湯中煮，刀削麵比較粗，口感有彈性，即使煮過一段時間也不會變得軟爛，再加上泡菜一起吃，清爽又美味。無糖可樂 $15

好耐冇出銅鑼灣食飯，冇諗到呢度開咗一間韓國餐廳😳😳今次特登過嚟食佢嘅海鮮刀削麵！餐廳職員非常友善，空間感都唔錯，唔會太迫！海鮮刀削麵 $388完全冇諗過會咁大兜😂佢會放個爐喺你前邊自己滾，基本上成個兜入邊都係材料！非常足料！蜆、蝦、原隻八爪魚 🐙、蟹等等！🤤🤤🤤食極都仲有😂😂真係好誇張之後店員就會上刀削麵可以自己隨心放入去煮~~ 刀削麵好彈牙好好食，而且湯底非常好飲！同朋友兩個人都食唔晒🙈🙈

下班後跟男友來了的這家韓國菜餐廳，見到他們的清湯海鮮火鍋配刀削麵餐牌賣相不錯，於是就食佢，二人份量$388價錢還算正常～每人一份泡菜前菜，泡菜無異味幾新鮮😆餐點的亮點無疑是那份清新而鮮美的海鮮火鍋。大蝦、原隻八爪魚、青口、元貝以及海蜆，在清澈的湯頭中煮得恰到好處。湯頭清淡充滿海鮮鮮甜味，金針菇和新鮮的瓜片增添了火鍋的口感層次👍🏻而搭配火鍋的自製刀削麵同樣出色。麵條Q彈有勁，吸附著解甜的湯汁，加了辣醬更加好吃😋

刀削麵就好多人都食過啦，但韓式嘅刀削麵你又食過未？😳今日收工去咗銅鑼灣，見到呢間店裝修都幾有韓國嘅味道，就即管俾個機會佢試吓🙂‍↕️本身諗住散嗌嘅，但為咗同朋友打卡 就嗌咗呢個「海鮮火鍋配刀削麵」share, 係2人份量嚟架，千祈唔好唔小心嗌咗兩份🤣火鍋一上枱，即刻眼前一亮😱咁大隻八爪魚🐙🐙原隻上真係好少見‼️海鮮配料真係多得誇張‼️數唔到有幾多隻青口，蜆肉，帆立貝⋯仲有四隻大蝦🦐真係超足料！而湯底本身係比較清嘅，如果鍾意濃味嘅朋友仔就要自己加芥辣醬，，韓式辣醬，豉油，麻油，鹽等等嘅配料～全部枱面都有齊，可以自由配搭🥰值得一提嘅係，佢哋嘅泡菜都幾好食，冇平時食開嘅咁辣，唔怕食到出晒汗😬自己都添咗兩次～隔籬枱都有叫店員再加🤤

星期日碌Openrice搵晏食，比我見到間新野，睇完menu唔算貴就試試佢🤔12:40pm左右，喺門口見到入面冇客就即刻想縮沙，但係因為唔太貴就比次機會🤐午市套餐$68起免加一，見食評啲人話蜆夠多又好味，咁就唔考慮其他。除左鯷魚湯麵，其他都要+$20，後尾見隔離枱嗌辣拌麵真係得啲麵，好似冇乜餸咁🤔 英文寫with mixed vegetables，但係裝到隔離枱係得大豆芽🤔我地帶旺左間舖，食食下已經8成滿座，有日本人,韓國人,ABC,香港人😂一坐低已經每人一碟泡菜，跟餐有一隻大餃，同一罐汽水/雀檸，可以揀支裝水，但係枱面已經有水比你任斟😂 大餃嘅肉餡好多，每一啖都覺得滿足🥰 泡菜餃有少少辣，完全唔食得辣嘅人請唔好揀😛 蜆有超級多隻，唔會淨係比殼你食，因為甩左嗰啲真係搵得返蜆肉😆 極少量係有沙。圖2係兩個人嘅蜆殼🤭翠肉瓜都唔少，麵量更加係食到你飽飽 (佢冇少麵呢個選擇)🤢 湯底好有蜆味，但係完全唔會覺得咸，味道岩岩好，好難得食完野唔會覺得口渴👍🏻環境方面，佢樓底唔高，坐邊個位都會比個冷氣吹住哂😅總結: 絕對會再食，希望之後仲keep到水準，怕佢蝕住做就減少蜆嘅份量☹️

同朋友食個快lunch, 見銅鑼灣開左呢間刀削麵店，就試試啦！店鋪座位唔算多，Menu都係以幾款刀削麵為主。Lunch set: $681. 大豬肉/泡菜豬肉餃子（一隻）揀左大豬肉餃子🥟真心好好好大隻！仲要唔係少少餡果啲，係滿滿都係餡呀！配埋附送既泡菜一齊食，勁惹味！2. 花蛤刀削麵+$20湯底勁鮮甜，有花蛤既鮮味！成碗湯麵份量真心大，有紫菜、翠肉瓜、蛋絲、蔥花、韭菜、仲有…花蛤約兩打！！！！！！！無錯呀！係約兩打呀！！啲花蛤食極都仲有咁！不過有啲花蛤吐沙吐得唔乾淨，會有咬到沙既情況出現。翠肉瓜係厚切呀，都有5、6舊咁多，而且煮得啱啱好，唔會過熟👍🏻👍🏻3. 雀巢檸檬茶/汽水/支裝水一個set計晒就$88，lunch來講有少少貴，不過絕對係物超所值呀

呢排係社交平台 瘋狂見到推介嘅刀削麵而家都開到三間分店 尖沙咀同元朗都有即係港九新界都可以食到😂今次去銅鑼灣分店6:00pm入去一個人都未有到七點開始就已經爆晒棚😮‍💨有五款刀削麵 另外都有餃子煎餅唔算好貴 要加一一坐低店員就會送上泡菜有需要之後可以refill花蛤刀削麵 ($78)一上枱勁大碗！都算幾多花蛤花蛤正常大細 唔算好有鮮味但都食得過 個湯有少少調味 清清地都ok上面有紫菜蛋絲 仲有啲翠玉瓜重點當然係個刀削麵 係黃色嘅似好粗嘅日式拉麵 份量超多食落口好有口感都有啲煙靭係我鍾意嘅麵質！😋牛骨湯刀削麵 ($78)呢個得三塊牛肉 正正常常個湯都幾重牛味 不過個人覺得有啲騷其他配料都一樣 覺得花蛤好食啲😎整體都幾好食 如果唔使等位嘅話都可以試吓～

當晚收工落雨約咗朋友去到銅鑼灣食飯，加上舖頭新開張，唔使點排隊就入到，餐廳室內光猛，佈局有啲似韓國家庭式嘅裝修，有空間感坐落都算寬敞，以銅鑼灣嚟講呢間價錢性價比還可以。收工約咗人想速食，但又唔想成日食三哥譚仔，都可以試吓韓國刀削麵。今次我同朋友嗌咗花蛤刀削麵同埋雙拼餃子（豬肉/泡菜），我對碗刀削麵印象幾深刻，首先滿滿花蛤份量十足，碗湯好鮮甜，配有紫菜同蛋絲，清甜得嚟好解渴，一啲都唔油膩同滯，店主亦落足心機處理花蛤套沙，每一隻花蛤都食唔到有沙石，難得我食完啲麵仲會飲晒佢添。平時出街湯底會過鹹，我就算唔飲啲湯都會係咁飲水，但呢碗竟然令我喜出望外，所以以($78)湯麵我會比💯分。舖頭主打嘅刀削麵雖然唔係手打，但十分之煙韌，絕對唔會令大家失望，感覺有啲似日本拉麵，比較粗身；店主都唔吝嗇，份量都幾多下，食完碗麵再加2隻餃子都好夠飽。但扣分位係蒸雙拼餃子🥟，餃子皮薄、餡料好足，好似手掌咁大嚿，但就略嫌餡料裏面有太多粉絲。尤其係豬肉餃子，粉絲蓋過餡裏面嘅豬肉；而泡菜餃子，泡菜有點過辣又太過乾身，同樣地又係粉絲太多，有點兒喧賓奪主，可能因為店主係韓國人，唔係太適合本地人口味。食完碗刀削麵再加粉絲餃子，

手工製作的韓國麵：Q彈又份量十足，值得推薦！這家餐廳的手工餛飩真是地道美味，不僅口感Q彈宜人，而且份量十足。特別要提的是他們的湯底，以牛骨熬煮而成，賦予湯頭濃厚的紫菜風味，絕對令人驚艷。店家提供溫馨的家庭式服務，讓人倍感親切舒適。此外，泡菜任選添加，價格實惠且物超所值。有一點小遺憾的是，無法品嚐到任何酒精飲料，略嫌可惜。下次我一定要試試他們的餃子和煎餅，期待能夠帶來截然不同的驚喜。總的來說，這裡的韓國麵實在是值得一試，絕對是極具性價比的美食之選！

估唔到韓國嘢食都有嘢啱我食！韓國餐不嬲都又多鹽，又多油好少有花甲又唔落重胡椒嘅菜式我不嬲好怕食油膩嘅嘢，所以呢碗花甲麵係好啱減肥人士食啲花甲好多好足料😼前菜泡菜仲要任添❤️朋友喺英國返嚟都大贊😘我好鍾意啲刀削麵嘅口感好煙靭🙌🏻個湯底仲要唔係好重味精味😎比我想像中更加清甜😆份量都幾大，所以試唔到啲餃子🥟下次再試！坐隔籬有一對韓國人，佢哋個樣都好似幾滿意😀好彩港島有一間，如果唔係就要走到尖沙咀先食到如果中上環都有就好啦，午餐可以去食

之前在尖沙咀返工諗過去食lunch，但係超勁多人一直無去試，依家發現灣仔有分店，依家灣仔放工就一於去試下。一入門口就係韓國人招呼，但唔洗驚，因為係電話落單，同埋入面有員工係香港人黎。入去坐低就會獲得泡菜一小碟，個人覺得個泡菜幾好味，又唔會好辣，岩岩好。由於晏晝超多人，所以都對佢抱有期望。期望愈大失望愈大，因為餐廳名係自家制韓國刀削麵，所以覺得麵一定係正野。叫左個花蛤刀削麵，無期望既咁好食，味道唔差，但又唔係話超好味。個麵條既質地有少少似辛辣麵再煙韌少少，粗過辛辣麵咁，都唔錯既，個湯有紫菜蛋絲都幾好，個花蛤就無menu咁多，好細粒，無咩特別。另外叫左個雙拼餃子，個人覺得係必食！超大粒，最正係咬落去啖啖肉又juicy豬肉餃同泡菜餃，個人比較中意豬肉餃，食過會想再食。而泡菜餃就覺得個辣油可以重手左少少。最後仲叫左個五花肉泡菜煎餅，見到泡菜煎餅真係忍唔到口，煎得脆脆口，又唔算熱氣，真心推介，會想繼續食呀。總結：麵就無咩特別，餃子好好味，煎餅都好好味，下次再黎食過。

夜晚去銅鑼灣同朋友行街經過駱克道見到一間新開嘅韓國刀削麵餐廳， 見到佢門口啲menu相幾吸引就入去試。 入到去，個裝潢同佈置竟然同我當時去韓國既餐廳無分別咁，連牆上既餐牌都係韓文，真係好似去左韓國咁，勁地道囉!入到去叫咗碗牛骨湯刀削麵，麵夠彈牙，湯夠清甜，美中不足既係牛肉比較細塊，如果可以大塊d就perfect海鮮蔥餅，煎得夠香，料又足，食完真係勁滿足仲有可以無限refill嘅新鮮泡菜， 用嚟送麵一流。總括來說 : 價錢同味道都十分不錯，如果種類可以多返少少就無得彈啦